Wiɛɛlaa 26
26
Pɔɔl n bagli u hiŋ wia tɛɛ Koori Agripa wia
1Koori Agripa ŋɔ Pɔɔl be, “N tɛi ŋmɛnɛɛ. Ŋɔ i hor.” Pɔɔl lii lalli u nonii di ŋɔ bá siigi. Ba siigi. U jaa ra ŋɔ u hor, dí, 2“Koori Agripa, n bɔra sɔɔnɔɔrɛ zinaa lugɔ min niŋ wer ŋɔ n hor tɛi, di wer baglii wia la maa Jus hina n kpawɛɛ ra sag n ni, 3dikuubɛɛwiai, i zum yaa naana wiarɛ. Awia, n na suŋŋii í di kanyitti ka nuu tɛŋ.
4N faa du n himmaa hɛri ni Jɛrusalɛm biinii n bichalli maa di wa hel. Awia, Jus hina la maa zum gunla maa miŋ faa ra ɛɛu, 5di zum lugɔ Jus hiŋaa la n kpolle werge labuu n faa ra hiŋ. N faa ɛɛ Farisii. Di ba vii sɛɛwɔ bá ŋɔ, ba daŋ vii baglii guŋ. 6Ka ba gil n chi ɛŋ i ra di n seriya, dikuu miŋ yardi nua bɛl Kɔraawiizi n faa ŋɔwɛɛ tɛɛ yaa naabaala lugɔ u daŋ ŋmɛnɛ lalli lalaa ba siu biini la wia. 7Jus hina dizi fidaanɛɛ la maanii yardi guŋ. Awiarɛ ba ɔɔ ra hum Kɔraawiizi siaahmu ni, saŋa maa la. Ka ba bir di ra diŋ seriya dikuu n gba n yardi guŋ wia. Binni nau! 8Ɛrɛɛ wiarɛ a tir ii ge, miŋ ŋɔwɛɛ lugɔ Kɔraawiizi daŋ wer lalli lalaa ba siu biinei?
9N himmaa faa waa Yeesu n lii Nazarɛf wia naa ra sɛɛ. Awia, n binni lugɔ a dɛkkɔɔ n himmaa ni Yeesu hiŋra n na naa.#Wiɛɛ 8:3 10N ni baa naa Jɛrusalɛm biini. Kɔraawiizi Kizeehina Nabɔnzi benii n faa lɛɛ fɔŋŋa di wer lauri Kɔraawiizi biinanaa bakpila maa di tɔ dia. Baŋ ɔɔ faa ra di ba kpui seriya la, n ge ɔɔ faa sɛɛ jaa sitɔɔra la ni lugɔ bá kpu baa. 11Di n wa na baa jaamaa dia maa biini, aŋ faa ra tɔɔri baa saŋa maa bá vii hɔɔ di vɛɛ ba hiŋaa hiŋ. Ba wia n faa ra fuuh n baaŋ werge maa wiarɛ n ɔɔ faa lii kɛrii gba di gaa tɔɔri banla maa n du bola la n waa hoo Jus hina hɛri biini la.
12A hɔl bɛl n na la Damaskus. Kɔraawiizi Kizeehina Nabɔnzii faa humiŋ di tɛŋ ba fɔŋŋa n na la.#Wiɛɛ 9:1-19; 22:6-16 13Koori, minna la, wiizi ga baŋ. Denii bɔr chaani, n ni banla maa n duŋ di ra la la ni werge maa, di kaali gunla wiizi n na chaani la. 14Yaa maa chogli hɛri. N nuu loobii bɛl n kpa yaa Jus hina mɔɔri biini di pɛɛziŋ, ‘Sɔɔl, Sɔɔl, bɛɛ wiarɛ i ra tɔɔriŋ kennei? I yoombuu ra huhzi. I ɛɛwɔɔ lugɔ nakpoŋlii la baŋ ɔɔ ra tɛrgi u ra yoo, di bir ra tɔɔri u hiŋ la.’
15N pɛɛzi, ‘N Dɔɔri, anɛɛ hinnɛi?’
N Dɔɔri hiŋ ŋɔ, ‘Minuu Yeesu la hinna tɔɔri la. 16Izi chiŋ. N ba i benii í naŋ ka ń wer humii í di daansɛɛ di ra tɛɛ nɛra alugɔ i nambuu zinaa, di kaa wa di daansɛɛ gunla hin niŋ kaa wa naŋ la. 17N daŋ humii í la banla n waa Jus hina ɛɛwɛ la be, di kissii ba ni, di kaa kissii Jus hina gba ni. 18N daŋ humii í ga pilli ba siwee, bá bir ba bampiree lii bɔbiri di ba bɔchaaŋ, di lii Sitaani fɔŋŋa biini di ba Kɔraawiizi be, ú gil ba wichɔgaa tɛɛ baa, di gil ba jaa banla n yardi Kɔraawiizi, n lizi ba doŋa maa di ha, ka gil ba ɛɛ u biizi di ra di u kapɛttɛ la ni.’
19Koori, n faa waa winaalii lugɔ deeza biini la vɛɛwɛ. Gunla maa Yeesu n lii chiŋ di wa ŋɔ n be la, a maanii n ɛɛ 20di di daansɛɛ tɛɛ Damaskus hina mɔɔ, ka la Jɛrusalɛm di kaa ga ɛɛ guŋ daansɛɛ tɛɛ ba ge, ka jaa ra gaagi Juda hɛri bola ni bola la n waa hoo Jus hina hɛri biini, di ra ŋɔ ba be bá gil ba wichɔgaa, ka bir ra hiŋ Kɔraawiizi di ra ɛɛ winanaa nɛ́ra zum lugɔ ba bir ba bampireere wibii maa. 21Awiarɛ Jus hina lawiŋ Kɔraawiizi Dia la biini, di faa ra nyiŋŋi ba kpuŋ la. 22Ka Kɔraawiizi n hiiniŋ wiarɛ n haa du de di wer chi ɛnnaa, di haa di daansɛɛ ra tɛɛ nabɔnzenaa ni bichalli maa la. N wiŋɔzi ɛɛ wia la Kɔraawiizi dɔgtɛɛzi ni Moosis n faa ŋɔ a daŋ wa ɛɛ labuu. A bɛnnɛ n na ŋɔ. 23Ba faa ŋɔ Kristo daŋ di tɔɔrɔɔ di siu mɔɔ ka feli lalaa maa izi siu biini, di wer bagli bɔchaaŋ wia tɛɛ Jus hina ni banla n waa Jus hina ɛɛwɛ la maa.”#Luuk 24:26
24Pɔɔl n wa ŋɔ guŋ, Fɛstus pozi u ni di ŋɔ, “Pɔɔl, i ra chugluu! I zumaa wergee gillɛ i ra chugli la.”
25Pɔɔl ŋɔ, “N Dɔɔri Fɛstus, maa chugli lɛi. Wibiire n na ŋɔ. Chugla wiŋɔzi lɛi annii. 26Koori Agripa zum wia naa maa minna ŋɔ naabuu. Awiarɛ maa u be wiŋɔzi ŋɔi ra ɔm la. Maa tamɛɛ lugɔ a wii bɛl maa bar u hattɛ. A faa waa ɛɛwɛ ra suah. 27Koori Agripa, i yardi Kɔraawiizi dɔgtɛɛzi laa? N zummɔ lugɔ i yardi baabuu.”
28Agripa ŋɔ, “Witama naabuu i ŋɔ tɛŋ, ka ra nyiŋŋi n sɛɛ tɛi, di birgi Yeesu hiŋria?”
29Pɔɔl ŋɔ, “Di i daŋ nuu tama ka sɛɛ gɛɛ wergee í nuu ka sɛɛ, a maa lugɔi. Ka n na nyiŋŋuu i ni bannii maa n na nuu n wiŋɔzi naa du gunla min duwɛɛ naa. Ama, maa ŋɔ ií du lugɔ n ni n yɔlɔzi naa waa.”
30Denii a koori ni hɛri nabɔma la ni Bɛnis ni babalaa maa izi lii. 31Baŋ wa liwɛɛ, ba ra ŋɔ u wia dɔŋa be, “Baal naa waa wiimaa ɛɛwɛ di dɛg kpui gɛɛ yɔlɔzi gba vɔɔi.”
32Koori Agripa ŋɔ Fɛstus be, “Baal naa vii waa Koorizeŋ Siiza seriya diiribɔr laŋaa suŋŋɛɛ, n daŋ vii ŋɔ í pilluu ú ra la.”
Currently Selected:
Wiɛɛlaa 26: vag
Highlight
Share
Copy
Want to have your highlights saved across all your devices? Sign up or sign in
© 2017, Copyright Ghana Institute of Linguistics, Literacy and Bible Translation in co-operation with Wycliffe Bible Translators, Inc.
Wiɛɛlaa 26
26
Pɔɔl n bagli u hiŋ wia tɛɛ Koori Agripa wia
1Koori Agripa ŋɔ Pɔɔl be, “N tɛi ŋmɛnɛɛ. Ŋɔ i hor.” Pɔɔl lii lalli u nonii di ŋɔ bá siigi. Ba siigi. U jaa ra ŋɔ u hor, dí, 2“Koori Agripa, n bɔra sɔɔnɔɔrɛ zinaa lugɔ min niŋ wer ŋɔ n hor tɛi, di wer baglii wia la maa Jus hina n kpawɛɛ ra sag n ni, 3dikuubɛɛwiai, i zum yaa naana wiarɛ. Awia, n na suŋŋii í di kanyitti ka nuu tɛŋ.
4N faa du n himmaa hɛri ni Jɛrusalɛm biinii n bichalli maa di wa hel. Awia, Jus hina la maa zum gunla maa miŋ faa ra ɛɛu, 5di zum lugɔ Jus hiŋaa la n kpolle werge labuu n faa ra hiŋ. N faa ɛɛ Farisii. Di ba vii sɛɛwɔ bá ŋɔ, ba daŋ vii baglii guŋ. 6Ka ba gil n chi ɛŋ i ra di n seriya, dikuu miŋ yardi nua bɛl Kɔraawiizi n faa ŋɔwɛɛ tɛɛ yaa naabaala lugɔ u daŋ ŋmɛnɛ lalli lalaa ba siu biini la wia. 7Jus hina dizi fidaanɛɛ la maanii yardi guŋ. Awiarɛ ba ɔɔ ra hum Kɔraawiizi siaahmu ni, saŋa maa la. Ka ba bir di ra diŋ seriya dikuu n gba n yardi guŋ wia. Binni nau! 8Ɛrɛɛ wiarɛ a tir ii ge, miŋ ŋɔwɛɛ lugɔ Kɔraawiizi daŋ wer lalli lalaa ba siu biinei?
9N himmaa faa waa Yeesu n lii Nazarɛf wia naa ra sɛɛ. Awia, n binni lugɔ a dɛkkɔɔ n himmaa ni Yeesu hiŋra n na naa.#Wiɛɛ 8:3 10N ni baa naa Jɛrusalɛm biini. Kɔraawiizi Kizeehina Nabɔnzi benii n faa lɛɛ fɔŋŋa di wer lauri Kɔraawiizi biinanaa bakpila maa di tɔ dia. Baŋ ɔɔ faa ra di ba kpui seriya la, n ge ɔɔ faa sɛɛ jaa sitɔɔra la ni lugɔ bá kpu baa. 11Di n wa na baa jaamaa dia maa biini, aŋ faa ra tɔɔri baa saŋa maa bá vii hɔɔ di vɛɛ ba hiŋaa hiŋ. Ba wia n faa ra fuuh n baaŋ werge maa wiarɛ n ɔɔ faa lii kɛrii gba di gaa tɔɔri banla maa n du bola la n waa hoo Jus hina hɛri biini la.
12A hɔl bɛl n na la Damaskus. Kɔraawiizi Kizeehina Nabɔnzii faa humiŋ di tɛŋ ba fɔŋŋa n na la.#Wiɛɛ 9:1-19; 22:6-16 13Koori, minna la, wiizi ga baŋ. Denii bɔr chaani, n ni banla maa n duŋ di ra la la ni werge maa, di kaali gunla wiizi n na chaani la. 14Yaa maa chogli hɛri. N nuu loobii bɛl n kpa yaa Jus hina mɔɔri biini di pɛɛziŋ, ‘Sɔɔl, Sɔɔl, bɛɛ wiarɛ i ra tɔɔriŋ kennei? I yoombuu ra huhzi. I ɛɛwɔɔ lugɔ nakpoŋlii la baŋ ɔɔ ra tɛrgi u ra yoo, di bir ra tɔɔri u hiŋ la.’
15N pɛɛzi, ‘N Dɔɔri, anɛɛ hinnɛi?’
N Dɔɔri hiŋ ŋɔ, ‘Minuu Yeesu la hinna tɔɔri la. 16Izi chiŋ. N ba i benii í naŋ ka ń wer humii í di daansɛɛ di ra tɛɛ nɛra alugɔ i nambuu zinaa, di kaa wa di daansɛɛ gunla hin niŋ kaa wa naŋ la. 17N daŋ humii í la banla n waa Jus hina ɛɛwɛ la be, di kissii ba ni, di kaa kissii Jus hina gba ni. 18N daŋ humii í ga pilli ba siwee, bá bir ba bampiree lii bɔbiri di ba bɔchaaŋ, di lii Sitaani fɔŋŋa biini di ba Kɔraawiizi be, ú gil ba wichɔgaa tɛɛ baa, di gil ba jaa banla n yardi Kɔraawiizi, n lizi ba doŋa maa di ha, ka gil ba ɛɛ u biizi di ra di u kapɛttɛ la ni.’
19Koori, n faa waa winaalii lugɔ deeza biini la vɛɛwɛ. Gunla maa Yeesu n lii chiŋ di wa ŋɔ n be la, a maanii n ɛɛ 20di di daansɛɛ tɛɛ Damaskus hina mɔɔ, ka la Jɛrusalɛm di kaa ga ɛɛ guŋ daansɛɛ tɛɛ ba ge, ka jaa ra gaagi Juda hɛri bola ni bola la n waa hoo Jus hina hɛri biini, di ra ŋɔ ba be bá gil ba wichɔgaa, ka bir ra hiŋ Kɔraawiizi di ra ɛɛ winanaa nɛ́ra zum lugɔ ba bir ba bampireere wibii maa. 21Awiarɛ Jus hina lawiŋ Kɔraawiizi Dia la biini, di faa ra nyiŋŋi ba kpuŋ la. 22Ka Kɔraawiizi n hiiniŋ wiarɛ n haa du de di wer chi ɛnnaa, di haa di daansɛɛ ra tɛɛ nabɔnzenaa ni bichalli maa la. N wiŋɔzi ɛɛ wia la Kɔraawiizi dɔgtɛɛzi ni Moosis n faa ŋɔ a daŋ wa ɛɛ labuu. A bɛnnɛ n na ŋɔ. 23Ba faa ŋɔ Kristo daŋ di tɔɔrɔɔ di siu mɔɔ ka feli lalaa maa izi siu biini, di wer bagli bɔchaaŋ wia tɛɛ Jus hina ni banla n waa Jus hina ɛɛwɛ la maa.”#Luuk 24:26
24Pɔɔl n wa ŋɔ guŋ, Fɛstus pozi u ni di ŋɔ, “Pɔɔl, i ra chugluu! I zumaa wergee gillɛ i ra chugli la.”
25Pɔɔl ŋɔ, “N Dɔɔri Fɛstus, maa chugli lɛi. Wibiire n na ŋɔ. Chugla wiŋɔzi lɛi annii. 26Koori Agripa zum wia naa maa minna ŋɔ naabuu. Awiarɛ maa u be wiŋɔzi ŋɔi ra ɔm la. Maa tamɛɛ lugɔ a wii bɛl maa bar u hattɛ. A faa waa ɛɛwɛ ra suah. 27Koori Agripa, i yardi Kɔraawiizi dɔgtɛɛzi laa? N zummɔ lugɔ i yardi baabuu.”
28Agripa ŋɔ, “Witama naabuu i ŋɔ tɛŋ, ka ra nyiŋŋi n sɛɛ tɛi, di birgi Yeesu hiŋria?”
29Pɔɔl ŋɔ, “Di i daŋ nuu tama ka sɛɛ gɛɛ wergee í nuu ka sɛɛ, a maa lugɔi. Ka n na nyiŋŋuu i ni bannii maa n na nuu n wiŋɔzi naa du gunla min duwɛɛ naa. Ama, maa ŋɔ ií du lugɔ n ni n yɔlɔzi naa waa.”
30Denii a koori ni hɛri nabɔma la ni Bɛnis ni babalaa maa izi lii. 31Baŋ wa liwɛɛ, ba ra ŋɔ u wia dɔŋa be, “Baal naa waa wiimaa ɛɛwɛ di dɛg kpui gɛɛ yɔlɔzi gba vɔɔi.”
32Koori Agripa ŋɔ Fɛstus be, “Baal naa vii waa Koorizeŋ Siiza seriya diiribɔr laŋaa suŋŋɛɛ, n daŋ vii ŋɔ í pilluu ú ra la.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2017, Copyright Ghana Institute of Linguistics, Literacy and Bible Translation in co-operation with Wycliffe Bible Translators, Inc.