1 Kɔrint 7
7
Hahkpai ni yuuri wia pɛɛzaazi
1Ii faa sɛbi hɔnnɛ pɛɛziŋ alugɔ di baal gil haaŋ kpai, guŋ wessoa? 2Guŋ wessoo. Ka sɛnsɛŋ wia n kannɛ werge wia, a dɛkkɔɔ baal maa n dɔɔ u haaŋ, haaŋ maa ge dɔɔ u jaari. 3Ií gilɛɛ gil baal maa waa ŋɔ lugɔ u ni u haaŋ wàá chɔɔ, háaŋ maa ge gilɛɛ waa ŋɔ lugɔ u ni u jaari wàá chɔɔ. 4Haaŋ lɛi dɔɔ u bɔra fɔŋŋa. U jaarii dɔɔ u bɔra fɔŋŋa. Baal ge gba gunnɛ. Waa lɛi dɔɔ u bɔra fɔŋŋa. U haannɛ dɔɔ u bɔra fɔŋŋa. 5Awia, ii gilɛɛ waa vɛɛ dɔŋa wia. Di baal ni haaŋ ɛɛ nuukpaŋ di ŋɔ ba gilɛɛ ka chɔɔ dɔŋa be hɔpizaa anɛɛ mɔɔ, ka bá wer suŋŋi wiizi ni nfɛrkpaŋ ka kaa ba dɔŋa be, guŋ wesso. Ka di guŋ lɛi, ii gilɛɛ ra bargi dɔŋa be, Sitaani gilɛɛ wa wer dar ia, ií ɛɛ wichɔgaa, dikuu iiŋ waa wette ra lau iihinaa nɛnnɛ wia.
6Ka miŋ ŋɔ kennaa, Kɔraawiizi wiŋɔkpeg bɛl lɛi. Ka n ŋɔ gunnɛ, á gilɛɛ du kpol ii be werge. 7Ama, miŋwaa be, di baala maa faa ɛɛ baŋkia lugɔ kennaa miŋ ɛɛ baŋkii naa, u gunnɛ niŋ vii bɔ baŋ kpa haana. Ka nɛr maa lɛi Kɔraawiizi tɛɛ guŋ fɔŋŋa lugɔ ú gil haaŋ kpai. U tɛɛ bɛl maanii u wiɛɛlaa fɔŋŋa.
8Miŋwaa be, a wesso baala la n haa waa haana kpawɛɛ, n gil haana kpai alugɔ miŋ gil haaŋ kpai naa, haana la ge janna n siuzɛɛ la, bá gilɛɛ kaa ra nyiŋŋi janna. 9Ka di ba wàá wer lau bahinaa, bá ra kpa haana di ra yuu baala. U guŋ bɔ baŋ gillɛ ka di nyitti huhzi.
10Ka n na ŋɔ haaŋ la n teŋ dɔɔ jaari la benii, ú gilɛɛ waa vɛɛ u jaari. N himmaa bampirii wiŋɔzi lɛi. Kɔraawiizi wiŋɔzii.#Maak 10:9 11Ama, di haaŋ lɛɛ bavɛɛri hɔŋ di vɛɛ u jaari, ú gilɛɛ kaa waa yuu baal maa, di u jaari la lɛi. Di u daŋ kaa bir ba u jaari la be bá dɔɔ nuukpaŋ, ú bir ba u be. Báal ge gilɛɛ waa vɛɛ u haaŋ.
12Too. Annii min niŋ ŋɔ filaŋkennaa, Kɔraawiizi lɛi bagliŋ guŋ. N himmaa bampirii wiŋɔzii n ŋɔ ń ŋɔ tɛɛ banla n kawɛɛ. Di baal ɛɛ Yeesu hiŋri di dɔɔ haaŋ la n waa Yeesu hiŋri ɛɛwɛ, ka di ba dui par haaŋ la, ú jaari gilɛɛ waa vɛɛu. 13Di haaŋ ge ɛɛ Yeesu hiŋri, ka u jaari ge waa Yeesu hiŋri ɛɛwɛ, ka di ba dui la par u jaari ge, ú haaŋ gilɛɛ waa vɛɛu. 14Baal la n waa Yeesu hiŋri ɛɛwɛ ka dɔɔ haaŋ la n ɛɛ Yeesu hiŋri la, a baal daŋ ɛɛ kunnanii Kɔraawiizi be, dikuu u ni u haaŋ n ɛɛ kpaŋ wia. Haaŋ la ge n waa Yeesu hiŋri ɛɛwɛ ka dɔɔ jaari la n ɛɛ Yeesu hiŋri la, a haaŋ gba daŋ ɛɛ kunnanii Kɔraawiizi be, dikuu u ni u jaari la n ɛɛ kpaŋ wia. Di guŋ lɛi, ii biizi daŋ ɛɛ kundoŋa Kɔraawiizi be. Ka di ii bɛl ɛɛ Yeesu hiŋri, ii biizi gba daŋ ɛɛ kunnanaa u be.
15Ka di unla n waa Yeesu hiŋri ɛɛwɛ ra nyiŋŋi u gil u jaari gɛɛ u haaŋ la n ɛɛ Yeesu hiŋri la, a waa chummɛ. Ú tɛu ŋmɛnɛɛ ú ra la. An du kennaa, firaa lɛi. Kɔraawiizi n yir yaa, yaa ba u be la, nuukpannɛ u yir yaa ya wa dɔɔ la. 16Haaŋ, di i jaari daŋ na lɛɛi Kɔraawiizi be dikuu i wia, i zummɔaa? Baal, di i ge haaŋ daŋ na lɛɛi Kɔraawiizi be dikuu i wia, i ge zummɔaa?
17Ií bɛl maa kpogli gunla yaa Dɔɔri n tɛɛ ia la. Gunla maa Kɔraawiizi n yir ia ií ra hiŋ, ií ra hiŋ guŋ. Gunnɛ n na bagli bɔr la maa Yeesu hiŋra n duwɛɛ. 18Di baal ɛɛ nɛr la baŋ teŋ u hɛŋ saŋa la Kɔraawiizi n yiruu la, ú gilɛɛ kaa ɛɛ u bɔra lugɔ baŋ waa u hɛŋ teŋŋe. Di baal ɛɛ nɛr la baŋ waa u hɛŋ teŋŋe ge saŋa la Kɔraawiizi n yiruu la, ú ge gilɛɛ gil ba kaa waa teŋ u hɛŋ. 19Di ba teŋ u hɛŋ, pɛɛrɛ. Di ba waa u hɛŋ teŋŋe ge, pɛɛrɛ. Ka Kɔraawiizi nua hiŋaarɛ ɛɛ wizeŋ. 20Awia, ií haa du gunla iiŋ faa duwɛɛ, saŋa la Kɔraawiizi n yir ia la. 21Di i faa ɛɛ yonne ka Kɔraawiizi yirii, gilɛɛ gil a guŋ zuu i nyuu. Ka di ba kaa ŋɔ bá tɛi ŋmɛnɛɛ, í sɛɛ, 22dikuubɛɛwiai, nɛr la n ɛɛ yom ka Kɔraawiizi yiruu la, u ɛɛ nɛr la n dɔɔ u hinnɛ Kɔraawiiziwaa be. Nɛr la n dɔɔ u hiŋ ka Kɔraawiizi yiruu la, u ɛɛ Kristo yonne. 23Waabuu yau ia. Awia, ii gilɛɛ ra binni newea, bá dɔɔ ia. 24Yaabalaa, gunla maa iiŋ faa duwɛɛ, ka Kɔraawiizi yir ia la, ií haa du guŋ. Ii ni Kɔraawiizii du de.
25Kɔraawiizi haa wam baglɛɛ suŋgure la n haa waa yuuwɛzi wia. Ka u suŋ n ninɛɛ di hiiniŋ, n wer di ra hum u huma ani wibii. Awia, n danna ŋɔ gunla miŋwaa n nawɛɛ. 26Filaŋkeŋ, tɔɔrɔɔ du denii di ra nuu yaa. Awia, miŋwaa be, a wesso gunla maa baal n soge, ú so guŋ. 27Di i dɔɔ haaŋ, gilɛɛ waa vɛɛu. Di haa haaŋ dɔɔwɛ ge, gilɛɛ waa nyiŋŋi haaŋ. 28Di i kpa haaŋ, a waa ɛɛwɛ lugɔ i ɛɛ wichɔgaarɛ. Di toloori yuu baal ge, waa wichɔgaa ɛɛwɛ. Ka a daŋ ɛɛ tɔɔrɔɔ tɛɛ baa bá de dui naa saŋa. N ŋɔ ń lɛɛ iabuu a tɔɔrɔɔ biini.
29Yaabalaa, yaa wàá ka birgi durnya naa biini. Awia, filaŋkeŋ, a dɛkkɔ lugɔ ii banla n dɔɔ haana la n ɛɛwɛ lugɔ ii waa haana dɔɔwɛ, 30ií banla n na wii ge ɛɛ lugɔ ii biine waa chɔkkɛ, ií banla bɔra n sɔɔnɛɛ ge ɛɛ lugɔ ii bɔra waa sɔɔnɛɛ, ií banla n na yauzi kuna ge ra ɛɛ lugɔ ii waa dɔɔwɛ. 31Wia la maa iinna ɛɛ durnya naa biini, ii gilɛɛ waa ɛɛa ra bɛri, dikuubɛɛwiai, durnya naa ra ba tunaarɛ. Wàá ka birgi.
32Maa nyiŋŋi durnya naa wia zuu ii nyuuni. Baal la n waa haaŋ dɔɔwɛ la ɔɔ aah siwiire dikuu Kɔraawiizi huma wia, di ra nyiŋŋi u wia par Kɔraawiizi. 33Ka baal la n dɔɔ haaŋwaa, ɔɔ aah siwiire dikuu durnya wia, ú wia wer par u haaŋ. 34U du wia anɛɛ biinii. Haaŋ la n waa jaari dɔɔwɛ ni toloori, Kɔraawiizi huma wia ɔɔ aah ba siweere. Haaŋ la n waa jaari dɔɔwɛ ra nyiŋŋi lugɔ u bɔrahɔŋ ni u biini maa ɛɛ Kɔraawiizi hora, di ɛɛ kunnanaa u be. Haaŋ la n yuuwɛ ge ɔɔ aah siwiire dikuu durnya wia, ú wia wer par u jaari. 35N na nyiŋŋi ń hiini iabuu. A bɛŋ wiarɛ n na ŋɔ guŋ. Maa ŋɔ ń tɔ ia bɔr. N na nyiŋŋuu ií ra ɛɛ wia la n dɛkkɛ, di wer aah siwii nɛnnɛ di ra hum yaa Dɔɔri huma, wií maa gilɛɛ waa tɔ ia ŋmɛnɛɛ.
36Di baal bɛl dɔɔ u biihambie u hel haaŋ tuŋ, di ŋɔ lugɔ nɛr maa wàá kpau, ka bir binni lugɔ wɔɔ ɛɛwɛ nɛnnɛ, ú ɛɛ gunla maa unna nyiŋŋi. Wichɔgaa lɛi. Ú gil baal bɛl kpau. 37Ka di baal bɛl pessi a wia ka ŋɔ dí wàá kpa u biihambie tɛɛ baal maa, wiimaa wɔɔ ra fir, di a kaa ɛɛ lugɔ u himmaa bampiriire tɛu guŋ, wɔɔ kpawɛɛ tɛɛ baal, u ɛɛ nɛnnɛɛ. 38Awia, unla n kpa u biihambie tɛɛ baal, u ɛɛ nɛnnɛ. Ka unla n waa u biihambie kpawɛɛ tɛɛ baal la, waabuu ɛɛ nɛnnɛ werge.
39Di haaŋ yuuwɔ, di u jaari haa du de, u jaari hinnɛ dɔɔu. Ka di u jaari siuwɔ, waa kaa dɔɔu. U daŋ jaa wer lii di kaa ga yuu baal la maa unna nyiŋŋi. Ka a waa wer uŋ yuu baal maa, di Yeesu hiŋri lɛi. 40Ka miŋwaa be, di u gil yuui, gunnɛ niŋ ɛɛ bɔsɔna tɛu kaali un niŋ yuu. N himmaa bampirii wiŋɔzii guŋ, ka Kɔraawiizi Duma du n gba benii.
Currently Selected:
1 Kɔrint 7: vag
Highlight
Share
Copy
Want to have your highlights saved across all your devices? Sign up or sign in
© 2017, Copyright Ghana Institute of Linguistics, Literacy and Bible Translation in co-operation with Wycliffe Bible Translators, Inc.
1 Kɔrint 7
7
Hahkpai ni yuuri wia pɛɛzaazi
1Ii faa sɛbi hɔnnɛ pɛɛziŋ alugɔ di baal gil haaŋ kpai, guŋ wessoa? 2Guŋ wessoo. Ka sɛnsɛŋ wia n kannɛ werge wia, a dɛkkɔɔ baal maa n dɔɔ u haaŋ, haaŋ maa ge dɔɔ u jaari. 3Ií gilɛɛ gil baal maa waa ŋɔ lugɔ u ni u haaŋ wàá chɔɔ, háaŋ maa ge gilɛɛ waa ŋɔ lugɔ u ni u jaari wàá chɔɔ. 4Haaŋ lɛi dɔɔ u bɔra fɔŋŋa. U jaarii dɔɔ u bɔra fɔŋŋa. Baal ge gba gunnɛ. Waa lɛi dɔɔ u bɔra fɔŋŋa. U haannɛ dɔɔ u bɔra fɔŋŋa. 5Awia, ii gilɛɛ waa vɛɛ dɔŋa wia. Di baal ni haaŋ ɛɛ nuukpaŋ di ŋɔ ba gilɛɛ ka chɔɔ dɔŋa be hɔpizaa anɛɛ mɔɔ, ka bá wer suŋŋi wiizi ni nfɛrkpaŋ ka kaa ba dɔŋa be, guŋ wesso. Ka di guŋ lɛi, ii gilɛɛ ra bargi dɔŋa be, Sitaani gilɛɛ wa wer dar ia, ií ɛɛ wichɔgaa, dikuu iiŋ waa wette ra lau iihinaa nɛnnɛ wia.
6Ka miŋ ŋɔ kennaa, Kɔraawiizi wiŋɔkpeg bɛl lɛi. Ka n ŋɔ gunnɛ, á gilɛɛ du kpol ii be werge. 7Ama, miŋwaa be, di baala maa faa ɛɛ baŋkia lugɔ kennaa miŋ ɛɛ baŋkii naa, u gunnɛ niŋ vii bɔ baŋ kpa haana. Ka nɛr maa lɛi Kɔraawiizi tɛɛ guŋ fɔŋŋa lugɔ ú gil haaŋ kpai. U tɛɛ bɛl maanii u wiɛɛlaa fɔŋŋa.
8Miŋwaa be, a wesso baala la n haa waa haana kpawɛɛ, n gil haana kpai alugɔ miŋ gil haaŋ kpai naa, haana la ge janna n siuzɛɛ la, bá gilɛɛ kaa ra nyiŋŋi janna. 9Ka di ba wàá wer lau bahinaa, bá ra kpa haana di ra yuu baala. U guŋ bɔ baŋ gillɛ ka di nyitti huhzi.
10Ka n na ŋɔ haaŋ la n teŋ dɔɔ jaari la benii, ú gilɛɛ waa vɛɛ u jaari. N himmaa bampirii wiŋɔzi lɛi. Kɔraawiizi wiŋɔzii.#Maak 10:9 11Ama, di haaŋ lɛɛ bavɛɛri hɔŋ di vɛɛ u jaari, ú gilɛɛ kaa waa yuu baal maa, di u jaari la lɛi. Di u daŋ kaa bir ba u jaari la be bá dɔɔ nuukpaŋ, ú bir ba u be. Báal ge gilɛɛ waa vɛɛ u haaŋ.
12Too. Annii min niŋ ŋɔ filaŋkennaa, Kɔraawiizi lɛi bagliŋ guŋ. N himmaa bampirii wiŋɔzii n ŋɔ ń ŋɔ tɛɛ banla n kawɛɛ. Di baal ɛɛ Yeesu hiŋri di dɔɔ haaŋ la n waa Yeesu hiŋri ɛɛwɛ, ka di ba dui par haaŋ la, ú jaari gilɛɛ waa vɛɛu. 13Di haaŋ ge ɛɛ Yeesu hiŋri, ka u jaari ge waa Yeesu hiŋri ɛɛwɛ, ka di ba dui la par u jaari ge, ú haaŋ gilɛɛ waa vɛɛu. 14Baal la n waa Yeesu hiŋri ɛɛwɛ ka dɔɔ haaŋ la n ɛɛ Yeesu hiŋri la, a baal daŋ ɛɛ kunnanii Kɔraawiizi be, dikuu u ni u haaŋ n ɛɛ kpaŋ wia. Haaŋ la ge n waa Yeesu hiŋri ɛɛwɛ ka dɔɔ jaari la n ɛɛ Yeesu hiŋri la, a haaŋ gba daŋ ɛɛ kunnanii Kɔraawiizi be, dikuu u ni u jaari la n ɛɛ kpaŋ wia. Di guŋ lɛi, ii biizi daŋ ɛɛ kundoŋa Kɔraawiizi be. Ka di ii bɛl ɛɛ Yeesu hiŋri, ii biizi gba daŋ ɛɛ kunnanaa u be.
15Ka di unla n waa Yeesu hiŋri ɛɛwɛ ra nyiŋŋi u gil u jaari gɛɛ u haaŋ la n ɛɛ Yeesu hiŋri la, a waa chummɛ. Ú tɛu ŋmɛnɛɛ ú ra la. An du kennaa, firaa lɛi. Kɔraawiizi n yir yaa, yaa ba u be la, nuukpannɛ u yir yaa ya wa dɔɔ la. 16Haaŋ, di i jaari daŋ na lɛɛi Kɔraawiizi be dikuu i wia, i zummɔaa? Baal, di i ge haaŋ daŋ na lɛɛi Kɔraawiizi be dikuu i wia, i ge zummɔaa?
17Ií bɛl maa kpogli gunla yaa Dɔɔri n tɛɛ ia la. Gunla maa Kɔraawiizi n yir ia ií ra hiŋ, ií ra hiŋ guŋ. Gunnɛ n na bagli bɔr la maa Yeesu hiŋra n duwɛɛ. 18Di baal ɛɛ nɛr la baŋ teŋ u hɛŋ saŋa la Kɔraawiizi n yiruu la, ú gilɛɛ kaa ɛɛ u bɔra lugɔ baŋ waa u hɛŋ teŋŋe. Di baal ɛɛ nɛr la baŋ waa u hɛŋ teŋŋe ge saŋa la Kɔraawiizi n yiruu la, ú ge gilɛɛ gil ba kaa waa teŋ u hɛŋ. 19Di ba teŋ u hɛŋ, pɛɛrɛ. Di ba waa u hɛŋ teŋŋe ge, pɛɛrɛ. Ka Kɔraawiizi nua hiŋaarɛ ɛɛ wizeŋ. 20Awia, ií haa du gunla iiŋ faa duwɛɛ, saŋa la Kɔraawiizi n yir ia la. 21Di i faa ɛɛ yonne ka Kɔraawiizi yirii, gilɛɛ gil a guŋ zuu i nyuu. Ka di ba kaa ŋɔ bá tɛi ŋmɛnɛɛ, í sɛɛ, 22dikuubɛɛwiai, nɛr la n ɛɛ yom ka Kɔraawiizi yiruu la, u ɛɛ nɛr la n dɔɔ u hinnɛ Kɔraawiiziwaa be. Nɛr la n dɔɔ u hiŋ ka Kɔraawiizi yiruu la, u ɛɛ Kristo yonne. 23Waabuu yau ia. Awia, ii gilɛɛ ra binni newea, bá dɔɔ ia. 24Yaabalaa, gunla maa iiŋ faa duwɛɛ, ka Kɔraawiizi yir ia la, ií haa du guŋ. Ii ni Kɔraawiizii du de.
25Kɔraawiizi haa wam baglɛɛ suŋgure la n haa waa yuuwɛzi wia. Ka u suŋ n ninɛɛ di hiiniŋ, n wer di ra hum u huma ani wibii. Awia, n danna ŋɔ gunla miŋwaa n nawɛɛ. 26Filaŋkeŋ, tɔɔrɔɔ du denii di ra nuu yaa. Awia, miŋwaa be, a wesso gunla maa baal n soge, ú so guŋ. 27Di i dɔɔ haaŋ, gilɛɛ waa vɛɛu. Di haa haaŋ dɔɔwɛ ge, gilɛɛ waa nyiŋŋi haaŋ. 28Di i kpa haaŋ, a waa ɛɛwɛ lugɔ i ɛɛ wichɔgaarɛ. Di toloori yuu baal ge, waa wichɔgaa ɛɛwɛ. Ka a daŋ ɛɛ tɔɔrɔɔ tɛɛ baa bá de dui naa saŋa. N ŋɔ ń lɛɛ iabuu a tɔɔrɔɔ biini.
29Yaabalaa, yaa wàá ka birgi durnya naa biini. Awia, filaŋkeŋ, a dɛkkɔ lugɔ ii banla n dɔɔ haana la n ɛɛwɛ lugɔ ii waa haana dɔɔwɛ, 30ií banla n na wii ge ɛɛ lugɔ ii biine waa chɔkkɛ, ií banla bɔra n sɔɔnɛɛ ge ɛɛ lugɔ ii bɔra waa sɔɔnɛɛ, ií banla n na yauzi kuna ge ra ɛɛ lugɔ ii waa dɔɔwɛ. 31Wia la maa iinna ɛɛ durnya naa biini, ii gilɛɛ waa ɛɛa ra bɛri, dikuubɛɛwiai, durnya naa ra ba tunaarɛ. Wàá ka birgi.
32Maa nyiŋŋi durnya naa wia zuu ii nyuuni. Baal la n waa haaŋ dɔɔwɛ la ɔɔ aah siwiire dikuu Kɔraawiizi huma wia, di ra nyiŋŋi u wia par Kɔraawiizi. 33Ka baal la n dɔɔ haaŋwaa, ɔɔ aah siwiire dikuu durnya wia, ú wia wer par u haaŋ. 34U du wia anɛɛ biinii. Haaŋ la n waa jaari dɔɔwɛ ni toloori, Kɔraawiizi huma wia ɔɔ aah ba siweere. Haaŋ la n waa jaari dɔɔwɛ ra nyiŋŋi lugɔ u bɔrahɔŋ ni u biini maa ɛɛ Kɔraawiizi hora, di ɛɛ kunnanaa u be. Haaŋ la n yuuwɛ ge ɔɔ aah siwiire dikuu durnya wia, ú wia wer par u jaari. 35N na nyiŋŋi ń hiini iabuu. A bɛŋ wiarɛ n na ŋɔ guŋ. Maa ŋɔ ń tɔ ia bɔr. N na nyiŋŋuu ií ra ɛɛ wia la n dɛkkɛ, di wer aah siwii nɛnnɛ di ra hum yaa Dɔɔri huma, wií maa gilɛɛ waa tɔ ia ŋmɛnɛɛ.
36Di baal bɛl dɔɔ u biihambie u hel haaŋ tuŋ, di ŋɔ lugɔ nɛr maa wàá kpau, ka bir binni lugɔ wɔɔ ɛɛwɛ nɛnnɛ, ú ɛɛ gunla maa unna nyiŋŋi. Wichɔgaa lɛi. Ú gil baal bɛl kpau. 37Ka di baal bɛl pessi a wia ka ŋɔ dí wàá kpa u biihambie tɛɛ baal maa, wiimaa wɔɔ ra fir, di a kaa ɛɛ lugɔ u himmaa bampiriire tɛu guŋ, wɔɔ kpawɛɛ tɛɛ baal, u ɛɛ nɛnnɛɛ. 38Awia, unla n kpa u biihambie tɛɛ baal, u ɛɛ nɛnnɛ. Ka unla n waa u biihambie kpawɛɛ tɛɛ baal la, waabuu ɛɛ nɛnnɛ werge.
39Di haaŋ yuuwɔ, di u jaari haa du de, u jaari hinnɛ dɔɔu. Ka di u jaari siuwɔ, waa kaa dɔɔu. U daŋ jaa wer lii di kaa ga yuu baal la maa unna nyiŋŋi. Ka a waa wer uŋ yuu baal maa, di Yeesu hiŋri lɛi. 40Ka miŋwaa be, di u gil yuui, gunnɛ niŋ ɛɛ bɔsɔna tɛu kaali un niŋ yuu. N himmaa bampirii wiŋɔzii guŋ, ka Kɔraawiizi Duma du n gba benii.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2017, Copyright Ghana Institute of Linguistics, Literacy and Bible Translation in co-operation with Wycliffe Bible Translators, Inc.