1 Kɔrint 6
6
Yeesu hiŋra dɔŋa samaa wia
1Anɛɛ darii lugɔ di i ni i dɔŋhiŋ Yeesu hiŋri bɛl dɔɔ wii, í la banla n waa Yeesu hiŋra ɛɛwɛ be, bá di ii seriya ka gil banla n ɛɛ Yeesu hiŋra be laŋaai? Guŋ waa ŋmɛnɛɛ dɔɔwɛ. 2Ii waa zummɛ lugɔ Kɔraawiizi biinanaa daŋ ŋmɛnɛ di durnya maa seriyaa? Di ii daŋ ŋmɛnɛ di durnya maa seriya, amɔ, ii waa wijigzi naa seriya dii dɛkkɛ filaŋkeŋŋ? 3Ii waa zummɛ lugɔ yaa daŋ ŋmɛnɛ wa di mɛlikachɔgaa la gba seriyaa? Di ii daŋ ŋmɛnɛ di mɛlikazi seriya, amɔ, ii waa durnya naa wia seriya dii helleaa? 4Ka di i ni i dɔŋhiŋ bɛl dɔɔ wii bɛl, i ɔɔ ra la banla Yeesu hiŋra n na gbɛlli la benii, bá di ii seriya ra tɛɛ ia. 5Nau! Guŋ dɔɔ ŋmɛnɛaa? Ii waa nunzunni maa dɔɔwɛ ii biini, ú wer kuari ii wia tɛɛ iaa? 6Amɔ, iiŋ waa nunzunni dɔɔwɛ ii biini wiarɛ Yeesu hiŋri bɛl ɔɔ sami u dɔŋhiŋ Yeesu hiŋri ba ra la banla n waa Yeesu hiŋra ɛɛwɛ be, bá gaa di ba seriyaa?
7Iinna sami dɔŋa guŋ hiŋ gba, ii leuwoo. Di i ni i dɔŋhiŋ dɔɔ wii, di u ŋmɛɛi gba, ka í gil tɛu. U gunnɛ niŋ vii bɔ iin sami dɔŋa. 8Ka guŋ lɛi ii ra ɛɛ. Haali ii himmaa ra ɛɛ wichɔgaa di ra ŋmɛɛ. Nɛdumazi lɛi ii ra ɛɛ guŋ gba. Ii dɔŋa hinaa ii ra ɛɛ guŋ.
9Ii waa zummɛ lugɔ nɛchɔgaa wàá du Kɔraawiizi Kora biiniaa? Ii ra dar iihinaarɛ. Banla n na ɛɛ wikuna, banla n na kuari vuga, banla n na sɛm, banla n na ɛɛ wikuna ba dɔŋa haana gɛɛ ba dɔŋa baala be,#Ɛfɛs 5:5 10banla n na ŋmɛɛ, banla n dɔɔ kuna kɛkɛluu, banla n na nyɔɔ siŋ di ra dɛɛzi, banla n na ŋɔ wiŋɔchɔgaa ani banla n na foozi nɛra, bannii bɛl maa wàá du Kɔraawiizi Kora la biini. 11Ii baŋhina faa ra ɛɛ gunnɛ, ka filaŋkennaa, ii sɔ a doŋa maanii ha. Kɔraawiizi lizi iabuu tɛɛ u hiŋ, di gil ii wia deŋli u be dikuu yaa Dɔɔri Yeesu Kristo ani yaa Mɛɛ Kɔraawiizi Dumnanii huma la wia.
Sɛnsɛŋ wia
12“Wiimaa ɛɛi waa kii.” Ka wiimaa ɛɛi ge lɛi wesse. “N daŋ wer ɛɛ wii la maa minna nyiŋŋi.” Ka a maa lɛi wesse tɛŋ. Maa kummaa ra kii. Ka màá sɛɛ kummaa dɔɔ n fɔŋŋa. 13“Hizi wiarɛ diwee du de. Dii ge wiarɛ hia du de.” Ka Kɔraawiizi daŋ ŋmɛnɛ chɔgi a maa. Sɛnsɛŋ wia lɛi bɔrahɔŋ du de. Yaa Dɔɔri wiarɛ bɔrahɔŋ du de. Yaa Dɔɔri ge du denii, yá ra humuu ni yaa bɔrahɔna. 14Kɔraawiizi lalli yaa Dɔɔrii siu biini. Gunnɛ ú wa kpa u fɔŋŋa lalli yaa ge gba.
15Ii waa zummɛ lugɔ ii bɔrahɔna ɛɛ Kristo yeŋaawaa? Aŋ ɛɛ gunla, di n kpa Kristo yembɛl di ga birgi hahsɛnsɛnni yeŋ, u guŋ wessoaa? 16Gɛɛ ii waa zummɛ lugɔ nɛr la ni hahsɛnsɛnni n na chɔɔ, u nuu maa bɔrahɔŋ ɛɛ kpannɛaa? Kɔraawiizi Hɔnnɛ bagli guŋ, di ŋɔ, “Bá nɛra banɛɛ hiŋ daŋ ɛɛ bɔrahɔŋkpaŋ.”
17Ka nɛr la maa ge ni yaa Dɔɔri n kpauwɛ, ba dunzi ɛɛ kpannɛ.
18Awia, ií ra chɔ sɛnsɛŋ bɔr. Wichɔgaa la maa nɛra n na ɛɛ, ba bɔrahɔna lɛi ba ra ɛɛ wichɔgaa la. Ka nɛr la maa n na sɛm, u bɔrahɔnnɛ u ra ɛɛ wichɔgaa la. 19Ii waa zummɛ lugɔ ii bɔrahɔna ɛɛ Kɔraawiizi Dumnanii duuribɔttɛaa? Kɔraawiizi kpa u Dumnanii tɛɛ ia u du ii biine. Ia lɛi dɔɔ iihinaa, 20dikuubɛɛwiai, Kɔraawiizi yau iabuu tɛɛ u hiŋ. Awia, ií ra dazi, ka gil u na girme ii bɔrahɔna biine.
Currently Selected:
1 Kɔrint 6: vag
Highlight
Share
Copy
Want to have your highlights saved across all your devices? Sign up or sign in
© 2017, Copyright Ghana Institute of Linguistics, Literacy and Bible Translation in co-operation with Wycliffe Bible Translators, Inc.
1 Kɔrint 6
6
Yeesu hiŋra dɔŋa samaa wia
1Anɛɛ darii lugɔ di i ni i dɔŋhiŋ Yeesu hiŋri bɛl dɔɔ wii, í la banla n waa Yeesu hiŋra ɛɛwɛ be, bá di ii seriya ka gil banla n ɛɛ Yeesu hiŋra be laŋaai? Guŋ waa ŋmɛnɛɛ dɔɔwɛ. 2Ii waa zummɛ lugɔ Kɔraawiizi biinanaa daŋ ŋmɛnɛ di durnya maa seriyaa? Di ii daŋ ŋmɛnɛ di durnya maa seriya, amɔ, ii waa wijigzi naa seriya dii dɛkkɛ filaŋkeŋŋ? 3Ii waa zummɛ lugɔ yaa daŋ ŋmɛnɛ wa di mɛlikachɔgaa la gba seriyaa? Di ii daŋ ŋmɛnɛ di mɛlikazi seriya, amɔ, ii waa durnya naa wia seriya dii helleaa? 4Ka di i ni i dɔŋhiŋ bɛl dɔɔ wii bɛl, i ɔɔ ra la banla Yeesu hiŋra n na gbɛlli la benii, bá di ii seriya ra tɛɛ ia. 5Nau! Guŋ dɔɔ ŋmɛnɛaa? Ii waa nunzunni maa dɔɔwɛ ii biini, ú wer kuari ii wia tɛɛ iaa? 6Amɔ, iiŋ waa nunzunni dɔɔwɛ ii biini wiarɛ Yeesu hiŋri bɛl ɔɔ sami u dɔŋhiŋ Yeesu hiŋri ba ra la banla n waa Yeesu hiŋra ɛɛwɛ be, bá gaa di ba seriyaa?
7Iinna sami dɔŋa guŋ hiŋ gba, ii leuwoo. Di i ni i dɔŋhiŋ dɔɔ wii, di u ŋmɛɛi gba, ka í gil tɛu. U gunnɛ niŋ vii bɔ iin sami dɔŋa. 8Ka guŋ lɛi ii ra ɛɛ. Haali ii himmaa ra ɛɛ wichɔgaa di ra ŋmɛɛ. Nɛdumazi lɛi ii ra ɛɛ guŋ gba. Ii dɔŋa hinaa ii ra ɛɛ guŋ.
9Ii waa zummɛ lugɔ nɛchɔgaa wàá du Kɔraawiizi Kora biiniaa? Ii ra dar iihinaarɛ. Banla n na ɛɛ wikuna, banla n na kuari vuga, banla n na sɛm, banla n na ɛɛ wikuna ba dɔŋa haana gɛɛ ba dɔŋa baala be,#Ɛfɛs 5:5 10banla n na ŋmɛɛ, banla n dɔɔ kuna kɛkɛluu, banla n na nyɔɔ siŋ di ra dɛɛzi, banla n na ŋɔ wiŋɔchɔgaa ani banla n na foozi nɛra, bannii bɛl maa wàá du Kɔraawiizi Kora la biini. 11Ii baŋhina faa ra ɛɛ gunnɛ, ka filaŋkennaa, ii sɔ a doŋa maanii ha. Kɔraawiizi lizi iabuu tɛɛ u hiŋ, di gil ii wia deŋli u be dikuu yaa Dɔɔri Yeesu Kristo ani yaa Mɛɛ Kɔraawiizi Dumnanii huma la wia.
Sɛnsɛŋ wia
12“Wiimaa ɛɛi waa kii.” Ka wiimaa ɛɛi ge lɛi wesse. “N daŋ wer ɛɛ wii la maa minna nyiŋŋi.” Ka a maa lɛi wesse tɛŋ. Maa kummaa ra kii. Ka màá sɛɛ kummaa dɔɔ n fɔŋŋa. 13“Hizi wiarɛ diwee du de. Dii ge wiarɛ hia du de.” Ka Kɔraawiizi daŋ ŋmɛnɛ chɔgi a maa. Sɛnsɛŋ wia lɛi bɔrahɔŋ du de. Yaa Dɔɔri wiarɛ bɔrahɔŋ du de. Yaa Dɔɔri ge du denii, yá ra humuu ni yaa bɔrahɔna. 14Kɔraawiizi lalli yaa Dɔɔrii siu biini. Gunnɛ ú wa kpa u fɔŋŋa lalli yaa ge gba.
15Ii waa zummɛ lugɔ ii bɔrahɔna ɛɛ Kristo yeŋaawaa? Aŋ ɛɛ gunla, di n kpa Kristo yembɛl di ga birgi hahsɛnsɛnni yeŋ, u guŋ wessoaa? 16Gɛɛ ii waa zummɛ lugɔ nɛr la ni hahsɛnsɛnni n na chɔɔ, u nuu maa bɔrahɔŋ ɛɛ kpannɛaa? Kɔraawiizi Hɔnnɛ bagli guŋ, di ŋɔ, “Bá nɛra banɛɛ hiŋ daŋ ɛɛ bɔrahɔŋkpaŋ.”
17Ka nɛr la maa ge ni yaa Dɔɔri n kpauwɛ, ba dunzi ɛɛ kpannɛ.
18Awia, ií ra chɔ sɛnsɛŋ bɔr. Wichɔgaa la maa nɛra n na ɛɛ, ba bɔrahɔna lɛi ba ra ɛɛ wichɔgaa la. Ka nɛr la maa n na sɛm, u bɔrahɔnnɛ u ra ɛɛ wichɔgaa la. 19Ii waa zummɛ lugɔ ii bɔrahɔna ɛɛ Kɔraawiizi Dumnanii duuribɔttɛaa? Kɔraawiizi kpa u Dumnanii tɛɛ ia u du ii biine. Ia lɛi dɔɔ iihinaa, 20dikuubɛɛwiai, Kɔraawiizi yau iabuu tɛɛ u hiŋ. Awia, ií ra dazi, ka gil u na girme ii bɔrahɔna biine.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2017, Copyright Ghana Institute of Linguistics, Literacy and Bible Translation in co-operation with Wycliffe Bible Translators, Inc.