Wiɛɛlaa 23
23
1Denii Pɔɔl binni ba maa siwee ka ŋɔ, “Yaabalaa, n kpa biinihuŋŋuu di hiŋ ŋmɛnɛɛ nɛnnɛ guŋŋ wa lii zinaa. Kɔraawiizi daŋ tɛŋ wibii jaa.” 2Uŋ wa ŋɔ guŋ, Kɔraawiizi Kizeehina Maa Nabɔma Ananias ŋɔ banla n chigɛ u be la be dí ba chɛ u lia. 3Pɔɔl bir pɛɛzuu, Ɛrɛɛ? “Nɛfugzii hiŋ! Kɔraawiizi daŋ ŋmɛnɛ chɛ i ge gba lia. Hiŋ ŋɔ í di n seriya di zum di n chɔg Gbɔg labuu gɛɛ mɔɔ chɔkkɛ, ka i himmaa bir ra chɔg a Gbɔg di ŋɔ bá chɛ n lia.”
4Banla n chigɛ u be la pɛɛzuu, “Aa! Ɛrɛɛ i ra gbɛlli Kɔraawiizi Kizeehina Maa Nabɔma gunnɛi?”
5Pɔɔl ŋɔ, “Yaabalaa, wibiire ii ŋɔ. Kɔraawiizi Hɔŋ ŋɔwɔɔrɛ, ‘Ií gilɛɛ ra gbɛlli ii hɛri nabɔma.’
N nfɛrɛ faa waa hoo de. Awiarɛ maa zummɛ lugɔ Kɔraawiizi Kizeehina Maa Nabɔmaa.”#Lii 22:28
6Pɔɔl pessi banla maa n chaalɛɛ de la di wa zum lugɔ ba yeŋ ɛɛ Sajusizii, ba yeŋ ge ɛɛ Farisizi. U ŋɔ ni bɔkpega tɛɛ sitɔɔra la maa, “Yaabalaa, n ɛɛ Farisii. Banla n luliŋ ge ɛɛ Farisizii. N binnɔɔrɛ lugɔ nɛra daŋ izi siu biini. A guŋ tamii wiarɛ ii ra di n seriya la.”
7Uŋ wa ŋɔ guŋ, nɛra la waa kaa dɔɔ nuukpaŋ. Farisizi la ni Sajusizi la jaa ra di dɔŋa hɔɔzi, 8dikuubɛɛwiai, Farisizi labuu ɔɔ ra ŋɔ dí nɛra daŋ ŋmɛnɛ izi siu biini, di kaa ra ŋɔ dí lalaa ge du denii. Mɛlikazi ge gba du de. Ka a Sajusizi waa annii maa sɛɛwɛ.
9Ba maa izi di ra pogzi werge. Farisizi Hɔnzunna baŋhina lii di ra di baa hɔɔzi di ŋɔ, “Baal naa waa wichɔgii maa ɛɛwɛ. Di lalii bɛllɛ ŋɔ wia tɛu gɛɛ mɛlika bɛllɛ ŋɔ wia tɛu, yaa waa zum. Guŋwaa, á gilɛɛ wa ɛɛ wibiiou.” 10A birgi baa hɔɔzi werge maa. Soojazi nabɔma la ra fɔŋ Pɔɔl wia, di ŋɔ ú soojazi ga lɛɛu ba be kpegzi ni di kpau zuu soojazi diikpeg la biini, bá gilɛɛ tɛrguu kpu. Ba ga lɛɛu di kpau zuu de.
11U Dɔɔri Yeesu wa chi u be hamuŋa ni di ŋɔ, “Gilɛɛ ra ɔm. N na nyiŋŋuu i di n daansɛɛ Room gba lugɔ kennaa hiŋ ɛɛwɛ Jɛrusalɛm naa.”#Wiɛɛ 17:9
Ban ta Pɔɔl kpui jina wia
12Hɔɔŋ wa pizɛɛ Jus hina baŋhina ɛɛ nuukpaŋ di lɛɛ nua, di ŋɔ, “Di yaawaa waa haŋ kpu Pɔɔl, yaa wàá ka di diwee, yaa wàá ka nyɔɔ nii gba.” 13Nɛra la n ɛɛ nuukpaŋ di ŋɔ gunla, ba kaali tokkoanɛɛ. 14Ba ba Kɔraawiizi Kizeehina Maa Nabɔma la ni bol nabɔnzi la be di wa ŋɔ, “Yaawaa lɛɛ nuarɛ di ŋɔ, ‘Di yaawaa waa haŋ kpu Pɔɔl, kummaa wàá ka zuu yaa nuuzi. 15Awia, ií ni sitɔɔra la tili ŋɔ soojazi nabɔma la be dí ú kpa Pɔɔl ba ii be di daruu ŋɔ ii ra nyiŋŋuu ii kaa bir di u seriya la nɛnnɛ, ka ya ɛɛ sirya di ga teŋuu ŋmɛnɛɛ. Wàá dugli ii be ka ya kpuu.’ ”
16Pɔɔl niuhambie bie bɛl ge nuu ba jina hiŋ di zuu ga ŋɔ Pɔɔl be.
17Pɔɔl yir soojazi nabɔma bɛl di ŋɔ ú lau bie la di la u nabɔma be, dí, “A bie dɔɔ wii bɛllɛ un niŋ ga ŋɔ u be.”
18U la u ni u nabɔma la be di ga ŋɔ, “Pɔɔl la baŋ tɔ dia labuu yiriŋ di ŋɔ ń lau bie naa ba i be. U dɔɔ wii bɛllɛ un niŋ ŋɔ i be.”
19Nabɔma la lau a bie nonii di tɛrguu lii kɛrii di pɛɛzuu, “Bɛɛ widizii i ŋɔ í ŋɔ n benei?” 20U ŋɔ, “Jus hina la ɛɛ nuukpannɛ di ŋɔ kɛrɛ bá wa suŋŋii, í kpogli Pɔɔl ba ba sitɔɔra la be, di darii lugɔ ba ra nyiŋŋuu ba kaa zum u wia la biini nɛnnɛ. 21Ka n ŋɔ ń ŋɔ i benii, ‘Gilɛɛ waa sɛɛ ba nua, dikuubɛɛwiai, ba nɛra baŋhina daŋ so u saga. Ba kaali tokkoanɛɛ. Ba lɛɛ nuarɛ, di ŋɔ dí baawaa waa haŋ kpu Pɔɔl, ba wàá ka di diwee, ba wàá ka nyɔɔ nii ge. Ba teŋ ɛɛ siryaa bá ɛɛ guŋ ka jaa ra binni i siwee gunla hin niŋ ga ŋɔ.’ ”
22Soojazi nabɔma la ŋɔ, “Gilɛɛ waa ŋɔ nɛr maa be lugɔ i ŋɔ a wiirɛ tɛŋ,” ka tɛɛ bie la ŋmɛnɛɛ u lii ra la.
Baŋ lau Pɔɔl di la hɛri nabɔma Fɛligs be wia
23Denii a nabɔma yir u soojazi nabɔnzi banɛɛ di ŋɔ, “Ií yir soojazi kalfaanɛɛ ni zagra hina tokkoahoro ni fi ni kandaa kpogla ge kalfaanɛɛ di ŋɔ ba be bá ɛɛ sirya di la Siizaria hamuŋa naa ni. 24Ií gil ba nyiŋŋi zagra tɛɛ Pɔɔl, ú tinni bɛl ka bá ra du u tau nɛnnɛ, di kpau la hɛri nabɔma Fɛligs be.”
25Ka u sɛbi hɔŋ di ŋɔ,
26“Miŋ Klaudius Lisias labuu sɛbi hɔnnaa, ń tɛɛ n dɔɔri Fɛligs.
N na jaamii werge.
27Jus hina faa lau baal naabuu di faa ra nyiŋŋi ba kpuu. N nuu guŋ di zum lugɔ u ɛɛ Room hinuurɛ. N ni n soojazi la ga lɛɛu ba be. 28N kpau la ba sitɔɔra la be ń wer zum wii la baŋ kpawɛɛ ra sag u ni la. 29Ka baŋ wa pɛɛzuu wiazi la, n zum lugɔ waa wiimaa ɛɛwɛ di dɛg kpui. Waa dia tɔi gba dɛkkɛ. Wia la baŋ kpawɛɛ ra sag u ni la ɛɛ ba himmaa kiizi wiarɛ. 30Awia, baŋ wa ŋɔ n be dí Jus hina ta ba jina bɛllɛ di ra nyiŋŋi ba kpuu la, n jaa fɛ nfɛrɛ di ŋɔ n daŋ humuu ú ba i be, ka ŋɔ banla u ni baa n dɔɔ wii la be dí ba ba i be di wa bagli wia la maa uŋ ɛɛwɛ la tɛi.”
31Soojazi la ɛɛ wia la maa uŋ ŋɔ ba be la di kpa Pɔɔl ra la ga hel Antipatris a hamuŋa hiŋ. 32Hɔpizi volla la gil zagra hina la kpogluu la, ka baabuu bir ba soojazi diikpeg la biini. 33Zagra hina la kpogluu la Siizaria di ga kpa u ni a hɔŋ di tɛɛ a hɛri nabɔma. 34U karmi hɔŋ la ka pɛɛzi Pɔɔl hɛri la un liwɛɛ. U ŋɔ, Silisia hɛrii n lii. 35U ŋɔ, “Di banla i ni baa n dɔɔ wii la wa ballɔ, n daŋ di i seriya.” Denii u ŋɔ bá tɔu Hɛrɔd diizeŋ la biini di gil soojazi ra duu tau de.
Currently Selected:
Wiɛɛlaa 23: vag
Highlight
Share
Copy
Want to have your highlights saved across all your devices? Sign up or sign in
© 2017, Copyright Ghana Institute of Linguistics, Literacy and Bible Translation in co-operation with Wycliffe Bible Translators, Inc.
Wiɛɛlaa 23
23
1Denii Pɔɔl binni ba maa siwee ka ŋɔ, “Yaabalaa, n kpa biinihuŋŋuu di hiŋ ŋmɛnɛɛ nɛnnɛ guŋŋ wa lii zinaa. Kɔraawiizi daŋ tɛŋ wibii jaa.” 2Uŋ wa ŋɔ guŋ, Kɔraawiizi Kizeehina Maa Nabɔma Ananias ŋɔ banla n chigɛ u be la be dí ba chɛ u lia. 3Pɔɔl bir pɛɛzuu, Ɛrɛɛ? “Nɛfugzii hiŋ! Kɔraawiizi daŋ ŋmɛnɛ chɛ i ge gba lia. Hiŋ ŋɔ í di n seriya di zum di n chɔg Gbɔg labuu gɛɛ mɔɔ chɔkkɛ, ka i himmaa bir ra chɔg a Gbɔg di ŋɔ bá chɛ n lia.”
4Banla n chigɛ u be la pɛɛzuu, “Aa! Ɛrɛɛ i ra gbɛlli Kɔraawiizi Kizeehina Maa Nabɔma gunnɛi?”
5Pɔɔl ŋɔ, “Yaabalaa, wibiire ii ŋɔ. Kɔraawiizi Hɔŋ ŋɔwɔɔrɛ, ‘Ií gilɛɛ ra gbɛlli ii hɛri nabɔma.’
N nfɛrɛ faa waa hoo de. Awiarɛ maa zummɛ lugɔ Kɔraawiizi Kizeehina Maa Nabɔmaa.”#Lii 22:28
6Pɔɔl pessi banla maa n chaalɛɛ de la di wa zum lugɔ ba yeŋ ɛɛ Sajusizii, ba yeŋ ge ɛɛ Farisizi. U ŋɔ ni bɔkpega tɛɛ sitɔɔra la maa, “Yaabalaa, n ɛɛ Farisii. Banla n luliŋ ge ɛɛ Farisizii. N binnɔɔrɛ lugɔ nɛra daŋ izi siu biini. A guŋ tamii wiarɛ ii ra di n seriya la.”
7Uŋ wa ŋɔ guŋ, nɛra la waa kaa dɔɔ nuukpaŋ. Farisizi la ni Sajusizi la jaa ra di dɔŋa hɔɔzi, 8dikuubɛɛwiai, Farisizi labuu ɔɔ ra ŋɔ dí nɛra daŋ ŋmɛnɛ izi siu biini, di kaa ra ŋɔ dí lalaa ge du denii. Mɛlikazi ge gba du de. Ka a Sajusizi waa annii maa sɛɛwɛ.
9Ba maa izi di ra pogzi werge. Farisizi Hɔnzunna baŋhina lii di ra di baa hɔɔzi di ŋɔ, “Baal naa waa wichɔgii maa ɛɛwɛ. Di lalii bɛllɛ ŋɔ wia tɛu gɛɛ mɛlika bɛllɛ ŋɔ wia tɛu, yaa waa zum. Guŋwaa, á gilɛɛ wa ɛɛ wibiiou.” 10A birgi baa hɔɔzi werge maa. Soojazi nabɔma la ra fɔŋ Pɔɔl wia, di ŋɔ ú soojazi ga lɛɛu ba be kpegzi ni di kpau zuu soojazi diikpeg la biini, bá gilɛɛ tɛrguu kpu. Ba ga lɛɛu di kpau zuu de.
11U Dɔɔri Yeesu wa chi u be hamuŋa ni di ŋɔ, “Gilɛɛ ra ɔm. N na nyiŋŋuu i di n daansɛɛ Room gba lugɔ kennaa hiŋ ɛɛwɛ Jɛrusalɛm naa.”#Wiɛɛ 17:9
Ban ta Pɔɔl kpui jina wia
12Hɔɔŋ wa pizɛɛ Jus hina baŋhina ɛɛ nuukpaŋ di lɛɛ nua, di ŋɔ, “Di yaawaa waa haŋ kpu Pɔɔl, yaa wàá ka di diwee, yaa wàá ka nyɔɔ nii gba.” 13Nɛra la n ɛɛ nuukpaŋ di ŋɔ gunla, ba kaali tokkoanɛɛ. 14Ba ba Kɔraawiizi Kizeehina Maa Nabɔma la ni bol nabɔnzi la be di wa ŋɔ, “Yaawaa lɛɛ nuarɛ di ŋɔ, ‘Di yaawaa waa haŋ kpu Pɔɔl, kummaa wàá ka zuu yaa nuuzi. 15Awia, ií ni sitɔɔra la tili ŋɔ soojazi nabɔma la be dí ú kpa Pɔɔl ba ii be di daruu ŋɔ ii ra nyiŋŋuu ii kaa bir di u seriya la nɛnnɛ, ka ya ɛɛ sirya di ga teŋuu ŋmɛnɛɛ. Wàá dugli ii be ka ya kpuu.’ ”
16Pɔɔl niuhambie bie bɛl ge nuu ba jina hiŋ di zuu ga ŋɔ Pɔɔl be.
17Pɔɔl yir soojazi nabɔma bɛl di ŋɔ ú lau bie la di la u nabɔma be, dí, “A bie dɔɔ wii bɛllɛ un niŋ ga ŋɔ u be.”
18U la u ni u nabɔma la be di ga ŋɔ, “Pɔɔl la baŋ tɔ dia labuu yiriŋ di ŋɔ ń lau bie naa ba i be. U dɔɔ wii bɛllɛ un niŋ ŋɔ i be.”
19Nabɔma la lau a bie nonii di tɛrguu lii kɛrii di pɛɛzuu, “Bɛɛ widizii i ŋɔ í ŋɔ n benei?” 20U ŋɔ, “Jus hina la ɛɛ nuukpannɛ di ŋɔ kɛrɛ bá wa suŋŋii, í kpogli Pɔɔl ba ba sitɔɔra la be, di darii lugɔ ba ra nyiŋŋuu ba kaa zum u wia la biini nɛnnɛ. 21Ka n ŋɔ ń ŋɔ i benii, ‘Gilɛɛ waa sɛɛ ba nua, dikuubɛɛwiai, ba nɛra baŋhina daŋ so u saga. Ba kaali tokkoanɛɛ. Ba lɛɛ nuarɛ, di ŋɔ dí baawaa waa haŋ kpu Pɔɔl, ba wàá ka di diwee, ba wàá ka nyɔɔ nii ge. Ba teŋ ɛɛ siryaa bá ɛɛ guŋ ka jaa ra binni i siwee gunla hin niŋ ga ŋɔ.’ ”
22Soojazi nabɔma la ŋɔ, “Gilɛɛ waa ŋɔ nɛr maa be lugɔ i ŋɔ a wiirɛ tɛŋ,” ka tɛɛ bie la ŋmɛnɛɛ u lii ra la.
Baŋ lau Pɔɔl di la hɛri nabɔma Fɛligs be wia
23Denii a nabɔma yir u soojazi nabɔnzi banɛɛ di ŋɔ, “Ií yir soojazi kalfaanɛɛ ni zagra hina tokkoahoro ni fi ni kandaa kpogla ge kalfaanɛɛ di ŋɔ ba be bá ɛɛ sirya di la Siizaria hamuŋa naa ni. 24Ií gil ba nyiŋŋi zagra tɛɛ Pɔɔl, ú tinni bɛl ka bá ra du u tau nɛnnɛ, di kpau la hɛri nabɔma Fɛligs be.”
25Ka u sɛbi hɔŋ di ŋɔ,
26“Miŋ Klaudius Lisias labuu sɛbi hɔnnaa, ń tɛɛ n dɔɔri Fɛligs.
N na jaamii werge.
27Jus hina faa lau baal naabuu di faa ra nyiŋŋi ba kpuu. N nuu guŋ di zum lugɔ u ɛɛ Room hinuurɛ. N ni n soojazi la ga lɛɛu ba be. 28N kpau la ba sitɔɔra la be ń wer zum wii la baŋ kpawɛɛ ra sag u ni la. 29Ka baŋ wa pɛɛzuu wiazi la, n zum lugɔ waa wiimaa ɛɛwɛ di dɛg kpui. Waa dia tɔi gba dɛkkɛ. Wia la baŋ kpawɛɛ ra sag u ni la ɛɛ ba himmaa kiizi wiarɛ. 30Awia, baŋ wa ŋɔ n be dí Jus hina ta ba jina bɛllɛ di ra nyiŋŋi ba kpuu la, n jaa fɛ nfɛrɛ di ŋɔ n daŋ humuu ú ba i be, ka ŋɔ banla u ni baa n dɔɔ wii la be dí ba ba i be di wa bagli wia la maa uŋ ɛɛwɛ la tɛi.”
31Soojazi la ɛɛ wia la maa uŋ ŋɔ ba be la di kpa Pɔɔl ra la ga hel Antipatris a hamuŋa hiŋ. 32Hɔpizi volla la gil zagra hina la kpogluu la, ka baabuu bir ba soojazi diikpeg la biini. 33Zagra hina la kpogluu la Siizaria di ga kpa u ni a hɔŋ di tɛɛ a hɛri nabɔma. 34U karmi hɔŋ la ka pɛɛzi Pɔɔl hɛri la un liwɛɛ. U ŋɔ, Silisia hɛrii n lii. 35U ŋɔ, “Di banla i ni baa n dɔɔ wii la wa ballɔ, n daŋ di i seriya.” Denii u ŋɔ bá tɔu Hɛrɔd diizeŋ la biini di gil soojazi ra duu tau de.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2017, Copyright Ghana Institute of Linguistics, Literacy and Bible Translation in co-operation with Wycliffe Bible Translators, Inc.