Wiɛɛlaa 21
21
Pɔɔl n la Jɛrusalɛm wia
1Yaa n wa bargi dɔŋa, yaa zuu a muugbera di deŋli di la Kɔs. Hɔpizi yaa la Roods di kaa lii de ge di la Patara, 2di ga na muugbera bɛl de unna la Fonisia, di zuu u ge di ra la. 3Yaa n waa dugli hɛrjiga bɛl banna yir Saiprɔs, yaa ga u wiifurii nodig wiikakag di la Siiria hɛri di ga chi Taaya. Muugbera hiŋ la ra lizi u bunni de, 4ka yaa ge lii di la ga nyiŋŋi Yeesu hiŋra bɔr. Yaa n wa na baa, yaa du ba be hɔpizaa aniidaanɛɛ. Kɔraawiizi Dumnanii gil ba ŋɔ Pɔɔl be dí ú gilɛɛ waa la Jɛrusalɛm. 5A saŋa n wa helle, yaa kaa izi de. Ba ni ba haana ni ba biizi maa du yaa ŋmɛnɛɛ di ga lii a bol biini. Yaa maa giŋŋi muuzeŋ la kɛrii di jaami Kɔraawiizi, ka ba ta yaa. 6Yaa zuu muugbera la ka ba ge kaali ba diini.
7Yaa lii Taaya la di ba wa hel Tɔlɛmayis di lii a muugbera biini di ga jaami yaabalaa de ka du ba be hɔpizikpaŋ. 8Hɔpizi yaa kaa zuu muugbera la di la Siizaria di lii ga zuu Filip dia di du de. A Filip ɛɛ nɛra baniidaanɛɛ la baŋ faa lizɛɛ Jɛrusalɛm la bɛllɛ. U ɔɔ faa gaagi ra ŋɔ Kɔraawiizi wia.#Wiɛɛ 6:5; 8:5 9U biihambizi banaazu ge faa ra ŋɔ Kɔraawiizi wiarɛ, Kɔraawiizi Dumnanii fɔŋŋa biini, ka faa ɛɛ haŋkia.
10Yaa birgi de. Kɔraawiizi dɔgtɛɛ bɛl lii Juda hɛri ba. U sɔnnɛ faa Agabus.#Wiɛɛ 11:28 11U ba yaa be di wa lau Pɔɔl kirsɔɔ pur, di kpau vɔɔ u himmaa nonee ni u naazi ka ŋɔ, “Kɔraawiizi Dumnanii ŋɔ dí kenne Jus hina la n du Jɛrusalɛm la wa lau kirsɔɔ naa hiŋ di vɔɔu, di kpau du nɛra la n waa Jus hina ɛɛwɛ nonee biini la.”
12Yaa n wa nuu guŋ, yaa ni banla maa n du de la maa ra fɔrgi Pɔɔl werge ú gilɛɛ waa la Jɛrusalɛm. 13Ka Pɔɔl ŋɔ, “Ɛrɛɛ ii ra ɛɛ keŋ di ra wii di ra chɔg n biini gunnɛi? Di ba daŋ lawiŋ vɔɔ Jɛrusalɛm, bá lau! Di ba daŋ kaa kpuŋ genii bá kpu. Di ba daŋ haŋ ɛɛŋ annii maa dikuu n Dɔɔri Yeesu sɔŋ wia, a wan titte. N feloore sɛɛ annii naa maa n bampirii.” 14Yaa fɔrguu huhzi ka giluu ka ŋɔ, “Di Kɔraawiizi kiparuu guŋ, amɔ, í ra la.”
15Denii yaa ɛɛ sirya ka izi di la Jɛrusalɛm. 16Yeesu hiŋra baŋhina n lii Siizaria ge du yaa di kpogli yaa la baal la dia yaa n niŋ ga du la. A baal ɛɛ Saiprɔs hinuurɛ. U sɔnnɛ Ŋmɛsɔn. U ɛɛ banla n faa felee di ra hiŋ Yeesu la bɛllɛ.
Pɔɔl n laŋŋɛ ga jaami Jems wia
17Yaa n hel Jɛrusalɛm, yaabalaa jaami yaa nɛnnɛ. 18Hɔpizi yaa ni Pɔɔl maa la ya ga jaami Jems, di Yeesu hiŋra nabɔnzi la maa chaali u dia. 19Pɔɔl jaami baa ka ŋɔ wiimaa Kɔraawiizi n hiinuu u wer ɛɛ banla n waa Jus hina ɛɛwɛ la biini di tɛɛ baa.
20Baŋ wa nuu a wia, ba ra chɔli Kɔraawiizi. Denii ba ge ŋɔ u be, “Yaa kpɛɛma, na! Jus hina kpila maanii yardi Yeesu filaŋkeŋ ka haa aah siwii ra hiŋ Moosis Gbɔg. 21Ba ɔɔ ra nuu i wiarɛ lugɔ hinna bagli Jus hina la maa n du banla n waa Jus hina ɛɛwɛ be la lugɔ bá gilɛɛ kaa hiŋ ba naana wia la. 22Ba daŋ nuu lugɔ i ballɔɔ. Ɛrɛɛ í ɛɛ naanɛi? 23Awia, gil ya baglii gunla hin niŋ ɛɛ. Baala banaazuu du yaa be di lɛɛ nua Kɔraawiizi be.#Wiɛɛ 18:18 24Hiŋ baa la Kɔraawiizi Dia, í ni baa ga kpau ɛɛ wia la, di lizi ii doŋa ha, ka ií turgi a wia kim tɛɛ baa ka bá fuŋ ii nyuuni. Di i haŋ wer ɛɛ guŋ, nɛra maa daŋ zum lugɔ karaa ba kanni chugii di ŋɔ i wia la. Ba daŋ jaa na di i himmaa ra hiŋ Moosis Gbɔg labuu. 25Banla ge n yardi Yeesu ka ba waa Jus hina ɛɛwɛ la, yaa sɛbi hɔnnɛ tɛɛ baa di ŋɔ bá ra kii kuna la baŋ kpawɛɛ tɛɛ vuga ni chal ni kunla baŋ hanzi u baŋaa u siu la ni sɛnsɛŋ wia.”
26Baŋ wa ŋɔ guŋ, Pɔɔl lɛɛ a baala banaazu du u be. Hɔpizi, ba la ga kpau ɛɛ a wia, bá doŋa lii ka ba zuu Kɔraawiizi Dia, Pɔɔl ga bagli hɔpizaa la maga ban niŋ ɛɛ a wia, ka bá lizi ba maa mbusuzi. A ɛɛ hɔpizaa aniidaanɛɛ.
Pɔɔl lawaa wia
27A hɔpizaa aniidaanɛɛ n waa tuŋ, Jus hina baŋhina n lii Eesia hɛri wa na Pɔɔl Kɔraawiizi Dia la biini di kpa dɔm du nɛkpila la n du de la ni, ka la ga lau Pɔɔl 28di pogzi di ra ŋɔ, “Yaabalaa, ií ba wa hiini yaaoo! Baal la n ɔɔ ra gaagi yemmaa di ŋɔ wia ra chɔgi yaa Jus hina wia ni Moosis Gbɔg la ni Kɔraawiizi bɔnaniinanii la wia la, waabuu keŋ. U lau banla n waa Jus hina ɛɛwɛ labuu di zuu Kɔraawiizi Dia gba di kpa doŋa du Kɔraawiizi bɔkiilii la ni.”
29Ba waa zummɛ ka ŋɔ guŋ. Ba na hɔɔhribaal bɛl ni Pɔɔllɛ bol la biini. U ɛɛ Ɛfɛsus hinuurɛ, u sɔŋ di Trɔfimus. Baŋ wa na Pɔɔl Kɔraawiizi Dia la, ba fɛ lugɔ Pɔɔl kpogli hɔɔhribaal labuu zuu de.
30Dɔm izi su bol maa. Nɛra chɔ ba di wa chaali werge di lau Pɔɔl tɛrguu lii Kɔraawiizi Dia biini. Baŋ wa liwɛɛ la, ba lau a dia gbessi tɔ manaŋ. 31Nɛkpila la ra nyiŋŋi ba kpuu, ka nɛra teŋ tili ŋɔ Room soojazi nabɔma be dí a bolzeŋ maa izoore di ra du dɔm. 32A nabɔma ɛɛ manaŋ di lizi soojazi ni ba nabɔnzi di chɔ ba ba be. Nɛra la n wa na u ni soojazi la n na ba, ba gil Pɔɔl lɔɔzaa.
33U wa hel Pɔɔl be u ŋɔ bá lawuu vɔɔ yɔlɔzi anɛɛ ka pɛɛzi nɛra, “Baal naa, anɛɛwɛi? Bɛɛ u ɛɛi?” 34Nɛkpila la izi ra pogzi. Baŋhina ra ŋɔ wii naa, baŋhina ge ra ŋɔ annii. Ba maa ra kɔɔ basabasa. Soojazi nabɔma la waa wette u zum a wia siwee. U ŋɔ bá lau Pɔɔl zuu soojazi diikpoglogii la n dugli de la. Ba lawuu ra la 35di ga hel a dia keeraa zɛɛ di ra nyiŋŋi ba tinni, ka nɛra la lawuu di ra nyiŋŋi ba kpuu. Awia, soojazi la lalluu chiŋ di lɛɛu lii ba be, 36ka ba maa ra hiŋ baa di ra kɔɔ di ra ŋɔ, “Ií kpuu! Ií kpuu!”
Pɔɔl n ŋɔ wia tɛɛ nɛra n chaalɛɛ wia
37Ba tinni ga hel dia la di ra nyiŋŋi ba zuu. Pɔɔl ŋɔ soojazi nabɔma la be, “N dɔɔ, wii bɛl min niŋ ŋɔ i be.”
A nabɔma ŋɔ, “Amɔ, i ra nuu Giris hina mɔɔri labuuwaa? 38Hinuu Ijip hina baal la n faa du dɔm di kpogli nɛkpuura kagboŋa anaazu di zuu pir laa?”
39Pɔɔl ŋɔ, “Min lɛi. N ɛɛ Jus hinuurɛ lii Taasus la n du Silisia hɛri di ɛɛ bolzeŋ de la. N na suŋŋiibuu. Gil n ŋɔ wia tɛɛ nɛra naa.”
40U tɛu ŋmɛnɛɛ. U chi a keeraa nyina ka lalli nonii di ŋɔ bá siigi. Ba siigi bɔr maa. U ra ŋɔ ba be Jus hina mɔɔri biini.
Currently Selected:
Wiɛɛlaa 21: vag
Highlight
Share
Copy
Want to have your highlights saved across all your devices? Sign up or sign in
© 2017, Copyright Ghana Institute of Linguistics, Literacy and Bible Translation in co-operation with Wycliffe Bible Translators, Inc.
Wiɛɛlaa 21
21
Pɔɔl n la Jɛrusalɛm wia
1Yaa n wa bargi dɔŋa, yaa zuu a muugbera di deŋli di la Kɔs. Hɔpizi yaa la Roods di kaa lii de ge di la Patara, 2di ga na muugbera bɛl de unna la Fonisia, di zuu u ge di ra la. 3Yaa n waa dugli hɛrjiga bɛl banna yir Saiprɔs, yaa ga u wiifurii nodig wiikakag di la Siiria hɛri di ga chi Taaya. Muugbera hiŋ la ra lizi u bunni de, 4ka yaa ge lii di la ga nyiŋŋi Yeesu hiŋra bɔr. Yaa n wa na baa, yaa du ba be hɔpizaa aniidaanɛɛ. Kɔraawiizi Dumnanii gil ba ŋɔ Pɔɔl be dí ú gilɛɛ waa la Jɛrusalɛm. 5A saŋa n wa helle, yaa kaa izi de. Ba ni ba haana ni ba biizi maa du yaa ŋmɛnɛɛ di ga lii a bol biini. Yaa maa giŋŋi muuzeŋ la kɛrii di jaami Kɔraawiizi, ka ba ta yaa. 6Yaa zuu muugbera la ka ba ge kaali ba diini.
7Yaa lii Taaya la di ba wa hel Tɔlɛmayis di lii a muugbera biini di ga jaami yaabalaa de ka du ba be hɔpizikpaŋ. 8Hɔpizi yaa kaa zuu muugbera la di la Siizaria di lii ga zuu Filip dia di du de. A Filip ɛɛ nɛra baniidaanɛɛ la baŋ faa lizɛɛ Jɛrusalɛm la bɛllɛ. U ɔɔ faa gaagi ra ŋɔ Kɔraawiizi wia.#Wiɛɛ 6:5; 8:5 9U biihambizi banaazu ge faa ra ŋɔ Kɔraawiizi wiarɛ, Kɔraawiizi Dumnanii fɔŋŋa biini, ka faa ɛɛ haŋkia.
10Yaa birgi de. Kɔraawiizi dɔgtɛɛ bɛl lii Juda hɛri ba. U sɔnnɛ faa Agabus.#Wiɛɛ 11:28 11U ba yaa be di wa lau Pɔɔl kirsɔɔ pur, di kpau vɔɔ u himmaa nonee ni u naazi ka ŋɔ, “Kɔraawiizi Dumnanii ŋɔ dí kenne Jus hina la n du Jɛrusalɛm la wa lau kirsɔɔ naa hiŋ di vɔɔu, di kpau du nɛra la n waa Jus hina ɛɛwɛ nonee biini la.”
12Yaa n wa nuu guŋ, yaa ni banla maa n du de la maa ra fɔrgi Pɔɔl werge ú gilɛɛ waa la Jɛrusalɛm. 13Ka Pɔɔl ŋɔ, “Ɛrɛɛ ii ra ɛɛ keŋ di ra wii di ra chɔg n biini gunnɛi? Di ba daŋ lawiŋ vɔɔ Jɛrusalɛm, bá lau! Di ba daŋ kaa kpuŋ genii bá kpu. Di ba daŋ haŋ ɛɛŋ annii maa dikuu n Dɔɔri Yeesu sɔŋ wia, a wan titte. N feloore sɛɛ annii naa maa n bampirii.” 14Yaa fɔrguu huhzi ka giluu ka ŋɔ, “Di Kɔraawiizi kiparuu guŋ, amɔ, í ra la.”
15Denii yaa ɛɛ sirya ka izi di la Jɛrusalɛm. 16Yeesu hiŋra baŋhina n lii Siizaria ge du yaa di kpogli yaa la baal la dia yaa n niŋ ga du la. A baal ɛɛ Saiprɔs hinuurɛ. U sɔnnɛ Ŋmɛsɔn. U ɛɛ banla n faa felee di ra hiŋ Yeesu la bɛllɛ.
Pɔɔl n laŋŋɛ ga jaami Jems wia
17Yaa n hel Jɛrusalɛm, yaabalaa jaami yaa nɛnnɛ. 18Hɔpizi yaa ni Pɔɔl maa la ya ga jaami Jems, di Yeesu hiŋra nabɔnzi la maa chaali u dia. 19Pɔɔl jaami baa ka ŋɔ wiimaa Kɔraawiizi n hiinuu u wer ɛɛ banla n waa Jus hina ɛɛwɛ la biini di tɛɛ baa.
20Baŋ wa nuu a wia, ba ra chɔli Kɔraawiizi. Denii ba ge ŋɔ u be, “Yaa kpɛɛma, na! Jus hina kpila maanii yardi Yeesu filaŋkeŋ ka haa aah siwii ra hiŋ Moosis Gbɔg. 21Ba ɔɔ ra nuu i wiarɛ lugɔ hinna bagli Jus hina la maa n du banla n waa Jus hina ɛɛwɛ be la lugɔ bá gilɛɛ kaa hiŋ ba naana wia la. 22Ba daŋ nuu lugɔ i ballɔɔ. Ɛrɛɛ í ɛɛ naanɛi? 23Awia, gil ya baglii gunla hin niŋ ɛɛ. Baala banaazuu du yaa be di lɛɛ nua Kɔraawiizi be.#Wiɛɛ 18:18 24Hiŋ baa la Kɔraawiizi Dia, í ni baa ga kpau ɛɛ wia la, di lizi ii doŋa ha, ka ií turgi a wia kim tɛɛ baa ka bá fuŋ ii nyuuni. Di i haŋ wer ɛɛ guŋ, nɛra maa daŋ zum lugɔ karaa ba kanni chugii di ŋɔ i wia la. Ba daŋ jaa na di i himmaa ra hiŋ Moosis Gbɔg labuu. 25Banla ge n yardi Yeesu ka ba waa Jus hina ɛɛwɛ la, yaa sɛbi hɔnnɛ tɛɛ baa di ŋɔ bá ra kii kuna la baŋ kpawɛɛ tɛɛ vuga ni chal ni kunla baŋ hanzi u baŋaa u siu la ni sɛnsɛŋ wia.”
26Baŋ wa ŋɔ guŋ, Pɔɔl lɛɛ a baala banaazu du u be. Hɔpizi, ba la ga kpau ɛɛ a wia, bá doŋa lii ka ba zuu Kɔraawiizi Dia, Pɔɔl ga bagli hɔpizaa la maga ban niŋ ɛɛ a wia, ka bá lizi ba maa mbusuzi. A ɛɛ hɔpizaa aniidaanɛɛ.
Pɔɔl lawaa wia
27A hɔpizaa aniidaanɛɛ n waa tuŋ, Jus hina baŋhina n lii Eesia hɛri wa na Pɔɔl Kɔraawiizi Dia la biini di kpa dɔm du nɛkpila la n du de la ni, ka la ga lau Pɔɔl 28di pogzi di ra ŋɔ, “Yaabalaa, ií ba wa hiini yaaoo! Baal la n ɔɔ ra gaagi yemmaa di ŋɔ wia ra chɔgi yaa Jus hina wia ni Moosis Gbɔg la ni Kɔraawiizi bɔnaniinanii la wia la, waabuu keŋ. U lau banla n waa Jus hina ɛɛwɛ labuu di zuu Kɔraawiizi Dia gba di kpa doŋa du Kɔraawiizi bɔkiilii la ni.”
29Ba waa zummɛ ka ŋɔ guŋ. Ba na hɔɔhribaal bɛl ni Pɔɔllɛ bol la biini. U ɛɛ Ɛfɛsus hinuurɛ, u sɔŋ di Trɔfimus. Baŋ wa na Pɔɔl Kɔraawiizi Dia la, ba fɛ lugɔ Pɔɔl kpogli hɔɔhribaal labuu zuu de.
30Dɔm izi su bol maa. Nɛra chɔ ba di wa chaali werge di lau Pɔɔl tɛrguu lii Kɔraawiizi Dia biini. Baŋ wa liwɛɛ la, ba lau a dia gbessi tɔ manaŋ. 31Nɛkpila la ra nyiŋŋi ba kpuu, ka nɛra teŋ tili ŋɔ Room soojazi nabɔma be dí a bolzeŋ maa izoore di ra du dɔm. 32A nabɔma ɛɛ manaŋ di lizi soojazi ni ba nabɔnzi di chɔ ba ba be. Nɛra la n wa na u ni soojazi la n na ba, ba gil Pɔɔl lɔɔzaa.
33U wa hel Pɔɔl be u ŋɔ bá lawuu vɔɔ yɔlɔzi anɛɛ ka pɛɛzi nɛra, “Baal naa, anɛɛwɛi? Bɛɛ u ɛɛi?” 34Nɛkpila la izi ra pogzi. Baŋhina ra ŋɔ wii naa, baŋhina ge ra ŋɔ annii. Ba maa ra kɔɔ basabasa. Soojazi nabɔma la waa wette u zum a wia siwee. U ŋɔ bá lau Pɔɔl zuu soojazi diikpoglogii la n dugli de la. Ba lawuu ra la 35di ga hel a dia keeraa zɛɛ di ra nyiŋŋi ba tinni, ka nɛra la lawuu di ra nyiŋŋi ba kpuu. Awia, soojazi la lalluu chiŋ di lɛɛu lii ba be, 36ka ba maa ra hiŋ baa di ra kɔɔ di ra ŋɔ, “Ií kpuu! Ií kpuu!”
Pɔɔl n ŋɔ wia tɛɛ nɛra n chaalɛɛ wia
37Ba tinni ga hel dia la di ra nyiŋŋi ba zuu. Pɔɔl ŋɔ soojazi nabɔma la be, “N dɔɔ, wii bɛl min niŋ ŋɔ i be.”
A nabɔma ŋɔ, “Amɔ, i ra nuu Giris hina mɔɔri labuuwaa? 38Hinuu Ijip hina baal la n faa du dɔm di kpogli nɛkpuura kagboŋa anaazu di zuu pir laa?”
39Pɔɔl ŋɔ, “Min lɛi. N ɛɛ Jus hinuurɛ lii Taasus la n du Silisia hɛri di ɛɛ bolzeŋ de la. N na suŋŋiibuu. Gil n ŋɔ wia tɛɛ nɛra naa.”
40U tɛu ŋmɛnɛɛ. U chi a keeraa nyina ka lalli nonii di ŋɔ bá siigi. Ba siigi bɔr maa. U ra ŋɔ ba be Jus hina mɔɔri biini.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2017, Copyright Ghana Institute of Linguistics, Literacy and Bible Translation in co-operation with Wycliffe Bible Translators, Inc.