1 Koronti 4

M Bulus n ti ni̱bu Korintiyamu

1Di̱ne yiko, a dakan ni̱bu nangang Masiya bi̱bu n Kwama a yo ko ke a nang fwa chi ni̱bu a yimbu we ya̱m Kwamamitu. 2Nangki̱n, ni̱bu n Kwama a yo chi wakili mu, a dakan ta tum yile. 3Ta medu ta da̱ng yayumi, ti̱swe we ni̱tu chi̱ntu ka da̱nge. M mi̱n nemang swe yimiyu. 4Mang yimbu fi mang ki̱tami̱ne, aya ti̱tu a yungbu ko mang mabu ki̱le. Tewuduwe nang ni ka mwata chiti kwange. 5Di̱ne yiko, ti̱mwata wu nii mi̱nu we yo ki̱swi a tibu lande, ti̱yam yo Tewuduwe ka ki̱lade. N ki̱n nang wu ka kwa̱l chitu a ki̱liyetu n ti ti̱lairi ti̱tu a ni̱rite. Yinu fal n kawure ka ya ki̱ti̱medelaku kangu we Kwama.

6Kebi̱mi̱m, m ma nangangu n ti Afolos n ti dur mi̱n ke n yung chi̱n chitu mang tau mi̱n fwaditu. Ka ti̱yadu we chi ya̱m Kwamamu ki̱fwaditu a dakabu ni ka da̱u wuka tikakeko ka la wuka. 7N la bi̱kamu ni̱bu ki̱ni wureni? Muni ki̱ni wureni wu n ke chi Kwama a ni̱nne? Yinu ka chiti kwang a be a di̱Kwama, amayire mun ngau kwiye yinang ka mwang ma ti̱kan chi ki̱ni fa̱la̱ng mwange?

8Ti̱tu ti̱ku yinangu ta ya chitu ti̱baditu. Ti̱ku ti̱kau kulli̱m. Ti̱kau yinang mati̱m, n ni̱n n ke ti̱kan chi. Ka no ko n chi̱n mati̱me, a no nang ma mati̱ntu n ti chi̱n. 9Kebi̱mi̱m, we da̱ngku mangu n Kwama a Kwa̱rikwa̱ri ko fandubi̱bu nang swan kute we ka ti̱ti̱le chiye, yinang ni̱bu a ma chimi̱n mwataki̱ ka bwam, ko ke ni kau chi ti̱ti̱niti kwang, n ti ni̱bu ti̱tumbi̱ri Kwamamu n ti ni̱bu ka kur kwalangi ka ni̱n da̱ngde.

10Di̱ne niku duranagu we di̱Masiya ni kau yinang di̱bbu. Aya n ti̱n ki̱ni yingku we di̱Masiya! Ni̱n newe ki̱ni dukan, aya n ti̱n ki̱ni dukan! N ti̱n ti̱ya dwiyentu, aya n ni̱n, ni̱n nwe riye! 11Lanta ki̱ka̱ng nang yabu chabtu n ti mwe, kono nang kuli̱n di̱dori̱nu nang yabu. Ni̱bu a ngau ni̱n, ni̱n nwe riye we fa̱li ni̱biyu. Nang mabu lo wu a dur ni̱nne. 12Ni̱n fwiyeni mwe we nangangu ki̱ni fa̱li ni ke ni̱n ya chi nang chaditu. Ni̱n yo bi̱bu ki̱yo ni̱mi̱n yiimumi̱n delaku. Ni̱n ma bwanu ki̱ni bi̱bu ki̱tura ni̱ni̱mu. 13Bwi nii a bwabu we ni̱bu ki̱fwa ya̱m bi̱kwani̱m a dur ni̱ni̱mu. Ni̱n kau yinang ti̱bwitan we ti̱ti̱nitu, chi a ne ni ka kwati̱nu we. We yiko lanta ki̱ka̱ng.

14Mang mwal chimi̱nbu ya̱m bi̱bu mi ke ti̱nwe dibwi. Aya di̱ne n ti̱n kebi̱mi̱me, mi̱n yung chi̱n mi̱laki̱ mangu ki̱ni ki̱kure. 15Kasi no n ti̱n ki̱ni ni̱bu yungki̱m ya̱m Kwamamu a lam kuniritu kubu, n ti̱n ti̱newe ki̱ni tebi̱bu nabwen. We di̱n Masiya n kau Te chi̱n, yo mi̱n fwa chimi̱n ya̱m bi̱li̱me. 16Di̱ne yiko, mi̱n wana chi̱nu, ti̱bunti̱ dami.

17N tum chimi̱n Timoti bwe mi wu mang mi̱lane, wu a mabu ti̱kali ki̱ni ya̱m Tewuduwe me. N ki̱n ka maka chi̱nu ta kuru yinangu mang bunte Kwamangu n ti miyaku mangu kasi no bwa̱le we tibe ni̱bu bunti̱ki̱me.

18Aya bi̱kam chimu a da̱u ko kano ne mang be bwa di̱chine, ki̱ku ki̱ti̱ni dur. 19Aya ka n Tewuduwe a du mi̱ne, mang ya bwa di̱chine a ne tike, mang kute ni̱bu bi̱bu ki̱kukku durumu ka tekan chi we ti̱tu a ya̱mi yikusiye. 20Di̱ne yaa Kwama a bunti̱bu a meku ya̱ma̱ng, aya dukan Kwaman. 21Di̱ne yiko, ti̱swau chi a la chiye, m be chimi̱ne ki̱ni kwa̱ngta̱nga ka m be chimi̱ne ki̱ni mi̱laka?

Currently Selected:

1 Koronti 4: Tula

Highlight

Copy

Compare