Wiɛɛlaa 16
16
Timoti n jaa Pɔɔl ni Silas ni wia
1Ba wa hel Dɛbɛ ni Listra, di Yeesu hiŋri bɛl faa du de. U sɔnnɛ faa Timoti. U maa faa ɛɛ Jus hinuurɛ di ra hiŋ Yeesu. U mɛɛ ge ɛɛ Giris hinuu.#2Tim 1:5 #1Tim 1:2 2Timoti la faa dɔɔ sɔnnɛ babalaa la n du Listra ni Aikonium la be. 3Pɔɔl faa ra nyiŋŋuu lugɔ Timoti hiŋuu ra la, ka kuu Jus hina la n du de barii la wia di gil ba teŋ Timoti hɛŋ, dikuubɛɛwiai, ba maa zummɔɔ u mɛɛ n ɛɛ Giris hinuu. 4Ba kpa ra la.
Banna la la, di ba wa zuu bol maa, ba ɔɔ ŋɔ ba be kiizi la Yeesu huŋhunna la ni Jɛrusalɛm hina nabɔnzi n ŋɔwɛɛ la wia, 5di ra du baa bɔkpega bá ra hiŋ nɛnnɛ. Yeesu hiŋra na nɛra di ra jaa hɔpizibii maa.
Pɔɔl n na wia lugɔ deeza biini lii Troas wia
6Pɔɔl ni u dɔŋahina ga Firijia ni Galesia barii di ra la, dikuubɛɛwiai, Kɔraawiizi Dumnanii waa sɛɛwɛ ba zuu Eesia hɛri di ŋɔ Kɔraawiizi wia de. 7Ba ba Misia di ŋɔ bá zuu Bitinia hɛri ka Yeesu Duma bir baa. 8Ba ga Misia di ra la ga hel Troas. 9Pɔɔl na wia aŋhina hamuŋa ni lugɔ deeza biini. U na Masɛdɔnia hiŋ bɛl n chigɛ di ra fɔrguu di ra ŋɔ, “Ba Masɛdɔnia hɛri di wa hiini yaa.” 10Pɔɔl n wa na a wia tuŋ, u ni yaa ɛɛ sirya ya la de, dikuubɛɛwiai, denii yaa chi zum lugɔ Kɔraawiizi ra nyiŋŋuu ya la ga lizi amaniyesuma la tɛɛ baa.
Lidia nfɛrɛ biraa Filipai biini wia
11Yaa zuu muugbera di lii Troas di deŋli la Samotiresia. Hɔɔ wa pizi yaa kaa izi de la Niapɔlis 12di kaa izi de ge la Filipai. Filipai la ɛɛ Masɛdɔnia hɛri nyuu bɔttɛ u nɛra dɔɔ fɔŋŋa la dee Room hina n dɔɔwɛ la. Yaa birgi de tama.#Fili 1:1
13Heezaa Hɔpizii n wa helle, yaa lii a bol biini di la muu nua di ga nyiŋŋi bɔr la n ɛɛ wiijaami bɔr di so di ŋɔ wia ra tɛɛ haana baŋhina n chaalɛɛ de. 14Haana la n du de di ra nuu yaa wiŋɔzi la bɛl sɔnnɛ faa Lidia. Tayatairaa u lii, di ɛɛ kuna la baŋ ɔɔ lii gara la yoori, di ɛɛ wiijaami. Uŋ wa nuu Pɔɔl wiŋɔzi, Kɔraawiizi pilli u siwee, u wer sɛɛ a wiŋɔzi. 15Yaa sɔ u ni u diahina maa Kɔraawiizi nii. U suŋŋi yaa di ŋɔ, “Di ii yardɔɔ lugɔ n na hiŋ Kɔraawiizii nɛnnɛ, amɔ, ií ba wa du n dia.” Uŋ wa suŋŋi yaa werge, yaa sɛɛ.
Ban tɔ Pɔɔl ni Silas di Filipai wia
16A hɔl bɛl yaa ra la a wiijaami bɔr. Yoŋhaaŋ bɛl wa huuzi yaa. Tinnanchɔgii bɛl ɔɔ ra izuu, u ra na sinai di ra vug nɛra. U dɔɔra ra na kebee werge. 17A yoŋhaaŋ ra hiŋ yaa ni Pɔɔl harbɔɔ di pogzi ra ŋɔ, “Baala naa ɛɛ Kɔraawiizizeŋ balaarɛ. Kɔraawiizi miibɔɔ tɛɛi wiŋɔzii ba ŋɔ di ra tɛɛ ia la.” 18Hɔpizii maa u ɔɔ ɛɛ guŋ. A wa bazi Pɔɔl. U bir ŋɔ tinnanchɔgii la n ɔɔ ra izuu la be, “N na ŋɔ i benii Yeesu Kristo sɔŋ biini, wa lii haaŋ naa ni.” A tinnanchɔgii wa lii kakpaŋ.
19U dɔɔra n wa zummɛ lugɔ ba wàá ka na tɔna maa u be la, ba la ga lauri Pɔɔl ni Silas fɔŋŋa ni di tɛrgi baa la ba jaamaa bɔr la ba bol nabɔnzi n ɔɔ chaali la, 20di ga ŋɔ banla n ɛɛ Room sitɔɔra be, “Baala naa ɛɛ Jus hinaa di ba ɛŋ waa tɔɔri yaa bol hina werge, 21di ra dau naana wia la Room hina n na kii la.”
22Nɛkpila la n du de la maa ɛɛ nuukpaŋ di hiŋ ba nua di ra chagzi baa.
A Room sitɔɔra lau ba laala wir ba ni ka ŋɔ dí ba lɔɔzi baa daazi. 23Ba lɔɔzi baa werge ka jaa tɔ baa nɛra tɔi dia, ka ŋɔ a dia nabɔma be di ú ra du ba tau nɛnnɛ ra tɛɛ baa.#2Kɔr 6:5 24U kpogli baa zuu a nɛra tɔi dia diisee di du ba naazi daazi.
25Hɛuh n wa hɛɛhzɛɛ, Pɔɔl ni Silas ra jaami Kɔraawiizi di yir yira di ra tɛu, a nɛra la baŋ tɔ a dia la ra nuu. 26Denii kakpaŋ hɛri zigli werge maa, a nɛra tɔi dia maa zigli, u dominuuzi maa pilli, banla baŋ tɔ dia la maa yɔlɔzi pur. 27A nɛra tɔi dia nabɔma izi dɔɔ, di a nɛra tɔi dia hiŋ dominuuzi maa pillɔɔ. U pam u kizee di ŋɔ ú kpu u hiŋ. U niikoo a nɛra la baŋ tɔ dia la maa chɔwɔɔrɛ lii. 28Ka Pɔɔl pogzi werge di ŋɔ, “Gilɛɛ ɛɛ i hiŋ wiimaa. Yaa maanii haa du de.”
29U ŋɔ dí ba kpa fintinazi ba. Ba kpaa ba. U chɔ zuu ba be. Ɔnsii n lawuu werge wia u bɔra maa ra sa. U chɔɔ hɛri Pɔɔl ni Silas see di ra jaami baa, 30ka izi kpa baa lii di pɛɛzi baa, “Yaabalaa, ɛrɛɛ ń ɛɛ di lɛɛ n hiŋ lii Kɔraawiizi baaŋ biinei?”
31Ba ŋɔ, “Yardi Yeesu Kɔ́raawiizi lɛɛ i ni i diahina maa.” 32Ba ŋɔ Kɔraawiizi wia ra tɛɛ u ni banla maa n du u dia. 33Denii u lau baa a hamuŋa hiŋ di yagli ba bɔra baŋ lɔɔzɛɛ a mɔnni la. Ba sɔ u ni u diahina maa Kɔraawiizi nii a hamuŋa hiŋ. 34Denii u lau baa zuu u dia di ɛɛ diwee tɛɛ baa ba di. U ni u diahina maa bɔra sɔɔni werge dikuu baŋ yardi Kɔraawiizi wia.
35Hɔɔŋ wa pizɛɛ, Room sitɔɔra la hum ba balaa ba wa ŋɔ nɛra tɔi dia nabɔma la be, “Tɛɛ nɛra la ŋmɛnɛɛ bá lii.” 36U ga ŋɔ Pɔɔl be, “Room sitɔɔra la hum nɛraa ba wa ŋɔ n be dí n tɛɛ ia ŋmɛnɛɛ ii lii. Awia, ií wa lii. Kɔ́raawiizi la ii ni.”
37Ka Pɔɔl bir ŋɔ banla Room sitɔɔra n hummɛ nɛra tɔi dia nabɔma be la, “Baŋ wa di yaa seriya, ba waa nawɛɛ yaa n ɛɛ wichɔgii maa, ka lɔɔzi yaa nɛra baaŋ di tɔ yaa dia. Yaa ɛɛ Room hinaa ka ba ɛɛ yaa guŋ, ka jaa ra nyiŋŋi ba suahzi lizi yaa. Akai. Màá sɛɛ guŋ. Ií ga ŋɔ ba be bá himmaa wa lizi yaa.”
38A nɛra bir la ga ŋɔ guŋ Room sitɔɔra la be di bagli baa lugɔ ba ɛɛ Room fɔŋŋa diiree. A sitɔɔra n wa nuu guŋ, kafɔŋ lau baa. 39Ba izi la ga fɔrgi baa bá gil tɛɛ baa ka lau baa lii di suŋŋi baa werge lugɔ bá izi kaali. 40Baŋ lii a nɛra tɔi dia biini, ba ga zuu Lidia dia. Baŋ wa na babalaa la maa, ba du baa bɔkpega ka izi ra la.
Currently Selected:
Wiɛɛlaa 16: vag
Highlight
Share
Copy
Want to have your highlights saved across all your devices? Sign up or sign in
© 2017, Copyright Ghana Institute of Linguistics, Literacy and Bible Translation in co-operation with Wycliffe Bible Translators, Inc.
Wiɛɛlaa 16
16
Timoti n jaa Pɔɔl ni Silas ni wia
1Ba wa hel Dɛbɛ ni Listra, di Yeesu hiŋri bɛl faa du de. U sɔnnɛ faa Timoti. U maa faa ɛɛ Jus hinuurɛ di ra hiŋ Yeesu. U mɛɛ ge ɛɛ Giris hinuu.#2Tim 1:5 #1Tim 1:2 2Timoti la faa dɔɔ sɔnnɛ babalaa la n du Listra ni Aikonium la be. 3Pɔɔl faa ra nyiŋŋuu lugɔ Timoti hiŋuu ra la, ka kuu Jus hina la n du de barii la wia di gil ba teŋ Timoti hɛŋ, dikuubɛɛwiai, ba maa zummɔɔ u mɛɛ n ɛɛ Giris hinuu. 4Ba kpa ra la.
Banna la la, di ba wa zuu bol maa, ba ɔɔ ŋɔ ba be kiizi la Yeesu huŋhunna la ni Jɛrusalɛm hina nabɔnzi n ŋɔwɛɛ la wia, 5di ra du baa bɔkpega bá ra hiŋ nɛnnɛ. Yeesu hiŋra na nɛra di ra jaa hɔpizibii maa.
Pɔɔl n na wia lugɔ deeza biini lii Troas wia
6Pɔɔl ni u dɔŋahina ga Firijia ni Galesia barii di ra la, dikuubɛɛwiai, Kɔraawiizi Dumnanii waa sɛɛwɛ ba zuu Eesia hɛri di ŋɔ Kɔraawiizi wia de. 7Ba ba Misia di ŋɔ bá zuu Bitinia hɛri ka Yeesu Duma bir baa. 8Ba ga Misia di ra la ga hel Troas. 9Pɔɔl na wia aŋhina hamuŋa ni lugɔ deeza biini. U na Masɛdɔnia hiŋ bɛl n chigɛ di ra fɔrguu di ra ŋɔ, “Ba Masɛdɔnia hɛri di wa hiini yaa.” 10Pɔɔl n wa na a wia tuŋ, u ni yaa ɛɛ sirya ya la de, dikuubɛɛwiai, denii yaa chi zum lugɔ Kɔraawiizi ra nyiŋŋuu ya la ga lizi amaniyesuma la tɛɛ baa.
Lidia nfɛrɛ biraa Filipai biini wia
11Yaa zuu muugbera di lii Troas di deŋli la Samotiresia. Hɔɔ wa pizi yaa kaa izi de la Niapɔlis 12di kaa izi de ge la Filipai. Filipai la ɛɛ Masɛdɔnia hɛri nyuu bɔttɛ u nɛra dɔɔ fɔŋŋa la dee Room hina n dɔɔwɛ la. Yaa birgi de tama.#Fili 1:1
13Heezaa Hɔpizii n wa helle, yaa lii a bol biini di la muu nua di ga nyiŋŋi bɔr la n ɛɛ wiijaami bɔr di so di ŋɔ wia ra tɛɛ haana baŋhina n chaalɛɛ de. 14Haana la n du de di ra nuu yaa wiŋɔzi la bɛl sɔnnɛ faa Lidia. Tayatairaa u lii, di ɛɛ kuna la baŋ ɔɔ lii gara la yoori, di ɛɛ wiijaami. Uŋ wa nuu Pɔɔl wiŋɔzi, Kɔraawiizi pilli u siwee, u wer sɛɛ a wiŋɔzi. 15Yaa sɔ u ni u diahina maa Kɔraawiizi nii. U suŋŋi yaa di ŋɔ, “Di ii yardɔɔ lugɔ n na hiŋ Kɔraawiizii nɛnnɛ, amɔ, ií ba wa du n dia.” Uŋ wa suŋŋi yaa werge, yaa sɛɛ.
Ban tɔ Pɔɔl ni Silas di Filipai wia
16A hɔl bɛl yaa ra la a wiijaami bɔr. Yoŋhaaŋ bɛl wa huuzi yaa. Tinnanchɔgii bɛl ɔɔ ra izuu, u ra na sinai di ra vug nɛra. U dɔɔra ra na kebee werge. 17A yoŋhaaŋ ra hiŋ yaa ni Pɔɔl harbɔɔ di pogzi ra ŋɔ, “Baala naa ɛɛ Kɔraawiizizeŋ balaarɛ. Kɔraawiizi miibɔɔ tɛɛi wiŋɔzii ba ŋɔ di ra tɛɛ ia la.” 18Hɔpizii maa u ɔɔ ɛɛ guŋ. A wa bazi Pɔɔl. U bir ŋɔ tinnanchɔgii la n ɔɔ ra izuu la be, “N na ŋɔ i benii Yeesu Kristo sɔŋ biini, wa lii haaŋ naa ni.” A tinnanchɔgii wa lii kakpaŋ.
19U dɔɔra n wa zummɛ lugɔ ba wàá ka na tɔna maa u be la, ba la ga lauri Pɔɔl ni Silas fɔŋŋa ni di tɛrgi baa la ba jaamaa bɔr la ba bol nabɔnzi n ɔɔ chaali la, 20di ga ŋɔ banla n ɛɛ Room sitɔɔra be, “Baala naa ɛɛ Jus hinaa di ba ɛŋ waa tɔɔri yaa bol hina werge, 21di ra dau naana wia la Room hina n na kii la.”
22Nɛkpila la n du de la maa ɛɛ nuukpaŋ di hiŋ ba nua di ra chagzi baa.
A Room sitɔɔra lau ba laala wir ba ni ka ŋɔ dí ba lɔɔzi baa daazi. 23Ba lɔɔzi baa werge ka jaa tɔ baa nɛra tɔi dia, ka ŋɔ a dia nabɔma be di ú ra du ba tau nɛnnɛ ra tɛɛ baa.#2Kɔr 6:5 24U kpogli baa zuu a nɛra tɔi dia diisee di du ba naazi daazi.
25Hɛuh n wa hɛɛhzɛɛ, Pɔɔl ni Silas ra jaami Kɔraawiizi di yir yira di ra tɛu, a nɛra la baŋ tɔ a dia la ra nuu. 26Denii kakpaŋ hɛri zigli werge maa, a nɛra tɔi dia maa zigli, u dominuuzi maa pilli, banla baŋ tɔ dia la maa yɔlɔzi pur. 27A nɛra tɔi dia nabɔma izi dɔɔ, di a nɛra tɔi dia hiŋ dominuuzi maa pillɔɔ. U pam u kizee di ŋɔ ú kpu u hiŋ. U niikoo a nɛra la baŋ tɔ dia la maa chɔwɔɔrɛ lii. 28Ka Pɔɔl pogzi werge di ŋɔ, “Gilɛɛ ɛɛ i hiŋ wiimaa. Yaa maanii haa du de.”
29U ŋɔ dí ba kpa fintinazi ba. Ba kpaa ba. U chɔ zuu ba be. Ɔnsii n lawuu werge wia u bɔra maa ra sa. U chɔɔ hɛri Pɔɔl ni Silas see di ra jaami baa, 30ka izi kpa baa lii di pɛɛzi baa, “Yaabalaa, ɛrɛɛ ń ɛɛ di lɛɛ n hiŋ lii Kɔraawiizi baaŋ biinei?”
31Ba ŋɔ, “Yardi Yeesu Kɔ́raawiizi lɛɛ i ni i diahina maa.” 32Ba ŋɔ Kɔraawiizi wia ra tɛɛ u ni banla maa n du u dia. 33Denii u lau baa a hamuŋa hiŋ di yagli ba bɔra baŋ lɔɔzɛɛ a mɔnni la. Ba sɔ u ni u diahina maa Kɔraawiizi nii a hamuŋa hiŋ. 34Denii u lau baa zuu u dia di ɛɛ diwee tɛɛ baa ba di. U ni u diahina maa bɔra sɔɔni werge dikuu baŋ yardi Kɔraawiizi wia.
35Hɔɔŋ wa pizɛɛ, Room sitɔɔra la hum ba balaa ba wa ŋɔ nɛra tɔi dia nabɔma la be, “Tɛɛ nɛra la ŋmɛnɛɛ bá lii.” 36U ga ŋɔ Pɔɔl be, “Room sitɔɔra la hum nɛraa ba wa ŋɔ n be dí n tɛɛ ia ŋmɛnɛɛ ii lii. Awia, ií wa lii. Kɔ́raawiizi la ii ni.”
37Ka Pɔɔl bir ŋɔ banla Room sitɔɔra n hummɛ nɛra tɔi dia nabɔma be la, “Baŋ wa di yaa seriya, ba waa nawɛɛ yaa n ɛɛ wichɔgii maa, ka lɔɔzi yaa nɛra baaŋ di tɔ yaa dia. Yaa ɛɛ Room hinaa ka ba ɛɛ yaa guŋ, ka jaa ra nyiŋŋi ba suahzi lizi yaa. Akai. Màá sɛɛ guŋ. Ií ga ŋɔ ba be bá himmaa wa lizi yaa.”
38A nɛra bir la ga ŋɔ guŋ Room sitɔɔra la be di bagli baa lugɔ ba ɛɛ Room fɔŋŋa diiree. A sitɔɔra n wa nuu guŋ, kafɔŋ lau baa. 39Ba izi la ga fɔrgi baa bá gil tɛɛ baa ka lau baa lii di suŋŋi baa werge lugɔ bá izi kaali. 40Baŋ lii a nɛra tɔi dia biini, ba ga zuu Lidia dia. Baŋ wa na babalaa la maa, ba du baa bɔkpega ka izi ra la.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2017, Copyright Ghana Institute of Linguistics, Literacy and Bible Translation in co-operation with Wycliffe Bible Translators, Inc.