Wiɛɛlaa 12
12
Pitta n lii nɛra tɔi dia nɛra nua kpu wia
1Jus hina koori bɛl baŋ faa ra yir Hɛrɔd izi lau Yeesu hiŋra baŋhina a saŋa hiŋ di tɔɔri baa, 2di gil ba kpa kandaa di kpu Jɔɔn kpɛɛma Jems.#Mat 4:21; Maak 10:39 3Guŋ par a Jus hina werge. Awia, u kaa gil ba lau Pitta ge. A saŋa ɛɛ ba hɔpizizenaa la baŋ ɔɔ ra di Paanuu La N Waa Yiisi Dɔɔwɛ hɔpizizenaa labuu. 4U gil ba tɔu dia mɔɔ, ka di ba wa di ba Gillikaali diwee la tuŋ ú jaa lizuu tɛɛ a nɛra bá ɛɛu ba kipar. U gil soojazi banaazaa bɔra anaazu ra du u tau.
5Pitta n du nɛra tɔi dia la, ka Yeesu hiŋra ra suŋŋi Kɔraawiizi werge maa di ra tɛu.
6Hɛrɔd faa dau hɔpizii la un niŋ lizi Pittaa tɛɛ a nɛra. A hamuŋa ka hɔpizii la hel, Pitta chɔɔ soojazi banɛɛ baaŋ di ra chɔɔ dɔɔ. Yɔlɔzi anɛɛ du u nonee ni. A diibinna ge chi a nɛra tɔi dominua la di ra du a dia tau.
7Denii Kɔraawiizi mɛlika bɛl ba u be, dia la maa chaani. U lɔ Pitta kɛra di lalluu dɔɔ di ŋɔ, “Izi manaŋ.” U yɔlɔzi la lii u nonee chol hɛri. U izi.
8Denii mɛlika la ŋɔ, “Kpa i kuna laali di kpa i gawa du.” U laali u kuna di kpa u gawa du. U kaa ŋɔ, “Kpa i wɛjɛ tɔ di ra hiŋiŋ.” 9U kpa tɔ di hiŋuu ba ra lii. A mɛlika n na ɛɛ annii maa di Pitta waa zummɛ lugɔ wibiire ka haa kpa du deezaa biini. 10Ba ga bɛri lugli diibinni la ni di kaa wa bɛri nɛɛhiŋ la ge ni di ga hel bossee dominua la lugbii gbera la. U pilli u hiŋ ni. Ba lii di kpa ŋmɛnɛɛ bɛl di ra la. Baŋ waa hel see, mɛlika la gil Pitta.
11Denii u nfɛrɛ jaa ba lugɔ wibii himmaanii. U ŋɔ, “Filaŋkeŋ n jaa zumuu lugɔ n Dɔɔrii hum u mɛlika u ba wa lɛɛŋ ɛnɛ maa. Hɛrɔd nonee biinii u lɛɛŋ, Jús hina gilɛɛ ɛɛŋ gunla baŋ faa ra fɛ la.”
12U jaa ra la Jɔɔn la banna yir Maak la maa Mɛɛri dia, di nɛkpila chaali de, di ra suŋŋi wiizi. 13U lɔ dominua di ɛɛ gaafura. A dia balii bɛl banna yir Roda ba. 14Uŋ wa zum Pitta loobii, u bɔra sɔɔni werge maa di wa bɛri. Waa kaa pilli dominua la gba ka chɔ zuu dia biini di kali nɛra la lugɔ, “Pittaa chigɛ dominua.”
15Ba pɛɛzuu, “I ra chugluu gɛɛ?” U kaa ŋɔ siaahmu maa dí wibii maa. Ka ba ŋɔ, “Amɔ, u mɛlikaa.”
16Ka Pitta haa ra lɔ dominua di ra ɛɛ gaafura la. Ba wa pilli, di Pittaa. A tir baa. 17U vig baa nonee bá siigi, ka bagli baa gunla Kɔraawiizi n lizuu nɛra tɔi dia la biini. Uŋ wa bagli baa tuŋ, u ŋɔ, “Ií ŋɔ wia naa tɛɛ Jems ni yaabalaa la.” Denii u kaa bir kaali yembɛl.#Gale 1:19
18Hɔɔŋ wa pizɛɛ a soojazi izi di Pitta waa hoo. Ba ra nyiŋŋuu di ra kɔɔ bɔr maa. 19Hɛrɔd ŋɔ, Ií nyiŋŋuu ba, ka ba nyiŋŋuu huhzi. U pɛɛzi a nɛra tɔi dia binna la u wia, ka ŋɔ dí ba kpu baa.
Koori Hɛrɔd siu wia
Denii Koori Hɛrɔd izi a Juda hɛri di la Siizaria di ga du de.
20A saŋa hiŋ, Koori Hɛrɔd na baaŋ du Taaya ni Saidɔn hina ni werge. Denii ba maa chaali di feli la u dia nabɔma Blastus be di ga lizi ba amaniye tɛu mɔɔ, ka la Hɛrɔd ge be di ga suŋŋuu ú gil u ni baa dɔɔ nuukpaŋ. Ba diwee n ɔɔ ra lii a koori hɛri la wiarɛ ba ra nyiŋŋi u ni baa dɔɔ nuukpaŋ la.
21Hɛrɔd tɛɛ baa hɔpizii la ban niŋ bir ba. A hɔpizii n wa helle u laali u koori piŋŋozi zɛɛɛ di so u koorikara ni di ŋɔ wisuma aŋhina tɛɛ baa. 22Nɛra la ra koobi di ra ŋɔ, “Kaabaako! Newee lɛi ŋɔ wia naa. Kɔraawiizii ŋɔa.” 23Baŋ wa ŋɔ guŋ Hɛrɔd lɛɛ a girme tɛɛ u hiŋ. Waa sɛɛwɛ bá kpa Kɔraawiizi girme. Awia, Kɔraawiizi mɛlika bɛl wa gil wiila wa lɔu dau kakpaŋ. Haalauri di u biini kuna u siu.
24Ka Kɔraawiizi wiŋɔɔlii lawaa haa ra yaari di ra jaa.
25Banabas ni Sɔɔl n wa ɛɛ gunla nɛra la n faa hum baa bá la Jɛrusalɛm ga ɛɛ la tuŋ, ba lau Jɔɔn Maak u ni baa izi Jɛrusalɛm di bir la Antiɔk.
Currently Selected:
Wiɛɛlaa 12: vag
Highlight
Share
Copy
Want to have your highlights saved across all your devices? Sign up or sign in
© 2017, Copyright Ghana Institute of Linguistics, Literacy and Bible Translation in co-operation with Wycliffe Bible Translators, Inc.
Wiɛɛlaa 12
12
Pitta n lii nɛra tɔi dia nɛra nua kpu wia
1Jus hina koori bɛl baŋ faa ra yir Hɛrɔd izi lau Yeesu hiŋra baŋhina a saŋa hiŋ di tɔɔri baa, 2di gil ba kpa kandaa di kpu Jɔɔn kpɛɛma Jems.#Mat 4:21; Maak 10:39 3Guŋ par a Jus hina werge. Awia, u kaa gil ba lau Pitta ge. A saŋa ɛɛ ba hɔpizizenaa la baŋ ɔɔ ra di Paanuu La N Waa Yiisi Dɔɔwɛ hɔpizizenaa labuu. 4U gil ba tɔu dia mɔɔ, ka di ba wa di ba Gillikaali diwee la tuŋ ú jaa lizuu tɛɛ a nɛra bá ɛɛu ba kipar. U gil soojazi banaazaa bɔra anaazu ra du u tau.
5Pitta n du nɛra tɔi dia la, ka Yeesu hiŋra ra suŋŋi Kɔraawiizi werge maa di ra tɛu.
6Hɛrɔd faa dau hɔpizii la un niŋ lizi Pittaa tɛɛ a nɛra. A hamuŋa ka hɔpizii la hel, Pitta chɔɔ soojazi banɛɛ baaŋ di ra chɔɔ dɔɔ. Yɔlɔzi anɛɛ du u nonee ni. A diibinna ge chi a nɛra tɔi dominua la di ra du a dia tau.
7Denii Kɔraawiizi mɛlika bɛl ba u be, dia la maa chaani. U lɔ Pitta kɛra di lalluu dɔɔ di ŋɔ, “Izi manaŋ.” U yɔlɔzi la lii u nonee chol hɛri. U izi.
8Denii mɛlika la ŋɔ, “Kpa i kuna laali di kpa i gawa du.” U laali u kuna di kpa u gawa du. U kaa ŋɔ, “Kpa i wɛjɛ tɔ di ra hiŋiŋ.” 9U kpa tɔ di hiŋuu ba ra lii. A mɛlika n na ɛɛ annii maa di Pitta waa zummɛ lugɔ wibiire ka haa kpa du deezaa biini. 10Ba ga bɛri lugli diibinni la ni di kaa wa bɛri nɛɛhiŋ la ge ni di ga hel bossee dominua la lugbii gbera la. U pilli u hiŋ ni. Ba lii di kpa ŋmɛnɛɛ bɛl di ra la. Baŋ waa hel see, mɛlika la gil Pitta.
11Denii u nfɛrɛ jaa ba lugɔ wibii himmaanii. U ŋɔ, “Filaŋkeŋ n jaa zumuu lugɔ n Dɔɔrii hum u mɛlika u ba wa lɛɛŋ ɛnɛ maa. Hɛrɔd nonee biinii u lɛɛŋ, Jús hina gilɛɛ ɛɛŋ gunla baŋ faa ra fɛ la.”
12U jaa ra la Jɔɔn la banna yir Maak la maa Mɛɛri dia, di nɛkpila chaali de, di ra suŋŋi wiizi. 13U lɔ dominua di ɛɛ gaafura. A dia balii bɛl banna yir Roda ba. 14Uŋ wa zum Pitta loobii, u bɔra sɔɔni werge maa di wa bɛri. Waa kaa pilli dominua la gba ka chɔ zuu dia biini di kali nɛra la lugɔ, “Pittaa chigɛ dominua.”
15Ba pɛɛzuu, “I ra chugluu gɛɛ?” U kaa ŋɔ siaahmu maa dí wibii maa. Ka ba ŋɔ, “Amɔ, u mɛlikaa.”
16Ka Pitta haa ra lɔ dominua di ra ɛɛ gaafura la. Ba wa pilli, di Pittaa. A tir baa. 17U vig baa nonee bá siigi, ka bagli baa gunla Kɔraawiizi n lizuu nɛra tɔi dia la biini. Uŋ wa bagli baa tuŋ, u ŋɔ, “Ií ŋɔ wia naa tɛɛ Jems ni yaabalaa la.” Denii u kaa bir kaali yembɛl.#Gale 1:19
18Hɔɔŋ wa pizɛɛ a soojazi izi di Pitta waa hoo. Ba ra nyiŋŋuu di ra kɔɔ bɔr maa. 19Hɛrɔd ŋɔ, Ií nyiŋŋuu ba, ka ba nyiŋŋuu huhzi. U pɛɛzi a nɛra tɔi dia binna la u wia, ka ŋɔ dí ba kpu baa.
Koori Hɛrɔd siu wia
Denii Koori Hɛrɔd izi a Juda hɛri di la Siizaria di ga du de.
20A saŋa hiŋ, Koori Hɛrɔd na baaŋ du Taaya ni Saidɔn hina ni werge. Denii ba maa chaali di feli la u dia nabɔma Blastus be di ga lizi ba amaniye tɛu mɔɔ, ka la Hɛrɔd ge be di ga suŋŋuu ú gil u ni baa dɔɔ nuukpaŋ. Ba diwee n ɔɔ ra lii a koori hɛri la wiarɛ ba ra nyiŋŋi u ni baa dɔɔ nuukpaŋ la.
21Hɛrɔd tɛɛ baa hɔpizii la ban niŋ bir ba. A hɔpizii n wa helle u laali u koori piŋŋozi zɛɛɛ di so u koorikara ni di ŋɔ wisuma aŋhina tɛɛ baa. 22Nɛra la ra koobi di ra ŋɔ, “Kaabaako! Newee lɛi ŋɔ wia naa. Kɔraawiizii ŋɔa.” 23Baŋ wa ŋɔ guŋ Hɛrɔd lɛɛ a girme tɛɛ u hiŋ. Waa sɛɛwɛ bá kpa Kɔraawiizi girme. Awia, Kɔraawiizi mɛlika bɛl wa gil wiila wa lɔu dau kakpaŋ. Haalauri di u biini kuna u siu.
24Ka Kɔraawiizi wiŋɔɔlii lawaa haa ra yaari di ra jaa.
25Banabas ni Sɔɔl n wa ɛɛ gunla nɛra la n faa hum baa bá la Jɛrusalɛm ga ɛɛ la tuŋ, ba lau Jɔɔn Maak u ni baa izi Jɛrusalɛm di bir la Antiɔk.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2017, Copyright Ghana Institute of Linguistics, Literacy and Bible Translation in co-operation with Wycliffe Bible Translators, Inc.