Wiɛɛlaa 22
22
1“N kpɛɛnzi ni n mɛɛwaa, ií nuu n be di gil n ŋɔ n hor tɛɛ ia filaŋkennaa.” 2Baŋ wa nuuwɛ lugɔ ba mɔɔrii u kpa ra ŋɔ ba be la, ba jaa siigi bɔɔiih.
U ŋɔ, 3“N ɛɛ Jus hinuurɛ. Ba lulimbuu Taasus la n du Silisia hɛri la, ka ba ga lawiŋ di wa dɛɛzi ɛŋ. Gamaliɛllɛ faa helliŋ di bagliŋ yaa naabaala Gbɔg la maa n na hiŋaa nɛnnɛ di faa aah siwii ra tɔgzi Kɔraawiizi ŋmɛnɛɛ la kennaa ii ge n na tɔgzuu naa.#Wiɛɛ 5:34
4Miŋ faa ra tɔgzuu werge la wia n faa ra du nɛra la n na hiŋ hiŋfalii#Wiɛɛ 9:2; 24:14 naabuu tɔɔrɔɔ werge di faa ra nyiŋŋi n kpu baa. N lauri baala ni haana maa vɔɔzi di tɔ nɛra tɔi diini.#Wiɛɛ 8:3 5Kɔraawiizi Kizeehina Maa Nabɔma ni nabɔnzi la maa daŋ wer bagli ia lugɔ wibiire n na ŋɔ la. Ba benii n faa lɛɛ hɔna ń kpa la ga bagli Damaskus Jus hina, ka wer lauri banla maa min niŋ na de, di vɔɔzi baa di ba ba ni Jɛrusalɛm, bá tɔɔri baa.
6Miŋ faa ra la di waa dugli Damaskus wibaŋkanchirii ni, denii bɔr wa chaani n be werge maa kakpaŋ. Chinne a bɔchaaŋ lii di ra nyɛgzi.#Wiɛɛ 9:1-19; 26:12-18 7N chol hɛri di nuu loobii bɛl n na pɛɛzi, ‘Sɔɔl, Sɔɔl, bɛɛwiarɛ i ra tɔɔriŋ kennei?’
8N ge pɛɛzi, ‘N Dɔɔri, anɛɛ hinnɛi?’
U ŋɔ, ‘Minuu Yeesu la n lii Nazarɛf la hiŋ ɔɔ ra tɔɔri la.’ 9Banla n duŋ di ra la la, ba gba na bɔr la n chaanɛɛ n be, ka ba waa loobii la n ŋɔ wia tɛŋ lawaa nuuwɛ.
10N pɛɛzi, ‘N Dɔɔri, ɛrɛɛ i ŋɔ ń ɛɛi?’
U ŋɔ, ‘Izi la Damaskus ń ga baglii de wii la maa min lizɛɛ dawii ŋɔ í ɛɛ.’ 11N izi ń la Damaskus la, ka bɔchaaŋ la n chɔg n siwee la wia, n faa waa kaa wer di ra na. Ba lau n nonii di tɛrgiŋ zuu Damaskus biini.
12Baal bɛl du de di ra hiŋ Kɔraawiizi, di ra hiŋ Moosis Gbɔg la, Jus hina maa n du de ra tɔgzuu. U sɔnnɛ Ananias. 13U ba wa chi n be ka ŋɔ, ‘N kpɛɛma Sɔɔl, pilli i siwee.’ Kakpaŋ n siwee pilli. N jaa wer nau.
14U ŋɔ, ‘Kɔraawiizi la yaa naabaala n faa ra hiŋ la, waabuu lizii í wer zum u kipar wia di wer na u Biinanii di kaa wer nuu u himmaa loobii ge. 15U ɛɛ gunnɛ í wer di daansɛɛ tɛɛ nɛra maa ani wia la maa hiŋ nawɛɛ ni anla hin nuuwɛ ge. 16Awia, gilɛɛ kaa chɔɔ. Izi gil ba sɔi Kɔraawiizi nii ka í yir Yeesu sɔŋ ú lizi i wichɔgaa maa ha.’#Yira 51:2
17Miŋ wa bittɛ ba Jɛrusalɛm, a hɔl bɛl n zuu Kɔraawiizi Dia di ra jaami Kɔraawiizi di na wia aŋhina lugɔ minna deezi, 18di na n Dɔɔri la. U ŋɔ n be, ‘Izi lii Jɛrusalɛm manaŋ. Ba wàá nuu daansɛɛ la hin niŋ ɛɛ ɛŋ tɛŋ la.’
19N ge ŋɔ u be, ‘N Dɔɔri, gunla miŋ faa tɔ banla n yardii la dia di kaa ra la jaamaa diini la maa di gaa lɔɔzi baa a biine la, ba zum n wiɛɛlaa la maanii nɛnnɛ. 20Saŋa la baŋ faa kpu i daansɛɛ hiŋ Stiivin la, a saŋa n ge gba faa du denii di sɛɛ lugɔ u dɛg kpuirɛ di kpogli banla n ga kpuu la wɛjɛzi baŋ witte tɛŋ.’#Wiɛɛ 7:58
21Ka n Dɔɔri ŋɔ n be, ‘Izi ra la. N na humiibuu bɔɔnɛɛ í la banla n waa Jus hina ɛɛwɛ la be.’ ”#Wiɛɛ 9:15
22Nɛra la faa nuuwɔɔ ra tɛɛ Pɔɔl, ka uŋ wa ŋɔ wii naa, ba kaa izi ra pogzi werge di ra ŋɔ, “Nɛjaga naa, ií kpuu! A waa dɛkkɛ un du de.”
23Ba baana n na fuuh werge wia ba ra pogzi di ra zigli ba laala di ɛɛ hɛɛhraa ra ha chiŋ.
24Soojazi nabɔma la ŋɔ á soojazi kpau zuu dia. Waa zum wii la n baani a Jus hina faa ra pogzi u ni guŋ. Awia, u ŋɔ bá viiruu ú ŋɔ wibii di sɛɛ chɔgri. 25Ba vɔɔu di ŋɔ bá viiruu. U pɛɛzi a soojazi nabɔma bɛl n chigɛ de, “Ba daŋ wer viiri nɛr la n ɛɛ Room hinuu di ba waa wichɔgii maa nawɛɛ u nii? Ba waa gunna kiiyaa?”
26Uŋ wa pɛɛzuu guŋ, u la u nabɔma la be di ga ŋɔ, A dazi wii la hiŋ ŋɔ í ɛɛ baal naa, di gilɛɛ waa ɛɛu. U ɛɛ Room hinuurɛ.
27A nabɔma ba Pɔɔl be di wa pɛɛzuu, “Wibii maa, i ɛɛ Room hinuurɛaa?” U ŋɔ, “Ɛɛh.”
28Nabɔma la ŋɔ, “N ge gba ɛɛ bɛllɛ, ka n turgi kebeere werge mɔɔ ka wer na guŋ.”
Pɔɔl ŋɔ, “Ba lul miŋwaarɛ n dɔɔu.”
29Denii banla n faa ra ɛɛ sirya bá viiri Pɔɔl la, ba giluu kakpaŋ. Nabɔma la ge n wa zummɛ lugɔ u ɛɛ Room hinuurɛ ka u gil ba lawuu vɔɔ la, a ɛɛ u ge kafɔŋ.
Pɔɔl n chigɛ Jus hina nabɔnzi see wia
30Hɔɔŋ wa pizɛɛ u ŋɔ bá puruu, dikuubɛɛwiai, u faa ra nyiŋŋi ú zum wia la Jus hina n faa kpawɛɛ ra sag u ni la biinii nɛnnɛ. U yir Kɔraawiizi Kizeehina Nabɔnzi ni sitɔɔra la maa ba, bá wa chaali. Baŋ wa chaalɛɛ la, u gil Pɔɔl lii chi ba see.
Currently Selected:
Wiɛɛlaa 22: vag
Highlight
Share
Copy
Want to have your highlights saved across all your devices? Sign up or sign in
© 2017, Copyright Ghana Institute of Linguistics, Literacy and Bible Translation in co-operation with Wycliffe Bible Translators, Inc.
Wiɛɛlaa 22
22
1“N kpɛɛnzi ni n mɛɛwaa, ií nuu n be di gil n ŋɔ n hor tɛɛ ia filaŋkennaa.” 2Baŋ wa nuuwɛ lugɔ ba mɔɔrii u kpa ra ŋɔ ba be la, ba jaa siigi bɔɔiih.
U ŋɔ, 3“N ɛɛ Jus hinuurɛ. Ba lulimbuu Taasus la n du Silisia hɛri la, ka ba ga lawiŋ di wa dɛɛzi ɛŋ. Gamaliɛllɛ faa helliŋ di bagliŋ yaa naabaala Gbɔg la maa n na hiŋaa nɛnnɛ di faa aah siwii ra tɔgzi Kɔraawiizi ŋmɛnɛɛ la kennaa ii ge n na tɔgzuu naa.#Wiɛɛ 5:34
4Miŋ faa ra tɔgzuu werge la wia n faa ra du nɛra la n na hiŋ hiŋfalii#Wiɛɛ 9:2; 24:14 naabuu tɔɔrɔɔ werge di faa ra nyiŋŋi n kpu baa. N lauri baala ni haana maa vɔɔzi di tɔ nɛra tɔi diini.#Wiɛɛ 8:3 5Kɔraawiizi Kizeehina Maa Nabɔma ni nabɔnzi la maa daŋ wer bagli ia lugɔ wibiire n na ŋɔ la. Ba benii n faa lɛɛ hɔna ń kpa la ga bagli Damaskus Jus hina, ka wer lauri banla maa min niŋ na de, di vɔɔzi baa di ba ba ni Jɛrusalɛm, bá tɔɔri baa.
6Miŋ faa ra la di waa dugli Damaskus wibaŋkanchirii ni, denii bɔr wa chaani n be werge maa kakpaŋ. Chinne a bɔchaaŋ lii di ra nyɛgzi.#Wiɛɛ 9:1-19; 26:12-18 7N chol hɛri di nuu loobii bɛl n na pɛɛzi, ‘Sɔɔl, Sɔɔl, bɛɛwiarɛ i ra tɔɔriŋ kennei?’
8N ge pɛɛzi, ‘N Dɔɔri, anɛɛ hinnɛi?’
U ŋɔ, ‘Minuu Yeesu la n lii Nazarɛf la hiŋ ɔɔ ra tɔɔri la.’ 9Banla n duŋ di ra la la, ba gba na bɔr la n chaanɛɛ n be, ka ba waa loobii la n ŋɔ wia tɛŋ lawaa nuuwɛ.
10N pɛɛzi, ‘N Dɔɔri, ɛrɛɛ i ŋɔ ń ɛɛi?’
U ŋɔ, ‘Izi la Damaskus ń ga baglii de wii la maa min lizɛɛ dawii ŋɔ í ɛɛ.’ 11N izi ń la Damaskus la, ka bɔchaaŋ la n chɔg n siwee la wia, n faa waa kaa wer di ra na. Ba lau n nonii di tɛrgiŋ zuu Damaskus biini.
12Baal bɛl du de di ra hiŋ Kɔraawiizi, di ra hiŋ Moosis Gbɔg la, Jus hina maa n du de ra tɔgzuu. U sɔnnɛ Ananias. 13U ba wa chi n be ka ŋɔ, ‘N kpɛɛma Sɔɔl, pilli i siwee.’ Kakpaŋ n siwee pilli. N jaa wer nau.
14U ŋɔ, ‘Kɔraawiizi la yaa naabaala n faa ra hiŋ la, waabuu lizii í wer zum u kipar wia di wer na u Biinanii di kaa wer nuu u himmaa loobii ge. 15U ɛɛ gunnɛ í wer di daansɛɛ tɛɛ nɛra maa ani wia la maa hiŋ nawɛɛ ni anla hin nuuwɛ ge. 16Awia, gilɛɛ kaa chɔɔ. Izi gil ba sɔi Kɔraawiizi nii ka í yir Yeesu sɔŋ ú lizi i wichɔgaa maa ha.’#Yira 51:2
17Miŋ wa bittɛ ba Jɛrusalɛm, a hɔl bɛl n zuu Kɔraawiizi Dia di ra jaami Kɔraawiizi di na wia aŋhina lugɔ minna deezi, 18di na n Dɔɔri la. U ŋɔ n be, ‘Izi lii Jɛrusalɛm manaŋ. Ba wàá nuu daansɛɛ la hin niŋ ɛɛ ɛŋ tɛŋ la.’
19N ge ŋɔ u be, ‘N Dɔɔri, gunla miŋ faa tɔ banla n yardii la dia di kaa ra la jaamaa diini la maa di gaa lɔɔzi baa a biine la, ba zum n wiɛɛlaa la maanii nɛnnɛ. 20Saŋa la baŋ faa kpu i daansɛɛ hiŋ Stiivin la, a saŋa n ge gba faa du denii di sɛɛ lugɔ u dɛg kpuirɛ di kpogli banla n ga kpuu la wɛjɛzi baŋ witte tɛŋ.’#Wiɛɛ 7:58
21Ka n Dɔɔri ŋɔ n be, ‘Izi ra la. N na humiibuu bɔɔnɛɛ í la banla n waa Jus hina ɛɛwɛ la be.’ ”#Wiɛɛ 9:15
22Nɛra la faa nuuwɔɔ ra tɛɛ Pɔɔl, ka uŋ wa ŋɔ wii naa, ba kaa izi ra pogzi werge di ra ŋɔ, “Nɛjaga naa, ií kpuu! A waa dɛkkɛ un du de.”
23Ba baana n na fuuh werge wia ba ra pogzi di ra zigli ba laala di ɛɛ hɛɛhraa ra ha chiŋ.
24Soojazi nabɔma la ŋɔ á soojazi kpau zuu dia. Waa zum wii la n baani a Jus hina faa ra pogzi u ni guŋ. Awia, u ŋɔ bá viiruu ú ŋɔ wibii di sɛɛ chɔgri. 25Ba vɔɔu di ŋɔ bá viiruu. U pɛɛzi a soojazi nabɔma bɛl n chigɛ de, “Ba daŋ wer viiri nɛr la n ɛɛ Room hinuu di ba waa wichɔgii maa nawɛɛ u nii? Ba waa gunna kiiyaa?”
26Uŋ wa pɛɛzuu guŋ, u la u nabɔma la be di ga ŋɔ, A dazi wii la hiŋ ŋɔ í ɛɛ baal naa, di gilɛɛ waa ɛɛu. U ɛɛ Room hinuurɛ.
27A nabɔma ba Pɔɔl be di wa pɛɛzuu, “Wibii maa, i ɛɛ Room hinuurɛaa?” U ŋɔ, “Ɛɛh.”
28Nabɔma la ŋɔ, “N ge gba ɛɛ bɛllɛ, ka n turgi kebeere werge mɔɔ ka wer na guŋ.”
Pɔɔl ŋɔ, “Ba lul miŋwaarɛ n dɔɔu.”
29Denii banla n faa ra ɛɛ sirya bá viiri Pɔɔl la, ba giluu kakpaŋ. Nabɔma la ge n wa zummɛ lugɔ u ɛɛ Room hinuurɛ ka u gil ba lawuu vɔɔ la, a ɛɛ u ge kafɔŋ.
Pɔɔl n chigɛ Jus hina nabɔnzi see wia
30Hɔɔŋ wa pizɛɛ u ŋɔ bá puruu, dikuubɛɛwiai, u faa ra nyiŋŋi ú zum wia la Jus hina n faa kpawɛɛ ra sag u ni la biinii nɛnnɛ. U yir Kɔraawiizi Kizeehina Nabɔnzi ni sitɔɔra la maa ba, bá wa chaali. Baŋ wa chaalɛɛ la, u gil Pɔɔl lii chi ba see.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2017, Copyright Ghana Institute of Linguistics, Literacy and Bible Translation in co-operation with Wycliffe Bible Translators, Inc.