Wiɛɛlaa 13
13
Ban lizi Banabas ni Sɔɔl di hum baa wia
1Kɔraawiizi dɔgtɛɛzi ani Kɔraawiizi wibagla baŋhina faa du Yeesu hiŋra biini Antiɔk. Ba sɔnaa faa Banabas ni Simɛɔn, ba kaa ra yiruu Nɛbiŋŋu, ni Lusiɔs la n lii Sairini, ni Manɛn la baŋ faa dɛɛzɛɛ Hɛrɔd mɛɛ dia la, ni Sɔɔl. 2Banniibuu faa ra vɔɔ nua di ra hum Kɔraawiizi huma.
Denii Kɔraawiizi Dumnanii ŋɔ ba be, “Ií lizi Banabas ni Sɔɔl ii biini bá hum huma aŋhina miŋ dau baa.” 3Baŋ wa vɔɔ nua di jaami Kɔraawiizi tuŋ, ba jaa kpa ba nonee sagzi Banabas ni Sɔɔl ni ka hum baa bá ga hum a huma.
Banabas ni Sɔɔl n la Saiprɔs hɛri wia
4Kɔraawiizi Dumnanii n hum baa gunla, ba kpa la Sɛlusia di ga zuu muugbera bɛl de di ra la hɛrjiga bɛl n du muu baambaaŋ ba ra yir de Saiprɔs. 5Baŋ wa hel de, ba lii di la Salamis di gaa ŋɔ Kɔraawiizi wia Jus hina jaamaa diini biine. Jɔɔn la ge faa du ba be di ra hiini baa.#Wiɛɛ 12:25
6Ba vol di gaagi a hɛri maa di wa hel Pafɔs. Jus hinuu bɛl faa du de. U sɔnnɛ faa Bajesus, ka Giris hina ra yiruu Ɛlimas. U ɔɔ ra ɛɛ ziŋgaabo wia di ra dar nɛra lugɔ u ɛɛ Kɔraawiizi dɔgtɛɛ bɛllɛ. 7A hɛri nabɔma Sɛjiɔs Pɔɔlɔs benii u faa du. A nabɔma hiŋ faa dɔɔ nfɛrɛɛ di ra nyiŋŋi u nuu Kɔraawiizi wiŋɔɔlii la. Awia, u yir Banabas ni Sɔɔl bá ba u be. Ba ba. 8Ka ziŋgaabo hiŋ la ra di baa hɔɔzi. Waa nyiŋŋi u nabɔma la sɛɛ Yeesu wia. 9Kɔraawiizi Dumnanii izi Pɔɔl ni. A Sɔɔllɛ Giris hina kaa ra yir Pɔɔl la. U binni u siwee tiiih 10ka ŋɔ, “Ee! Sitaani hiŋ! Winanaa maa dɔm! I dɔɔ daraa ni wichɔgaarɛ werge. Gilɛɛ kpa i wichɔgaa naa di tɔ Kɔraawiizi wia ŋmɛnɛɛ. 11Na! Filaŋkeŋ Kɔraawiizi daŋ baglii u fɔŋŋa í nyuŋŋi, á birgi tama ka i kaa na wiizi.
Kakpaŋ, u siwee biri.” U ra largi di ra nyiŋŋi nɛbɛl ú ra tɛrguu. 12Nabɔma la n wa na guŋ, u yardi gunla bam bagluu Yeesu wia la. A wiŋɔzi wia tiruu werge maa.
Bolzeŋ Antiɔk n du Pisidia wia
13Denii Pɔɔl ni banla n du u be zuu muugbera di lii Pafɔs di ra la Pɛga la n du Pamfilia hɛri la. Jɔɔn la gil baa de ka bir kaali Jɛrusalɛm.#Wiɛɛ 15:38 14Ba ge lii Pɛga di la Antiɔk la n du Pisidia hɛri la.
Ba Heezaa Hɔpizii n wa helle ba zuu ba jaamaa dia biini di ga so. 15Nɛra baŋhina karmi Moosis Gbɔgni ni dɔgtɛɛzi Hɔna tama. Denii a jaamaa dia nabɔnzi gil nɛra ŋɔ Pɔɔl ni Banabas be, “Yaabalaa, di ii dɔɔ wihiinii maa iin niŋ ŋɔ dí hiini nɛra naa, ií ŋɔu tɛɛ baa.”
16Pɔɔl izi di lalli u nonii ka jaa ŋɔ ra tɛɛ baa, “N dɔŋa Izrɛl hina ni ii banla maa n na jaami Kɔraawiizi, ií ra nuu n be. 17Kɔraawiizi la Izrɛl hina naa n na hiŋ la faa lizi yaa naabaalaa durnya nɛra maa biini tɛɛ u hiŋ, di gil ba wazi saŋa la baŋ faa ɛɛ hɔɔhra di du Ijip hɛri la. Denii u wa lizi baa a Ijip hɛri biini ni u fɔŋŋa, 18di kpogli baa ni kanyitti binni tokkoanɛɛ la baŋ faa du pir biini la. 19Hɛssi aniidaanɛɛ nɛraa u duŋŋi Keenan hɛri biini ka kpa ba hɛssi tɛɛ u nɛra. 20Ba so a hɛssi binni kalfazi anaazu ni adunu.
Denii u lizi nabɔnzi ba ra binni baa di ra di baa seriya guŋŋ a wa hel Kɔraawiizi dɔgtɛɛ Samuɛl saŋa. 21A saŋaa ba suŋŋuu dí u lizi nɛbɛl ú ɛɛ ba koori. U lizi Kis bie Sɔɔl Bɛnjamin dee biini. A Sɔɔl faa di ba kora binni tokkoanɛɛ 22ka Kɔraawiizi lɛɛ kora la u be di tɛɛ Deevid u di. Kɔraawiizi ŋɔ Deevid wia di ŋɔ, ‘Jɛssɛ biibaal Deevid naa wia ra parimbuu werge maa. U daŋ hum n kipar huma la maa di ra tɛŋ.’#1Sam 13:14; Yira 89:20 #Aiza 11:1
23A Deevid dee biinii Yeesu lii. Kɔraawiizi humuu Izrɛl hina be ú ɛɛ ba Lɛɛri gunla uŋ faa ŋɔ nua tɛɛ baa la. 24Mɔɔ ka Yeesu ba, Jɔɔn faa ra bagli Izrɛl hina maanii dí ba gil ba biine chɔgi dikuu ba wichɔgaa wia ka ú sɔ baa Kɔraawiizi nii. 25Jɔɔn huma n faa ka tama ka á tuŋ la, u pɛɛzi nɛra la, ‘Anɛɛ ii ra yirinnɛi? Miŋ lɛi unla iinna kpaŋ la. A hiŋ haa du harbɔɔ. Maa dɛg min niŋ lizi u gawa gba tɛu.’
26Yaabalaa, ii banla n ɛɛ Abraham biizi ani ii wiijaama maa, yaa benii Kɔraawiizi durnya lɛɛi wiŋɔzi naa ba. 27Jɛrusalɛm hina la ni ba nabɔnzi n wa na Yeesu, ba waa zummɛ lugɔ ba Lɛɛrii. Baŋ ɔɔ ra karmi Kɔraawiizi dɔgtɛɛzi wiŋɔzi ba Heezaa Hɔpizii la maa, ka ba waa ɔɔ ra zum a zɛɛ nɛnnɛ. Awiarɛ ba di u kpui seriya gunla a dɔgtɛɛzi n sɛbɛɛ ŋɔ guŋ daŋ wa ɛɛ la. 28Ba faa waa wiimaa nawɛɛ ban niŋ ŋɔ di sag u ni di ŋɔ u dɛg kpuirɛ, ka suŋŋi Pailɔt ŋɔ ú kpuu. 29Baŋ wa ɛɛu wii la maa baŋ faa sɛbɛɛ Kɔraawiizi Hɔŋ biini ŋɔ guŋ daŋ wa ɛɛ la, ba ba wa lizuu daakaŋlii la ni di hug.
30Ka Kɔraawiizi lalluu siu biini. 31Nɛra la n faa hiŋuu di lii Galilii hɛri di ba Jɛrusalɛm la ɔɔ faa ra nau hɔpizikpila maa biini. Baabuu di daansɛɛ di ra tɛɛ nɛra filaŋkeŋ lugɔ u izi siu biinii.
32Yaa ge kpa amaniyesuma naa di ba ii be, ií zum gunla Kɔraawiizi n faa ŋɔ nua tɛɛ yaa naabaala la, 33gunnɛ u ɛɛ tɛɛ yaa banla n ɛɛ ba biizi la, di lalli Yeesu siu biini. Ba sɛbi u wiarɛ Yira Hɔŋ biini, u bɔra anɛɛhiŋ, di ŋɔ,
‘N biibaallɛ hiŋ,
zinaabuu n lulii.’#Yira 2:7
34Ba kaa sɛbi u wia yembɛl di feli bagli lugɔ u daŋ izi siu biini, ú bɔrahɔŋ gilɛɛ pɔɔh. Kɔraawiizi ŋɔwɔɔrɛ,
‘N daŋ ɛɛi winanaa la
miŋ faa ŋɔ nua tɛɛ
Koori Deevid la.’
35A guŋ wiarɛ ba kaa sɛbi a hɔŋ yembɛl di ŋɔ,
‘Hàá gil i biinaniinanii la bɔrahɔŋ pɔɔh.’#Yira 16:10
36Deevid ɛɛ Kɔraawiizi kipattɛ guŋŋ ka wa siu. Ba huguu ba lalaa be. U bɔrahɔŋ pɔɔh. 37Ka nɛr la Kɔraawiizi n lallɛɛ siu biini la, waabuu bɔrahɔŋ waa pɔɔhwɛ.
38Awia, yaabalaa, ií maa zum nɛnnɛ zinaa lugɔ a Yeesu huma wiarɛ yaa wer di ra ŋɔ ii be lugɔ Kɔraawiizi daŋ gil ii wichɔgaa tɛɛ ia la. 39Nɛr la maa n niŋ yardi Yeesu, Kɔraawiizi daŋ kuu Yeesu wia di lizi wichɔgaa la maa Moosis Gbɔg n faa waa wette lizi la a hiŋ ni di ha. 40Awia, ií ra dazi wia la Kɔraawiizi dɔgtɛɛzi n faa ŋɔwɛɛ la á gilɛɛ waa na ia. Ba faa ŋɔwɔɔrɛ,
41‘Ii banla n na ɛɛ nɛra chɛɛtɛ la,
ií binni wia la minna ɛɛ naa,
a daŋ wa tir ia ii siuzi.
N daŋ ɛɛ wii bɛl í de dui saŋa
iiŋ wàá yardi,
haali di ba kali ia gba.’ ”#Haba 1:5
42Uŋ wa ŋɔ anniizi maa tuŋ, u ni Banabas izi ra lii a jaamaa dia biini. Banna lii la, a nɛra suŋŋi baa, dí ba kaa bir ba ba Heezaa Hɔpizii la n na ba la, di kaa wa ŋɔ a wia bá kaa nuu. 43Ba maa lii a dia biini. Jus hina ni wiijaama kpilakpila maa hiŋ Pɔɔl ni Banabas. Pɔɔl ni Banabas ŋɔ wia tɛɛ baa di ŋɔ bá ra hiŋ Kɔraawiizi ŋmɛnɛɛ nɛnnɛ, ú nɛsunaa ni u hiinaa du ba be.
44Ba Heezaa Hɔpizii la n kaa wa hel, a bol hina galga maa jaa ba bá wa nuu Kɔraawiizi wia la. 45Jus hina la n wa na nɛkpila la, a ra ɛɛ baa bɔwii werge. Ba ra di Pɔɔl ni Banabas hɔɔzi di ra gbɛlli ba wiŋɔzi.
46Awia, Pɔɔl ni Banabas ŋɔ bampirii ni, “A faa dɛkkɔɔ yaa n ŋɔ Kɔraawiizi wia tɛɛ ii Jus hina mɔɔ. Yaa ŋɔwɔɔrɛ tɛɛ ia, ka ii vɛɛ di di ii himmaa seriya di ŋɔ ii waa dɛg Kɔraawiizi miibɔɔ la n waa tunaa dɔɔwɛ la dɔɔi. Awia, yaa daŋ gil ia filaŋkeŋ, ka la banla n waa Jus hina ɛɛwɛ be di ga ŋɔa bá ge nuu. 47Kenne Kɔraawiizi ŋɔ yaa be,
‘N humiibuu í ɛɛ lugɔ fintina
di ra chaani banla
n waa Jus hina ɛɛwɛ,
durnya maa
wer na lɛɛi.’ ”#Aiza 49:6
48Banla n waa Jus hina ɛɛwɛ la n wa nuu guŋ, ba bɔra sɔɔni. Ba ra chɔli Kɔraawiizi wia la. Banla Kɔraawiizi n faa felee lizi bá dɔɔ u miibɔɔ la n waa tunaa dɔɔwɛ la yardi Yeesu.
49Kɔraawiizi wia yaari a bɔr maa. 50Ka Jus hina la nyiŋŋi haana baŋhina n ɛɛ wiijaama di ɛɛ nɛzenaa ni a bol nabɔnzi baŋhina di lizi amaniye la tɛɛ baa. Ba baana fuuh werge. A birgi tɔɔrɔɔ tɛɛ Pɔɔl ni Banabas. Ba duŋŋi baa ba hɛri. 51Ban duŋŋi baa la, Pɔɔl ni Banabas peezi ba naazi doŋa ha bá zum lugɔ ba benii a lii, ka kpa ba Aikonium.#Maak 6:11 52Ka Yeesu hiŋra la n du Antiɔk la bɔra sɔɔni. Kɔraawiizi Dumnanii ge du ba ni werge.
Currently Selected:
Wiɛɛlaa 13: vag
Highlight
Share
Copy
Want to have your highlights saved across all your devices? Sign up or sign in
© 2017, Copyright Ghana Institute of Linguistics, Literacy and Bible Translation in co-operation with Wycliffe Bible Translators, Inc.
Wiɛɛlaa 13
13
Ban lizi Banabas ni Sɔɔl di hum baa wia
1Kɔraawiizi dɔgtɛɛzi ani Kɔraawiizi wibagla baŋhina faa du Yeesu hiŋra biini Antiɔk. Ba sɔnaa faa Banabas ni Simɛɔn, ba kaa ra yiruu Nɛbiŋŋu, ni Lusiɔs la n lii Sairini, ni Manɛn la baŋ faa dɛɛzɛɛ Hɛrɔd mɛɛ dia la, ni Sɔɔl. 2Banniibuu faa ra vɔɔ nua di ra hum Kɔraawiizi huma.
Denii Kɔraawiizi Dumnanii ŋɔ ba be, “Ií lizi Banabas ni Sɔɔl ii biini bá hum huma aŋhina miŋ dau baa.” 3Baŋ wa vɔɔ nua di jaami Kɔraawiizi tuŋ, ba jaa kpa ba nonee sagzi Banabas ni Sɔɔl ni ka hum baa bá ga hum a huma.
Banabas ni Sɔɔl n la Saiprɔs hɛri wia
4Kɔraawiizi Dumnanii n hum baa gunla, ba kpa la Sɛlusia di ga zuu muugbera bɛl de di ra la hɛrjiga bɛl n du muu baambaaŋ ba ra yir de Saiprɔs. 5Baŋ wa hel de, ba lii di la Salamis di gaa ŋɔ Kɔraawiizi wia Jus hina jaamaa diini biine. Jɔɔn la ge faa du ba be di ra hiini baa.#Wiɛɛ 12:25
6Ba vol di gaagi a hɛri maa di wa hel Pafɔs. Jus hinuu bɛl faa du de. U sɔnnɛ faa Bajesus, ka Giris hina ra yiruu Ɛlimas. U ɔɔ ra ɛɛ ziŋgaabo wia di ra dar nɛra lugɔ u ɛɛ Kɔraawiizi dɔgtɛɛ bɛllɛ. 7A hɛri nabɔma Sɛjiɔs Pɔɔlɔs benii u faa du. A nabɔma hiŋ faa dɔɔ nfɛrɛɛ di ra nyiŋŋi u nuu Kɔraawiizi wiŋɔɔlii la. Awia, u yir Banabas ni Sɔɔl bá ba u be. Ba ba. 8Ka ziŋgaabo hiŋ la ra di baa hɔɔzi. Waa nyiŋŋi u nabɔma la sɛɛ Yeesu wia. 9Kɔraawiizi Dumnanii izi Pɔɔl ni. A Sɔɔllɛ Giris hina kaa ra yir Pɔɔl la. U binni u siwee tiiih 10ka ŋɔ, “Ee! Sitaani hiŋ! Winanaa maa dɔm! I dɔɔ daraa ni wichɔgaarɛ werge. Gilɛɛ kpa i wichɔgaa naa di tɔ Kɔraawiizi wia ŋmɛnɛɛ. 11Na! Filaŋkeŋ Kɔraawiizi daŋ baglii u fɔŋŋa í nyuŋŋi, á birgi tama ka i kaa na wiizi.
Kakpaŋ, u siwee biri.” U ra largi di ra nyiŋŋi nɛbɛl ú ra tɛrguu. 12Nabɔma la n wa na guŋ, u yardi gunla bam bagluu Yeesu wia la. A wiŋɔzi wia tiruu werge maa.
Bolzeŋ Antiɔk n du Pisidia wia
13Denii Pɔɔl ni banla n du u be zuu muugbera di lii Pafɔs di ra la Pɛga la n du Pamfilia hɛri la. Jɔɔn la gil baa de ka bir kaali Jɛrusalɛm.#Wiɛɛ 15:38 14Ba ge lii Pɛga di la Antiɔk la n du Pisidia hɛri la.
Ba Heezaa Hɔpizii n wa helle ba zuu ba jaamaa dia biini di ga so. 15Nɛra baŋhina karmi Moosis Gbɔgni ni dɔgtɛɛzi Hɔna tama. Denii a jaamaa dia nabɔnzi gil nɛra ŋɔ Pɔɔl ni Banabas be, “Yaabalaa, di ii dɔɔ wihiinii maa iin niŋ ŋɔ dí hiini nɛra naa, ií ŋɔu tɛɛ baa.”
16Pɔɔl izi di lalli u nonii ka jaa ŋɔ ra tɛɛ baa, “N dɔŋa Izrɛl hina ni ii banla maa n na jaami Kɔraawiizi, ií ra nuu n be. 17Kɔraawiizi la Izrɛl hina naa n na hiŋ la faa lizi yaa naabaalaa durnya nɛra maa biini tɛɛ u hiŋ, di gil ba wazi saŋa la baŋ faa ɛɛ hɔɔhra di du Ijip hɛri la. Denii u wa lizi baa a Ijip hɛri biini ni u fɔŋŋa, 18di kpogli baa ni kanyitti binni tokkoanɛɛ la baŋ faa du pir biini la. 19Hɛssi aniidaanɛɛ nɛraa u duŋŋi Keenan hɛri biini ka kpa ba hɛssi tɛɛ u nɛra. 20Ba so a hɛssi binni kalfazi anaazu ni adunu.
Denii u lizi nabɔnzi ba ra binni baa di ra di baa seriya guŋŋ a wa hel Kɔraawiizi dɔgtɛɛ Samuɛl saŋa. 21A saŋaa ba suŋŋuu dí u lizi nɛbɛl ú ɛɛ ba koori. U lizi Kis bie Sɔɔl Bɛnjamin dee biini. A Sɔɔl faa di ba kora binni tokkoanɛɛ 22ka Kɔraawiizi lɛɛ kora la u be di tɛɛ Deevid u di. Kɔraawiizi ŋɔ Deevid wia di ŋɔ, ‘Jɛssɛ biibaal Deevid naa wia ra parimbuu werge maa. U daŋ hum n kipar huma la maa di ra tɛŋ.’#1Sam 13:14; Yira 89:20 #Aiza 11:1
23A Deevid dee biinii Yeesu lii. Kɔraawiizi humuu Izrɛl hina be ú ɛɛ ba Lɛɛri gunla uŋ faa ŋɔ nua tɛɛ baa la. 24Mɔɔ ka Yeesu ba, Jɔɔn faa ra bagli Izrɛl hina maanii dí ba gil ba biine chɔgi dikuu ba wichɔgaa wia ka ú sɔ baa Kɔraawiizi nii. 25Jɔɔn huma n faa ka tama ka á tuŋ la, u pɛɛzi nɛra la, ‘Anɛɛ ii ra yirinnɛi? Miŋ lɛi unla iinna kpaŋ la. A hiŋ haa du harbɔɔ. Maa dɛg min niŋ lizi u gawa gba tɛu.’
26Yaabalaa, ii banla n ɛɛ Abraham biizi ani ii wiijaama maa, yaa benii Kɔraawiizi durnya lɛɛi wiŋɔzi naa ba. 27Jɛrusalɛm hina la ni ba nabɔnzi n wa na Yeesu, ba waa zummɛ lugɔ ba Lɛɛrii. Baŋ ɔɔ ra karmi Kɔraawiizi dɔgtɛɛzi wiŋɔzi ba Heezaa Hɔpizii la maa, ka ba waa ɔɔ ra zum a zɛɛ nɛnnɛ. Awiarɛ ba di u kpui seriya gunla a dɔgtɛɛzi n sɛbɛɛ ŋɔ guŋ daŋ wa ɛɛ la. 28Ba faa waa wiimaa nawɛɛ ban niŋ ŋɔ di sag u ni di ŋɔ u dɛg kpuirɛ, ka suŋŋi Pailɔt ŋɔ ú kpuu. 29Baŋ wa ɛɛu wii la maa baŋ faa sɛbɛɛ Kɔraawiizi Hɔŋ biini ŋɔ guŋ daŋ wa ɛɛ la, ba ba wa lizuu daakaŋlii la ni di hug.
30Ka Kɔraawiizi lalluu siu biini. 31Nɛra la n faa hiŋuu di lii Galilii hɛri di ba Jɛrusalɛm la ɔɔ faa ra nau hɔpizikpila maa biini. Baabuu di daansɛɛ di ra tɛɛ nɛra filaŋkeŋ lugɔ u izi siu biinii.
32Yaa ge kpa amaniyesuma naa di ba ii be, ií zum gunla Kɔraawiizi n faa ŋɔ nua tɛɛ yaa naabaala la, 33gunnɛ u ɛɛ tɛɛ yaa banla n ɛɛ ba biizi la, di lalli Yeesu siu biini. Ba sɛbi u wiarɛ Yira Hɔŋ biini, u bɔra anɛɛhiŋ, di ŋɔ,
‘N biibaallɛ hiŋ,
zinaabuu n lulii.’#Yira 2:7
34Ba kaa sɛbi u wia yembɛl di feli bagli lugɔ u daŋ izi siu biini, ú bɔrahɔŋ gilɛɛ pɔɔh. Kɔraawiizi ŋɔwɔɔrɛ,
‘N daŋ ɛɛi winanaa la
miŋ faa ŋɔ nua tɛɛ
Koori Deevid la.’
35A guŋ wiarɛ ba kaa sɛbi a hɔŋ yembɛl di ŋɔ,
‘Hàá gil i biinaniinanii la bɔrahɔŋ pɔɔh.’#Yira 16:10
36Deevid ɛɛ Kɔraawiizi kipattɛ guŋŋ ka wa siu. Ba huguu ba lalaa be. U bɔrahɔŋ pɔɔh. 37Ka nɛr la Kɔraawiizi n lallɛɛ siu biini la, waabuu bɔrahɔŋ waa pɔɔhwɛ.
38Awia, yaabalaa, ií maa zum nɛnnɛ zinaa lugɔ a Yeesu huma wiarɛ yaa wer di ra ŋɔ ii be lugɔ Kɔraawiizi daŋ gil ii wichɔgaa tɛɛ ia la. 39Nɛr la maa n niŋ yardi Yeesu, Kɔraawiizi daŋ kuu Yeesu wia di lizi wichɔgaa la maa Moosis Gbɔg n faa waa wette lizi la a hiŋ ni di ha. 40Awia, ií ra dazi wia la Kɔraawiizi dɔgtɛɛzi n faa ŋɔwɛɛ la á gilɛɛ waa na ia. Ba faa ŋɔwɔɔrɛ,
41‘Ii banla n na ɛɛ nɛra chɛɛtɛ la,
ií binni wia la minna ɛɛ naa,
a daŋ wa tir ia ii siuzi.
N daŋ ɛɛ wii bɛl í de dui saŋa
iiŋ wàá yardi,
haali di ba kali ia gba.’ ”#Haba 1:5
42Uŋ wa ŋɔ anniizi maa tuŋ, u ni Banabas izi ra lii a jaamaa dia biini. Banna lii la, a nɛra suŋŋi baa, dí ba kaa bir ba ba Heezaa Hɔpizii la n na ba la, di kaa wa ŋɔ a wia bá kaa nuu. 43Ba maa lii a dia biini. Jus hina ni wiijaama kpilakpila maa hiŋ Pɔɔl ni Banabas. Pɔɔl ni Banabas ŋɔ wia tɛɛ baa di ŋɔ bá ra hiŋ Kɔraawiizi ŋmɛnɛɛ nɛnnɛ, ú nɛsunaa ni u hiinaa du ba be.
44Ba Heezaa Hɔpizii la n kaa wa hel, a bol hina galga maa jaa ba bá wa nuu Kɔraawiizi wia la. 45Jus hina la n wa na nɛkpila la, a ra ɛɛ baa bɔwii werge. Ba ra di Pɔɔl ni Banabas hɔɔzi di ra gbɛlli ba wiŋɔzi.
46Awia, Pɔɔl ni Banabas ŋɔ bampirii ni, “A faa dɛkkɔɔ yaa n ŋɔ Kɔraawiizi wia tɛɛ ii Jus hina mɔɔ. Yaa ŋɔwɔɔrɛ tɛɛ ia, ka ii vɛɛ di di ii himmaa seriya di ŋɔ ii waa dɛg Kɔraawiizi miibɔɔ la n waa tunaa dɔɔwɛ la dɔɔi. Awia, yaa daŋ gil ia filaŋkeŋ, ka la banla n waa Jus hina ɛɛwɛ be di ga ŋɔa bá ge nuu. 47Kenne Kɔraawiizi ŋɔ yaa be,
‘N humiibuu í ɛɛ lugɔ fintina
di ra chaani banla
n waa Jus hina ɛɛwɛ,
durnya maa
wer na lɛɛi.’ ”#Aiza 49:6
48Banla n waa Jus hina ɛɛwɛ la n wa nuu guŋ, ba bɔra sɔɔni. Ba ra chɔli Kɔraawiizi wia la. Banla Kɔraawiizi n faa felee lizi bá dɔɔ u miibɔɔ la n waa tunaa dɔɔwɛ la yardi Yeesu.
49Kɔraawiizi wia yaari a bɔr maa. 50Ka Jus hina la nyiŋŋi haana baŋhina n ɛɛ wiijaama di ɛɛ nɛzenaa ni a bol nabɔnzi baŋhina di lizi amaniye la tɛɛ baa. Ba baana fuuh werge. A birgi tɔɔrɔɔ tɛɛ Pɔɔl ni Banabas. Ba duŋŋi baa ba hɛri. 51Ban duŋŋi baa la, Pɔɔl ni Banabas peezi ba naazi doŋa ha bá zum lugɔ ba benii a lii, ka kpa ba Aikonium.#Maak 6:11 52Ka Yeesu hiŋra la n du Antiɔk la bɔra sɔɔni. Kɔraawiizi Dumnanii ge du ba ni werge.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2017, Copyright Ghana Institute of Linguistics, Literacy and Bible Translation in co-operation with Wycliffe Bible Translators, Inc.