Wiɛɛlaa 24
24
Ban di Pɔɔl seriya Fɛligs see wia
1Hɔpizaa anue n wa bɛrɛɛ, Kɔraawiizi Kizeehina Maa Nabɔma Ananias ni a bol nabɔnzi baŋhina lau kiizunni bɛl banna yir Tɛtulus di ba a hɛri nabɔma be Siizaria bá wa bagli wia la Pɔɔl n ɛɛwɛ. 2Ba yir Tɛtulus la ú lii di ŋɔ u wia. U lii di ŋɔ, “N dɔɔri Fɛligs, hiŋ dɔɔ nunzuma di ra binni yaa wiarɛ laal waa kaa izi yaa be. Zinaa yaa wettoo na bɔr heezi birgi. I kuari yaa hɛrii werge di ra tɛɛ yaa. 3Awia, yaa ni banla maa n du yeŋa maa ra jaamii werge maa. 4Maa nyiŋŋi n ŋɔ wia werge di tɔi ŋmɛnɛɛ, ka n na suŋŋiibuu í di kanyitti di nuu n be.
5Baal naa wia waa wer. U ra gba wiarɛ werge. Bɔr la maa Jus hina n duwɛɛ durnya naa biini, ɔɔ ga du dɔmnɛ ba biini. U ɛɛ banla n na hiŋ hiŋfalii bɛl ba ra yir baa Nazirizi la bɛllɛ. Waabuu ba nabɔma. 6U faa ra nyiŋŋuu u kpa doŋa du Kɔraawiizi Dia. Awiarɛ yaa faa lawuu di ra nyiŋŋi yaa himmaa diu seriya dikuu yaa kiizi wia la. 7Ka soojazi nabɔma Lisias ba di wa lawuu kpegzi ni di foozuu yaa be, 8ka ŋɔ bánla nuu n dɔɔ wii la ba i be. Di i pɛɛzi a baal, u daŋ baglii wia naa maa miŋ ŋɔwɛɛ chɔguu naa.”
9A Jus hina ge maa hiŋ u nua di ŋɔ, A maa ɛɛ wibiire.
10Denii a hɛri nabɔma tɛr Pɔɔl nonii ú lii di ŋɔ u hor. Pɔɔl lii di ŋɔ u be, “Hiŋ birgi yaa hɛri di di yaa seriyazi di ra tɛɛ yaa wia n bɔra sɔɔnɔɔ hin niŋ diŋ seriya naa. 11A hɔl la miŋ la Jɛrusalɛm ń wa jaami Kɔraawiizi la, n hɔpizaa fidaanɛɛrɛ keŋ zinaa. Pɛɛzi baa na. A waa guŋ kaalɛɛ. 12Hɔpizaa la maa biini, ba wan nawɛɛ minna di nɛr maa hɔɔzi Kɔraawiizi Dia biini. Ba wan nawɛɛ miŋ kaa ra du dɔm ba jaamaa diini biine ni a bolzeŋ yemmaa. 13Wia naa maa baŋ kpawɛɛ ra chugiŋ naa, ba waa daansɛɛ maa dɔɔwɛ ban niŋ ɛɛ di bagli lugɔ a ɛɛ wibiire.
14Unnii bɛnnɛ n sɛɛ lugɔ wibiire. Hiŋaa la banna yir hiŋfalii#Wiɛɛ 9:2; 22:4 la, waabuu n na hiŋ. Kɔraawiizi la yaa naabaala n faa ra hiŋ labuu n na hiŋ guŋ. Gbɔg la ni wia la maa Kɔraawiizi dɔgtɛɛzi la n faa sɛbɛɛ la, a maanii n na hiŋ, 15di yardi Kɔraawiizi lugɔ u daŋ ŋmɛnɛ lalli nɛchɔgaa ni nɛnanaa maa siu biini. Nɛra naa gba yardi gunnɛ. 16N ɔɔ aah siwiire ra hiŋ ń wer dɔɔ biinihuŋŋu Kɔraawiizi ni nɛra maa be saŋa maa, bá gilɛɛ wa na wiimaa di kpa chugiŋ.
17N faa lii hɛri naabuu di du yembɛl biŋkpila maa biini. Filaŋkenne n haa ba. Kebee aŋhinaa n kpogli ba ń wa sunzi n hɛri hina, di kaa ŋɔ ń lizi mbusuzi aŋhina tɛɛ Kɔraawiizi.#Room 15:25 18A wiarɛ n faa ra ɛɛ Kɔraawiizi Dia biini, saŋa la baŋ naŋ de la. Baŋ wa naŋ la, di n jaa ɛɛ wia la miŋ faa ra ɛɛ, ń doŋa lii n ni di tuŋ. Ba faa waa n ni nɛkpila ni kɔɔi wia maa nawɛɛ. 19Jus hina baŋhina n lii Eesia hɛri labuu naŋ de. Di baabuu vii du ɛŋ, ba daŋ vii ŋɔ i nuu. Di n ɛɛ baa wichɔgii maa, ba daŋ vii baglii a wibaluu maa.
20Bannii n du ɛnnaa ge, di ba na n wichɔgaa maa ban niŋ kpa sag n ni saŋa la miŋ faa du ba ni sitɔɔra be la la, bá bagli. 21Ba wàá wer na wiimaa ŋɔ di unnii minna nyiŋŋi n bagli naa lɛi. A hɔl la min chigɛ ba be la n ŋɔwɔɔrɛ ni bɔkpega ni, ‘Siu biini izaa wiŋɔzi wiarɛ n du ii be ii ra pɛɛziŋ wia zinaa la.’ ”
22Fɛligs n zum hiŋaa la wia nɛnnɛ la, u ŋɔ ú laŋŋi a Jus hina di ŋɔ, Ií gil soojazi nabɔma Lisias ba mɔɔ. Di u wa ballɔ, n daŋ di ii wia naa seriya tuŋ. 23U gil soojazi nabɔma bɛl kpa Pɔɔl di la ka ŋɔ, “Ií ra du u tau ka gilɛɛ waa tɔɔruu. Ií ɔɔ tɛɛ u dammuzi ŋmɛnɛɛ bá ba di waa hiinuu.”
24Aŋ wa ɛɛ hɔpizaa anɛɛ, Fɛligs kpa u haaŋ Drusila di ba. U haaŋ hiŋ ɛɛ Jus hinuurɛ. Fɛligs hum nɛra bá lau Pɔɔl ba. Ba lawuu ba. U waa bagli Fɛligs Yeesu Kristo hiŋaa wia ani gunla un niŋ yarduu. 25Ka uŋ wa ŋɔ winanaa hiŋaa wia di ŋɔ u hinlawaa wia di kaa ŋɔ hɔpizii la Kɔraawiizi n niŋ di durnya seriya wia, kafɔŋ lau Fɛligs werge maa. U ŋɔ, “A la filaŋkeŋ. Di n kaa wa na bɔr, n daŋ kaa yirii.” 26U faa ra nyiŋŋuu lugɔ Pɔɔl tɛu kebee. Awiarɛ u ɔɔ faa ra yiruu u nuu ra ŋɔ wia.
27Binni anɛɛ n wa bɛrɛɛ Pɔsiɔs Fɛstus wa lɛɛ Fɛligs bɔr di ɛɛ a hɛri nabɔma. Fɛligs n na nyiŋŋi ŋɔ Jus hina dɔɔ u bila wia, u gil ba faa haa tɔ Pɔɔl dia.
Currently Selected:
Wiɛɛlaa 24: vag
Highlight
Share
Copy
Want to have your highlights saved across all your devices? Sign up or sign in
© 2017, Copyright Ghana Institute of Linguistics, Literacy and Bible Translation in co-operation with Wycliffe Bible Translators, Inc.
Wiɛɛlaa 24
24
Ban di Pɔɔl seriya Fɛligs see wia
1Hɔpizaa anue n wa bɛrɛɛ, Kɔraawiizi Kizeehina Maa Nabɔma Ananias ni a bol nabɔnzi baŋhina lau kiizunni bɛl banna yir Tɛtulus di ba a hɛri nabɔma be Siizaria bá wa bagli wia la Pɔɔl n ɛɛwɛ. 2Ba yir Tɛtulus la ú lii di ŋɔ u wia. U lii di ŋɔ, “N dɔɔri Fɛligs, hiŋ dɔɔ nunzuma di ra binni yaa wiarɛ laal waa kaa izi yaa be. Zinaa yaa wettoo na bɔr heezi birgi. I kuari yaa hɛrii werge di ra tɛɛ yaa. 3Awia, yaa ni banla maa n du yeŋa maa ra jaamii werge maa. 4Maa nyiŋŋi n ŋɔ wia werge di tɔi ŋmɛnɛɛ, ka n na suŋŋiibuu í di kanyitti di nuu n be.
5Baal naa wia waa wer. U ra gba wiarɛ werge. Bɔr la maa Jus hina n duwɛɛ durnya naa biini, ɔɔ ga du dɔmnɛ ba biini. U ɛɛ banla n na hiŋ hiŋfalii bɛl ba ra yir baa Nazirizi la bɛllɛ. Waabuu ba nabɔma. 6U faa ra nyiŋŋuu u kpa doŋa du Kɔraawiizi Dia. Awiarɛ yaa faa lawuu di ra nyiŋŋi yaa himmaa diu seriya dikuu yaa kiizi wia la. 7Ka soojazi nabɔma Lisias ba di wa lawuu kpegzi ni di foozuu yaa be, 8ka ŋɔ bánla nuu n dɔɔ wii la ba i be. Di i pɛɛzi a baal, u daŋ baglii wia naa maa miŋ ŋɔwɛɛ chɔguu naa.”
9A Jus hina ge maa hiŋ u nua di ŋɔ, A maa ɛɛ wibiire.
10Denii a hɛri nabɔma tɛr Pɔɔl nonii ú lii di ŋɔ u hor. Pɔɔl lii di ŋɔ u be, “Hiŋ birgi yaa hɛri di di yaa seriyazi di ra tɛɛ yaa wia n bɔra sɔɔnɔɔ hin niŋ diŋ seriya naa. 11A hɔl la miŋ la Jɛrusalɛm ń wa jaami Kɔraawiizi la, n hɔpizaa fidaanɛɛrɛ keŋ zinaa. Pɛɛzi baa na. A waa guŋ kaalɛɛ. 12Hɔpizaa la maa biini, ba wan nawɛɛ minna di nɛr maa hɔɔzi Kɔraawiizi Dia biini. Ba wan nawɛɛ miŋ kaa ra du dɔm ba jaamaa diini biine ni a bolzeŋ yemmaa. 13Wia naa maa baŋ kpawɛɛ ra chugiŋ naa, ba waa daansɛɛ maa dɔɔwɛ ban niŋ ɛɛ di bagli lugɔ a ɛɛ wibiire.
14Unnii bɛnnɛ n sɛɛ lugɔ wibiire. Hiŋaa la banna yir hiŋfalii#Wiɛɛ 9:2; 22:4 la, waabuu n na hiŋ. Kɔraawiizi la yaa naabaala n faa ra hiŋ labuu n na hiŋ guŋ. Gbɔg la ni wia la maa Kɔraawiizi dɔgtɛɛzi la n faa sɛbɛɛ la, a maanii n na hiŋ, 15di yardi Kɔraawiizi lugɔ u daŋ ŋmɛnɛ lalli nɛchɔgaa ni nɛnanaa maa siu biini. Nɛra naa gba yardi gunnɛ. 16N ɔɔ aah siwiire ra hiŋ ń wer dɔɔ biinihuŋŋu Kɔraawiizi ni nɛra maa be saŋa maa, bá gilɛɛ wa na wiimaa di kpa chugiŋ.
17N faa lii hɛri naabuu di du yembɛl biŋkpila maa biini. Filaŋkenne n haa ba. Kebee aŋhinaa n kpogli ba ń wa sunzi n hɛri hina, di kaa ŋɔ ń lizi mbusuzi aŋhina tɛɛ Kɔraawiizi.#Room 15:25 18A wiarɛ n faa ra ɛɛ Kɔraawiizi Dia biini, saŋa la baŋ naŋ de la. Baŋ wa naŋ la, di n jaa ɛɛ wia la miŋ faa ra ɛɛ, ń doŋa lii n ni di tuŋ. Ba faa waa n ni nɛkpila ni kɔɔi wia maa nawɛɛ. 19Jus hina baŋhina n lii Eesia hɛri labuu naŋ de. Di baabuu vii du ɛŋ, ba daŋ vii ŋɔ i nuu. Di n ɛɛ baa wichɔgii maa, ba daŋ vii baglii a wibaluu maa.
20Bannii n du ɛnnaa ge, di ba na n wichɔgaa maa ban niŋ kpa sag n ni saŋa la miŋ faa du ba ni sitɔɔra be la la, bá bagli. 21Ba wàá wer na wiimaa ŋɔ di unnii minna nyiŋŋi n bagli naa lɛi. A hɔl la min chigɛ ba be la n ŋɔwɔɔrɛ ni bɔkpega ni, ‘Siu biini izaa wiŋɔzi wiarɛ n du ii be ii ra pɛɛziŋ wia zinaa la.’ ”
22Fɛligs n zum hiŋaa la wia nɛnnɛ la, u ŋɔ ú laŋŋi a Jus hina di ŋɔ, Ií gil soojazi nabɔma Lisias ba mɔɔ. Di u wa ballɔ, n daŋ di ii wia naa seriya tuŋ. 23U gil soojazi nabɔma bɛl kpa Pɔɔl di la ka ŋɔ, “Ií ra du u tau ka gilɛɛ waa tɔɔruu. Ií ɔɔ tɛɛ u dammuzi ŋmɛnɛɛ bá ba di waa hiinuu.”
24Aŋ wa ɛɛ hɔpizaa anɛɛ, Fɛligs kpa u haaŋ Drusila di ba. U haaŋ hiŋ ɛɛ Jus hinuurɛ. Fɛligs hum nɛra bá lau Pɔɔl ba. Ba lawuu ba. U waa bagli Fɛligs Yeesu Kristo hiŋaa wia ani gunla un niŋ yarduu. 25Ka uŋ wa ŋɔ winanaa hiŋaa wia di ŋɔ u hinlawaa wia di kaa ŋɔ hɔpizii la Kɔraawiizi n niŋ di durnya seriya wia, kafɔŋ lau Fɛligs werge maa. U ŋɔ, “A la filaŋkeŋ. Di n kaa wa na bɔr, n daŋ kaa yirii.” 26U faa ra nyiŋŋuu lugɔ Pɔɔl tɛu kebee. Awiarɛ u ɔɔ faa ra yiruu u nuu ra ŋɔ wia.
27Binni anɛɛ n wa bɛrɛɛ Pɔsiɔs Fɛstus wa lɛɛ Fɛligs bɔr di ɛɛ a hɛri nabɔma. Fɛligs n na nyiŋŋi ŋɔ Jus hina dɔɔ u bila wia, u gil ba faa haa tɔ Pɔɔl dia.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2017, Copyright Ghana Institute of Linguistics, Literacy and Bible Translation in co-operation with Wycliffe Bible Translators, Inc.