Wiɛɛlaa 17
17
Pɔɔl ni Silas n la Tɛsalɔnika wia
1Banna la hiŋ ba ga Amfipɔlis ni Apɔlɔnia di ga hel Tɛsalɔnika. Jus hina jaamaa dia bɛl du denii.#1Tɛs 1:1 2Pɔɔl zuu ba be jaamaa dia la biini gunla uŋ ɔɔ ra ɛɛ bola maa la. Gunnɛ u ɛɛ ba Heezaa Hɔpizaa ahoro maa 3di ra di baa hɔɔzi di ra bagli baa Kristo wia lii Kɔraawiizi Hɔŋ biini, bá zum lugɔ Kɔraawiizi dɔgtɛɛzi la faa baglɔɔrɛ lugɔ Kristo daŋ wa di tɔɔrɔɔ di siu ka izi siu biini. Uŋ wa bagli baa guŋ, u ŋɔ, “Yeesu naa miŋ ɔɔ ŋɔ u wia di ra tɛɛ ia naa, waabuu a Kristo.” 4Baŋhina sɛɛ tɛu. Giris wiijaama kpila ni hahgandawa kpila maa sɛɛ di wa jaa u ni Silas ni.
5Denii Jus hina bɔra ra wii. Ba ga nyiŋŋi nɛkpakpalli baŋhina n ɔɔ du yawa bɔr la bá hiini baa. Ba chaali nɛra werge di koozi a bol maa u ra kɔɔ. Ba la Jasɔn dia bá ga lau Pɔɔl ni Silas lii di tɛɛ nɛra la 6di ga nyiŋŋi baa huhzi de, ka lau Jasɔn ni Yeesu hiŋra baŋhina, di tɛrgi baa la ba bol nabɔnzi be, di wa ŋɔ, “Nɛra la n ɔɔ vol di ra koozi wia la ba bɔnnaa gbaa. 7Jasɔn gil ba wa du u dia. Ba maa ra chɔgi yaa Koorizeŋ Siiza gbɔgnii di ra ŋɔ dí koori bɛllɛ kaa du de. Waabuu Yeesu.” 8Nɛkpila la ni bol nabɔnzi la n wa nuu guŋ, a tir baa. 9Ba gil Jasɔnwaa dau kebee mɔɔ ka ba gil baa ba lii.#Wiɛɛ 23:11
Pɔɔl ni Silas n la Biria wia
10Denii Yeesu hiŋra la ɛɛ manaŋ di ta Pɔɔl ni Silas ŋmɛnɛɛ hamuŋa ni bá la Biria. Ba la Biria di ga zuu Jus hina jaamaa dia de. 11Jus hina la n du de la waa dignikpega hina ɛɛwɛ lugɔ Tɛsalɔnika Jus hina la. Ba aah siwii di ra nuu wiŋɔzi la di ra pessi Kɔraawiizi Hɔŋ biini wia hɔpizibii maa bá zum, di ba wiŋɔzi la ɛɛ wibii gɛɛ a waa wibii ɛɛwɛ. 12Bakpila maa yardi ba wiŋɔzi hiŋ. Giris hahgandawa kpila ni baala kpila gba yardi.
13Tɛsalɔnika Jus hina n wa nuuwɛ lugɔ Pɔɔl kaa ra ŋɔ Kɔraawiizi wia Biria, ba izi la de ge di gaa ɛɛ nɛra ba baana ra fuuh. 14Denii Yeesu hiŋra la ɛɛ manaŋ di ta Pɔɔl ŋmɛnɛɛ dí ú ra la muuzeŋ la barii, ka Silas ni Timoti ge so a bol. 15Baŋhina du Pɔɔl ra la ga hel Atɛns maa, ka Pɔɔl ŋɔ dí ba bir la ga ŋɔ Silas ni Timoti be, dí ba ba u be manaŋ. Ba kaali.
Pɔɔl ni Silas n la Atɛns wia
16Pɔɔl n du Atɛns di ra kpaŋ baa la, u binni di vugaa gbigi de maa. U biini chɔgi. 17U izi la ba jaamaa dia di ga di Jus hina ni wiijaama la n du de la hɔɔzi di ɔɔ ra la jaamaa bɔr hɔpizibii maa di ga ŋɔ wia ra tɛɛ banla maa uŋ ɔɔ huuzi de la. 18Banla n na hiŋ Ɛpikurus ni Stois ŋmɛnɛɛ la waa diu hɔɔzi di pɛɛzi, “Bɛɛ wiŋɔzii wiŋɔbala naa hiŋ ge ra ŋɔ kennei?” Baŋhina ge ŋɔ, “Vuga aŋhina yaa n waa a wia zummɛ wiarɛ u ra ŋɔ.” Unna ŋɔ Yeesu ni siu biini izaa wia werge wiarɛ ba ŋɔ guŋ. 19Ba ga lawuu di la ba seriya diiribɔr bɛl banna yir Arɛɔpagus di wa ŋɔ u be, “Yaa ra nyiŋŋuu ya kaa nuu baglifalii la hinna bagli la. 20Wia la yaa n nuuwɛ i be la tir yaabuu. Awia, yaa ra nyiŋŋuu ya zum a zɛɛ nɛnnɛ.” 21Gunnɛ Atɛns hina ni ba hɔɔhra ɔɔ ra ɛɛ. Ba ɔɔ aah siwiire bá nuu wifalaa di kaa aah siwii bá ŋɔ ba hor.
22Denii Pɔɔl lii chi Arɛɔpagus la baambaaŋ di ŋɔ, “Atɛns hina, mim binni ii wia maa, n zummɔ lugɔ ii ra tɔgzi wiarɛ werge, 23dikuubɛɛwiai, n gaagi ii bol maanii, di na ii mbusu lizibɔra ni ii vuga, di wa na mbusu lizibɔr bɛl iim mawɛɛ, ka sɛbi wia aŋhina di du u ni, dí Kɔraawiizi la iiŋ waa zummɛ la mbusu lizibɔttɛ keŋ. A Kɔraawiizi la iiŋ ŋɔ ii waa zummɛ ka ra jaamuu la, u wiarɛ n ŋɔ ń ŋɔ tɛɛ ia la.
24Kɔraawiizi la n ta hɛri ni kummaa n du u ni di kaa ɛɛ chiŋ ni hɛri maa dɔɔri la, waabuu waa ɔɔ ra zuu diini la newea n mawɛɛ a ɛɛ jaamaa diini la.#Aiza 66:1 25A waa ɛɛwɛ lugɔ newea n hum huma di ra tɛu wiarɛ u wer du de. Akai. Waabuu ra tɛɛ newea miibɔɔ. U benii nɛra maa na ba heeza ni ba kummaa. 26Nɛkpannɛ u faa ta. Newea maa ni ba dee maa lii u ni di yaari hɛri maa. Kɔraawiizi feloore dau ba maa saŋazi ni ba duuribɔra. 27U ɛɛ gunnɛ bá ra nyiŋŋi u bɔr di ra largi bɔr maa bá nau. Ka Kɔraawiizi waa bɔɔnɛɛ duwɛɛ. U dugli yaa maanii. 28Baŋ ɔɔ ŋɔ lugɔ Kɔraawiizi fɔŋŋa wiarɛ yaa maa wer du de di ra heezi di ra hum huma la, wibiire ba ɔɔ ŋɔ. Ii nɛra la n ɔɔ ra sɛbi hɔna la gba di wibiire di ŋɔ, ‘Yaa gba ɛɛ u biizii.’
29Di yaa ɛɛ u biizi, a waa dɛkkɛ yaa n kaa ra binni lugɔ Kɔraawiizi ɛɛ kuna la nɛra n kpa saliŋ ni lugbia ni bia di kpa nfɛrɛ kuari labuu.#Aiza 40:18 30Kɔraawiizi faa waa nɛra wichɔgaa wia ra hagzi saŋa la baŋ faa waa u wia zummɛ la. Ka filaŋkeŋ u ra karfi nɛr maanii yemmaa dí ba gil ba biine chɔgi dikuu ba wichɔgaa wia di gilaa ha, 31dikuubɛɛwiai, u lizi hɔpiziirɛ dau un niŋ di durnya nɛra maa seriya di di wibii tɛɛ baa, di kaa lizi nɛr la n niŋ wa di baa seriya la. U lalli a hinnɛ siu biini ya zum lugɔ wia naa ɛɛ wibiire.”
32Uŋ wa ŋɔ siu biini izaa la wia, baŋhina jaa ra ɛɛu chɛɛtɛ. Baŋhina ge ra ŋɔ, “Yaa haa ra nyiŋŋuu ya nuu i wiŋɔzi hiŋ.” 33Denii Pɔɔl izi lii ba biini di kaali. 34Nɛra baŋhina ba wa jaa u ni di ra hiŋuu di sɛɛ u wiŋɔzi la. Bɛl sɔnnɛ faa Dionisius. U faa ɛɛ Arɛɔpagus seriya diiri bɛllɛ. Bɛl ge ɛɛ haaŋ. U sɔnnɛ faa Damaris. Ba ni baŋhina jaa u ni.
Currently Selected:
Wiɛɛlaa 17: vag
Highlight
Share
Copy
Want to have your highlights saved across all your devices? Sign up or sign in
© 2017, Copyright Ghana Institute of Linguistics, Literacy and Bible Translation in co-operation with Wycliffe Bible Translators, Inc.
Wiɛɛlaa 17
17
Pɔɔl ni Silas n la Tɛsalɔnika wia
1Banna la hiŋ ba ga Amfipɔlis ni Apɔlɔnia di ga hel Tɛsalɔnika. Jus hina jaamaa dia bɛl du denii.#1Tɛs 1:1 2Pɔɔl zuu ba be jaamaa dia la biini gunla uŋ ɔɔ ra ɛɛ bola maa la. Gunnɛ u ɛɛ ba Heezaa Hɔpizaa ahoro maa 3di ra di baa hɔɔzi di ra bagli baa Kristo wia lii Kɔraawiizi Hɔŋ biini, bá zum lugɔ Kɔraawiizi dɔgtɛɛzi la faa baglɔɔrɛ lugɔ Kristo daŋ wa di tɔɔrɔɔ di siu ka izi siu biini. Uŋ wa bagli baa guŋ, u ŋɔ, “Yeesu naa miŋ ɔɔ ŋɔ u wia di ra tɛɛ ia naa, waabuu a Kristo.” 4Baŋhina sɛɛ tɛu. Giris wiijaama kpila ni hahgandawa kpila maa sɛɛ di wa jaa u ni Silas ni.
5Denii Jus hina bɔra ra wii. Ba ga nyiŋŋi nɛkpakpalli baŋhina n ɔɔ du yawa bɔr la bá hiini baa. Ba chaali nɛra werge di koozi a bol maa u ra kɔɔ. Ba la Jasɔn dia bá ga lau Pɔɔl ni Silas lii di tɛɛ nɛra la 6di ga nyiŋŋi baa huhzi de, ka lau Jasɔn ni Yeesu hiŋra baŋhina, di tɛrgi baa la ba bol nabɔnzi be, di wa ŋɔ, “Nɛra la n ɔɔ vol di ra koozi wia la ba bɔnnaa gbaa. 7Jasɔn gil ba wa du u dia. Ba maa ra chɔgi yaa Koorizeŋ Siiza gbɔgnii di ra ŋɔ dí koori bɛllɛ kaa du de. Waabuu Yeesu.” 8Nɛkpila la ni bol nabɔnzi la n wa nuu guŋ, a tir baa. 9Ba gil Jasɔnwaa dau kebee mɔɔ ka ba gil baa ba lii.#Wiɛɛ 23:11
Pɔɔl ni Silas n la Biria wia
10Denii Yeesu hiŋra la ɛɛ manaŋ di ta Pɔɔl ni Silas ŋmɛnɛɛ hamuŋa ni bá la Biria. Ba la Biria di ga zuu Jus hina jaamaa dia de. 11Jus hina la n du de la waa dignikpega hina ɛɛwɛ lugɔ Tɛsalɔnika Jus hina la. Ba aah siwii di ra nuu wiŋɔzi la di ra pessi Kɔraawiizi Hɔŋ biini wia hɔpizibii maa bá zum, di ba wiŋɔzi la ɛɛ wibii gɛɛ a waa wibii ɛɛwɛ. 12Bakpila maa yardi ba wiŋɔzi hiŋ. Giris hahgandawa kpila ni baala kpila gba yardi.
13Tɛsalɔnika Jus hina n wa nuuwɛ lugɔ Pɔɔl kaa ra ŋɔ Kɔraawiizi wia Biria, ba izi la de ge di gaa ɛɛ nɛra ba baana ra fuuh. 14Denii Yeesu hiŋra la ɛɛ manaŋ di ta Pɔɔl ŋmɛnɛɛ dí ú ra la muuzeŋ la barii, ka Silas ni Timoti ge so a bol. 15Baŋhina du Pɔɔl ra la ga hel Atɛns maa, ka Pɔɔl ŋɔ dí ba bir la ga ŋɔ Silas ni Timoti be, dí ba ba u be manaŋ. Ba kaali.
Pɔɔl ni Silas n la Atɛns wia
16Pɔɔl n du Atɛns di ra kpaŋ baa la, u binni di vugaa gbigi de maa. U biini chɔgi. 17U izi la ba jaamaa dia di ga di Jus hina ni wiijaama la n du de la hɔɔzi di ɔɔ ra la jaamaa bɔr hɔpizibii maa di ga ŋɔ wia ra tɛɛ banla maa uŋ ɔɔ huuzi de la. 18Banla n na hiŋ Ɛpikurus ni Stois ŋmɛnɛɛ la waa diu hɔɔzi di pɛɛzi, “Bɛɛ wiŋɔzii wiŋɔbala naa hiŋ ge ra ŋɔ kennei?” Baŋhina ge ŋɔ, “Vuga aŋhina yaa n waa a wia zummɛ wiarɛ u ra ŋɔ.” Unna ŋɔ Yeesu ni siu biini izaa wia werge wiarɛ ba ŋɔ guŋ. 19Ba ga lawuu di la ba seriya diiribɔr bɛl banna yir Arɛɔpagus di wa ŋɔ u be, “Yaa ra nyiŋŋuu ya kaa nuu baglifalii la hinna bagli la. 20Wia la yaa n nuuwɛ i be la tir yaabuu. Awia, yaa ra nyiŋŋuu ya zum a zɛɛ nɛnnɛ.” 21Gunnɛ Atɛns hina ni ba hɔɔhra ɔɔ ra ɛɛ. Ba ɔɔ aah siwiire bá nuu wifalaa di kaa aah siwii bá ŋɔ ba hor.
22Denii Pɔɔl lii chi Arɛɔpagus la baambaaŋ di ŋɔ, “Atɛns hina, mim binni ii wia maa, n zummɔ lugɔ ii ra tɔgzi wiarɛ werge, 23dikuubɛɛwiai, n gaagi ii bol maanii, di na ii mbusu lizibɔra ni ii vuga, di wa na mbusu lizibɔr bɛl iim mawɛɛ, ka sɛbi wia aŋhina di du u ni, dí Kɔraawiizi la iiŋ waa zummɛ la mbusu lizibɔttɛ keŋ. A Kɔraawiizi la iiŋ ŋɔ ii waa zummɛ ka ra jaamuu la, u wiarɛ n ŋɔ ń ŋɔ tɛɛ ia la.
24Kɔraawiizi la n ta hɛri ni kummaa n du u ni di kaa ɛɛ chiŋ ni hɛri maa dɔɔri la, waabuu waa ɔɔ ra zuu diini la newea n mawɛɛ a ɛɛ jaamaa diini la.#Aiza 66:1 25A waa ɛɛwɛ lugɔ newea n hum huma di ra tɛu wiarɛ u wer du de. Akai. Waabuu ra tɛɛ newea miibɔɔ. U benii nɛra maa na ba heeza ni ba kummaa. 26Nɛkpannɛ u faa ta. Newea maa ni ba dee maa lii u ni di yaari hɛri maa. Kɔraawiizi feloore dau ba maa saŋazi ni ba duuribɔra. 27U ɛɛ gunnɛ bá ra nyiŋŋi u bɔr di ra largi bɔr maa bá nau. Ka Kɔraawiizi waa bɔɔnɛɛ duwɛɛ. U dugli yaa maanii. 28Baŋ ɔɔ ŋɔ lugɔ Kɔraawiizi fɔŋŋa wiarɛ yaa maa wer du de di ra heezi di ra hum huma la, wibiire ba ɔɔ ŋɔ. Ii nɛra la n ɔɔ ra sɛbi hɔna la gba di wibiire di ŋɔ, ‘Yaa gba ɛɛ u biizii.’
29Di yaa ɛɛ u biizi, a waa dɛkkɛ yaa n kaa ra binni lugɔ Kɔraawiizi ɛɛ kuna la nɛra n kpa saliŋ ni lugbia ni bia di kpa nfɛrɛ kuari labuu.#Aiza 40:18 30Kɔraawiizi faa waa nɛra wichɔgaa wia ra hagzi saŋa la baŋ faa waa u wia zummɛ la. Ka filaŋkeŋ u ra karfi nɛr maanii yemmaa dí ba gil ba biine chɔgi dikuu ba wichɔgaa wia di gilaa ha, 31dikuubɛɛwiai, u lizi hɔpiziirɛ dau un niŋ di durnya nɛra maa seriya di di wibii tɛɛ baa, di kaa lizi nɛr la n niŋ wa di baa seriya la. U lalli a hinnɛ siu biini ya zum lugɔ wia naa ɛɛ wibiire.”
32Uŋ wa ŋɔ siu biini izaa la wia, baŋhina jaa ra ɛɛu chɛɛtɛ. Baŋhina ge ra ŋɔ, “Yaa haa ra nyiŋŋuu ya nuu i wiŋɔzi hiŋ.” 33Denii Pɔɔl izi lii ba biini di kaali. 34Nɛra baŋhina ba wa jaa u ni di ra hiŋuu di sɛɛ u wiŋɔzi la. Bɛl sɔnnɛ faa Dionisius. U faa ɛɛ Arɛɔpagus seriya diiri bɛllɛ. Bɛl ge ɛɛ haaŋ. U sɔnnɛ faa Damaris. Ba ni baŋhina jaa u ni.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2017, Copyright Ghana Institute of Linguistics, Literacy and Bible Translation in co-operation with Wycliffe Bible Translators, Inc.