Wiɛɛlaa 15
15
Jɛrusalɛm biini chaalaa wia
1Nɛra baŋhina lii Juda hɛri di ba Antiɔk di waa ŋɔ babalaa Yeesu hiŋra be, “Di ii waa Moosis Hɔŋ la ra hiŋ di ra teŋri ii hɛna, Kɔraawiizi wàá lɛɛ ia.”#Levi 12:3 2Pɔɔl ni Banabas ra di baa hɔɔzi werge maa dikuu a wii wia. Awia, ba ŋɔ dí a wesso Pɔɔl ni Banabas ni Antiɔk hina baŋhina n la Jɛrusalɛm di ga na Yeesu huŋhunna la ni nabɔnzi la di pɛɛzi baa a wii. 3Ba hum baa, ba ra la. Banna la la, ba ga Fonisia hɛri ni Samaria hɛri di ra la di ra ŋɔ babalaa maa be lugɔ banla n waa Jus hina ɛɛwɛ jaa bir ba bampireere di ra hiŋ Kɔraawiizi. Ba amaniye hiŋ gil ba bɔra sɔɔni werge. 4Ba wa hel Jɛrusalɛm. Yeesu hiŋra ni u huŋhunna ni nabɔnzi la maa chaali di jaami baa. Ba bagli gunla maa Kɔraawiizi n hiini baa ba ɛɛ la di tɛɛ baa.
5Denii Yeesu hiŋra la n ɛɛ Farisizi la izi di ŋɔ, “Di banla n waa Jus hina ɛɛwɛ ra nyiŋŋi ba hiŋ, amɔ, i daŋ gil ba teŋri ba hɛna ka ra hiŋ Moosis Hɔŋ la.”
6Yeesu huŋhunna la ni nabɔnzi la chaali dɔŋa di kaa ra ŋɔ a wia, 7di ra di hɔɔzi. Pitta wa izi di ŋɔ, “Yaabalaa, ii zummɔ lugɔ Kɔraawiizi faa lizimbuu ŋɔ ń la ga lizi amaniyesuma la di tɛɛ banla n waa Jus hina ɛɛwɛ bá ge nuu di yardi Yeesu. N ga lizaa tɛɛ baa.#Wiɛɛ 10:1-48 8Kɔraawiizi n wette zum nɛra maa bampiree biini wiarɛ u kpa u Dumnanii di tɛɛ baa gunla uŋ faa kpau tɛɛ yaa la di bagli lugɔ ba wia paruubuu. 9Waa binnɛɛ lugɔ yaa kuttɔɔ ba ni. Baŋ yardi Yeesu wiarɛ u gil ba wichɔgaa tɛɛ baa. 10Bɛɛ wiarɛ ii ŋɔ ií fir Kɔraawiizi kennei? Ii ŋɔ ií kpa buntɔga naa yaa ni yaa naabaala maa n faa waa wette chi naabuu di chug Yeesu hiŋra laa? 11Akai! Guŋ waa wer. Yaa n yardi Yeesu u ge suŋ yaa ni di hiini yaa la wiarɛ u lɛɛ yaa. Ba ge gba gunnɛ.”
12Banla maa n chaali de la waa kaa di baa hɔɔzi, ka jaa ra nuu Banabas ni Pɔɔl be. Ba bagli baa wizenaa ni nuukpuuri wia la Kɔraawiizi n hiini baa ba wer ɛɛ banla n waa Jus hina ɛɛwɛ biini. 13Baŋ wa bagli baa tuŋ, Jems ŋɔ, “Yaabalaa, ií nuu n be. 14Saimɔn Pitta ŋɔ yaa benii gunla Kɔraawiizi n felee lizi nɛra tɛɛ u hiŋ durnya maa biini ú sɔŋ du ba ni labuu, 15dɔgtɛɛzi la maanii faa ŋɔ guŋ di sɛbi Kɔraawiizi Hɔŋ biini di ŋɔ,
16‘Mìŋ́ Kɔraawiizi ŋɔwɔɔrɛ lugɔ
n daŋ kaa bir ba ii be
di wa ma Koori Deevid
dia la n faa cholle la.
U bɔpurgaa la maanii
ń kuari ma ú chi nɛnnɛ,#Emɔs 9:11-12
17dúrnya nɛra maa n kawɛɛ ge wer ba
di waa nyiŋŋi n bɔr
di ra hiŋiŋ.
Banla n waa Jus hina ɛɛwɛ ka n lizi
baa tɛɛ n hiŋ
di kpa n sɔŋ du ba
ni labuu niŋ waa
nyiŋŋi n bɔr.
18Mìŋ́ Kɔraawiizi ŋɔ guŋ
di gil ba zum a wia saŋa maa.’
19Awia, gunla miŋwaa n nawɛɛ, a waa wer yaa n kpa Moosis Gbɔg naa hiŋaa wia di ra tɔɔri banla n waa Jus hina ɛɛwɛ ka bir ba bampiree di ra hiŋ Kɔraawiizi la. 20Ka ií gil ya sɛbi hɔŋ bɛl tɛɛ baa di ŋɔ bá gil vuga wia á gilɛɛ kaa kpa doŋa sag ba ni, di gil sɛnsɛŋ wia ge di gilɛɛ ra di kunla baŋ hanzi u baŋaa u siu ni chal,#Levi 3:17 21dikuubɛɛwiai, banla n na bagli Moosis Gbɔg wia du bol maanii. Ba Heezaa Hɔpizii maanii ba karmi u hɔŋ la ba jaamaa diini biini guŋŋ di wa lii ni zinaa.”
Hɔŋ baŋ sɛbɛɛ tɛɛ nɛra la n waa Jus hina ɛɛwɛ n sɛɛ Yeesu wia la
22Denii Yeesu huŋhunna la ni nabɔnzi la ni Yeesu hiŋra la maa ɛɛ nuukpaŋ di ŋɔ bá lizi daansɛɛ hina ba biini, bá du Pɔɔl ni Banabas di la Antiɔk. Ba lizi nabɔnzi banɛɛ ba biini. Bɛl sɔnnɛ Judas, ba kaa ra yiruu Basabas. Bɛl ge sɔnnɛ Silas.
23Denii ba sɛbi hɔŋ bɛl di kpa tɛɛ baa. A hɔŋ biini ba ŋɔwɔɔrɛ,
“Ii balaa Yeesu huŋhunna la ni nabɔnzi la maa ra jaami ia.
Yaabalaa la n waa Jus hina ɛɛwɛ di du Antiɔk ni Siiria ni Silisia hɛri la.
24Yaa nuuwɔ lugɔ yaa nɛra baŋhina ŋɔ wia aŋhinaa tɛɛ ia di tɔɔri ia. Ba waa yaa pɛɛzɛɛ mɔɔ ka ŋɔ guŋ. A tir ia. Ii bampiree waa kaa ɛɛ kpaŋ. 25Awiarɛ yaa maa ɛɛ nuukpaŋ di ŋɔ ya lizi yaa daansɛɛ hina di gil bá du yaa nɛnɔŋŋaa Banabas ni Pɔɔl di ba ii be. 26Banabas ni Pɔɔl ɔɔ ra hum yaa Dɔɔri Yeesu Kristo humaa ani bampirkpaŋ. Ba baga lɛi ba miibɔɔni wia, ka ra humaa. 27Yaa lizi Judas ni Silas di hum baa bá wa ŋɔ anniizi tɛɛ ia. 28Yaa ni Kɔraawiizi Dumnanii jinaa keŋ. Yaa ŋɔ yaa wàá kpa wikiilaa maa di tɛɛ ia see anla n niŋ hiini ia. 29Awia, ií ra kii kuna la baŋ kpuwɛɛ di ra tɛɛ vuga ani chal ani kuna la baŋ ɔɔ hanzi a baŋaa a siuzi la ani sɛnsɛŋ wia. Di ii ra kii anniizi, ii daŋ wer dɔɔ nuukpaŋ dɔŋa be.
Kɔ́raawiizi hiini ia.”
30Baŋ wa kpa hɔŋ la tɛɛ Pɔɔl ni Banabas waa, ba jaa ta baa. Ba la Antiɔk di ga chaali Yeesu hiŋra maa di kpa hɔŋ la tɛɛ baa bá karmi. 31Baŋ wa karmuu, ba bɔra sɔɔni baabuu, dikuubɛɛwiai, a hɔŋ du baabuu bɔkpega werge.
32Judas ni Silas ɛɛ Kɔraawiizi dɔgtɛɛzii. Awia, ba wettoo di ra ŋɔ wikpila Yeesu hiŋra la be, di ra hiini baa di ra du baa bɔkpega.
33Baŋ wa birgi de tama, babalaa la ŋɔ dí ba bir la babalaa la n hum baa la be. 34Judas ni Silas bir kaali, 35ka Pɔɔl ni Banabas haa du ba be Antiɔk. Ba ni nɛkpila ŋɔ Kɔraawiizi wia di ra tɛɛ nɛra di kaa ra bagli nɛra.
Pɔɔl ni Banabas dɔŋa bargaa wia
36Aŋ wa ɛɛ tama, Pɔɔl ŋɔ Banabas be, “Gil ya la yaabalaa la maa n du bola la maa yaa n faa gaagɛɛ di ŋɔ Kɔraawiizi wia la be di ga na gunla ba maa n duwɛɛ.” 37Banabas ra nyiŋŋi ŋɔ Jɔɔn la banna yir Maak la hiŋ baa la. 38Ka Pɔɔl faa waa gunna nyiŋŋi. Uŋ faa vɛɛ u huma Pamfilia di bir kpo saŋa la uŋ faa du ba be la wiarɛ Pɔɔl biini waa kaa huuhzi lugɔ ú kaa hiŋ baa la.#Wiɛɛ 13:13 39A jaa ɛɛ baa kinchaŋ. Ba bargi dɔŋa ni. Banabas kpa Maak di zuu muugbera bɛl di la Saiprɔs. 40Pɔɔl ge lizi Silas. Yeesu hiŋra suŋŋi wiizi tɛɛ baa di kpa baa du u nonee, ú nɛsunaa ni u hiinaa du ba be. 41Denii ba kpa ra la di ga Siiria ni Silisia hɛri di ra du Yeesu hiŋra maa bɔkpega di ra la.
Currently Selected:
Wiɛɛlaa 15: vag
Highlight
Share
Copy
Want to have your highlights saved across all your devices? Sign up or sign in
© 2017, Copyright Ghana Institute of Linguistics, Literacy and Bible Translation in co-operation with Wycliffe Bible Translators, Inc.
Wiɛɛlaa 15
15
Jɛrusalɛm biini chaalaa wia
1Nɛra baŋhina lii Juda hɛri di ba Antiɔk di waa ŋɔ babalaa Yeesu hiŋra be, “Di ii waa Moosis Hɔŋ la ra hiŋ di ra teŋri ii hɛna, Kɔraawiizi wàá lɛɛ ia.”#Levi 12:3 2Pɔɔl ni Banabas ra di baa hɔɔzi werge maa dikuu a wii wia. Awia, ba ŋɔ dí a wesso Pɔɔl ni Banabas ni Antiɔk hina baŋhina n la Jɛrusalɛm di ga na Yeesu huŋhunna la ni nabɔnzi la di pɛɛzi baa a wii. 3Ba hum baa, ba ra la. Banna la la, ba ga Fonisia hɛri ni Samaria hɛri di ra la di ra ŋɔ babalaa maa be lugɔ banla n waa Jus hina ɛɛwɛ jaa bir ba bampireere di ra hiŋ Kɔraawiizi. Ba amaniye hiŋ gil ba bɔra sɔɔni werge. 4Ba wa hel Jɛrusalɛm. Yeesu hiŋra ni u huŋhunna ni nabɔnzi la maa chaali di jaami baa. Ba bagli gunla maa Kɔraawiizi n hiini baa ba ɛɛ la di tɛɛ baa.
5Denii Yeesu hiŋra la n ɛɛ Farisizi la izi di ŋɔ, “Di banla n waa Jus hina ɛɛwɛ ra nyiŋŋi ba hiŋ, amɔ, i daŋ gil ba teŋri ba hɛna ka ra hiŋ Moosis Hɔŋ la.”
6Yeesu huŋhunna la ni nabɔnzi la chaali dɔŋa di kaa ra ŋɔ a wia, 7di ra di hɔɔzi. Pitta wa izi di ŋɔ, “Yaabalaa, ii zummɔ lugɔ Kɔraawiizi faa lizimbuu ŋɔ ń la ga lizi amaniyesuma la di tɛɛ banla n waa Jus hina ɛɛwɛ bá ge nuu di yardi Yeesu. N ga lizaa tɛɛ baa.#Wiɛɛ 10:1-48 8Kɔraawiizi n wette zum nɛra maa bampiree biini wiarɛ u kpa u Dumnanii di tɛɛ baa gunla uŋ faa kpau tɛɛ yaa la di bagli lugɔ ba wia paruubuu. 9Waa binnɛɛ lugɔ yaa kuttɔɔ ba ni. Baŋ yardi Yeesu wiarɛ u gil ba wichɔgaa tɛɛ baa. 10Bɛɛ wiarɛ ii ŋɔ ií fir Kɔraawiizi kennei? Ii ŋɔ ií kpa buntɔga naa yaa ni yaa naabaala maa n faa waa wette chi naabuu di chug Yeesu hiŋra laa? 11Akai! Guŋ waa wer. Yaa n yardi Yeesu u ge suŋ yaa ni di hiini yaa la wiarɛ u lɛɛ yaa. Ba ge gba gunnɛ.”
12Banla maa n chaali de la waa kaa di baa hɔɔzi, ka jaa ra nuu Banabas ni Pɔɔl be. Ba bagli baa wizenaa ni nuukpuuri wia la Kɔraawiizi n hiini baa ba wer ɛɛ banla n waa Jus hina ɛɛwɛ biini. 13Baŋ wa bagli baa tuŋ, Jems ŋɔ, “Yaabalaa, ií nuu n be. 14Saimɔn Pitta ŋɔ yaa benii gunla Kɔraawiizi n felee lizi nɛra tɛɛ u hiŋ durnya maa biini ú sɔŋ du ba ni labuu, 15dɔgtɛɛzi la maanii faa ŋɔ guŋ di sɛbi Kɔraawiizi Hɔŋ biini di ŋɔ,
16‘Mìŋ́ Kɔraawiizi ŋɔwɔɔrɛ lugɔ
n daŋ kaa bir ba ii be
di wa ma Koori Deevid
dia la n faa cholle la.
U bɔpurgaa la maanii
ń kuari ma ú chi nɛnnɛ,#Emɔs 9:11-12
17dúrnya nɛra maa n kawɛɛ ge wer ba
di waa nyiŋŋi n bɔr
di ra hiŋiŋ.
Banla n waa Jus hina ɛɛwɛ ka n lizi
baa tɛɛ n hiŋ
di kpa n sɔŋ du ba
ni labuu niŋ waa
nyiŋŋi n bɔr.
18Mìŋ́ Kɔraawiizi ŋɔ guŋ
di gil ba zum a wia saŋa maa.’
19Awia, gunla miŋwaa n nawɛɛ, a waa wer yaa n kpa Moosis Gbɔg naa hiŋaa wia di ra tɔɔri banla n waa Jus hina ɛɛwɛ ka bir ba bampiree di ra hiŋ Kɔraawiizi la. 20Ka ií gil ya sɛbi hɔŋ bɛl tɛɛ baa di ŋɔ bá gil vuga wia á gilɛɛ kaa kpa doŋa sag ba ni, di gil sɛnsɛŋ wia ge di gilɛɛ ra di kunla baŋ hanzi u baŋaa u siu ni chal,#Levi 3:17 21dikuubɛɛwiai, banla n na bagli Moosis Gbɔg wia du bol maanii. Ba Heezaa Hɔpizii maanii ba karmi u hɔŋ la ba jaamaa diini biini guŋŋ di wa lii ni zinaa.”
Hɔŋ baŋ sɛbɛɛ tɛɛ nɛra la n waa Jus hina ɛɛwɛ n sɛɛ Yeesu wia la
22Denii Yeesu huŋhunna la ni nabɔnzi la ni Yeesu hiŋra la maa ɛɛ nuukpaŋ di ŋɔ bá lizi daansɛɛ hina ba biini, bá du Pɔɔl ni Banabas di la Antiɔk. Ba lizi nabɔnzi banɛɛ ba biini. Bɛl sɔnnɛ Judas, ba kaa ra yiruu Basabas. Bɛl ge sɔnnɛ Silas.
23Denii ba sɛbi hɔŋ bɛl di kpa tɛɛ baa. A hɔŋ biini ba ŋɔwɔɔrɛ,
“Ii balaa Yeesu huŋhunna la ni nabɔnzi la maa ra jaami ia.
Yaabalaa la n waa Jus hina ɛɛwɛ di du Antiɔk ni Siiria ni Silisia hɛri la.
24Yaa nuuwɔ lugɔ yaa nɛra baŋhina ŋɔ wia aŋhinaa tɛɛ ia di tɔɔri ia. Ba waa yaa pɛɛzɛɛ mɔɔ ka ŋɔ guŋ. A tir ia. Ii bampiree waa kaa ɛɛ kpaŋ. 25Awiarɛ yaa maa ɛɛ nuukpaŋ di ŋɔ ya lizi yaa daansɛɛ hina di gil bá du yaa nɛnɔŋŋaa Banabas ni Pɔɔl di ba ii be. 26Banabas ni Pɔɔl ɔɔ ra hum yaa Dɔɔri Yeesu Kristo humaa ani bampirkpaŋ. Ba baga lɛi ba miibɔɔni wia, ka ra humaa. 27Yaa lizi Judas ni Silas di hum baa bá wa ŋɔ anniizi tɛɛ ia. 28Yaa ni Kɔraawiizi Dumnanii jinaa keŋ. Yaa ŋɔ yaa wàá kpa wikiilaa maa di tɛɛ ia see anla n niŋ hiini ia. 29Awia, ií ra kii kuna la baŋ kpuwɛɛ di ra tɛɛ vuga ani chal ani kuna la baŋ ɔɔ hanzi a baŋaa a siuzi la ani sɛnsɛŋ wia. Di ii ra kii anniizi, ii daŋ wer dɔɔ nuukpaŋ dɔŋa be.
Kɔ́raawiizi hiini ia.”
30Baŋ wa kpa hɔŋ la tɛɛ Pɔɔl ni Banabas waa, ba jaa ta baa. Ba la Antiɔk di ga chaali Yeesu hiŋra maa di kpa hɔŋ la tɛɛ baa bá karmi. 31Baŋ wa karmuu, ba bɔra sɔɔni baabuu, dikuubɛɛwiai, a hɔŋ du baabuu bɔkpega werge.
32Judas ni Silas ɛɛ Kɔraawiizi dɔgtɛɛzii. Awia, ba wettoo di ra ŋɔ wikpila Yeesu hiŋra la be, di ra hiini baa di ra du baa bɔkpega.
33Baŋ wa birgi de tama, babalaa la ŋɔ dí ba bir la babalaa la n hum baa la be. 34Judas ni Silas bir kaali, 35ka Pɔɔl ni Banabas haa du ba be Antiɔk. Ba ni nɛkpila ŋɔ Kɔraawiizi wia di ra tɛɛ nɛra di kaa ra bagli nɛra.
Pɔɔl ni Banabas dɔŋa bargaa wia
36Aŋ wa ɛɛ tama, Pɔɔl ŋɔ Banabas be, “Gil ya la yaabalaa la maa n du bola la maa yaa n faa gaagɛɛ di ŋɔ Kɔraawiizi wia la be di ga na gunla ba maa n duwɛɛ.” 37Banabas ra nyiŋŋi ŋɔ Jɔɔn la banna yir Maak la hiŋ baa la. 38Ka Pɔɔl faa waa gunna nyiŋŋi. Uŋ faa vɛɛ u huma Pamfilia di bir kpo saŋa la uŋ faa du ba be la wiarɛ Pɔɔl biini waa kaa huuhzi lugɔ ú kaa hiŋ baa la.#Wiɛɛ 13:13 39A jaa ɛɛ baa kinchaŋ. Ba bargi dɔŋa ni. Banabas kpa Maak di zuu muugbera bɛl di la Saiprɔs. 40Pɔɔl ge lizi Silas. Yeesu hiŋra suŋŋi wiizi tɛɛ baa di kpa baa du u nonee, ú nɛsunaa ni u hiinaa du ba be. 41Denii ba kpa ra la di ga Siiria ni Silisia hɛri di ra du Yeesu hiŋra maa bɔkpega di ra la.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2017, Copyright Ghana Institute of Linguistics, Literacy and Bible Translation in co-operation with Wycliffe Bible Translators, Inc.