Wiɛɛlaa 2
2
Kɔraawiizi Dumnanii balaa wia
1Ba Hɔpizizeŋ bɛl banna yir Pɛntikɔs#2:1 Pɛntikɔs zɛɛrɛ hɔpizaa tokkoanɛɛ ni fi Girik mɔɔri biini.#Levi 23:15-21 n wa helle, Yeesu hiŋra la maa chaali bɔkpaŋ. 2Ban du de la, ba nuu kɔɔi bɛl n na kɔɔ chiŋ di wa zuu di ra kɔɔ dia la baŋ soge la biini maa, alugɔ pezeŋ n na ta. 3Ba binni di na kuna aŋhina n na lau lugɔ ninlau. A izi di yaari a dia biini hina maa ni di sagzi ba maa nyuuni ni. 4Denii Kɔraawiizi Dumnanii izi baa, ba ra mɔɔ mɔɔdumazi di lii u fɔŋŋa la un tɛɛ baa la biini.
5A saŋa, Jus hina lii yemmaa di wa du Jɛrusalɛm di ɛɛ wiijaama. 6Baŋ wa nuuwɛ banna kɔɔ ba chaali werge di ba de. Bɛl maa nuu banna ŋɔ wia u himmaa mɔɔri biini. 7A tir ba maa werge. Ba ra pɛɛzi dɔŋa, “Nɛra naa n na ŋɔ wia naa, Galilii hina lɛi ba maa? 8Ka ɛrɛɛ a ɛɛ ba wer di ra mɔɔ yaa mɔɔrizi yaa maa ra nuuwɛi? 9Hɛrkpila maanii yaa lii, Partia, Mɛdia, Ɛlam, Mɛsɔpɔtemia, Juda hɛri, Kapadosia, Pɔntus, Eesia, 10Firijia, Pamfilia, Ijip ani Libia la n dugli Sairini la. Yaa baŋhina lii Room ba. Yaa baŋhina ɛɛ Jus hina. Yaa baŋhina ge waa Jus hina ɛɛwɛ ka ra jaami ba jaamaa. 11Yaa baŋhina ge kaa lii Krit#2:11 Krit sɔŋ bɛllɛ Kaftɔ. ni Lɔrbizi hɛri Yaa mɔɔrizi kurgɔɔrɛ. Ka yaa mɔɔrizi biinii ba ra ŋɔ Kɔraawiizi nuukpuuri wia di ra chɔluu yaa maa ra nuu la.” 12A tir baa werge maa. Ba ra pɛɛzi dɔŋa, “Wia naa zɛɛrɛ ɛrɛɛ naanɛi?”
13Baŋhina ge ra ɛɛ baa chɛɛtɛ di ra ŋɔ, “Sinnɛ ba nyɔɔ ra dɛɛzi.”
Pitta amaniye lizaa wia
14Denii Yeesu hiŋra fidibanɛɛ la izi. Pitta ŋɔ ni bɔkpega, “Juda hɛri hina ani ii banla maa n du Jɛrusalɛm, ií ra nuu n be ń di wibii bɛl tɛɛ ia. 15Ii ra binni lugɔ sinnɛ ra dɛɛzi nɛra naa, ka a waa sindɛɛza ɛɛwɛ. Chɔɔzii haa la. 16Ka wia naa iin nawɛɛ zinaa naa ani wia la Kɔraawiizi dɔgtɛɛ Jowɛl n faa ŋɔwɛɛ la maa ɛɛ wikpannɛ. U faa sɛbɔɔrɛ,
17Kɔraawiizi ŋɔwɔɔrɛ,
‘Di durnya tunaa hɔpizaa waa pizi,
n daŋ kpa n Duma du
nɛra maa ni a saŋa.
Ii biibaala ni ii biihaana maa daŋ ŋɔ wia n fɔŋŋa biini,
ii biipɔllaa na wia aŋhina
alugɔ deeza biini,
ii bazɛŋzi gba
a deezi deeza.#Jowɛ 2:28-32
18Haali n daŋ kpa n Duma
du n balaa gba ni a saŋa,
baala ni haana maa ni,
bá ra ŋɔ wia n fɔŋŋa biini.
19N daŋ bagli nuukpuuri wia
chiŋ ni hɛri maa biine,
chal, niŋ ani nyɔɔzi
daŋ du bɔr maa.
20Wiizi daŋ bir biri,
baagu ge bir aah
lugɔ chal ka n
Hɔpizii la haa hel.
21A saŋa, nɛr la maa n niŋ yir n sɔŋ ń lɛɛu ha,
n daŋ lɛɛ a hiŋ ha.’
22Awia, Jus hina, ií ra nuu n be. Kɔraawiizi faa hum Yeesu n lii Nazarɛf labuu tɛɛ ia, u faa du ii benii ɛŋ di ra ɛɛ wizenaa, nuukpuuri wia ani witittaa u fɔŋŋa biini. U wiɛɛlaa la biinii yaa chi zum lugɔ Kɔraawiizii faa humuu. Ii ge gba zum a wiarɛ. 23Waabuu ii faa gil wichɔgɛɛra kpu daakaŋlii ni la. Kɔraawiizi n zum wii la maa n niŋ ɛɛ la, waabuu faa felee dau guŋ, guŋ wa ɛɛ. 24Ii kpuu, ka siu waa wette kpogluu, dikuubɛɛwiai, Kɔraawiizi chɔgi siu fɔŋŋaa ka lalluu lii siu biini. 25Deevid faa sɛbi u wiarɛ di ŋɔ,
‘N na Kɔraawiizii n see saŋa maa,
dikuu un du n be wia,
n chigɔɔ chigigi.#Yira 16:8-11
26Awiarɛ n bɔra sɔɔni.
N wiŋɔzi maa
ɛɛ bɔsɔna wiŋɔzii.
N bɔrahɔŋ wia wàá ka tiriŋ
dikuu miŋ dɔɔ tamii wia.
27N ɛɛ i Biinaniinaniirɛ.
Hàá giliŋ ta ŋmam biini,
gɛɛ di gil
mìŋ́ i biinaniinanii
bɔrahɔŋ pɔɔh.
28I ɔɔ ra baglimbuu gunla
nɛra n ninna hiŋ
di na miibɔɔ.
Di n wa na i siwee ge,
n bɔra daŋ sɔɔni.’
29Too. Yaabalaa, ií gil n ŋɔ yaa naabaal Deevid wia la á chaani nɛnnɛ. Waabuu siuwɔɔ. Ba kpau hug. U ŋmam haa du yaa be haali ni zinaa. 30Ka uŋ ɛɛ Kɔraawiizi dɔgtɛɛ bɛl wia, Kɔraawiizi ge n ŋɔ nua tɛu lugɔ u daŋ gil u lulli bɛl kaa di kora la, 31awiarɛ u wer feli sɛbi Kristo siu biini izaa wia guŋ, di ŋɔ wàá ta ŋmam biini, u bɔrahɔŋ ge wàá pɔɔh la. 32Yeesu naa minna ŋɔ u wia naa, Kɔraawiizi lalluubuu lii siu biini. Yaa maa nau di ɛɛ u daansɛɛ hina. 33Kɔraawiizi kpau kaali chiŋ u ga du u be, u gil u so u nodig nabɔmbɔr di kaa tɛu u Dumnanii gunla uŋ faa ŋɔ nua la. U Dumnanii hinnɛ Yeesu kpa du yaa ni la. Wia la maa iin nawɛɛ ani wia la maa iin nuuwɛ zinaa naa, a zɛɛrɛ la. 34Deevid ni u bɔrahɔŋ haa waa Kɔraawiizi bol zuuwɛ ka u faa ŋɔ,
‘N Dɔɔri Kɔraawiizi ŋɔ n Dɔɔri be
lugɔ u so u nabɔmbɔr naa#Yira 110:1
35ka ú gil u dɔma
birgi u yoma.’
36Awia, Izrɛl hina, ií maa zum nɛnnɛ zinaa lugɔ Yeesu la iiŋ kpu daakaŋlii la ni la, waabuu yaa Dɔɔri. Waabuu Kristo la. Kɔraawiizii gillɛ guŋ ɛɛ.”
37Nɛra la n wa nuu guŋ, a zuu ba nyuuni werge maa di tir baa. Ba pɛɛzi Pitta ni Yeesu huŋhunna la maa, “Yaabalaa, ɛrɛɛ ya jaa ɛɛ naanɛi?”
38Pitta ŋɔ ba be, “Ií maa gil ii biine chɔgi dikuu ii wichɔgaa wia, di gilaa ta, ka ba ya sɔ ia Kɔraawiizi nii, ií ra hiŋ Yeesu Kristo. Di ii ɛɛ guŋ, Kɔraawiizi daŋ gil ii wichɔgaa tɛɛ ia, ka kpa u Dumnanii la sunzi ia.#Luuk 24:47 39Kɔraawiizi n faa ŋɔ nua dí u daŋ kpa u Dumnanii sunzi nɛra la, a saŋaa keŋ. Awia, ii ni ii biizi ni banla maa n du bɔɔnɛɛzi ni banla maa yaa Dɔɔri n na yir ii ba u be la wiarɛ Kɔraawiizi faa binni, ka ŋɔ a nua.”
40Gunnɛ Pitta ŋɔ wia tɛɛ baa guŋŋ di ra fɔrgi baa werge di ŋɔ, “Filaŋkeŋ, wichɔgɛɛra kpillɔɔ werge. Ií ɛɛ ania di lizi iihinaa nɛchɔgaa la Kɔraawiizi n niŋ wa kpa ba wichɔgaa kim di turgi baa la biini.” 41Uŋ wa ŋɔ guŋ, bakpila maa yardi u wiŋɔzi la. Ba sɔ baa Kɔraawiizi nii. A nɛra hel kagboŋa ahoro. Ba ba wa jaa Yeesu hiŋra ni a hɔl hiŋ.
Nɛra la n Yardɛɛ de dui wia
42Ba ɔɔ chaali ba be ni bampirkpaŋ di ra helli Yeesu wia u huŋhunna la be. Ba maa ɔɔ chaali bɔkpaŋ di ra di, di ra jaami Kɔraawiizi.
43Yeesu huŋhunna la ra ɛɛ nuukpuuri wia ni wizenaa. Ɔnsii lau nɛra bɔr maa. 44Banla maa n yardi Yeesu la dɔɔ nuukpaŋ dɔŋa ni werge, di ɔɔ chaali di ra bɔnni ba kuna ra tɛɛ dɔŋa,#Wiɛɛ 4:32, 34-35 45di ɔɔ yoo ba kuna di kpa a kebee di bɔnni a hel ba maa, di kukki baa. 46Hɔpizii maa, ba ɔɔ chaali Kɔraawiizi Dia di ra jaamuu, ka kaa ra la dɔŋa diini di gaa di ani bɔsɔna ni biinihuŋŋu, 47di ɔɔ ra tɛɛ Kɔraawiizi sɔŋ. Nɛr maa ra tɔgzi baa. Kɔraawiizi ra lɛɛ nɛfalaa hɔpizibii maa. Ba ba waa jaa Yeesu hiŋra la ni.
Currently Selected:
Wiɛɛlaa 2: vag
Highlight
Share
Copy
Want to have your highlights saved across all your devices? Sign up or sign in
© 2017, Copyright Ghana Institute of Linguistics, Literacy and Bible Translation in co-operation with Wycliffe Bible Translators, Inc.
Wiɛɛlaa 2
2
Kɔraawiizi Dumnanii balaa wia
1Ba Hɔpizizeŋ bɛl banna yir Pɛntikɔs#2:1 Pɛntikɔs zɛɛrɛ hɔpizaa tokkoanɛɛ ni fi Girik mɔɔri biini.#Levi 23:15-21 n wa helle, Yeesu hiŋra la maa chaali bɔkpaŋ. 2Ban du de la, ba nuu kɔɔi bɛl n na kɔɔ chiŋ di wa zuu di ra kɔɔ dia la baŋ soge la biini maa, alugɔ pezeŋ n na ta. 3Ba binni di na kuna aŋhina n na lau lugɔ ninlau. A izi di yaari a dia biini hina maa ni di sagzi ba maa nyuuni ni. 4Denii Kɔraawiizi Dumnanii izi baa, ba ra mɔɔ mɔɔdumazi di lii u fɔŋŋa la un tɛɛ baa la biini.
5A saŋa, Jus hina lii yemmaa di wa du Jɛrusalɛm di ɛɛ wiijaama. 6Baŋ wa nuuwɛ banna kɔɔ ba chaali werge di ba de. Bɛl maa nuu banna ŋɔ wia u himmaa mɔɔri biini. 7A tir ba maa werge. Ba ra pɛɛzi dɔŋa, “Nɛra naa n na ŋɔ wia naa, Galilii hina lɛi ba maa? 8Ka ɛrɛɛ a ɛɛ ba wer di ra mɔɔ yaa mɔɔrizi yaa maa ra nuuwɛi? 9Hɛrkpila maanii yaa lii, Partia, Mɛdia, Ɛlam, Mɛsɔpɔtemia, Juda hɛri, Kapadosia, Pɔntus, Eesia, 10Firijia, Pamfilia, Ijip ani Libia la n dugli Sairini la. Yaa baŋhina lii Room ba. Yaa baŋhina ɛɛ Jus hina. Yaa baŋhina ge waa Jus hina ɛɛwɛ ka ra jaami ba jaamaa. 11Yaa baŋhina ge kaa lii Krit#2:11 Krit sɔŋ bɛllɛ Kaftɔ. ni Lɔrbizi hɛri Yaa mɔɔrizi kurgɔɔrɛ. Ka yaa mɔɔrizi biinii ba ra ŋɔ Kɔraawiizi nuukpuuri wia di ra chɔluu yaa maa ra nuu la.” 12A tir baa werge maa. Ba ra pɛɛzi dɔŋa, “Wia naa zɛɛrɛ ɛrɛɛ naanɛi?”
13Baŋhina ge ra ɛɛ baa chɛɛtɛ di ra ŋɔ, “Sinnɛ ba nyɔɔ ra dɛɛzi.”
Pitta amaniye lizaa wia
14Denii Yeesu hiŋra fidibanɛɛ la izi. Pitta ŋɔ ni bɔkpega, “Juda hɛri hina ani ii banla maa n du Jɛrusalɛm, ií ra nuu n be ń di wibii bɛl tɛɛ ia. 15Ii ra binni lugɔ sinnɛ ra dɛɛzi nɛra naa, ka a waa sindɛɛza ɛɛwɛ. Chɔɔzii haa la. 16Ka wia naa iin nawɛɛ zinaa naa ani wia la Kɔraawiizi dɔgtɛɛ Jowɛl n faa ŋɔwɛɛ la maa ɛɛ wikpannɛ. U faa sɛbɔɔrɛ,
17Kɔraawiizi ŋɔwɔɔrɛ,
‘Di durnya tunaa hɔpizaa waa pizi,
n daŋ kpa n Duma du
nɛra maa ni a saŋa.
Ii biibaala ni ii biihaana maa daŋ ŋɔ wia n fɔŋŋa biini,
ii biipɔllaa na wia aŋhina
alugɔ deeza biini,
ii bazɛŋzi gba
a deezi deeza.#Jowɛ 2:28-32
18Haali n daŋ kpa n Duma
du n balaa gba ni a saŋa,
baala ni haana maa ni,
bá ra ŋɔ wia n fɔŋŋa biini.
19N daŋ bagli nuukpuuri wia
chiŋ ni hɛri maa biine,
chal, niŋ ani nyɔɔzi
daŋ du bɔr maa.
20Wiizi daŋ bir biri,
baagu ge bir aah
lugɔ chal ka n
Hɔpizii la haa hel.
21A saŋa, nɛr la maa n niŋ yir n sɔŋ ń lɛɛu ha,
n daŋ lɛɛ a hiŋ ha.’
22Awia, Jus hina, ií ra nuu n be. Kɔraawiizi faa hum Yeesu n lii Nazarɛf labuu tɛɛ ia, u faa du ii benii ɛŋ di ra ɛɛ wizenaa, nuukpuuri wia ani witittaa u fɔŋŋa biini. U wiɛɛlaa la biinii yaa chi zum lugɔ Kɔraawiizii faa humuu. Ii ge gba zum a wiarɛ. 23Waabuu ii faa gil wichɔgɛɛra kpu daakaŋlii ni la. Kɔraawiizi n zum wii la maa n niŋ ɛɛ la, waabuu faa felee dau guŋ, guŋ wa ɛɛ. 24Ii kpuu, ka siu waa wette kpogluu, dikuubɛɛwiai, Kɔraawiizi chɔgi siu fɔŋŋaa ka lalluu lii siu biini. 25Deevid faa sɛbi u wiarɛ di ŋɔ,
‘N na Kɔraawiizii n see saŋa maa,
dikuu un du n be wia,
n chigɔɔ chigigi.#Yira 16:8-11
26Awiarɛ n bɔra sɔɔni.
N wiŋɔzi maa
ɛɛ bɔsɔna wiŋɔzii.
N bɔrahɔŋ wia wàá ka tiriŋ
dikuu miŋ dɔɔ tamii wia.
27N ɛɛ i Biinaniinaniirɛ.
Hàá giliŋ ta ŋmam biini,
gɛɛ di gil
mìŋ́ i biinaniinanii
bɔrahɔŋ pɔɔh.
28I ɔɔ ra baglimbuu gunla
nɛra n ninna hiŋ
di na miibɔɔ.
Di n wa na i siwee ge,
n bɔra daŋ sɔɔni.’
29Too. Yaabalaa, ií gil n ŋɔ yaa naabaal Deevid wia la á chaani nɛnnɛ. Waabuu siuwɔɔ. Ba kpau hug. U ŋmam haa du yaa be haali ni zinaa. 30Ka uŋ ɛɛ Kɔraawiizi dɔgtɛɛ bɛl wia, Kɔraawiizi ge n ŋɔ nua tɛu lugɔ u daŋ gil u lulli bɛl kaa di kora la, 31awiarɛ u wer feli sɛbi Kristo siu biini izaa wia guŋ, di ŋɔ wàá ta ŋmam biini, u bɔrahɔŋ ge wàá pɔɔh la. 32Yeesu naa minna ŋɔ u wia naa, Kɔraawiizi lalluubuu lii siu biini. Yaa maa nau di ɛɛ u daansɛɛ hina. 33Kɔraawiizi kpau kaali chiŋ u ga du u be, u gil u so u nodig nabɔmbɔr di kaa tɛu u Dumnanii gunla uŋ faa ŋɔ nua la. U Dumnanii hinnɛ Yeesu kpa du yaa ni la. Wia la maa iin nawɛɛ ani wia la maa iin nuuwɛ zinaa naa, a zɛɛrɛ la. 34Deevid ni u bɔrahɔŋ haa waa Kɔraawiizi bol zuuwɛ ka u faa ŋɔ,
‘N Dɔɔri Kɔraawiizi ŋɔ n Dɔɔri be
lugɔ u so u nabɔmbɔr naa#Yira 110:1
35ka ú gil u dɔma
birgi u yoma.’
36Awia, Izrɛl hina, ií maa zum nɛnnɛ zinaa lugɔ Yeesu la iiŋ kpu daakaŋlii la ni la, waabuu yaa Dɔɔri. Waabuu Kristo la. Kɔraawiizii gillɛ guŋ ɛɛ.”
37Nɛra la n wa nuu guŋ, a zuu ba nyuuni werge maa di tir baa. Ba pɛɛzi Pitta ni Yeesu huŋhunna la maa, “Yaabalaa, ɛrɛɛ ya jaa ɛɛ naanɛi?”
38Pitta ŋɔ ba be, “Ií maa gil ii biine chɔgi dikuu ii wichɔgaa wia, di gilaa ta, ka ba ya sɔ ia Kɔraawiizi nii, ií ra hiŋ Yeesu Kristo. Di ii ɛɛ guŋ, Kɔraawiizi daŋ gil ii wichɔgaa tɛɛ ia, ka kpa u Dumnanii la sunzi ia.#Luuk 24:47 39Kɔraawiizi n faa ŋɔ nua dí u daŋ kpa u Dumnanii sunzi nɛra la, a saŋaa keŋ. Awia, ii ni ii biizi ni banla maa n du bɔɔnɛɛzi ni banla maa yaa Dɔɔri n na yir ii ba u be la wiarɛ Kɔraawiizi faa binni, ka ŋɔ a nua.”
40Gunnɛ Pitta ŋɔ wia tɛɛ baa guŋŋ di ra fɔrgi baa werge di ŋɔ, “Filaŋkeŋ, wichɔgɛɛra kpillɔɔ werge. Ií ɛɛ ania di lizi iihinaa nɛchɔgaa la Kɔraawiizi n niŋ wa kpa ba wichɔgaa kim di turgi baa la biini.” 41Uŋ wa ŋɔ guŋ, bakpila maa yardi u wiŋɔzi la. Ba sɔ baa Kɔraawiizi nii. A nɛra hel kagboŋa ahoro. Ba ba wa jaa Yeesu hiŋra ni a hɔl hiŋ.
Nɛra la n Yardɛɛ de dui wia
42Ba ɔɔ chaali ba be ni bampirkpaŋ di ra helli Yeesu wia u huŋhunna la be. Ba maa ɔɔ chaali bɔkpaŋ di ra di, di ra jaami Kɔraawiizi.
43Yeesu huŋhunna la ra ɛɛ nuukpuuri wia ni wizenaa. Ɔnsii lau nɛra bɔr maa. 44Banla maa n yardi Yeesu la dɔɔ nuukpaŋ dɔŋa ni werge, di ɔɔ chaali di ra bɔnni ba kuna ra tɛɛ dɔŋa,#Wiɛɛ 4:32, 34-35 45di ɔɔ yoo ba kuna di kpa a kebee di bɔnni a hel ba maa, di kukki baa. 46Hɔpizii maa, ba ɔɔ chaali Kɔraawiizi Dia di ra jaamuu, ka kaa ra la dɔŋa diini di gaa di ani bɔsɔna ni biinihuŋŋu, 47di ɔɔ ra tɛɛ Kɔraawiizi sɔŋ. Nɛr maa ra tɔgzi baa. Kɔraawiizi ra lɛɛ nɛfalaa hɔpizibii maa. Ba ba waa jaa Yeesu hiŋra la ni.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2017, Copyright Ghana Institute of Linguistics, Literacy and Bible Translation in co-operation with Wycliffe Bible Translators, Inc.