Wiɛɛlaa 11
11
Pitta n bagli u wiɛɛlaa zɛɛ wia
1Yeesu huŋhunna la ni babalaa la n du Juda hɛri nuu lugɔ banla n waa Jus hina ɛɛwɛ ge nuu Kɔraawiizi wiarɛ di ra hiŋ. 2Pitta n wa ba Jɛrusalɛm, banla n ɔɔ ra maŋkuri ba naabaala ŋmɛnɛɛ hiŋaa di teŋri ba hɛna la hau u ni 3di pɛɛzuu, “Bɛɛ wiarɛ i la banla n waa Jus hina ɛɛwɛ be haali i ni baa gaa dei?”
4Awia, Pitta jaa faari di ra bagli baa wia la maa, di ŋɔ, 5“N faa du Jɔpaa di ra jaami Kɔraawiizi, di na wia aŋhina lugɔ deeza biini. Kumbɛl lugɔ wɛjɛzeŋ bɛl baŋ lau u nuuzi kpogli lii chiŋ di ra tuu hɛri di wa hel n be. 6N liŋŋi u biini di na sela la n dɔɔ naazi anaazaa, sechɔgaa, kunlɔɔlaa, kuntuuzaa ani zumbizi maa ni a dizi. 7Denii n nuu loobii bɛl n ŋɔwɛɛ, ‘Pitta! Izi kpu ra hee.’
8Ka n ŋɔ, ‘Akai, n Dɔɔri! N haa waa n kii bɛl maa diwee maa.’ 9N kaa kuari nuu a loobii n lii chiŋ di ŋɔ, ‘Kunla maa Kɔraawiizi n lizi u doŋa ha, gilɛɛ kaa ra yiruu kundoŋ di ra kiiu.’ 10A guŋ buhoro ka kunla bir kaali chiŋ.
11Wii naa n na ɛɛ la, di baala bahoro wa hel yaa diiduulii la. Ba faa hum baabuu n be di lii Siizaria. 12Kɔraawiizi Dumnanii ŋɔ n be dí ń gilɛɛ ra aani n ni baa laŋaa. Yaabalaa banumbɛl naabuu ge duŋ yaa la ga zuu baal bɛl dia. 13A baal bagli yaa gunla uŋ faa na mɛlika bɛl n chigɛ u dia di ŋɔ u be, ‘Hum nɛra bá la baal bɛl be Jɔpa. U sɔnnɛ Saimɔn, ba kaa ra yiruu Pitta, di ga yiruu ú ba. 14U daŋ wa baglii wia aŋhina n niŋ wer lɛɛ i ni i diahina maa.’
15Miŋ faa haa ra ŋɔ a wia di ra tɛɛ baa la di Kɔraawiizi Dumnanii wa zuu ba ni gunla himmaa uŋ faa felee zuu yaa ni la. 16N liizi gunla yaa Dɔɔri n faa ŋɔwɛɛ lugɔ, ‘Niirɛ Jɔɔn faa kpa di ra sɔ ii bɔrahɔŋ, ka Kɔraawiizi daŋ wa kpa u Dumnanii di du ii ni.’#Wiɛɛ 1:5 17Kɔraawiizi n sunzi baa u Dumnanii la gunla uŋ faa sunzi yaa dikuu yaa n yardi yaa Dɔɔri Yeesu Kristo wia la, anɛɛ miŋ ń wer bir u huma la harɛi?”
18A nɛra n wa nuu guŋ, ba waa kaa dɔɔ wiimaa bá ŋɔ. Ba jaa ra chɔli Kɔraawiizi di ra ŋɔ, “Jaa Kɔraawiizi tɛɛ banla n waa Jus hina ɛɛwɛ genii ŋmɛnɛɛ bá biine chɔgi dikuu ba wichɔgaa wia ka bá wer na Kɔraawiizi miibɔɔ.”
Antiɔk Yeesu hiŋra wia
19Saŋa la tɔɔrɔɔ n faa izee Yeesu hiŋra be dikuu Stiivin wia la, ba maa yaari di la Fonisia ni Saiprɔs ni Antiɔk di gaa ŋɔ wiŋɔzi la di ra tɛɛ Jus hina bɛmbɛŋ.#Wiɛɛ 8:1, 4 20Baŋhina ɛɛ Saiprɔs ni Sairini hina di la Antiɔk di gaa ŋɔ banla n waa Jus hina ɛɛwɛ gba be di lizi ba Dɔɔri amaniyesuma la ra tɛɛ baa. 21Kɔraawiizi chi ba har. Nɛkpila werge yardi Yeesu di bir ba bampiree.
22Yeesu hiŋra la n du Jɛrusalɛm la nuu guŋ di hum Banabas u la Antiɔk.#Wiɛɛ 9:27 23Un la de di ga na gunla Kɔraawiizi nɛsunaa ni u hiinaa n du ba be, ba wer ra ɛɛ winanaa, u bɔra sɔɔni ba wia werge maa. U ra hiini baa di ŋɔ ba be, dí ba ɛɛ ania di lau bampirkpaŋ di ra hiŋ Kɔraawiizi di gilɛɛ waa leu u ŋmɛnɛɛ. 24A Banabas ɛɛ nɛnaniirɛ di dɔɔ Kɔraawiizi Dumnanii ni yarda nɛnnɛ. Awiarɛ u wer di ra hiini baa guŋ. Nɛkpila maa sɛɛ Yeesu wia di bir ba bampiree di ra hiŋuu.
25Banabas la Taasus di gaa nyiŋŋi Sɔɔl.#Wiɛɛ 9:30 26Uŋ wa nau, u lawuu ba Antiɔk. Ba ni Yeesu hiŋra ɔɔ chaali dɔŋa guŋŋ a wa hel bina. Ba bagli nɛkpila maa Kɔraawiizi wia Antiɔk biini. Denii ba lugli ra yir baa Yeesu hiŋra. A sɔŋ zɛɛrɛ Kristo nɛra.
27Kɔraawiizi dɔgtɛɛzi baŋhina lii Jɛrusalɛm a saŋa di ba Antiɔk. 28Bɛl sɔnnɛ Agabus. U izi ŋɔ Kɔraawiizi Dumnanii fɔŋŋa biini dí lɔzi daŋ chol durnya maa biini. A lɔzi faa chol Koorizeŋ Klaudius saŋa.#Wiɛɛ 21:10 29Denii Yeesu hiŋra ɛɛ nuukpaŋ ŋɔ bá kɛɛ kebee di ŋɔ, “Gunla maa hinla maa n nawɛɛ, í kpa ba ya hiini yaabalaa la n du Juda hɛri la.” 30Ba ba. Ba kpa tɛɛ Banabas ni Sɔɔl bá kpa ga tɛɛ Yeesu hiŋra nabɔnzi la.
Currently Selected:
Wiɛɛlaa 11: vag
Highlight
Share
Copy
Want to have your highlights saved across all your devices? Sign up or sign in
© 2017, Copyright Ghana Institute of Linguistics, Literacy and Bible Translation in co-operation with Wycliffe Bible Translators, Inc.
Wiɛɛlaa 11
11
Pitta n bagli u wiɛɛlaa zɛɛ wia
1Yeesu huŋhunna la ni babalaa la n du Juda hɛri nuu lugɔ banla n waa Jus hina ɛɛwɛ ge nuu Kɔraawiizi wiarɛ di ra hiŋ. 2Pitta n wa ba Jɛrusalɛm, banla n ɔɔ ra maŋkuri ba naabaala ŋmɛnɛɛ hiŋaa di teŋri ba hɛna la hau u ni 3di pɛɛzuu, “Bɛɛ wiarɛ i la banla n waa Jus hina ɛɛwɛ be haali i ni baa gaa dei?”
4Awia, Pitta jaa faari di ra bagli baa wia la maa, di ŋɔ, 5“N faa du Jɔpaa di ra jaami Kɔraawiizi, di na wia aŋhina lugɔ deeza biini. Kumbɛl lugɔ wɛjɛzeŋ bɛl baŋ lau u nuuzi kpogli lii chiŋ di ra tuu hɛri di wa hel n be. 6N liŋŋi u biini di na sela la n dɔɔ naazi anaazaa, sechɔgaa, kunlɔɔlaa, kuntuuzaa ani zumbizi maa ni a dizi. 7Denii n nuu loobii bɛl n ŋɔwɛɛ, ‘Pitta! Izi kpu ra hee.’
8Ka n ŋɔ, ‘Akai, n Dɔɔri! N haa waa n kii bɛl maa diwee maa.’ 9N kaa kuari nuu a loobii n lii chiŋ di ŋɔ, ‘Kunla maa Kɔraawiizi n lizi u doŋa ha, gilɛɛ kaa ra yiruu kundoŋ di ra kiiu.’ 10A guŋ buhoro ka kunla bir kaali chiŋ.
11Wii naa n na ɛɛ la, di baala bahoro wa hel yaa diiduulii la. Ba faa hum baabuu n be di lii Siizaria. 12Kɔraawiizi Dumnanii ŋɔ n be dí ń gilɛɛ ra aani n ni baa laŋaa. Yaabalaa banumbɛl naabuu ge duŋ yaa la ga zuu baal bɛl dia. 13A baal bagli yaa gunla uŋ faa na mɛlika bɛl n chigɛ u dia di ŋɔ u be, ‘Hum nɛra bá la baal bɛl be Jɔpa. U sɔnnɛ Saimɔn, ba kaa ra yiruu Pitta, di ga yiruu ú ba. 14U daŋ wa baglii wia aŋhina n niŋ wer lɛɛ i ni i diahina maa.’
15Miŋ faa haa ra ŋɔ a wia di ra tɛɛ baa la di Kɔraawiizi Dumnanii wa zuu ba ni gunla himmaa uŋ faa felee zuu yaa ni la. 16N liizi gunla yaa Dɔɔri n faa ŋɔwɛɛ lugɔ, ‘Niirɛ Jɔɔn faa kpa di ra sɔ ii bɔrahɔŋ, ka Kɔraawiizi daŋ wa kpa u Dumnanii di du ii ni.’#Wiɛɛ 1:5 17Kɔraawiizi n sunzi baa u Dumnanii la gunla uŋ faa sunzi yaa dikuu yaa n yardi yaa Dɔɔri Yeesu Kristo wia la, anɛɛ miŋ ń wer bir u huma la harɛi?”
18A nɛra n wa nuu guŋ, ba waa kaa dɔɔ wiimaa bá ŋɔ. Ba jaa ra chɔli Kɔraawiizi di ra ŋɔ, “Jaa Kɔraawiizi tɛɛ banla n waa Jus hina ɛɛwɛ genii ŋmɛnɛɛ bá biine chɔgi dikuu ba wichɔgaa wia ka bá wer na Kɔraawiizi miibɔɔ.”
Antiɔk Yeesu hiŋra wia
19Saŋa la tɔɔrɔɔ n faa izee Yeesu hiŋra be dikuu Stiivin wia la, ba maa yaari di la Fonisia ni Saiprɔs ni Antiɔk di gaa ŋɔ wiŋɔzi la di ra tɛɛ Jus hina bɛmbɛŋ.#Wiɛɛ 8:1, 4 20Baŋhina ɛɛ Saiprɔs ni Sairini hina di la Antiɔk di gaa ŋɔ banla n waa Jus hina ɛɛwɛ gba be di lizi ba Dɔɔri amaniyesuma la ra tɛɛ baa. 21Kɔraawiizi chi ba har. Nɛkpila werge yardi Yeesu di bir ba bampiree.
22Yeesu hiŋra la n du Jɛrusalɛm la nuu guŋ di hum Banabas u la Antiɔk.#Wiɛɛ 9:27 23Un la de di ga na gunla Kɔraawiizi nɛsunaa ni u hiinaa n du ba be, ba wer ra ɛɛ winanaa, u bɔra sɔɔni ba wia werge maa. U ra hiini baa di ŋɔ ba be, dí ba ɛɛ ania di lau bampirkpaŋ di ra hiŋ Kɔraawiizi di gilɛɛ waa leu u ŋmɛnɛɛ. 24A Banabas ɛɛ nɛnaniirɛ di dɔɔ Kɔraawiizi Dumnanii ni yarda nɛnnɛ. Awiarɛ u wer di ra hiini baa guŋ. Nɛkpila maa sɛɛ Yeesu wia di bir ba bampiree di ra hiŋuu.
25Banabas la Taasus di gaa nyiŋŋi Sɔɔl.#Wiɛɛ 9:30 26Uŋ wa nau, u lawuu ba Antiɔk. Ba ni Yeesu hiŋra ɔɔ chaali dɔŋa guŋŋ a wa hel bina. Ba bagli nɛkpila maa Kɔraawiizi wia Antiɔk biini. Denii ba lugli ra yir baa Yeesu hiŋra. A sɔŋ zɛɛrɛ Kristo nɛra.
27Kɔraawiizi dɔgtɛɛzi baŋhina lii Jɛrusalɛm a saŋa di ba Antiɔk. 28Bɛl sɔnnɛ Agabus. U izi ŋɔ Kɔraawiizi Dumnanii fɔŋŋa biini dí lɔzi daŋ chol durnya maa biini. A lɔzi faa chol Koorizeŋ Klaudius saŋa.#Wiɛɛ 21:10 29Denii Yeesu hiŋra ɛɛ nuukpaŋ ŋɔ bá kɛɛ kebee di ŋɔ, “Gunla maa hinla maa n nawɛɛ, í kpa ba ya hiini yaabalaa la n du Juda hɛri la.” 30Ba ba. Ba kpa tɛɛ Banabas ni Sɔɔl bá kpa ga tɛɛ Yeesu hiŋra nabɔnzi la.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2017, Copyright Ghana Institute of Linguistics, Literacy and Bible Translation in co-operation with Wycliffe Bible Translators, Inc.