Wiɛɛlaa 20
20
Pɔɔl n la Masɛdɔnia ni Giris hina hɛri wia
1A dɔm n wa sɔɔnɛɛ, Pɔɔl yir Yeesu hiŋra, ba ba. U du baa bɔkpega ka gil baa ka la Masɛdɔnia hɛri 2di gaa gaagi de maa di bagli baa gunla ban ninna hiŋ, ka kaa lii de di la Giris hɛri, 3di ga di baaguzi ahoro de ka kaa ra nyiŋŋi u zuu muugbera bɛl di la Siiria hɛri ka Jus hina ta jina bɛl bá lawuu. Awia, u kaa ŋɔ ú ga Masɛdɔnia hɛri di izi kpa ra la. 4Pirus biibaal Sɔpatɛr n lii Biria la hiŋuu ra la. Tɛsalɔnika hina Aristakus ni Sɛkundus, Geyus la n lii Dɛbɛ la, Timoti, Eesia hɛri hina Tichikus ni Trɔfimus la 5tɔ yaa see di gaa kpaŋ yaa Troas. 6Ba hɔpizaa la baŋ ɔɔ ra di Paanuu La N Waa Yiisi Dɔɔwɛ hɔpizizenaa la n wa bɛrɛɛ, yaa izi Filipai di zuu muugbera bɛl di du nii la biini hɔpizaa anue ka ga huuzi baa Troas di du de hɔpizaa aniidaanɛɛ.
Pɔɔl Troas laŋaa tuna wia
7Alaadi hɔl yaa maa chaali di di. Pɔɔl ra nyiŋŋi lugɔ hɔpizi ú kaali. Awia, u ni baa ŋɔ wia guŋŋ hɛuh wa hɛɛhzi. 8Yaa maa faa du dia bɛl n du chiŋ biini, di faa choŋŋi fintinakpila de di so. 9Biipɔllii bɛl so tokoro nua. U sɔnnɛ faa Yutikus. Denii dɔɔ wa lawuu ka Pɔɔl faa haa ra ŋɔ wia la haali guŋŋ u chɔɔ dɔɔ la di wa ziigi lii chinchiŋ dia la wa chol bossee. Ba tuu ga lalluu di u siuwɔ. 10Pɔɔl ge tuu di ga chɔɔ u ni di faamuu ka ŋɔ a nɛra be, “Ií gilɛɛ kaa ra fɔŋ. U dɔɔ miibɔɔrɛ.” 11U kaa tinni di zuu a dia di mɔnni paanuu di di, ka u ni baa haa ŋɔ wia la guŋŋ, hɔɔ wa pizi, u kaali. 12Ba kpa biipɔllii la di la dia. Ba bampiree jaa tig werge dikuu uŋ izi siu biini la wia.
Pɔɔl n lii Troas di la Mailitus wia
13Yaa ge zuu muugbera bɛl di la Asɔs ya ga kpa Pɔɔl di du yaa be de. U faa ra nyiŋŋuu u vol di la de. Awiarɛ u ŋɔ dí ya ɛɛ guŋ. 14Uŋ ga chem yaa ni Asɔs la, yaa lawuu du yaa be a muugbera biini di ra la ga hel Mitilini. 15Hɔpizi yaa kaa lii de di ga hel Kiɔs. Hɔɔ kaa pizi yaa hel Samɔs. Hɔɔ n kaa pizi ge yaa hel Mailitus. 16Yaa bɛri Ɛfɛsus ni, dikuubɛɛwiai, Pɔɔl faa ra nyiŋŋuu u wer hel Jɛrusalɛm manaŋ di huuzi ba hɔpizizeŋ Pɛntikɔs Hɔpizizeŋ la. U faa waa nyiŋŋi u birgi Eesia hɛri.
17Ka uŋ wa hel Mailitus la, u tili Ɛfɛsus hina be di yir Yeesu hiŋra nabɔnzi, ba ba u be. 18U ŋɔ ba be, “Ii himmaa zum gunla miŋ faa duwɛɛ saŋa la miŋ faa ba Eesia hɛri la guŋŋ di wa hel zinaa. 19N kpa n hinnɛ fugzi di ra hum n Dɔɔri huma. N biini ɔɔ faa ra chɔguu werge dikuu ii wia n na wii. Jus hina ge ɔɔ faa ra tɔɔriŋ di ra ta ba jinazi, 20ka maa n huma la vɛɛwɛ ka bagli ia wia la maa n niŋ hiini ia. Maa wiimaa kpawɛɛ suah ii ni. N bagli nɛraa jaamaa bɔra di kaa bagli baŋhina nɛra diini. 21Jus hina ni banla n waa Jus hina ɛɛwɛ maanii n di daansɛɛ tɛɛ lugɔ bá gil ba biine chɔgi dikuu ba wichɔgaa wia di sɛɛ chɔgri Kɔraawiizi be di yardi yaa Dɔɔri Yeesu Kristo.
22Filaŋkeŋ n na la Jɛrusalɛmnɛ, dikuubɛɛwiai, Kɔraawiizi Dumnanii kpa de laŋaarɛ du n bampirii. Wàá gil n vɛɛ. Maa zum wii la maa n niŋ ga huuziŋ de. 23Keŋ bɛnnɛ n zum. Bol la maa miŋ ɔɔ la, Kɔraawiizi Dumnanii ɔɔ baglimbuu lugɔ tɔɔrɔɔ ni yɔlɔzii chɔɔ de di ra guŋŋ.#Wiɛɛ 21:31-33 24Ka n baga lɛi n miibɔɔ wia. N Dɔɔri Yeesu huma la un lizɛɛ dawiŋ la, aabuu n na binni ń wer humaa tuŋ. U ŋɔ dí n di daansɛɛ tɛɛ nɛra, bá zum amaniyesuma la wia lugɔ Kɔraawiizi daŋ suŋ ba ni di hiini baa.#2Tim 4:7
25Filaŋkennaa, n zummɔ lugɔ ii bannii miŋ faa ɔɔ du ii be di bagli Kɔraawiizi Kora wia ra tɛɛ la la, ii wàá ka wa naŋ maa. 26Awia, n ŋɔ ń ŋɔ ii benii zinaa lugɔ Kɔraawiizi ŋmɛnɛɛ hiŋaa wiimaa waa hoo miŋ waa sɛɛwɛ bagli ia. 27Awia, ii wiimaa waa kaa hoo n nonee ban niŋ wa kpa pɛɛziŋ. 28Awia, ií ra du iihinaa tau, di ra du Kɔraawiizi peeza la ge u Dumnanii n ŋɔ ií ɛɛ a binna la tau. Kɔraawiizi kpa u himmaa challɛ yau baa. Awia, ií ra binni ba ni nɛnnɛ.#Ɛfɛs 4:11-12
29Minna kaali naa, n zummɔ lugɔ nɛchɔgaa daŋ zuu ii biini lugɔ pir sechɔgaa n ɔɔ zuu peeza ni di lauraa la, 30ii baŋhina ge izi di ŋɔ wichɔgaa di ra dar nɛra bá gil Yeesu hiŋaa ka ra hiŋ ia. 31Awiarɛ n ŋɔ ií ra du tau nɛnnɛ la di gilɛɛ waa suuh binni ahoro la miŋ faa du ii be di bagli ia saŋa maa di ɔɔ ra wii dikuu ii wia la.
32Filaŋkeŋ, n kpa iabuu du Kɔraawiizi nonee biini, ú kpogli ia nɛnnɛ, di gil u nɛsunaa wiŋɔzi zuu ii bampiree nɛnnɛ, di hiini ia ií wer du kpeg, di wer di u suma la un dauwɛ tɛɛ banla maa un lizi doŋa maa ba ni ha, ba ɛɛ u bɛŋ hora la. 33N faa waa ii kebee ni ii kummaa kɛkɛluu ra ɛɛ. 34Ii zummɔ lugɔ miŋ faa du ii be la, n himmaa kuuhni biinii n faa ra di n diwee di ra tɛɛ n balaa ge ba ge ra di. 35N ɛɛ annii naa maanii ń bagli ia gunla ii ge n ninna ɛɛ di ra hiini banla maa n waa kpeg di ra liizi yaa Dɔɔri Yeesu wiŋɔzi la uŋ faa ŋɔwɛɛ la, ‘Hinna sunzi nɛra kuna, aabuu niŋ tɛi bɔsɔna kaali hinna lɛɛ kuna nɛra be.’ ”
36Pɔɔl n wa ŋɔ guŋ tuŋ, u giŋŋi hɛri, u ni ba maa ra jaami Kɔraawiizi. 37Ba ra wii werge ka lawuu di ra jaamuu. 38Ba biine chɔgi werge maa dikuu uŋ ŋɔ ba be dí ba wàá ka nau maa la wia. Baŋ wa jaamuu tuŋ, ba duu la muugbera la zɛɛ.
Currently Selected:
Wiɛɛlaa 20: vag
Highlight
Share
Copy
Want to have your highlights saved across all your devices? Sign up or sign in
© 2017, Copyright Ghana Institute of Linguistics, Literacy and Bible Translation in co-operation with Wycliffe Bible Translators, Inc.
Wiɛɛlaa 20
20
Pɔɔl n la Masɛdɔnia ni Giris hina hɛri wia
1A dɔm n wa sɔɔnɛɛ, Pɔɔl yir Yeesu hiŋra, ba ba. U du baa bɔkpega ka gil baa ka la Masɛdɔnia hɛri 2di gaa gaagi de maa di bagli baa gunla ban ninna hiŋ, ka kaa lii de di la Giris hɛri, 3di ga di baaguzi ahoro de ka kaa ra nyiŋŋi u zuu muugbera bɛl di la Siiria hɛri ka Jus hina ta jina bɛl bá lawuu. Awia, u kaa ŋɔ ú ga Masɛdɔnia hɛri di izi kpa ra la. 4Pirus biibaal Sɔpatɛr n lii Biria la hiŋuu ra la. Tɛsalɔnika hina Aristakus ni Sɛkundus, Geyus la n lii Dɛbɛ la, Timoti, Eesia hɛri hina Tichikus ni Trɔfimus la 5tɔ yaa see di gaa kpaŋ yaa Troas. 6Ba hɔpizaa la baŋ ɔɔ ra di Paanuu La N Waa Yiisi Dɔɔwɛ hɔpizizenaa la n wa bɛrɛɛ, yaa izi Filipai di zuu muugbera bɛl di du nii la biini hɔpizaa anue ka ga huuzi baa Troas di du de hɔpizaa aniidaanɛɛ.
Pɔɔl Troas laŋaa tuna wia
7Alaadi hɔl yaa maa chaali di di. Pɔɔl ra nyiŋŋi lugɔ hɔpizi ú kaali. Awia, u ni baa ŋɔ wia guŋŋ hɛuh wa hɛɛhzi. 8Yaa maa faa du dia bɛl n du chiŋ biini, di faa choŋŋi fintinakpila de di so. 9Biipɔllii bɛl so tokoro nua. U sɔnnɛ faa Yutikus. Denii dɔɔ wa lawuu ka Pɔɔl faa haa ra ŋɔ wia la haali guŋŋ u chɔɔ dɔɔ la di wa ziigi lii chinchiŋ dia la wa chol bossee. Ba tuu ga lalluu di u siuwɔ. 10Pɔɔl ge tuu di ga chɔɔ u ni di faamuu ka ŋɔ a nɛra be, “Ií gilɛɛ kaa ra fɔŋ. U dɔɔ miibɔɔrɛ.” 11U kaa tinni di zuu a dia di mɔnni paanuu di di, ka u ni baa haa ŋɔ wia la guŋŋ, hɔɔ wa pizi, u kaali. 12Ba kpa biipɔllii la di la dia. Ba bampiree jaa tig werge dikuu uŋ izi siu biini la wia.
Pɔɔl n lii Troas di la Mailitus wia
13Yaa ge zuu muugbera bɛl di la Asɔs ya ga kpa Pɔɔl di du yaa be de. U faa ra nyiŋŋuu u vol di la de. Awiarɛ u ŋɔ dí ya ɛɛ guŋ. 14Uŋ ga chem yaa ni Asɔs la, yaa lawuu du yaa be a muugbera biini di ra la ga hel Mitilini. 15Hɔpizi yaa kaa lii de di ga hel Kiɔs. Hɔɔ kaa pizi yaa hel Samɔs. Hɔɔ n kaa pizi ge yaa hel Mailitus. 16Yaa bɛri Ɛfɛsus ni, dikuubɛɛwiai, Pɔɔl faa ra nyiŋŋuu u wer hel Jɛrusalɛm manaŋ di huuzi ba hɔpizizeŋ Pɛntikɔs Hɔpizizeŋ la. U faa waa nyiŋŋi u birgi Eesia hɛri.
17Ka uŋ wa hel Mailitus la, u tili Ɛfɛsus hina be di yir Yeesu hiŋra nabɔnzi, ba ba u be. 18U ŋɔ ba be, “Ii himmaa zum gunla miŋ faa duwɛɛ saŋa la miŋ faa ba Eesia hɛri la guŋŋ di wa hel zinaa. 19N kpa n hinnɛ fugzi di ra hum n Dɔɔri huma. N biini ɔɔ faa ra chɔguu werge dikuu ii wia n na wii. Jus hina ge ɔɔ faa ra tɔɔriŋ di ra ta ba jinazi, 20ka maa n huma la vɛɛwɛ ka bagli ia wia la maa n niŋ hiini ia. Maa wiimaa kpawɛɛ suah ii ni. N bagli nɛraa jaamaa bɔra di kaa bagli baŋhina nɛra diini. 21Jus hina ni banla n waa Jus hina ɛɛwɛ maanii n di daansɛɛ tɛɛ lugɔ bá gil ba biine chɔgi dikuu ba wichɔgaa wia di sɛɛ chɔgri Kɔraawiizi be di yardi yaa Dɔɔri Yeesu Kristo.
22Filaŋkeŋ n na la Jɛrusalɛmnɛ, dikuubɛɛwiai, Kɔraawiizi Dumnanii kpa de laŋaarɛ du n bampirii. Wàá gil n vɛɛ. Maa zum wii la maa n niŋ ga huuziŋ de. 23Keŋ bɛnnɛ n zum. Bol la maa miŋ ɔɔ la, Kɔraawiizi Dumnanii ɔɔ baglimbuu lugɔ tɔɔrɔɔ ni yɔlɔzii chɔɔ de di ra guŋŋ.#Wiɛɛ 21:31-33 24Ka n baga lɛi n miibɔɔ wia. N Dɔɔri Yeesu huma la un lizɛɛ dawiŋ la, aabuu n na binni ń wer humaa tuŋ. U ŋɔ dí n di daansɛɛ tɛɛ nɛra, bá zum amaniyesuma la wia lugɔ Kɔraawiizi daŋ suŋ ba ni di hiini baa.#2Tim 4:7
25Filaŋkennaa, n zummɔ lugɔ ii bannii miŋ faa ɔɔ du ii be di bagli Kɔraawiizi Kora wia ra tɛɛ la la, ii wàá ka wa naŋ maa. 26Awia, n ŋɔ ń ŋɔ ii benii zinaa lugɔ Kɔraawiizi ŋmɛnɛɛ hiŋaa wiimaa waa hoo miŋ waa sɛɛwɛ bagli ia. 27Awia, ii wiimaa waa kaa hoo n nonee ban niŋ wa kpa pɛɛziŋ. 28Awia, ií ra du iihinaa tau, di ra du Kɔraawiizi peeza la ge u Dumnanii n ŋɔ ií ɛɛ a binna la tau. Kɔraawiizi kpa u himmaa challɛ yau baa. Awia, ií ra binni ba ni nɛnnɛ.#Ɛfɛs 4:11-12
29Minna kaali naa, n zummɔ lugɔ nɛchɔgaa daŋ zuu ii biini lugɔ pir sechɔgaa n ɔɔ zuu peeza ni di lauraa la, 30ii baŋhina ge izi di ŋɔ wichɔgaa di ra dar nɛra bá gil Yeesu hiŋaa ka ra hiŋ ia. 31Awiarɛ n ŋɔ ií ra du tau nɛnnɛ la di gilɛɛ waa suuh binni ahoro la miŋ faa du ii be di bagli ia saŋa maa di ɔɔ ra wii dikuu ii wia la.
32Filaŋkeŋ, n kpa iabuu du Kɔraawiizi nonee biini, ú kpogli ia nɛnnɛ, di gil u nɛsunaa wiŋɔzi zuu ii bampiree nɛnnɛ, di hiini ia ií wer du kpeg, di wer di u suma la un dauwɛ tɛɛ banla maa un lizi doŋa maa ba ni ha, ba ɛɛ u bɛŋ hora la. 33N faa waa ii kebee ni ii kummaa kɛkɛluu ra ɛɛ. 34Ii zummɔ lugɔ miŋ faa du ii be la, n himmaa kuuhni biinii n faa ra di n diwee di ra tɛɛ n balaa ge ba ge ra di. 35N ɛɛ annii naa maanii ń bagli ia gunla ii ge n ninna ɛɛ di ra hiini banla maa n waa kpeg di ra liizi yaa Dɔɔri Yeesu wiŋɔzi la uŋ faa ŋɔwɛɛ la, ‘Hinna sunzi nɛra kuna, aabuu niŋ tɛi bɔsɔna kaali hinna lɛɛ kuna nɛra be.’ ”
36Pɔɔl n wa ŋɔ guŋ tuŋ, u giŋŋi hɛri, u ni ba maa ra jaami Kɔraawiizi. 37Ba ra wii werge ka lawuu di ra jaamuu. 38Ba biine chɔgi werge maa dikuu uŋ ŋɔ ba be dí ba wàá ka nau maa la wia. Baŋ wa jaamuu tuŋ, ba duu la muugbera la zɛɛ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2017, Copyright Ghana Institute of Linguistics, Literacy and Bible Translation in co-operation with Wycliffe Bible Translators, Inc.