1 Kɔrint 8
8
Vuga diwee wia pɛɛzaa
1Too. A ka vuga kuaraa ola la wia. Yaa zummɔ lugɔ yaa maanii zum wia. Ka newee zumaarɛ ɔɔ gil u ra nyiŋŋi sɔŋ. Nɛnɔŋŋaawaa dɔɔ hiinaare. 2Nɛr la maa n na binni lugɔ u zum wiarɛ, u haa waa wia zummɛ nɛnnɛ alugɔ un niŋ vii zum la. 3Ka nɛr lawaa n nɔŋŋi Kɔraawiizi, Kɔraawiizi zunnii.
4Awia, yaa n ɔɔ ŋɔ vuga kuaraa ola wia naa, yaa zummɔ lugɔ vug maa waa hoo durnya di ra nyiŋ. Wiizizi gba waa hoo, di kpaŋkpaŋ bɛŋ lɛi. Waabuu Kɔraawiizi. 5Kuna la newea n na yir ba wiizizi ni ba dɔɔra la, a kpillɔɔ werge chiŋ ni hɛri biine. 6Ka yaawaa be, Kɔraawiizi ɛɛ kpaŋkpannɛ. Waabuu yaa Mɛɛ Kɔraawiizi la. U fɔŋŋa wiarɛ yaa maa du de la. Yaa Dɔɔri ge ɛɛ kpaŋkpaŋ. Waabuu Yeesu Kristo la n ta kummaa, di kaa tɛɛ yaa miibɔɔ la.#Room 11:36
7Ka nɛr maa lɛi zum guŋ. Nɛra baŋhina faa ra ɛɛ vuga wiarɛ a ra mani baa. Awia, haali ni zinaa, di ba hee ol la nɛra n kpuwɛɛ tɛɛ vuga la, ba ɔɔ haa ra sɛɛu lugɔ vuga la du denii di ra nyiŋ. Awia, ba biine ɔɔ chɔgi di ra tɔɔri baa, dikuu baŋ haa ra aani la wia.
8Yaa kundiwee lɛi niŋ gil yaa wia par Kɔraawiizi. Di yaa vɛɛ a dii, a wàá la yaa ni harbɔɔ. Di yaa haa ra dia, a wàá la yaa ni see.
9Ama, ií ra dazi, ii gilɛɛ gil ii guŋ ɛɛi wer dar banla n haa ra aani la, bá chol, 10dikuubɛɛwiai, di ii zum wia naa zɛɛ, ka la vugkuari bɔr di gaa hee ola la, ii dɔŋhiŋ la n haa ra aani la wa na ia de, u ge daŋ dɔɔ bampirii di kutti zuu de di ge ra heea. Ka uŋ haa ra aani la, u biini daŋ chɔgi di ra tɔɔruu. 11Ii chɔg ii dɔŋhinnɛ la. Kristo siuwɔɔ dikuu u wia, ka ii bir chɔguu dikuu ii zumaa wia. Nau! 12Di ii ra ɛɛ ii dɔŋahina kennaa, ba biine chɔgi di ra tɔɔri baa, dikuu baŋ haa ra aani wia naa, Kristoo ii ra ɛɛ wichɔgaa la. 13Awia, di diwee la min niŋ di, daŋ bir n dɔŋhiŋ harbɔɔ, màá ka di a diwee di hanna la, ń dɔŋhiŋ la gilɛɛ waa bir harbɔɔ.
Currently Selected:
1 Kɔrint 8: vag
Highlight
Share
Copy
Want to have your highlights saved across all your devices? Sign up or sign in
© 2017, Copyright Ghana Institute of Linguistics, Literacy and Bible Translation in co-operation with Wycliffe Bible Translators, Inc.
1 Kɔrint 8
8
Vuga diwee wia pɛɛzaa
1Too. A ka vuga kuaraa ola la wia. Yaa zummɔ lugɔ yaa maanii zum wia. Ka newee zumaarɛ ɔɔ gil u ra nyiŋŋi sɔŋ. Nɛnɔŋŋaawaa dɔɔ hiinaare. 2Nɛr la maa n na binni lugɔ u zum wiarɛ, u haa waa wia zummɛ nɛnnɛ alugɔ un niŋ vii zum la. 3Ka nɛr lawaa n nɔŋŋi Kɔraawiizi, Kɔraawiizi zunnii.
4Awia, yaa n ɔɔ ŋɔ vuga kuaraa ola wia naa, yaa zummɔ lugɔ vug maa waa hoo durnya di ra nyiŋ. Wiizizi gba waa hoo, di kpaŋkpaŋ bɛŋ lɛi. Waabuu Kɔraawiizi. 5Kuna la newea n na yir ba wiizizi ni ba dɔɔra la, a kpillɔɔ werge chiŋ ni hɛri biine. 6Ka yaawaa be, Kɔraawiizi ɛɛ kpaŋkpannɛ. Waabuu yaa Mɛɛ Kɔraawiizi la. U fɔŋŋa wiarɛ yaa maa du de la. Yaa Dɔɔri ge ɛɛ kpaŋkpaŋ. Waabuu Yeesu Kristo la n ta kummaa, di kaa tɛɛ yaa miibɔɔ la.#Room 11:36
7Ka nɛr maa lɛi zum guŋ. Nɛra baŋhina faa ra ɛɛ vuga wiarɛ a ra mani baa. Awia, haali ni zinaa, di ba hee ol la nɛra n kpuwɛɛ tɛɛ vuga la, ba ɔɔ haa ra sɛɛu lugɔ vuga la du denii di ra nyiŋ. Awia, ba biine ɔɔ chɔgi di ra tɔɔri baa, dikuu baŋ haa ra aani la wia.
8Yaa kundiwee lɛi niŋ gil yaa wia par Kɔraawiizi. Di yaa vɛɛ a dii, a wàá la yaa ni harbɔɔ. Di yaa haa ra dia, a wàá la yaa ni see.
9Ama, ií ra dazi, ii gilɛɛ gil ii guŋ ɛɛi wer dar banla n haa ra aani la, bá chol, 10dikuubɛɛwiai, di ii zum wia naa zɛɛ, ka la vugkuari bɔr di gaa hee ola la, ii dɔŋhiŋ la n haa ra aani la wa na ia de, u ge daŋ dɔɔ bampirii di kutti zuu de di ge ra heea. Ka uŋ haa ra aani la, u biini daŋ chɔgi di ra tɔɔruu. 11Ii chɔg ii dɔŋhinnɛ la. Kristo siuwɔɔ dikuu u wia, ka ii bir chɔguu dikuu ii zumaa wia. Nau! 12Di ii ra ɛɛ ii dɔŋahina kennaa, ba biine chɔgi di ra tɔɔri baa, dikuu baŋ haa ra aani wia naa, Kristoo ii ra ɛɛ wichɔgaa la. 13Awia, di diwee la min niŋ di, daŋ bir n dɔŋhiŋ harbɔɔ, màá ka di a diwee di hanna la, ń dɔŋhiŋ la gilɛɛ waa bir harbɔɔ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2017, Copyright Ghana Institute of Linguistics, Literacy and Bible Translation in co-operation with Wycliffe Bible Translators, Inc.