Wiɛɛlaa 25
25
Ban di Pɔɔl seriya Hɛri Nabɔma Fɛstus see wia
1Denii a Hɛri Nabɔma Fɛstus n wa ba ba hɛri la di wa du de hɔpizaa ahoro, u lii Siizaria di la Jɛrusalɛm. 2Kɔraawiizi Kizeehina Nabɔnzi ni Jus hina nabɔnzi ba u be di wa ŋɔ Pɔɔl wia, 3ka suŋŋuu dí u ɛɛ wii bɛl tɛɛ baa di gil Pɔɔl ba Jɛrusalɛm. Ba kaa ra ta jina bɛl bá so u saga ŋmɛnɛɛ di kpuu. 4Ka Fɛstus ŋɔ, “Ba tɔ Pɔɔllɛ dia Siizaria. N himmaa daŋ bir la de filaŋkeŋ. 5Awia, ií gil ii nabɔnzi duŋ la. Di a baal ɛɛ wichɔgaa, ba daŋ baglaa tɛŋ de.”
6Hɛri Nabɔma Fɛstus kaa di hɔpizaa ŋmantannaazi gɛɛ fi ba be ka bir la Siizaria. Hɔɔ wa pizi u zuu seriya diiribɔr di ga so, ka ŋɔ dí ba lau Pɔɔl ba. 7Ba lawuu ba. Jus hina la n lii Jɛrusalɛm la wa baruu ka jaa ra ŋɔ wiŋɔzenaa kpila maa di ra du u ni, ka ba waa daansɛɛ maa dɔɔwɛ lugɔ a wia ɛɛ wibiire.
8Pɔɔl ge ŋɔ u hor di ŋɔ, “Maa Jus hina Gbɔg chɔkkɛ. Maa kaa ɛɛ wichɔgaa di du Kɔraawiizi Dia ni gɛɛ Room koorizeŋ ni.”
9Fɛstus n na nyiŋŋi u lau Jus hina dammuzi wia, u pɛɛzi Pɔɔl, i ra nyiŋŋuu i la Jɛrusalɛm bá ga dii seriya de ń ge nuuwaa?
10Pɔɔl ŋɔ, “Akai! N na suŋŋuu ń la Koorizeŋ Siiza be ú ga diŋ seriya. Jus hina na, i gba zummɔ lugɔ maa baa ɛɛwɛ wichɔgii maa. 11Di n vii ɛɛ wichɔgiirɛ di dɛg kpui, n vii wàá vɛɛ guŋ siu. Ka di wia naa baŋ kpawɛɛ ra sag n ni naa waa wibii ɛɛwɛ, nɛr maa wàá wer kpaŋ du ba nonee bá kpuŋ. Koorizeŋ seriya diiribɔttɛ n na suŋŋi í gil n la.”
12Denii Fɛstus ni u nabɔnzi n wa ŋɔ u wia tuŋ, Fɛstus ŋɔ u be, “Koorizeŋ Siiza seriya bɔttɛ i suŋŋi. Awia, denii í la.”
Baŋ kpogli Pɔɔl la Koori Agripa ni Bɛnis be wia
13Aŋ kaa wa ɛɛ hɔpizaa anɛɛ, koori bɛl banna yir Agripa ni Bɛnis ba Siizaria di wa jaami Fɛstus. 14Baŋ wa birgee tama, Fɛstus kpa Pɔɔl wia bagli ra tɛɛ a koori di ra ŋɔ, “Fɛligs faa tɔ baal bɛllɛ dia. U haa du de. 15Saŋa la miŋ faa la Jɛrusalɛm la, Kɔraawiizi Kizeehina Nabɔnzi ni Jus hina nabɔnzi ba n benii di wa ŋɔ u wia tɛŋ, di ra nyiŋŋi lugɔ ń di u seriya ú chol.
16Ka n ŋɔ ba be lugɔ Room hina waa ɔɔ sɛɛ bá di nɛr kpui seriya, di u ni nɛra la n kpa wia ra chuguu la waa bɔkpaŋ soge di di a wia, bá ŋɔ ba hor ú ge wer hɔɔ u nua lɛi. 17Baŋ wa chaalɛɛ ba ɛŋ, maa sɛɛwɛ n laŋŋi baa. Hɔpizi n ba wa so seriya diiribɔr, ka ŋɔ bá kpa a baal ba. 18Banla u ni baa n dɔɔ wii la n wa liwɛɛ di ŋɔ u wia, wichɔgaa la miŋ faa ra tami lugɔ ba daŋ ŋɔ la, ba waa a guŋ ŋɔwɛɛ. 19Ba himmaa wiazi hiŋaa ani baal bɛl banna yir Yeesu wiarɛ ba kpa ra ŋɔ. A baal faa siuwɔɔ, ka Pɔɔl ɔɔ ŋɔ lugɔ u izi siu biinii. 20Miŋ waa wia naa biini zummɛ nɛnnɛ lugɔ min niŋ di a seriya la, n pɛɛzuu ŋɔ u daŋ la Jɛrusalɛm bá ga diu seriya de gɛɛ? 21Waa guŋ sɛɛwɛ, ka suŋŋiŋ dí ń gil ba haa ra du u tau mɔɔ ka ú wa la koorizeŋ be ú ga diu seriya. Awia, n ŋɔ bá ra du u tau mɔɔ ka ń wa gil u la Koorizeŋ Siiza be.”
22Agripa ŋɔ, “N gba ra nyiŋŋi n nuu baal naa wiŋɔzii.” Fɛstus ŋɔ, “Kɛrɛ i daŋ nuu.” 23Hɔɔŋ wa pizɛɛ Agripa ni Bɛnis ba wa zuu seriya diiribɔr la. Ba zuui la dɔɔ girme werge. Ba ga so banla n niŋ di seriya sognibɔr la. Soojazi nabɔnzi ni a bol nabɔnzi maa ba di ge waa so.
Ba maa n wa chaalɛɛ la, Fɛstus ŋɔ bá lau Pɔɔl ba. Ba lawuu ba. 24Fɛstus ŋɔ, “Koori Agripa ani i bannii maa n du ɛnnaa, baal la Jus hina nɛkpila maa n ŋɔ u wia di ra tɛŋ bɔnnaa ani Jɛrusalɛm di ra ŋɔ werge maa, dí a waa wer uŋ kaa du de la, waabuu keŋ. 25Ka miŋ wa diu seriya, maa wiimaa nawɛɛ min niŋ kpa sag u ni di ŋɔ lugɔ u dɛg kpuirɛ. U ge n wa suŋŋi koorizeŋ seriya bɔr laŋaa la, n ŋɔ n daŋ gil u la. 26Ka gunla min niŋ sɛbi n dɔɔri koorizeŋ di ŋɔ u wia bá kpa di di u seriya la, aabuu tiriŋ. Awiarɛ n ŋɔ ú lii ií maa nuu u wia. Koori, hinuu n na nyiŋŋi i nuu wiimaa nɛnnɛ di bagliŋ gunla min niŋ sɛbi hɔŋ la. 27Di n gillɔ u la ba be, ka maa wichɔgaa la uŋ ɛɛwɛ baglɛɛ, a daŋ ɛɛu lugɔ maa nfɛrɛ kpawɛɛ di ra hum n huma.”
Currently Selected:
Wiɛɛlaa 25: vag
Highlight
Share
Copy
Want to have your highlights saved across all your devices? Sign up or sign in
© 2017, Copyright Ghana Institute of Linguistics, Literacy and Bible Translation in co-operation with Wycliffe Bible Translators, Inc.
Wiɛɛlaa 25
25
Ban di Pɔɔl seriya Hɛri Nabɔma Fɛstus see wia
1Denii a Hɛri Nabɔma Fɛstus n wa ba ba hɛri la di wa du de hɔpizaa ahoro, u lii Siizaria di la Jɛrusalɛm. 2Kɔraawiizi Kizeehina Nabɔnzi ni Jus hina nabɔnzi ba u be di wa ŋɔ Pɔɔl wia, 3ka suŋŋuu dí u ɛɛ wii bɛl tɛɛ baa di gil Pɔɔl ba Jɛrusalɛm. Ba kaa ra ta jina bɛl bá so u saga ŋmɛnɛɛ di kpuu. 4Ka Fɛstus ŋɔ, “Ba tɔ Pɔɔllɛ dia Siizaria. N himmaa daŋ bir la de filaŋkeŋ. 5Awia, ií gil ii nabɔnzi duŋ la. Di a baal ɛɛ wichɔgaa, ba daŋ baglaa tɛŋ de.”
6Hɛri Nabɔma Fɛstus kaa di hɔpizaa ŋmantannaazi gɛɛ fi ba be ka bir la Siizaria. Hɔɔ wa pizi u zuu seriya diiribɔr di ga so, ka ŋɔ dí ba lau Pɔɔl ba. 7Ba lawuu ba. Jus hina la n lii Jɛrusalɛm la wa baruu ka jaa ra ŋɔ wiŋɔzenaa kpila maa di ra du u ni, ka ba waa daansɛɛ maa dɔɔwɛ lugɔ a wia ɛɛ wibiire.
8Pɔɔl ge ŋɔ u hor di ŋɔ, “Maa Jus hina Gbɔg chɔkkɛ. Maa kaa ɛɛ wichɔgaa di du Kɔraawiizi Dia ni gɛɛ Room koorizeŋ ni.”
9Fɛstus n na nyiŋŋi u lau Jus hina dammuzi wia, u pɛɛzi Pɔɔl, i ra nyiŋŋuu i la Jɛrusalɛm bá ga dii seriya de ń ge nuuwaa?
10Pɔɔl ŋɔ, “Akai! N na suŋŋuu ń la Koorizeŋ Siiza be ú ga diŋ seriya. Jus hina na, i gba zummɔ lugɔ maa baa ɛɛwɛ wichɔgii maa. 11Di n vii ɛɛ wichɔgiirɛ di dɛg kpui, n vii wàá vɛɛ guŋ siu. Ka di wia naa baŋ kpawɛɛ ra sag n ni naa waa wibii ɛɛwɛ, nɛr maa wàá wer kpaŋ du ba nonee bá kpuŋ. Koorizeŋ seriya diiribɔttɛ n na suŋŋi í gil n la.”
12Denii Fɛstus ni u nabɔnzi n wa ŋɔ u wia tuŋ, Fɛstus ŋɔ u be, “Koorizeŋ Siiza seriya bɔttɛ i suŋŋi. Awia, denii í la.”
Baŋ kpogli Pɔɔl la Koori Agripa ni Bɛnis be wia
13Aŋ kaa wa ɛɛ hɔpizaa anɛɛ, koori bɛl banna yir Agripa ni Bɛnis ba Siizaria di wa jaami Fɛstus. 14Baŋ wa birgee tama, Fɛstus kpa Pɔɔl wia bagli ra tɛɛ a koori di ra ŋɔ, “Fɛligs faa tɔ baal bɛllɛ dia. U haa du de. 15Saŋa la miŋ faa la Jɛrusalɛm la, Kɔraawiizi Kizeehina Nabɔnzi ni Jus hina nabɔnzi ba n benii di wa ŋɔ u wia tɛŋ, di ra nyiŋŋi lugɔ ń di u seriya ú chol.
16Ka n ŋɔ ba be lugɔ Room hina waa ɔɔ sɛɛ bá di nɛr kpui seriya, di u ni nɛra la n kpa wia ra chuguu la waa bɔkpaŋ soge di di a wia, bá ŋɔ ba hor ú ge wer hɔɔ u nua lɛi. 17Baŋ wa chaalɛɛ ba ɛŋ, maa sɛɛwɛ n laŋŋi baa. Hɔpizi n ba wa so seriya diiribɔr, ka ŋɔ bá kpa a baal ba. 18Banla u ni baa n dɔɔ wii la n wa liwɛɛ di ŋɔ u wia, wichɔgaa la miŋ faa ra tami lugɔ ba daŋ ŋɔ la, ba waa a guŋ ŋɔwɛɛ. 19Ba himmaa wiazi hiŋaa ani baal bɛl banna yir Yeesu wiarɛ ba kpa ra ŋɔ. A baal faa siuwɔɔ, ka Pɔɔl ɔɔ ŋɔ lugɔ u izi siu biinii. 20Miŋ waa wia naa biini zummɛ nɛnnɛ lugɔ min niŋ di a seriya la, n pɛɛzuu ŋɔ u daŋ la Jɛrusalɛm bá ga diu seriya de gɛɛ? 21Waa guŋ sɛɛwɛ, ka suŋŋiŋ dí ń gil ba haa ra du u tau mɔɔ ka ú wa la koorizeŋ be ú ga diu seriya. Awia, n ŋɔ bá ra du u tau mɔɔ ka ń wa gil u la Koorizeŋ Siiza be.”
22Agripa ŋɔ, “N gba ra nyiŋŋi n nuu baal naa wiŋɔzii.” Fɛstus ŋɔ, “Kɛrɛ i daŋ nuu.” 23Hɔɔŋ wa pizɛɛ Agripa ni Bɛnis ba wa zuu seriya diiribɔr la. Ba zuui la dɔɔ girme werge. Ba ga so banla n niŋ di seriya sognibɔr la. Soojazi nabɔnzi ni a bol nabɔnzi maa ba di ge waa so.
Ba maa n wa chaalɛɛ la, Fɛstus ŋɔ bá lau Pɔɔl ba. Ba lawuu ba. 24Fɛstus ŋɔ, “Koori Agripa ani i bannii maa n du ɛnnaa, baal la Jus hina nɛkpila maa n ŋɔ u wia di ra tɛŋ bɔnnaa ani Jɛrusalɛm di ra ŋɔ werge maa, dí a waa wer uŋ kaa du de la, waabuu keŋ. 25Ka miŋ wa diu seriya, maa wiimaa nawɛɛ min niŋ kpa sag u ni di ŋɔ lugɔ u dɛg kpuirɛ. U ge n wa suŋŋi koorizeŋ seriya bɔr laŋaa la, n ŋɔ n daŋ gil u la. 26Ka gunla min niŋ sɛbi n dɔɔri koorizeŋ di ŋɔ u wia bá kpa di di u seriya la, aabuu tiriŋ. Awiarɛ n ŋɔ ú lii ií maa nuu u wia. Koori, hinuu n na nyiŋŋi i nuu wiimaa nɛnnɛ di bagliŋ gunla min niŋ sɛbi hɔŋ la. 27Di n gillɔ u la ba be, ka maa wichɔgaa la uŋ ɛɛwɛ baglɛɛ, a daŋ ɛɛu lugɔ maa nfɛrɛ kpawɛɛ di ra hum n huma.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2017, Copyright Ghana Institute of Linguistics, Literacy and Bible Translation in co-operation with Wycliffe Bible Translators, Inc.