Wiɛɛlaa 18
18
Pɔɔl ni Silas n la Kɔrint wia
1Denii Pɔɔl izi Atɛns di la Kɔrint#1Kɔr 1:1 2di ga huuzi Jus hinuu bɛl n faa lii Pɔntus di la ga so Room, ka kaa izi Room ge di ba Kɔrint dikuu Klaudius n duŋŋi Jus hina maa Room biini wia. U sɔnnɛ Akuila. U haaŋ ge sɔnnɛ Pirsila. Pɔɔl la ba dia di ga jaami baa,#Room 16:3; 1Kɔr 16:19 3di du ba dia di ra hum, dikuubɛɛwiai, ba maa faa ra hum humkpannɛ. Tantizii ba faa ra kuari. 4Ba Heezaa Hɔpizii maa biini Pɔɔl ɔɔ zuu ba jaamaa dia di ra di Jus hina ni Giris hina maa hɔɔzi bá vii sɛɛ u wiŋɔzi la.
5Silas ni Timoti n wa lii Masɛdɔnia hɛri ba, Pɔɔl jaa wer izi di ɛɛ Kɔraawiizi wia daansɛɛ nɛnnɛ di ra tɛɛ nɛra. A du u bampiriire werge. U ra ŋɔ Jus hina be lugɔ Yeesu la ɛɛ a Kristoo. 6Ka baŋ waa nyiŋŋi ba chɔgi u huma di ra gbɛlluu la, u lau u wɛjɛ zigli ka ŋɔ, “A wia lii ii benii. Ii wichɔgaa laŋŋi ii ni. N ŋɔ Kɔraawiizi wiarɛ tɛɛ ia, ii vɛɛ. Awia, n daŋ la banla n waa Jus hina ɛɛwɛ la be.”
7Uŋ wa ŋɔ guŋ, u gil baa ka kaali wiijaami bɛl dia n dugli a jaamaa dia. A baal sɔnnɛ faa Titiɔs Justus. 8Jaamaa dia nabɔma Krispus ni u diahina maa yardi Yeesu. Nɛkpila maa n du Kɔrint nuu wiŋɔzi la di sɛɛ di yardi u wiŋɔzi hiŋ ka ba sɔ baa Kɔraawiizi nii.
9A hɔl bɛl hamuŋa ni Pɔɔl na wia aŋhina lugɔ deeza biini. Kɔraawiizi ŋɔ u be, “Gilɛɛ ra ɔm. Haa ra ŋɔ n wiŋɔzi di ra tɛɛ nɛra. Gilɛɛ siigi. 10N chigɔ i hattɛ. N dɔɔ nɛkpila maanii bol naa biini. Awia, n daŋ kissii kpɛrɛkpɛrɛ ni.” 11Denii Pɔɔl du de biŋkpaŋ ni baaguzi anumbɛl di ŋɔ Kɔraawiizi wia ra tɛɛ nɛra.
12Saŋa la Galio n di nabɔmuu Akaaya la, Jus hina ɛɛ nuukpaŋ di ra tɔɔri Pɔɔl, di lawuu ba ba seriya diiri dia 13di wa ŋɔ, “Guŋ la baal naa n na bagli nɛra ŋɔ bá ra hiŋ Kɔraawiizi la, guŋ daŋ gil ba ra chɔgi yaa kiizi.”
14Pɔɔl ra nyiŋŋi u ŋɔ u hor, ka Galio ŋɔ Jus hina la be, “Aa! Ii Jus hina naa! Di baal naa vii hum hunchɔgii bɛllɛ, n daŋ vii di kanyitti di nuu tɛɛ ia. 15Ka ii himmaa wiazi ni nɛra sɔna ni ii kiizi wiarɛ ii ba. Awia, màá di wia naa seriya. Ií himmaa binni a biini.” 16U duŋŋi ba maa ba lii a seriya dia biini. 17Denii nɛra lau jaamaa dia nabɔma Sɔstɛnis di ra lɔɔzuu. A seriya dii dia danzɛɛ kɛriirɛ ba faa ra lɔɔzuu la, ka Galio waa baa hagzɛɛ maa.
Pɔɔl ni Silas n bittɛ ba Antiɔk wia
18Pɔɔl haa birgi babalaa hiŋ be a bol mɔɔ ka haa lii ba be. U ni Pirsila ni Akuila zuu muugbera bɛl di ra la Siiria hɛri. Pɔɔl faa lɛɛ nua bɛllɛ. Awia, Sɛŋkiriaa ba fuŋ u nyuu mɔɔ ka ba ra la #Kur 6:2, 5, 18; Wiɛɛ 21:23 19di ga hel Ɛfɛsus. Pɔɔl gil Pirsila ni Akuila de ka ga zuu jaamaa dia di ra di Jus hina hɔɔzi. 20Ba ŋɔ dí ú so a bol tama. U vɛɛ 21ka ŋɔ, “Di Kɔraawiizi sɛɛwɔ, n daŋ kaa bir ba ii be.” U gil baa Ɛfɛsus, ka ga zuu muugbera di ra la, 22di ga hel Siizaria, di lii di la Jɛrusalɛm ga jaami Yeesu hiŋra de ka la Antiɔk.
23U ga birgi de tama, ka lii de di ra gaagi bola Galesia hɛri ni Firijia hɛri maa di ra du Yeesu hiŋra maa bɔkpega di ra la.#Gale 1:2
24Denii Jus hinuu bɛl n lii Alɛgzandria ba Ɛfɛsus. U sɔnnɛ faa Apɔlɔs. U zum wia ŋɔirɛ werge di wer di ra bagli Kɔraawiizi Hɔŋ wia nɛnnɛ. 25U faa helli Yeesu ŋmɛnɛɛ wiarɛ. A du u bampirii werge, u ra ŋɔa, a maa ra deŋli. Ka niisɔɔlii la wia uŋ ɔɔ ra bagli la, Jɔɔn niisɔɔliirɛ. U bɛŋ wiarɛ u zum. 26U ba Ɛfɛsus di waa ŋɔ wia Jus hina jaamaa dia biini ni bɔkpega ni. Pirsila ni Akuila du de di nuu di lawuu la ba dia di ga bagluu Kɔraawiizi wia la uŋ faa waa zummɛ ú ra ŋɔa á ra deŋli nɛnnɛ.
27Denii Apɔlɔs ra nyiŋŋi u la Akaaya. Babalaa duu bɔkpega ú ra la di sɛbi hɔŋ tɛu ú ga tɛɛ Yeesu hiŋra la n du de bá sɛɛ di lɛɛu. U la de di ga wer hiini banla Kɔraawiizi n suŋ ba ni di hiini ba wer yarduu la werge, 28dikuubɛɛwiai, u ɔɔ weruu di Jus hina hɔɔzi werge ba jaamaa diini biini di wer bagli baa lii Kɔraawiizi Hɔŋ biini lugɔ Yeesuu ɛɛ Kristo la. Ba waa kaa wer ba diu hɔɔzi.
Currently Selected:
Wiɛɛlaa 18: vag
Highlight
Share
Copy
Want to have your highlights saved across all your devices? Sign up or sign in
© 2017, Copyright Ghana Institute of Linguistics, Literacy and Bible Translation in co-operation with Wycliffe Bible Translators, Inc.
Wiɛɛlaa 18
18
Pɔɔl ni Silas n la Kɔrint wia
1Denii Pɔɔl izi Atɛns di la Kɔrint#1Kɔr 1:1 2di ga huuzi Jus hinuu bɛl n faa lii Pɔntus di la ga so Room, ka kaa izi Room ge di ba Kɔrint dikuu Klaudius n duŋŋi Jus hina maa Room biini wia. U sɔnnɛ Akuila. U haaŋ ge sɔnnɛ Pirsila. Pɔɔl la ba dia di ga jaami baa,#Room 16:3; 1Kɔr 16:19 3di du ba dia di ra hum, dikuubɛɛwiai, ba maa faa ra hum humkpannɛ. Tantizii ba faa ra kuari. 4Ba Heezaa Hɔpizii maa biini Pɔɔl ɔɔ zuu ba jaamaa dia di ra di Jus hina ni Giris hina maa hɔɔzi bá vii sɛɛ u wiŋɔzi la.
5Silas ni Timoti n wa lii Masɛdɔnia hɛri ba, Pɔɔl jaa wer izi di ɛɛ Kɔraawiizi wia daansɛɛ nɛnnɛ di ra tɛɛ nɛra. A du u bampiriire werge. U ra ŋɔ Jus hina be lugɔ Yeesu la ɛɛ a Kristoo. 6Ka baŋ waa nyiŋŋi ba chɔgi u huma di ra gbɛlluu la, u lau u wɛjɛ zigli ka ŋɔ, “A wia lii ii benii. Ii wichɔgaa laŋŋi ii ni. N ŋɔ Kɔraawiizi wiarɛ tɛɛ ia, ii vɛɛ. Awia, n daŋ la banla n waa Jus hina ɛɛwɛ la be.”
7Uŋ wa ŋɔ guŋ, u gil baa ka kaali wiijaami bɛl dia n dugli a jaamaa dia. A baal sɔnnɛ faa Titiɔs Justus. 8Jaamaa dia nabɔma Krispus ni u diahina maa yardi Yeesu. Nɛkpila maa n du Kɔrint nuu wiŋɔzi la di sɛɛ di yardi u wiŋɔzi hiŋ ka ba sɔ baa Kɔraawiizi nii.
9A hɔl bɛl hamuŋa ni Pɔɔl na wia aŋhina lugɔ deeza biini. Kɔraawiizi ŋɔ u be, “Gilɛɛ ra ɔm. Haa ra ŋɔ n wiŋɔzi di ra tɛɛ nɛra. Gilɛɛ siigi. 10N chigɔ i hattɛ. N dɔɔ nɛkpila maanii bol naa biini. Awia, n daŋ kissii kpɛrɛkpɛrɛ ni.” 11Denii Pɔɔl du de biŋkpaŋ ni baaguzi anumbɛl di ŋɔ Kɔraawiizi wia ra tɛɛ nɛra.
12Saŋa la Galio n di nabɔmuu Akaaya la, Jus hina ɛɛ nuukpaŋ di ra tɔɔri Pɔɔl, di lawuu ba ba seriya diiri dia 13di wa ŋɔ, “Guŋ la baal naa n na bagli nɛra ŋɔ bá ra hiŋ Kɔraawiizi la, guŋ daŋ gil ba ra chɔgi yaa kiizi.”
14Pɔɔl ra nyiŋŋi u ŋɔ u hor, ka Galio ŋɔ Jus hina la be, “Aa! Ii Jus hina naa! Di baal naa vii hum hunchɔgii bɛllɛ, n daŋ vii di kanyitti di nuu tɛɛ ia. 15Ka ii himmaa wiazi ni nɛra sɔna ni ii kiizi wiarɛ ii ba. Awia, màá di wia naa seriya. Ií himmaa binni a biini.” 16U duŋŋi ba maa ba lii a seriya dia biini. 17Denii nɛra lau jaamaa dia nabɔma Sɔstɛnis di ra lɔɔzuu. A seriya dii dia danzɛɛ kɛriirɛ ba faa ra lɔɔzuu la, ka Galio waa baa hagzɛɛ maa.
Pɔɔl ni Silas n bittɛ ba Antiɔk wia
18Pɔɔl haa birgi babalaa hiŋ be a bol mɔɔ ka haa lii ba be. U ni Pirsila ni Akuila zuu muugbera bɛl di ra la Siiria hɛri. Pɔɔl faa lɛɛ nua bɛllɛ. Awia, Sɛŋkiriaa ba fuŋ u nyuu mɔɔ ka ba ra la #Kur 6:2, 5, 18; Wiɛɛ 21:23 19di ga hel Ɛfɛsus. Pɔɔl gil Pirsila ni Akuila de ka ga zuu jaamaa dia di ra di Jus hina hɔɔzi. 20Ba ŋɔ dí ú so a bol tama. U vɛɛ 21ka ŋɔ, “Di Kɔraawiizi sɛɛwɔ, n daŋ kaa bir ba ii be.” U gil baa Ɛfɛsus, ka ga zuu muugbera di ra la, 22di ga hel Siizaria, di lii di la Jɛrusalɛm ga jaami Yeesu hiŋra de ka la Antiɔk.
23U ga birgi de tama, ka lii de di ra gaagi bola Galesia hɛri ni Firijia hɛri maa di ra du Yeesu hiŋra maa bɔkpega di ra la.#Gale 1:2
24Denii Jus hinuu bɛl n lii Alɛgzandria ba Ɛfɛsus. U sɔnnɛ faa Apɔlɔs. U zum wia ŋɔirɛ werge di wer di ra bagli Kɔraawiizi Hɔŋ wia nɛnnɛ. 25U faa helli Yeesu ŋmɛnɛɛ wiarɛ. A du u bampirii werge, u ra ŋɔa, a maa ra deŋli. Ka niisɔɔlii la wia uŋ ɔɔ ra bagli la, Jɔɔn niisɔɔliirɛ. U bɛŋ wiarɛ u zum. 26U ba Ɛfɛsus di waa ŋɔ wia Jus hina jaamaa dia biini ni bɔkpega ni. Pirsila ni Akuila du de di nuu di lawuu la ba dia di ga bagluu Kɔraawiizi wia la uŋ faa waa zummɛ ú ra ŋɔa á ra deŋli nɛnnɛ.
27Denii Apɔlɔs ra nyiŋŋi u la Akaaya. Babalaa duu bɔkpega ú ra la di sɛbi hɔŋ tɛu ú ga tɛɛ Yeesu hiŋra la n du de bá sɛɛ di lɛɛu. U la de di ga wer hiini banla Kɔraawiizi n suŋ ba ni di hiini ba wer yarduu la werge, 28dikuubɛɛwiai, u ɔɔ weruu di Jus hina hɔɔzi werge ba jaamaa diini biini di wer bagli baa lii Kɔraawiizi Hɔŋ biini lugɔ Yeesuu ɛɛ Kristo la. Ba waa kaa wer ba diu hɔɔzi.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2017, Copyright Ghana Institute of Linguistics, Literacy and Bible Translation in co-operation with Wycliffe Bible Translators, Inc.