Asmani kitab: Sulaimani misal 6
6
Bafor nosiot 8
Ammoki korio na
1O fut amar tumi zudi, ḳeuror zamindar o,
osinar ato at milaia, ogur dae-bar lo,
2tumar nizor mukor ḳotae, zudi fando foṛo,
tumar nizor bulie zudi, aṭḳa foṛi taḳo,
3te to tumi band ḳaiso, oinno manshor dae,
nize basar lagi re fut, tumi zeta ḳorbae:
faonadaror gese gia, nisa oio tumi,
zuṛ ate minot ḳoro, nize basar lagi.
4Gumaite dio na re fut, tumar duio souḳre,
bond ḳorio na to baba, dui souḳor fatare.
5Faki ba horin base zela, shikarir at taki,
nizore-o basaio ola, rinor zimma taki..
6Fifṛar bae deḳo saia, ore olosh-kuṛia,
gian ḳamai koro tumi, tarar fot dekia.
7Tarar kunu raza nai, hukum dibar lagi,
shordar kiba munib-o nai, fot deḳaito ḳori.
8Ta-o fifṛae gorom ḳalo, nizor ḳani zugae,
dan ḳaṭar shomoy tara, ḳani ania zomae..
9Ar ḳotodin roite hutia, ore olosh-kuṛia!
Kun shomoy uṭte gum taki, nizor bisna saṛia?
10Zudi ko, “Mui aro gumai, tuṛa shomoy ungai,
tuṛa aram faoar lagi, at bitre harai.”
11Te aḳta-u aibo aḳal, suror laḳan ḳori,
tumar obab aibo ila, ḍaḳaitor besh dori..
12Fashan mon ar ṭogaṭogit, zar bitor bora,
tar mukor fesail bulit, ḳore sola-fira;
13ṭifa mare souḳdi era, faodi mare gosha,
anguildi ishara ḳore, buzae gufon basha;
14mone mone ḳore tara, ḳaraf ḳamor danda,
hor-hamesha ḳorto sae, doladoli fitna.
15Erdae aḳta binash aibo, shifa nae tarar,
sokur foloke surmar oibo, ufae nae basbar..
16Mabude nichchit ginna ḳoroin, soyṭa zinishre,
muloto noforot ḳoroin tain, shatṭa bishoyre:
17boṛai-gorimae bora souḳ, misa mator zifra,
be-ḳosur nirdushi zonre, kun ḳora at zuṛa,
18ḳaraf kialor ḳaish miṭaito, fondi kore ze dil,
olaḳan fao za mondo ḳam, douṛia ḳore hasil,
19bisaro beimani matia, ze dey misa shakki,
baie baie mair lagae, ou laḳan bekti..
Bafor nosiot 9
Zinakur shabdan
20Huno huno amar fut, bafor hukum mano,
tumar maʼr adeshre-o, elami na ḳoro.
21Hor-hamesha raḳo ita, tumar dilo gati,
bandia raḳo tumar golat, ota zoton ḳori.
22Tumar sola-firar shomoy, itae fot deḳaibo,
bisnat zebla hutibae, sokidari-o ḳorbo,
gum taki uṭile tumi, ou hukum-adesh,
itae to tumare dibo, bala foramish.
23Ou hukum to oilo lem, adesh oilo rushoni,
shashonor damki to mul fot, ou fote-u zindegi.
24Ḳaraf beṭir fando taki, basaibo to otae,
silanor miṭa zifra taki, roikka ḳorbo tumae.
25Tair rufor lalos na ḳoro, tumar dilor maze,
tair dui souḳor zadu zanu, foṭaito na fare.
26Bodmaish beṭie banaibo to, tumar hal goribi,
haiala beṭie fand fate, tumar zan nitogi.
27Aguinre ḳeu nizor kulo, raḳto fare ni?
Raḳle tar ḳafoṛ-sufoṛ, fuṛia zae nae ni?
28Zalail angrar ufredi keu, aṭito fare ni?
Aṭile tar faor tola, zolia zae nae ni?
29Forar bour gese gele, tar dosha-o goṭe ila,
zina ḳorle tair loge, he to faibo shaza..
30Feṭor buk miṭaito ḳori, suri kore ze,
shomaze deḳe na tare, ginnar nozore.
31Surit dora ḳaile oibo, shatgun zorimana,
dito na farle besibo, goror shob samana.
32Beṭir loge ze zina ḳore, tar aḳol ḳom ase.
Nizore ze nash ḳorto sae, he to zina ḳore.
33Tar ḳofalo ase koy-koti, beijjoti-o ḳamaibo,
ogur bodnam miṭito nae, kunumonte kunudin-o.
34Ḳaron gusae aguin zole, beṭir zamair dilo,
zamaie kunu saṛ dito nae, bodla nibar dino.
35Ḳeti-furon zoto-u deuk, ou zinakur beṭae,
he boṛo boḳshish dile-o, tain razi oita nae..
Currently Selected:
Asmani kitab: Sulaimani misal 6: sylL
Highlight
Copy
Compare
Share
Want to have your highlights saved across all your devices? Sign up or sign in
© Ahle Kitab Society. All rights reserved.
