1 Kɔrint 2
2
1Awia, yaabalaa, miŋ faa ba ii be di waa ŋɔ Kɔraawiizi wiŋɔɔlii di ra tɛɛ ia la, maa nuusum ni newee nunzuma kpawɛɛ ra bagli ia. 2N faa waa nyiŋŋi n du ii be di kaa lizi nunzuma maa jaa Yeesu Kristo siwaa daakaŋlii la ni wia ni.#Gale 6:14 3Miŋ faa du ii be la, maa fɔŋŋa baglɛɛ ii ni. Aŋ faa ra fɔŋuu werge, n bɔra ra sa. 4N baglaa hiŋ ni n wiŋɔzi maa faa waa newea nunzuma ɛɛwɛ, á du sum ii be. Ka Kɔraawiizi Dumaa di n wiŋɔzi hiŋ daansɛɛ, a dɔɔ fɔŋŋa. 5N faa ɛɛ gunnɛ ii gilɛɛ sɛɛ dikuu newee ni u nunzuma wia, ka ií sɛɛ dikuu Kɔraawiizi ni u fɔŋŋa wia.
Kɔraawiizi nunzuma wia
6Ama, yaa ɔɔ ra ŋɔ nunzuma wiarɛ ra tɛɛ banla siwee n chaanɛɛ, ba dirmi la. Durnya ni ba fɔŋŋa dɔɔra nunzuma lɛi. Ba fɔŋŋazi la ra birgi pɛɛrɛ. 7Kɔraawiizi nunzuma wiarɛ yaa ra ŋɔ. A faa suahwɔɔ nɛra be. Ka a ɛɛ wia la Kɔraawiizi n felee di lizi dau yaabuu, ka haa ta durnya, á lii suma tɛɛ yaa. 8Durnya nɛzenaa faa waa a wia zummɛ. Di ba faa zumaa, ba faa wàá kpu yaa Dɔɔri la n dɔɔ girme werge maa la daakaŋlii la ni. 9Ka wia naa wiarɛ ba faa feli sɛbi di ŋɔ,
“Wia la Kɔraawiizi n dauwɛ
tɛɛ banla n nɔŋŋi
u wia la,
nɛr maa siwee haa waa a dɔŋa nawɛɛ,
nɛr maa digna ge
haa waa a wia nuuwɛ.
A kaali ba nfɛssii.”
10Ka filaŋkeŋ, Kɔraawiizi gillɔɔ u Dum bagli yaa a wia. U Dumnanii ra pigzi wiimaanii di ra zum Kɔraawiizi wolli gba. 11Newee waa u dɔŋhiŋ biini zummɛ. A hiŋ duma bɛnnɛ zum u biini nfɛrɛ. Gunnɛ newea wàá wer zum Kɔraawiizi biini nfɛrɛ la. Kɔraawiizi Dumnanii bɛnnɛ niŋ wer zum u biini nfɛrɛ.
12Too. Newee duula lɛi yaa ra hiŋ. Kɔraawiizi kpa u Dumnanii du yaa bampiree, ya wer zum wiɛɛlaa fɔŋŋazi la dee maa un sunzi yaa, yaa dɔɔ dikuu am paruu wia. 13Yaa n na ŋɔ wia naa, yaa waa ɔɔ ra ŋɔa ra lii yaa himmaa zumaa biini. Kɔraawiizi Dumaa ra bagli yaa gunla yaa n niŋ ŋɔ. U wiŋɔzii yaa ɔɔ kpa ra bagli u wia. 14Nɛr la n waa Kɔraawiizi Duma dɔɔwɛ ra vɛɛ Kɔraawiizi Duma wiarɛ. A ɛɛ wipɛɛrii u be. Wàá wer zumaa. Kɔraawiizi Duma n waa hoo u bampirii wia, wàá wer zum a zɛɛ. 15Ka nɛr la n dɔɔ Kɔraawiizi Duma daŋ wer zum wiimaa ŋmɛnɛɛ ni u wibii. Ama, nɛra la n waa Kɔraawiizi Duma dɔɔwɛ la wàá wer zum a hiŋ ge wibii. 16Kɔraawiizi Hɔŋ biini ba pɛɛzɔɔrɛ,
“Anɛɛ n zum Kɔraawiizi nfɛrɛ,
ú wer bagluu wiai?
Ka yaawaa dɔɔ Kristo nfɛrɛɛ.”
Currently Selected:
1 Kɔrint 2: vag
Highlight
Share
Copy
Want to have your highlights saved across all your devices? Sign up or sign in
© 2017, Copyright Ghana Institute of Linguistics, Literacy and Bible Translation in co-operation with Wycliffe Bible Translators, Inc.
1 Kɔrint 2
2
1Awia, yaabalaa, miŋ faa ba ii be di waa ŋɔ Kɔraawiizi wiŋɔɔlii di ra tɛɛ ia la, maa nuusum ni newee nunzuma kpawɛɛ ra bagli ia. 2N faa waa nyiŋŋi n du ii be di kaa lizi nunzuma maa jaa Yeesu Kristo siwaa daakaŋlii la ni wia ni.#Gale 6:14 3Miŋ faa du ii be la, maa fɔŋŋa baglɛɛ ii ni. Aŋ faa ra fɔŋuu werge, n bɔra ra sa. 4N baglaa hiŋ ni n wiŋɔzi maa faa waa newea nunzuma ɛɛwɛ, á du sum ii be. Ka Kɔraawiizi Dumaa di n wiŋɔzi hiŋ daansɛɛ, a dɔɔ fɔŋŋa. 5N faa ɛɛ gunnɛ ii gilɛɛ sɛɛ dikuu newee ni u nunzuma wia, ka ií sɛɛ dikuu Kɔraawiizi ni u fɔŋŋa wia.
Kɔraawiizi nunzuma wia
6Ama, yaa ɔɔ ra ŋɔ nunzuma wiarɛ ra tɛɛ banla siwee n chaanɛɛ, ba dirmi la. Durnya ni ba fɔŋŋa dɔɔra nunzuma lɛi. Ba fɔŋŋazi la ra birgi pɛɛrɛ. 7Kɔraawiizi nunzuma wiarɛ yaa ra ŋɔ. A faa suahwɔɔ nɛra be. Ka a ɛɛ wia la Kɔraawiizi n felee di lizi dau yaabuu, ka haa ta durnya, á lii suma tɛɛ yaa. 8Durnya nɛzenaa faa waa a wia zummɛ. Di ba faa zumaa, ba faa wàá kpu yaa Dɔɔri la n dɔɔ girme werge maa la daakaŋlii la ni. 9Ka wia naa wiarɛ ba faa feli sɛbi di ŋɔ,
“Wia la Kɔraawiizi n dauwɛ
tɛɛ banla n nɔŋŋi
u wia la,
nɛr maa siwee haa waa a dɔŋa nawɛɛ,
nɛr maa digna ge
haa waa a wia nuuwɛ.
A kaali ba nfɛssii.”
10Ka filaŋkeŋ, Kɔraawiizi gillɔɔ u Dum bagli yaa a wia. U Dumnanii ra pigzi wiimaanii di ra zum Kɔraawiizi wolli gba. 11Newee waa u dɔŋhiŋ biini zummɛ. A hiŋ duma bɛnnɛ zum u biini nfɛrɛ. Gunnɛ newea wàá wer zum Kɔraawiizi biini nfɛrɛ la. Kɔraawiizi Dumnanii bɛnnɛ niŋ wer zum u biini nfɛrɛ.
12Too. Newee duula lɛi yaa ra hiŋ. Kɔraawiizi kpa u Dumnanii du yaa bampiree, ya wer zum wiɛɛlaa fɔŋŋazi la dee maa un sunzi yaa, yaa dɔɔ dikuu am paruu wia. 13Yaa n na ŋɔ wia naa, yaa waa ɔɔ ra ŋɔa ra lii yaa himmaa zumaa biini. Kɔraawiizi Dumaa ra bagli yaa gunla yaa n niŋ ŋɔ. U wiŋɔzii yaa ɔɔ kpa ra bagli u wia. 14Nɛr la n waa Kɔraawiizi Duma dɔɔwɛ ra vɛɛ Kɔraawiizi Duma wiarɛ. A ɛɛ wipɛɛrii u be. Wàá wer zumaa. Kɔraawiizi Duma n waa hoo u bampirii wia, wàá wer zum a zɛɛ. 15Ka nɛr la n dɔɔ Kɔraawiizi Duma daŋ wer zum wiimaa ŋmɛnɛɛ ni u wibii. Ama, nɛra la n waa Kɔraawiizi Duma dɔɔwɛ la wàá wer zum a hiŋ ge wibii. 16Kɔraawiizi Hɔŋ biini ba pɛɛzɔɔrɛ,
“Anɛɛ n zum Kɔraawiizi nfɛrɛ,
ú wer bagluu wiai?
Ka yaawaa dɔɔ Kristo nfɛrɛɛ.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2017, Copyright Ghana Institute of Linguistics, Literacy and Bible Translation in co-operation with Wycliffe Bible Translators, Inc.