Wiɛɛlaa 1
1
Yeesu n kaali chiŋ wia
1Tiɔfilɔs, n faa feloo sɛbi hɔnnaa bɛl tɛi. A hɔŋ biini n wettoo baglii Yeesu wiɛɛlaa ni u wibaglaa la maa uŋ faa ra bagli a lugli guŋŋ#Luuk 1:3 2di wa hel a hɔl la Kɔraawiizi n kpau kaali u bol la. Guŋ mɔɔ ka Kɔraawiizi wa kpau la, u Dumnanii tɛubuu fɔŋŋa, u wer di ra bagli banla un lizɛɛ ba ɛɛ u huŋhunna la huma la ban niŋ hum. 3Uŋ izi lii siu biini, hɔpizaa tokkoanɛɛbuu u du ba be ka Kɔraawiizi wa kpau kaali u bol. A hɔpizaa biini ɔɔ kutti ba ba be, di gil ba ra nau di ra zumuu nɛnnɛ. U ɛɛ gunnɛ bá gilɛɛ kaa ra aanuu di ra di hɔɔzi u siu biini izaa wia. Ba siwee ɔɔ nau. U ni baa ra ŋɔ Kɔraawiizi Kora wia. 4Un du ba be la, u ŋɔ, “Ií gilɛɛ waa lii Jɛrusalɛm mɔɔ. Ií du de di ra kpaŋ kunla n Mɛɛ Kɔraawiizi n faa ŋɔ nua lugɔ u daŋ sunzi ia la. N faa bagli iabuu u wia. 5Jɔɔn Kɔraawiizi Niisɔɔri n faa ra sɔ nɛra Kɔraawiizi nii la, niirɛ u faa kpa ra sɔ baa. Ka di a wa ɛɛ tama, Kɔraawiizi daŋ kpa u Dumnanii du ii ni. U ge sɔirɛ guŋ.”#Mat 3:11; Luuk 3:16; Wiɛɛ 11:16
6U huŋhunna chaali u be di pɛɛzuu, “Yaa Dɔɔri, filaŋkenne i ra nyiŋŋi Izrɛl hina kaa di ba kora la gɛɛ?”
7Yeesu ŋɔ, “Wiimaa fɔŋŋa du Kɔraawiizi benii. Waabuu niŋ tɛɛ wiimaa saŋa ú ɛɛ. Ii wia lɛi saŋazi zumaa. 8Ama, di Kɔraawiizi wa kpa u Dumnanii la du ii ni, ii daŋ na fɔŋŋa di birgi n daansɛɛ hina Jɛrusalɛm ni Juda hɛri maa ni Samaria hɛri ni durnya maga maa biini gba.”#Maak 16:15; Luuk 24:49
9Uŋ wa ŋɔ guŋ tuŋ, Kɔraawiizi kpau di ra kaali chiŋ. Ba maa ra binnuu guŋŋ, baama ga tɔ u ni. Ba wɔɔ kaa na,#Maak 16:19-20; Luuk 24:50-53
10ka haa ra binni de tiiih, di baala banɛɛrɛ wa chigɛ ba be di tɔ wɛjɛhuŋŋa, 11di pɛɛzi baa, “Galilii hina, bɛɛwiarɛ ii chaali chi ɛŋ di ra binni chiŋ gunnɛi? Yeesu naa Kɔraawiizi n kpawɛɛ lii ii be kaali chiŋ naa, u daŋ ŋmɛnɛ kaa ba gunla iin nau unna kaali naa.”
Ban lizi nɛr ú lɛɛ Judas bɔr wia
12Bizeŋ la banna yir Ɔlivizi la nyuurɛ ba faa du. Denii Yeesu huŋhunna la tuu di vol lugɔ kilomita kpaŋ, 13di hel Jɛrusalɛm di zuu ba dia bɛl n du chiŋ ba ra zuu. Banniibuu faa ra zuu de. Pitta, Jɔɔn, Jems, Andru, Filip, Tɔmas, Batolomiu, Matiu, Alfiɔs biibaal Jems, Saimɔn la banna yir Zɛlɔt la ani Jems biibaal Judas.#Mat 10:2-4 14Ba ni haana baŋhina ni Yeesu maa Mɛɛri ni Yeesu niwizii ɔɔ chaali de di ra jaami Kɔraawiizi.#Mat 12:46
15A hɔl Yeesu hiŋra kalfa ni tokko n chaalɛɛ bɔkpaŋ, Pitta izi ba maa baaŋ di ŋɔ ba be, 16“Yaabalaa, Kɔraawiizi Dumnanii faa gillɔɔ Deevid bagli wia la n niŋ huuzi Judas. Aŋ ɛɛ Kɔraawiizi wiŋɔɔlii wiarɛ a wa ɛɛ. Judas faa ɛɛ yaa be hinuurɛ. 17Yaa nuu maanii Yeesu faa lizi yaa faa ra hum u huma la. Ka waabuu hiini Yeesu dɔma ba lau Yeesu.”
18Uŋ wa hum hunchɔgii la di na a kebee, u kpaa yau hɛri bɛl. A hɛri biinii u chol di siu, u hia pozi, u looree maa lii.#Mat 27:3-8 19Jɛrusalɛm hina maa nuu a wia di ra yir de Akɛldama. A sɔŋ zɛɛrɛ Chal Bɔr.
20Pitta kaa ŋɔ, “A Deevid sɛbɔɔrɛ Kɔraawiizi Hɔŋ biini, u bɔr la banna yir Yira Hɔŋ la biini, di ŋɔ,
‘U dia la daŋ birgi diiwoo.
Nɛr maa wàá ka du de.’#Yira 69:25
Di kaa sɛbi yembɛl,
‘Ií nyiŋŋi nɛbɛl ú kpa u huma la.’
21Awia, ya nyiŋŋi bɛl hiŋ ú kpa Judas huma la di ɛɛ Yeesu Kristo siu biini izaa daansɛɛ hinuu bɛl. Nɛra baŋhina du de di ɔɔ faa ra hiŋ yaa ni Yeesu 22saŋa la Jɔɔn Kɔraawiizi Niisɔɔri n faa ra sɔ nɛra Kɔraawiizi nii la guŋŋ di wa hel a hɔl la Kɔraawiizi n kpau kaali chiŋ la. A dɛkkɔ yaa n nyiŋŋi bɛl a nɛra biini.”
23Ba gil baala banɛɛ lii. Bɛl sɔnnɛ Joosɛf Justus, ba kaa ra yiruu Basabas. Bɛl ge sɔnnɛ Matias. 24Ba suŋŋi wiizi di ŋɔ, “Kɔraawiizi, hinuu zum nɛra maa bampiree biini. Awia, bagli yaa baala banɛɛ naa biini unla hiŋ teŋ lizɛɛ#Sɛɛ 16:33 25ú ɛɛ i huŋhunni bɛl di kpa Judas huma la uŋ vɛɛwɛ ta ka siu di la Sitaani bɔr la.” 26Baŋ wa suŋŋi wiizi tuŋ ba ta kuna aŋhina, unla n niŋ di bá lizi a hiŋ. Matias di di birgi Yeesu huŋhunni la bɛl di jaa huŋhunna fidikpaŋ la ni.
Currently Selected:
Wiɛɛlaa 1: vag
Highlight
Share
Copy
Want to have your highlights saved across all your devices? Sign up or sign in
© 2017, Copyright Ghana Institute of Linguistics, Literacy and Bible Translation in co-operation with Wycliffe Bible Translators, Inc.
Wiɛɛlaa 1
1
Yeesu n kaali chiŋ wia
1Tiɔfilɔs, n faa feloo sɛbi hɔnnaa bɛl tɛi. A hɔŋ biini n wettoo baglii Yeesu wiɛɛlaa ni u wibaglaa la maa uŋ faa ra bagli a lugli guŋŋ#Luuk 1:3 2di wa hel a hɔl la Kɔraawiizi n kpau kaali u bol la. Guŋ mɔɔ ka Kɔraawiizi wa kpau la, u Dumnanii tɛubuu fɔŋŋa, u wer di ra bagli banla un lizɛɛ ba ɛɛ u huŋhunna la huma la ban niŋ hum. 3Uŋ izi lii siu biini, hɔpizaa tokkoanɛɛbuu u du ba be ka Kɔraawiizi wa kpau kaali u bol. A hɔpizaa biini ɔɔ kutti ba ba be, di gil ba ra nau di ra zumuu nɛnnɛ. U ɛɛ gunnɛ bá gilɛɛ kaa ra aanuu di ra di hɔɔzi u siu biini izaa wia. Ba siwee ɔɔ nau. U ni baa ra ŋɔ Kɔraawiizi Kora wia. 4Un du ba be la, u ŋɔ, “Ií gilɛɛ waa lii Jɛrusalɛm mɔɔ. Ií du de di ra kpaŋ kunla n Mɛɛ Kɔraawiizi n faa ŋɔ nua lugɔ u daŋ sunzi ia la. N faa bagli iabuu u wia. 5Jɔɔn Kɔraawiizi Niisɔɔri n faa ra sɔ nɛra Kɔraawiizi nii la, niirɛ u faa kpa ra sɔ baa. Ka di a wa ɛɛ tama, Kɔraawiizi daŋ kpa u Dumnanii du ii ni. U ge sɔirɛ guŋ.”#Mat 3:11; Luuk 3:16; Wiɛɛ 11:16
6U huŋhunna chaali u be di pɛɛzuu, “Yaa Dɔɔri, filaŋkenne i ra nyiŋŋi Izrɛl hina kaa di ba kora la gɛɛ?”
7Yeesu ŋɔ, “Wiimaa fɔŋŋa du Kɔraawiizi benii. Waabuu niŋ tɛɛ wiimaa saŋa ú ɛɛ. Ii wia lɛi saŋazi zumaa. 8Ama, di Kɔraawiizi wa kpa u Dumnanii la du ii ni, ii daŋ na fɔŋŋa di birgi n daansɛɛ hina Jɛrusalɛm ni Juda hɛri maa ni Samaria hɛri ni durnya maga maa biini gba.”#Maak 16:15; Luuk 24:49
9Uŋ wa ŋɔ guŋ tuŋ, Kɔraawiizi kpau di ra kaali chiŋ. Ba maa ra binnuu guŋŋ, baama ga tɔ u ni. Ba wɔɔ kaa na,#Maak 16:19-20; Luuk 24:50-53
10ka haa ra binni de tiiih, di baala banɛɛrɛ wa chigɛ ba be di tɔ wɛjɛhuŋŋa, 11di pɛɛzi baa, “Galilii hina, bɛɛwiarɛ ii chaali chi ɛŋ di ra binni chiŋ gunnɛi? Yeesu naa Kɔraawiizi n kpawɛɛ lii ii be kaali chiŋ naa, u daŋ ŋmɛnɛ kaa ba gunla iin nau unna kaali naa.”
Ban lizi nɛr ú lɛɛ Judas bɔr wia
12Bizeŋ la banna yir Ɔlivizi la nyuurɛ ba faa du. Denii Yeesu huŋhunna la tuu di vol lugɔ kilomita kpaŋ, 13di hel Jɛrusalɛm di zuu ba dia bɛl n du chiŋ ba ra zuu. Banniibuu faa ra zuu de. Pitta, Jɔɔn, Jems, Andru, Filip, Tɔmas, Batolomiu, Matiu, Alfiɔs biibaal Jems, Saimɔn la banna yir Zɛlɔt la ani Jems biibaal Judas.#Mat 10:2-4 14Ba ni haana baŋhina ni Yeesu maa Mɛɛri ni Yeesu niwizii ɔɔ chaali de di ra jaami Kɔraawiizi.#Mat 12:46
15A hɔl Yeesu hiŋra kalfa ni tokko n chaalɛɛ bɔkpaŋ, Pitta izi ba maa baaŋ di ŋɔ ba be, 16“Yaabalaa, Kɔraawiizi Dumnanii faa gillɔɔ Deevid bagli wia la n niŋ huuzi Judas. Aŋ ɛɛ Kɔraawiizi wiŋɔɔlii wiarɛ a wa ɛɛ. Judas faa ɛɛ yaa be hinuurɛ. 17Yaa nuu maanii Yeesu faa lizi yaa faa ra hum u huma la. Ka waabuu hiini Yeesu dɔma ba lau Yeesu.”
18Uŋ wa hum hunchɔgii la di na a kebee, u kpaa yau hɛri bɛl. A hɛri biinii u chol di siu, u hia pozi, u looree maa lii.#Mat 27:3-8 19Jɛrusalɛm hina maa nuu a wia di ra yir de Akɛldama. A sɔŋ zɛɛrɛ Chal Bɔr.
20Pitta kaa ŋɔ, “A Deevid sɛbɔɔrɛ Kɔraawiizi Hɔŋ biini, u bɔr la banna yir Yira Hɔŋ la biini, di ŋɔ,
‘U dia la daŋ birgi diiwoo.
Nɛr maa wàá ka du de.’#Yira 69:25
Di kaa sɛbi yembɛl,
‘Ií nyiŋŋi nɛbɛl ú kpa u huma la.’
21Awia, ya nyiŋŋi bɛl hiŋ ú kpa Judas huma la di ɛɛ Yeesu Kristo siu biini izaa daansɛɛ hinuu bɛl. Nɛra baŋhina du de di ɔɔ faa ra hiŋ yaa ni Yeesu 22saŋa la Jɔɔn Kɔraawiizi Niisɔɔri n faa ra sɔ nɛra Kɔraawiizi nii la guŋŋ di wa hel a hɔl la Kɔraawiizi n kpau kaali chiŋ la. A dɛkkɔ yaa n nyiŋŋi bɛl a nɛra biini.”
23Ba gil baala banɛɛ lii. Bɛl sɔnnɛ Joosɛf Justus, ba kaa ra yiruu Basabas. Bɛl ge sɔnnɛ Matias. 24Ba suŋŋi wiizi di ŋɔ, “Kɔraawiizi, hinuu zum nɛra maa bampiree biini. Awia, bagli yaa baala banɛɛ naa biini unla hiŋ teŋ lizɛɛ#Sɛɛ 16:33 25ú ɛɛ i huŋhunni bɛl di kpa Judas huma la uŋ vɛɛwɛ ta ka siu di la Sitaani bɔr la.” 26Baŋ wa suŋŋi wiizi tuŋ ba ta kuna aŋhina, unla n niŋ di bá lizi a hiŋ. Matias di di birgi Yeesu huŋhunni la bɛl di jaa huŋhunna fidikpaŋ la ni.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2017, Copyright Ghana Institute of Linguistics, Literacy and Bible Translation in co-operation with Wycliffe Bible Translators, Inc.