1 Kɔrint 1
1
1Mìŋ́ Yeesu Kristo huŋhunni Pɔɔllɛ ra sɛbi hɔnnaa ń tɛɛ ia. A par Kɔraawiizii u tɛŋ a huma. N ni n dɔŋhiŋ Sɔstɛnis labuu ra jaami Kɔraawiizi hiŋra la n du Kɔrint la,#Wiɛɛ 18:1-18
2ii banla Kɔraawiizi n lizɛɛ tɛɛ u hiŋ, di sɔ ii doŋa ha la. U ɛɛ gunnɛ tɛɛ ia dikuu ii ni Yeesu Kristo n kpauwɛ wia. Awiarɛ u yir ia ii ba u be, di wa ɛɛ u biinanaa. Yaa ra jaami ia ani banla maa n du bɔr maa, di ɔɔ ra jaami yaa Dɔɔri Yeesu Kristo la. Yaa ni baa maa Dɔɔrii Yeesu.
3Yáa Mɛɛ Kɔraawiizi ni yaa Dɔɔri Yeesu Kristo hiini ia, di tɛɛ ia bampirsɔna.
Kɔraawiizi jaantɛɛi wia
4N ɔɔ ra chɔli Kɔraawiizii dikuu ii wia uŋ suŋ ii ni di hiini ia werge dikuu ii ni Yeesu Kristo n kpauwɛ wia. 5Ii nuu n kpauwɛ la, u gillɔɔ ii dɔɔ wiimaa dee daama. U tɛɛ iabuu wiŋɔzi ŋɔi ani zumaa nɛnnɛ, 6dikuu Kristo wia la yaa n faa bagli ia n zuu ii bampiree nɛnnɛ la wia. 7Awia, iinna kpaŋ yaa Dɔɔri Yeesu Kristo balaa naa, ii waa u wiɛɛlaa bɛl maa u Dumnanii n ɔɔ tɛɛ la fɔŋŋa nyaawɛ. 8Waabuu niŋ gil ii hiŋ nɛnnɛ di ra la, di yaa Dɔɔri Yeesu Kristo Hɔpizii la wa hello, bá gilɛɛ wa wer na wiimaa chug ia. 9Kɔraawiizi wia dɔɔ wibiire. Waabuu yir ia ií ni u Biibaal wa du sum. U Biibaal hinnɛ yaa Dɔɔri Yeesu Kristo la.
Kɔraawiizi hiŋra dɔŋa bargaa wia
10Ka yaabalaa, n kpa yaa Dɔɔri Yeesu Kristo sɔnnɛ di ra suŋŋi ia, ií maa ra ŋɔ wikpaŋ di gilɛɛ waa bargi dɔŋa ni ka dɔɔ nuukpaŋ ani ii wiŋɔzi ni ii nfɛssi maa biini. 11Yaabalaa, n nuu ii wiarɛ Kiloi nɛra be lugɔ ii ra di dɔŋa hɔɔzii. 12N ŋɔ kenne, dikuubɛɛwiai, mìŋ́ Pɔɔllɛ ii baŋhina ŋɔ ii ra hiŋuu. Ii baŋhina ge ŋɔ Apɔlɔs, ii baŋhina ge ŋɔ Sifas, baŋhina ge ŋɔ Kristoo ba ra hiŋ.#1Kɔr 3:4
13Nau! Kristo dɔɔ bargaarɛa? Mìŋ́ Pɔɔllɛ ba faa kpaahzi mari daakaŋlii ni tɛɛ ia laa? Ba sɔ iabuu nii ií ra hiŋiŋ? Akai. 14N na jaami Kɔraawiizii, dikuubɛɛwiai, miŋ faa du ii be la, Krispus ni Geyus bɛnnɛ n sɔ Kɔraawiizi nii.#Wiɛɛ 19:29 15Awia, ii bɛl maa wàá wer ŋɔ lugɔ n sɔ iabuu nii ií ra hiŋiŋ. 16N sɔ Stɛfanas ni u diahina ge gbaa nii. Maa tamɛɛ miŋ kaa sɔ nɛr maa nii di jaa bannii ni. 17Kɔraawiizi nii sɔi wia lɛi Kristo humiŋ. U humimbuu ń gaa lizi amaniyesuma la di ra tɛɛ nɛra. Waa nyiŋŋi ń kpa newee nunzuma di ra lizaa, ka Krísto siwaa daakaŋlii la ni wia sɔŋ wa tɔ di bir pɛɛ.
Yeesuu nunzuma ni Kɔraawiizi fɔŋŋa
18U daakaŋlii hiŋ wia ɛɛ wipɛɛrii banla Kɔraawiizi n waa lɛɛ, ba ra leu la benii. Ka yaa banla unna lɛɛ la, a ɛɛ Kɔraawiizi fɔŋŋa wiarɛ yaawaa be. 19Ba sɛbɔɔrɛ Kɔraawiizi Hɔŋ biini, di ŋɔ,
“Kɔraawiizi ŋɔwɔɔrɛ,
‘N daŋ gil nunzunna
nunzuma bir pɛɛ.’ ”#Aiza 29:14
20Awia, bɛɛ núnzunni wer kuarɛi? Unla n zum wiŋɔzi, lee u ge na a zumaai? Kɔraawiizi gillɔɔ newea nunzumazi bir pɛɛ, 21dikuubɛɛwiai, ba nunzuma labuu gillɛ ba waa Kɔraawiizi ra zum. Kɔraawiizii gillɛ guŋ ɛɛ u nunzuma biini, ka ŋɔ ú lɛɛ banla n yardi amaniyesuma la yaa n ɔɔ ra lizi, ba ra binni lugɔ wipɛɛrii la. A par Kɔraawiizii u dau guŋ. 22Jus hina ra nyiŋŋuu ya bagli baa wizenaa wia. Giris hina ge ra nyiŋŋi ya bagli baa nunzuma. 23Ka Kristo siwaa daakaŋlii ni wiarɛ yaa ɔɔ ra ŋɔ. U ɛɛ kunla Jus hina n na gbɛlluu, di gil ba ra leu ŋmɛnɛɛ, di kaa ɛɛ wipɛɛri Giris hina ge be. 24Ka Jus hina ni Giris hina la maa Kɔraawiizi n lizɛɛ tɛɛ u hiŋ la, a Kristo wia ɛɛ Kɔraawiizi fɔŋŋa ni u nunzuma wiarɛ baawaa be.#Kɔlɔ 2:3 25Kɔraawiiziwaa wipɛɛri bɔmbɔ newea nunzumaa. U gɛrga ge wia du kpeg kaali newea kpegzi.
26Yaabalaa, Kɔraawiizi lizi iabuu tɛɛ u hiŋ. Ka ií na. Ii galga maa waa nunzunna ɛɛwɛ nɛra be. Ii galga maa ge waa kaa ɛɛ nɛzenaa nɛra be. Ii waa kaa ɛɛ nabɔnzi ge biizi. 27Ka Kɔraawiizi kuttɔɔrɛ lizi banla newea n na yir gɛnaa la, ú du nunzunna la hiihzi, di kaa lizi banla newea n na yir gɛrga la, ú du kpeglega la ge hiihzi, 28di kaa lizi kundumazi ani kuna la nɛra n na gbɛlli ani kuna la newea n waa a wia zummɛ gba, ú chɔgi kuna la newea n na maŋkuri la, 29néwee maa gilɛɛ dɔɔ barabara Kɔraawiizi be.
30Ka Kɔraawiizi gillɔɔ ii ni Yeesu Kristo kpau. Awia, filaŋkeŋ, u nunzuma ɛɛ yaa nunzumaa, u winanaa ge ɛɛ yaa winanaa, u lizi doŋa maa yaa ni di ha, di yau yaa ha. 31Awia, ií ra nuu gunla Kɔraawiizi Hɔŋ n ŋɔwɛɛ, “Gil nɛr la maa n na jigsi, ú ra jigsi dikuu uŋ zummɛ lugɔ minuu Kɔraawiizi wia.”#Jɛrɛ 9:24
Currently Selected:
1 Kɔrint 1: vag
Highlight
Share
Copy
Want to have your highlights saved across all your devices? Sign up or sign in
© 2017, Copyright Ghana Institute of Linguistics, Literacy and Bible Translation in co-operation with Wycliffe Bible Translators, Inc.
1 Kɔrint 1
1
1Mìŋ́ Yeesu Kristo huŋhunni Pɔɔllɛ ra sɛbi hɔnnaa ń tɛɛ ia. A par Kɔraawiizii u tɛŋ a huma. N ni n dɔŋhiŋ Sɔstɛnis labuu ra jaami Kɔraawiizi hiŋra la n du Kɔrint la,#Wiɛɛ 18:1-18
2ii banla Kɔraawiizi n lizɛɛ tɛɛ u hiŋ, di sɔ ii doŋa ha la. U ɛɛ gunnɛ tɛɛ ia dikuu ii ni Yeesu Kristo n kpauwɛ wia. Awiarɛ u yir ia ii ba u be, di wa ɛɛ u biinanaa. Yaa ra jaami ia ani banla maa n du bɔr maa, di ɔɔ ra jaami yaa Dɔɔri Yeesu Kristo la. Yaa ni baa maa Dɔɔrii Yeesu.
3Yáa Mɛɛ Kɔraawiizi ni yaa Dɔɔri Yeesu Kristo hiini ia, di tɛɛ ia bampirsɔna.
Kɔraawiizi jaantɛɛi wia
4N ɔɔ ra chɔli Kɔraawiizii dikuu ii wia uŋ suŋ ii ni di hiini ia werge dikuu ii ni Yeesu Kristo n kpauwɛ wia. 5Ii nuu n kpauwɛ la, u gillɔɔ ii dɔɔ wiimaa dee daama. U tɛɛ iabuu wiŋɔzi ŋɔi ani zumaa nɛnnɛ, 6dikuu Kristo wia la yaa n faa bagli ia n zuu ii bampiree nɛnnɛ la wia. 7Awia, iinna kpaŋ yaa Dɔɔri Yeesu Kristo balaa naa, ii waa u wiɛɛlaa bɛl maa u Dumnanii n ɔɔ tɛɛ la fɔŋŋa nyaawɛ. 8Waabuu niŋ gil ii hiŋ nɛnnɛ di ra la, di yaa Dɔɔri Yeesu Kristo Hɔpizii la wa hello, bá gilɛɛ wa wer na wiimaa chug ia. 9Kɔraawiizi wia dɔɔ wibiire. Waabuu yir ia ií ni u Biibaal wa du sum. U Biibaal hinnɛ yaa Dɔɔri Yeesu Kristo la.
Kɔraawiizi hiŋra dɔŋa bargaa wia
10Ka yaabalaa, n kpa yaa Dɔɔri Yeesu Kristo sɔnnɛ di ra suŋŋi ia, ií maa ra ŋɔ wikpaŋ di gilɛɛ waa bargi dɔŋa ni ka dɔɔ nuukpaŋ ani ii wiŋɔzi ni ii nfɛssi maa biini. 11Yaabalaa, n nuu ii wiarɛ Kiloi nɛra be lugɔ ii ra di dɔŋa hɔɔzii. 12N ŋɔ kenne, dikuubɛɛwiai, mìŋ́ Pɔɔllɛ ii baŋhina ŋɔ ii ra hiŋuu. Ii baŋhina ge ŋɔ Apɔlɔs, ii baŋhina ge ŋɔ Sifas, baŋhina ge ŋɔ Kristoo ba ra hiŋ.#1Kɔr 3:4
13Nau! Kristo dɔɔ bargaarɛa? Mìŋ́ Pɔɔllɛ ba faa kpaahzi mari daakaŋlii ni tɛɛ ia laa? Ba sɔ iabuu nii ií ra hiŋiŋ? Akai. 14N na jaami Kɔraawiizii, dikuubɛɛwiai, miŋ faa du ii be la, Krispus ni Geyus bɛnnɛ n sɔ Kɔraawiizi nii.#Wiɛɛ 19:29 15Awia, ii bɛl maa wàá wer ŋɔ lugɔ n sɔ iabuu nii ií ra hiŋiŋ. 16N sɔ Stɛfanas ni u diahina ge gbaa nii. Maa tamɛɛ miŋ kaa sɔ nɛr maa nii di jaa bannii ni. 17Kɔraawiizi nii sɔi wia lɛi Kristo humiŋ. U humimbuu ń gaa lizi amaniyesuma la di ra tɛɛ nɛra. Waa nyiŋŋi ń kpa newee nunzuma di ra lizaa, ka Krísto siwaa daakaŋlii la ni wia sɔŋ wa tɔ di bir pɛɛ.
Yeesuu nunzuma ni Kɔraawiizi fɔŋŋa
18U daakaŋlii hiŋ wia ɛɛ wipɛɛrii banla Kɔraawiizi n waa lɛɛ, ba ra leu la benii. Ka yaa banla unna lɛɛ la, a ɛɛ Kɔraawiizi fɔŋŋa wiarɛ yaawaa be. 19Ba sɛbɔɔrɛ Kɔraawiizi Hɔŋ biini, di ŋɔ,
“Kɔraawiizi ŋɔwɔɔrɛ,
‘N daŋ gil nunzunna
nunzuma bir pɛɛ.’ ”#Aiza 29:14
20Awia, bɛɛ núnzunni wer kuarɛi? Unla n zum wiŋɔzi, lee u ge na a zumaai? Kɔraawiizi gillɔɔ newea nunzumazi bir pɛɛ, 21dikuubɛɛwiai, ba nunzuma labuu gillɛ ba waa Kɔraawiizi ra zum. Kɔraawiizii gillɛ guŋ ɛɛ u nunzuma biini, ka ŋɔ ú lɛɛ banla n yardi amaniyesuma la yaa n ɔɔ ra lizi, ba ra binni lugɔ wipɛɛrii la. A par Kɔraawiizii u dau guŋ. 22Jus hina ra nyiŋŋuu ya bagli baa wizenaa wia. Giris hina ge ra nyiŋŋi ya bagli baa nunzuma. 23Ka Kristo siwaa daakaŋlii ni wiarɛ yaa ɔɔ ra ŋɔ. U ɛɛ kunla Jus hina n na gbɛlluu, di gil ba ra leu ŋmɛnɛɛ, di kaa ɛɛ wipɛɛri Giris hina ge be. 24Ka Jus hina ni Giris hina la maa Kɔraawiizi n lizɛɛ tɛɛ u hiŋ la, a Kristo wia ɛɛ Kɔraawiizi fɔŋŋa ni u nunzuma wiarɛ baawaa be.#Kɔlɔ 2:3 25Kɔraawiiziwaa wipɛɛri bɔmbɔ newea nunzumaa. U gɛrga ge wia du kpeg kaali newea kpegzi.
26Yaabalaa, Kɔraawiizi lizi iabuu tɛɛ u hiŋ. Ka ií na. Ii galga maa waa nunzunna ɛɛwɛ nɛra be. Ii galga maa ge waa kaa ɛɛ nɛzenaa nɛra be. Ii waa kaa ɛɛ nabɔnzi ge biizi. 27Ka Kɔraawiizi kuttɔɔrɛ lizi banla newea n na yir gɛnaa la, ú du nunzunna la hiihzi, di kaa lizi banla newea n na yir gɛrga la, ú du kpeglega la ge hiihzi, 28di kaa lizi kundumazi ani kuna la nɛra n na gbɛlli ani kuna la newea n waa a wia zummɛ gba, ú chɔgi kuna la newea n na maŋkuri la, 29néwee maa gilɛɛ dɔɔ barabara Kɔraawiizi be.
30Ka Kɔraawiizi gillɔɔ ii ni Yeesu Kristo kpau. Awia, filaŋkeŋ, u nunzuma ɛɛ yaa nunzumaa, u winanaa ge ɛɛ yaa winanaa, u lizi doŋa maa yaa ni di ha, di yau yaa ha. 31Awia, ií ra nuu gunla Kɔraawiizi Hɔŋ n ŋɔwɛɛ, “Gil nɛr la maa n na jigsi, ú ra jigsi dikuu uŋ zummɛ lugɔ minuu Kɔraawiizi wia.”#Jɛrɛ 9:24
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2017, Copyright Ghana Institute of Linguistics, Literacy and Bible Translation in co-operation with Wycliffe Bible Translators, Inc.