Wiɛɛlaa 14
14
Pɔɔl ni Banabas n ba Aikonium wia
1Pɔɔl ni Banabas n ba Aikonium la, ba zuu Jus hina jaamaa dia de di ra bagli baa Kɔraawiizi wia. Ba baglaa la dɔɔ fɔŋŋa. Nɛkpila maa sɛɛ Yeesu wia di yarduu. Jus hina ni Giris hina maanii sɛɛwɛ. 2Ka Jus hina baŋhina waa yardɛɛ di ŋɔ wikpila tɛɛ banla n waa Jus hina ɛɛwɛ la, di chɔg ba wia, ba waa kaa ra tɔgzi baa. 3Ka Pɔɔl ni Banabas du de guŋŋ di haa vɛɛ ra ŋɔ gunla Kɔraawiizi n suŋ nɛra ni di ra hiini baa. Denii Kɔraawiizi ge ra jaa baa fɔŋŋa ba wer ra ɛɛ wizenaa ni nuukpuuri wia nɛra zum lugɔ Kɔraawiizi wiarɛ ba ra ŋɔ.
4A bol biini, baŋhina ra hiŋ Jus hinaa, baŋhina ge ra hiŋ Yeesu huŋhunna la. Ba faa waa nuukpaŋ dɔɔwɛ. 5Denii banla n waa Jus hina ɛɛwɛ baŋhina ni Jus hina ni ba nabɔnzi baŋhina ta jina bɛl bá lɔɔzi baa bia di du baa tɔɔrɔɔ. 6Pɔɔl ni Banabas nuu a wia di chɔ la Laikonia hɛri di ga du Listra ni Dɛbɛ ni bola la n dugli de la 7di kaa lizi amaniyesuma la di ra tɛɛ ba ge.
Pɔɔl ni Banabas n ba Listra ni Dɛbɛ wia
8A hɔl bɛl ba ra ŋɔ a wia Listra, di gbɛrii bɛl sogo. U naazi siuzi. Ban luluu maa, gunnɛ u du. Waa wette u vol. 9U so di ra nuu gunla Pɔɔl n na ŋɔ. Pɔɔl binnuu tiiih, di zum lugɔ u dɔɔ yardaa un niŋ wer chaau. 10U ŋɔ u be kpegzi ni, “Izi chi.” U haŋ lɔ izi di ra vol.
11Nɛkpila du de. Baŋ wa na gunla Pɔɔl n ɛɛwɛ la, ba ra kɔɔ werge di ra ŋɔ ba mɔɔri biini, “Vugaa ba yaa be lugɔ newea.” 12Ba kpa Banabas di ra yir ba vugzeŋ bɛl banna yir Zeyus di kaa kpa Pɔɔl ge di ra yir ba vug bɛl ge banna yir Hɛmɛs, dikuubɛɛwiai, Pɔɔllɛ ɔɔ ra ŋɔ wia. 13Zeyus kuaribɔr faa du a bol nuarɛ. U kizeehiŋ kpa fiiri aŋhina baŋ ɔɔ kpa di mil dɔŋa di kpa laali nɛra di ra kpa baa girme ani naunaa di ba laŋgara di ra nyiŋŋi ú ni a nɛra maa kpu nauna la di kuari a Zeyus ni Hɛmɛs la.
14Pɔɔl ni Banabas n wa nuu a wia, a tir baa werge maa ba lau ba wɛjɛzi piili ka chɔ zuu nɛkpila la baaŋ di ŋɔ kpegzi ni, 15“Yaabalaa, bɛɛ wiarɛ ii ra ɛɛ kennei? Neweare yaa maa. Amaniyesumaa yaa kpa ba ii be, di ŋɔ ií gil wipɛɛri naa maa ha ka bir ra hiŋ unla n ɛɛ Kɔraawiizi himmaa di ta chiŋ ni hɛri ni muuzeŋ ani kuna la maa n du a biine. 16Faala la, u faa bir u hattɛ kpu durnya maa ba maa ra hiŋ ba kipar ŋmɛnizi. 17Ka u faa haa ra ɛɛ yaabuu winanaa, yaa zum lugɔ u haa du denii di ra tɛɛ yaa dooŋ, diwee ra lii yaa ra di, di ra piŋ, yaa bɔra ra sɔɔni.”
18Haali ban ŋɔ wia naa maa gba, ka ba vuga kuaraa la faa haa aah nɛra la siweere werge maa. Pɔɔl ni Banabas n ŋɔ gunla, ka ba faa haa ra nyiŋŋi ba kuari ba kuaraa labuu guŋŋ ka wa gil.
19Denii Jus hina baŋhina lii Antiɔk di ba Aikonium di wa ŋɔ wia aŋhina, di wer bir Listra hina liize, ba baana fuuh du Pɔɔl ni. Ba paa bia lɔɔzuu di tuuzuu lii ba bol biini, di ra fɛ lugɔ u siuwɔɔ. 20Ka Yeesu hiŋra wa chaali u be di baruu, u izi chiŋ di bir zuu a bol biini. Hɔpizi u ni Banabas la Dɛbɛ.
Pɔɔl ni Banabas n bittɛ ba Antiɔk n du Siiria hɛri wia
21Ban du Dɛbɛ la, ba lizi amaniyesuma la tɛɛ ba ge. Nɛkpila sɛɛ Yeesu wia de di ra hiŋ. Ba kaa izi de di bir la Listra ni Aikonium ni Antiɔk 22di gaa du Yeesu hiŋra bɔkpega di ŋɔ ba be, dí ba ra hiŋ Yeesu ŋmɛnɛɛ nɛnnɛ, bá gilɛɛ waa leu, di kaa ŋɔ dí ba daŋ di tɔɔrɔɔ werge mɔɔ ka haa wa zuu Kɔraawiizi Kora biini.
23Banna vol bola la, ba ligzi nɛra a bola biini bá ɛɛ Yeesu hiŋra nabɔnzi. Baŋ ɔɔ ligzi baa la, ba ɔɔ vɔɔ nuarɛ di suŋŋi Kɔraawiizi tɛɛ baa ka kpa baa du Kɔraawiizi la baŋ yardɛɛ la nonee ú ra hiini baa. 24Denii ba izi de di ga Pisidia di ra la ga hel Pamfilia hɛri, 25di ŋɔ wiŋɔzi la Pɛga biini, ka kaa ra la Atalia.
26Baŋ wa lii de, ba zuu muugbera bɛl di bir la Antiɔk. Antiɔk biinii ba faa suŋŋi Kɔraawiizi tɛɛ baa, ú nɛsunaa ni u hiinaa du ba be, bá ra hum huma naa baŋ hummɛ tuŋ naa. 27Baŋ wa ballɛ la, ba chaali Yeesu hiŋra la maa di bagli baa gunla maa Kɔraawiizi n hiini baa di pilli ŋmɛnɛɛ tɛɛ banla n waa Jus hina ɛɛwɛ ba ge wer yardi Yeesu di na lɛɛi. 28Denii ba du Yeesu hiŋra la be de di birgi.
Currently Selected:
Wiɛɛlaa 14: vag
Highlight
Share
Copy
Want to have your highlights saved across all your devices? Sign up or sign in
© 2017, Copyright Ghana Institute of Linguistics, Literacy and Bible Translation in co-operation with Wycliffe Bible Translators, Inc.
Wiɛɛlaa 14
14
Pɔɔl ni Banabas n ba Aikonium wia
1Pɔɔl ni Banabas n ba Aikonium la, ba zuu Jus hina jaamaa dia de di ra bagli baa Kɔraawiizi wia. Ba baglaa la dɔɔ fɔŋŋa. Nɛkpila maa sɛɛ Yeesu wia di yarduu. Jus hina ni Giris hina maanii sɛɛwɛ. 2Ka Jus hina baŋhina waa yardɛɛ di ŋɔ wikpila tɛɛ banla n waa Jus hina ɛɛwɛ la, di chɔg ba wia, ba waa kaa ra tɔgzi baa. 3Ka Pɔɔl ni Banabas du de guŋŋ di haa vɛɛ ra ŋɔ gunla Kɔraawiizi n suŋ nɛra ni di ra hiini baa. Denii Kɔraawiizi ge ra jaa baa fɔŋŋa ba wer ra ɛɛ wizenaa ni nuukpuuri wia nɛra zum lugɔ Kɔraawiizi wiarɛ ba ra ŋɔ.
4A bol biini, baŋhina ra hiŋ Jus hinaa, baŋhina ge ra hiŋ Yeesu huŋhunna la. Ba faa waa nuukpaŋ dɔɔwɛ. 5Denii banla n waa Jus hina ɛɛwɛ baŋhina ni Jus hina ni ba nabɔnzi baŋhina ta jina bɛl bá lɔɔzi baa bia di du baa tɔɔrɔɔ. 6Pɔɔl ni Banabas nuu a wia di chɔ la Laikonia hɛri di ga du Listra ni Dɛbɛ ni bola la n dugli de la 7di kaa lizi amaniyesuma la di ra tɛɛ ba ge.
Pɔɔl ni Banabas n ba Listra ni Dɛbɛ wia
8A hɔl bɛl ba ra ŋɔ a wia Listra, di gbɛrii bɛl sogo. U naazi siuzi. Ban luluu maa, gunnɛ u du. Waa wette u vol. 9U so di ra nuu gunla Pɔɔl n na ŋɔ. Pɔɔl binnuu tiiih, di zum lugɔ u dɔɔ yardaa un niŋ wer chaau. 10U ŋɔ u be kpegzi ni, “Izi chi.” U haŋ lɔ izi di ra vol.
11Nɛkpila du de. Baŋ wa na gunla Pɔɔl n ɛɛwɛ la, ba ra kɔɔ werge di ra ŋɔ ba mɔɔri biini, “Vugaa ba yaa be lugɔ newea.” 12Ba kpa Banabas di ra yir ba vugzeŋ bɛl banna yir Zeyus di kaa kpa Pɔɔl ge di ra yir ba vug bɛl ge banna yir Hɛmɛs, dikuubɛɛwiai, Pɔɔllɛ ɔɔ ra ŋɔ wia. 13Zeyus kuaribɔr faa du a bol nuarɛ. U kizeehiŋ kpa fiiri aŋhina baŋ ɔɔ kpa di mil dɔŋa di kpa laali nɛra di ra kpa baa girme ani naunaa di ba laŋgara di ra nyiŋŋi ú ni a nɛra maa kpu nauna la di kuari a Zeyus ni Hɛmɛs la.
14Pɔɔl ni Banabas n wa nuu a wia, a tir baa werge maa ba lau ba wɛjɛzi piili ka chɔ zuu nɛkpila la baaŋ di ŋɔ kpegzi ni, 15“Yaabalaa, bɛɛ wiarɛ ii ra ɛɛ kennei? Neweare yaa maa. Amaniyesumaa yaa kpa ba ii be, di ŋɔ ií gil wipɛɛri naa maa ha ka bir ra hiŋ unla n ɛɛ Kɔraawiizi himmaa di ta chiŋ ni hɛri ni muuzeŋ ani kuna la maa n du a biine. 16Faala la, u faa bir u hattɛ kpu durnya maa ba maa ra hiŋ ba kipar ŋmɛnizi. 17Ka u faa haa ra ɛɛ yaabuu winanaa, yaa zum lugɔ u haa du denii di ra tɛɛ yaa dooŋ, diwee ra lii yaa ra di, di ra piŋ, yaa bɔra ra sɔɔni.”
18Haali ban ŋɔ wia naa maa gba, ka ba vuga kuaraa la faa haa aah nɛra la siweere werge maa. Pɔɔl ni Banabas n ŋɔ gunla, ka ba faa haa ra nyiŋŋi ba kuari ba kuaraa labuu guŋŋ ka wa gil.
19Denii Jus hina baŋhina lii Antiɔk di ba Aikonium di wa ŋɔ wia aŋhina, di wer bir Listra hina liize, ba baana fuuh du Pɔɔl ni. Ba paa bia lɔɔzuu di tuuzuu lii ba bol biini, di ra fɛ lugɔ u siuwɔɔ. 20Ka Yeesu hiŋra wa chaali u be di baruu, u izi chiŋ di bir zuu a bol biini. Hɔpizi u ni Banabas la Dɛbɛ.
Pɔɔl ni Banabas n bittɛ ba Antiɔk n du Siiria hɛri wia
21Ban du Dɛbɛ la, ba lizi amaniyesuma la tɛɛ ba ge. Nɛkpila sɛɛ Yeesu wia de di ra hiŋ. Ba kaa izi de di bir la Listra ni Aikonium ni Antiɔk 22di gaa du Yeesu hiŋra bɔkpega di ŋɔ ba be, dí ba ra hiŋ Yeesu ŋmɛnɛɛ nɛnnɛ, bá gilɛɛ waa leu, di kaa ŋɔ dí ba daŋ di tɔɔrɔɔ werge mɔɔ ka haa wa zuu Kɔraawiizi Kora biini.
23Banna vol bola la, ba ligzi nɛra a bola biini bá ɛɛ Yeesu hiŋra nabɔnzi. Baŋ ɔɔ ligzi baa la, ba ɔɔ vɔɔ nuarɛ di suŋŋi Kɔraawiizi tɛɛ baa ka kpa baa du Kɔraawiizi la baŋ yardɛɛ la nonee ú ra hiini baa. 24Denii ba izi de di ga Pisidia di ra la ga hel Pamfilia hɛri, 25di ŋɔ wiŋɔzi la Pɛga biini, ka kaa ra la Atalia.
26Baŋ wa lii de, ba zuu muugbera bɛl di bir la Antiɔk. Antiɔk biinii ba faa suŋŋi Kɔraawiizi tɛɛ baa, ú nɛsunaa ni u hiinaa du ba be, bá ra hum huma naa baŋ hummɛ tuŋ naa. 27Baŋ wa ballɛ la, ba chaali Yeesu hiŋra la maa di bagli baa gunla maa Kɔraawiizi n hiini baa di pilli ŋmɛnɛɛ tɛɛ banla n waa Jus hina ɛɛwɛ ba ge wer yardi Yeesu di na lɛɛi. 28Denii ba du Yeesu hiŋra la be de di birgi.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2017, Copyright Ghana Institute of Linguistics, Literacy and Bible Translation in co-operation with Wycliffe Bible Translators, Inc.