Asmani kitab: Sulaimani misal 7
7
Bafor nosiot 10
Giane basae silan taki
1Huno huno amar fut, mano amar ḳota,
amar hoḳol hukum tumi, dilo raḳo gata.
2Mor hukum manle baba, zindegi faibae to,
zoton ḳoro mor adesh, sokur monir moto.
3Tumar angulit bandia to, amar ota ḳota,
dilor bitre lekia raḳo, hikaisi zotota.
4Gianre ḳoio shuna fut, amar boin to tumi,
aḳol-buddire ḳoio baba, tumi amar shoki.
5Ḳobis beṭir fando taki, roikka ḳore itae,
silanor miṭa mat taki-o, basailibo tumae..
6Mor goror kiṛkir baedi, zet souḳdi saislam,
kiṛkir fuṛor mazedi, kial ḳori dekislam,
7shida-shorol dolre deḳlo, duio souḳe mor,
be-aḳol eḳ zuanor ufre, foṛlo mor nozor.
8Hou silanor laga rastae, he asil zaoat,
tair goror ḳandat gia, gelo goror rastat.
9Ou shomoy to hainja bala, shuruz ḍubi gese,
rait oia andair baṛer, ola shomoy oise.
10Ou shomoy-u deḳa ḳorat, ailo eḳ beṭi,
findisil sinali kafoṛ, tair mone salaki.
11Tai asil ola beṭi, matito zure-shure,
tair fao to be-fote zae, roy na goror maze.
12Gono gono foto-gaṭo, maze maze bazaro,
rastar forteḳ muṛe muṛe, ut fatia taḳto.
13Ainja ḳori doria dey, hou beṭare suma,
behaya beshorom muke tai, ḳoise tare ota:
14“Aizku mannot fura ḳorsi, zeḳan asil mono,
salamoti kurbanir gust, ase amar goro,
15erlagi to bare aisi, tumar mukor ashae,
kuzia failam tumare, mor monor shoḳ miṭae.
16Bisnar ufor norom saddor, bisaisi to ami,
nanan rongor ou saddor, Mishoror ḳafoṛdi.
17Agor, ator, ḍailchini, gerane bora zeta,
mor bisana mui hazaisi, siṭaia dia ota.
18Ao, ronge-roshe ḳaṭai rait, shuruz uṭar age,
prem-firitir ḳela ḳeli, duio zon eḳloge.
19Amar zamai to goro nai, gesoingi bare,
gesoin gia duroir desho, lamba eḳ sofore.
20Zaoar ḳalo loge nisoin, bosta boria ṭeḳa,
funnimar sandor age tain, aita nae firia..”
21Mon bulanir mat matia, tare ḳasat ṭanche,
miṭa ṭuṭdi tai foṭaia, tare ashik korse.
22Ola ḳori tair log dori, ḳore ḳore zae he-o,
bisal zela aṭia zae, oito ḳori zobo,
faldi faldi horin zela, fando dora foṛe,
23ḳoiljar maze tir hamaia, horin zela more;
zoldi uṛia faki zela, zalo foṛe aṭḳa,
itar laḳan he-u ola, zan kuae na buzia..
24Teu, oḳon re mor fuain, amar buli huno,
amar mukor hoḳol ḳota, tumra kial ḳoro.
25Tumrar dilre dio na, zaito tair ṭane,
gura-firat-o zaio na, tumra tair fote.
26Bout zonor binash ḳorse, tai ola eḳ beṭi,
tair ate ḳaṛia nise, bout beṭar zindegi.
27Tair gor oilo ḳoyboror fot, fataledi lamise,
ou fot to moutor duar, zomor gaṭo gese..
Currently Selected:
Asmani kitab: Sulaimani misal 7: sylL
Highlight
Copy
Compare
Share
Want to have your highlights saved across all your devices? Sign up or sign in
© Ahle Kitab Society. All rights reserved.
