Asmani kitab: Sulaimani misal 22
22
1Bout don taki shunam bala,
shuna-rufa taki shomman bala.
2Doni-gorib homan eḳṭa befare,
duio zonre-u goṛisoin Mabude.
3Hushiar zone bifod deḳle lukae,
be-aḳol aguai gia shaza fae.
4Norom mon, Mabudor ḍor-ḳofe,
don, ijjot, zindegi ane.
5Bezali zonor foto gosa-fand ase,
hushiar zon ita taki horia taḳe.
6Huruttare sola hikao ola fote,
buṛa oile-o i fot zanu na saṛe.
7Donie ḳemota ḳaṭae goribor ufor,
denadar gulam bone faonadaror.
8Be-insafir bise mosibot fole,
zulumor laṭi-o zaibo fatale.
9Dankari zone rohom-borkot fae,
nizor ḳani to ḳangalre bilae.
10Tamshaḳarire ḳedao bagibo gonḍogul,
mair-ḳaijja, beijjoti oizibo dur.
11Ḳaṭi dil, doyar ṭuṭ bala fae ze,
ola zon-u nichchoy bashshar dust bone.
12Mabudor souḳe ilimre basain,
beimanor buli bifol ḳorilain.
13Alshiae ḳoy, “Bare to ase shingho,
moron oibo amar bar oile foto.”
14Zinakur beṭir mat-ḳota goin gaṛa to,
Mabudor lannoti zon ze foṛbo ou gato.
15Huruttar dilo be-aḳolir bada,
itare ḳedae shashonor singla.
16Obabire zulum ḳoria doni bonile,
donire dan ḳorile obabe na saṛe.
Gianir tish ḳan nosiot
17Ḳan fatia huno, gianir buli mano,
dil-mon bori mor talim raḳbae,
18ota talim tumi, dilo toile gati,
ṭuṭo raḳle shuki oibae.
19Borosha ḳoro Mabude, amar asha ase,
aiz tumare zanailam zeta,
20nosiotor tish ḳan buli, tumare leḳsi nae ni?
Gian-foramishe bora ota.
21Teu to hok buli, zanao muk kuli,
zikaile ḳeu ṭik zuaf deo;
gianor hok kota, zikaile ḳeu kunta,
faṭaisoin zara tarare ḳo..
Nosiot 1
22Gorib zania goribor don, ḳaṛia na nio,
mozlum zonre adaloto, surmar na ḳorio.
23Mabude to tarar mamlat, tarar fokke roiba,
tarar don nisoin zetae, otar zanre-o niba..
Nosiot 2
24Bod-mizazi lukor loge, baiafi na ḳoro,
zoldi zegur gusa uṭe, tar loge na milo.
25Tarar loge solo zudi, tumi-o ola oibae,
nizor dushe nize-u tumi, fando foṛibae..
Nosiot 3
26Rinor zamindar oy zara, forar lagia,
ato at milaio na, tarare dekia,
27tofik na taḳle tumar, nizor rin maribar,
ḳaṛia nibogi tara, bisnaḳano tumar..
Nosiot 4
28Baf-dadae gaṛisla zeta, zominor shimana,
shimanar ou kuṭin tumi, nize horaio na..
Nosiot 5
29Ila kunu zonre deḳso ni, ḳam-ḳazo ze fakka?
Bashshar kezmot ḳorbo ḳali, ḳorto nae manshorta..
Currently Selected:
Asmani kitab: Sulaimani misal 22: sylL
Highlight
Copy
Compare
Share
Want to have your highlights saved across all your devices? Sign up or sign in
© Ahle Kitab Society. All rights reserved.
