Asmani kitab: Sulaimani misal 21
21
1Bashshar dil Mabudor ato fanir futor laḳan,
zebae kushi obae gurain ichchamoto tan.
2Nizor shob fot sohi nizor sokur gese,
dilor shoṭik uzon ḳoroin to Mabude.
3Mabudor dorbaro kurbani deoa taki,
hok bisar, hok kamo tain aro kushi.
4Demagir souḳ, dilor gorima,
naformanor lemo gunae bora.
5Forishromir sintae doni banae tare,
uṛa-taṛar ḳame nichchit obab ane.
6Misa mator zifradi doulot zomaile,
ita tuṛa shomoy ṭike, moron fando bone.
7Nizor zulume sesraia ney naformanre,
naforman to razi nae hok fote solite.
8Oforadir fot beḳa-teṛa,
ḳaṭi zonor ḳam shorol-shuza.
9Ḳaijjakur bou loia shongshar ḳora takia,
sator kunat eḳla eḳla roa bala.
10Ḳarafir ashik naformanor zan,
ari-forie fae na tar doyaḳan.
11Tamshaḳarire shaza dile shida oy giani,
giani zonre buzaile to baṛe tar buddi.
12Hok Allae naformanor goror bae sain,
naformanre tain mosiboto falain.
13Goribor ḳandon hunia bondo raḳle ḳan,
nizor ḳandono he faito nae asan.
14Lukail boḳshishe gusare ḳomae,
gufon gushe gorom ragre tamae.
15Forezgar kush hok bisare,
oforadie ḍoraia ḳafe.
16Buddir fot saṛi be-fote gele,
murdar mozliso hamaibo he.
17Mouz-furtit mon mozaile gorib bonibo,
shorab ar atore mozile doni na oibo.
18Forezgaror bodla shaza faibo naformane,
hok manshor bodla shaza faibo beimane.
19Bodragi kaijjakur bour loge roa takia,
nirai-nirzon bonobasho eḳla roa-u bala.
20Gianir goro dami don, kushboy tel taḳe,
ammoke to kuailae ita hoḳoltare.
21Hok-halal, doya-mayae ze sole,
zindegi, rohomot, ijjot tar mile.
22Gianie bolobanor ṭauno hamla salae,
tarar bol-shoktir boroshare foton goṭae.
23Zoban-zifra shabdan zar,
bifod taki zan base tar.
24Gorima-ohonkarir nam-u “moshkoraḳari,”
sola-firae deḳae tara beshi bahaduri.
25Alshiar shoḳe tar moron ane,
tar at razi nae to kunu ḳame.
26Hara din he ḳali faito sae,
forezgare kula ate dan bilae.
27Naformanor kurbani Mabudor noforoti,
bod niotir kurbani aro beshi lannoti.
28Misa shakki deora zon binash oizibo,
kial ḳori ze hune tare shobe hunibo.
29Naformane mukdi falafali kore,
afon fotor sinta ḳore dindare.
30Nae kunu gian, nae kunu buddi,
nae kunu foramish Mabudor samne.
31Zuddor lagi guṛa zuit-zait raḳa oy,
ḳali Mabudor ufre nirbor ḳore zuddor joy.
Currently Selected:
Asmani kitab: Sulaimani misal 21: sylL
Highlight
Copy
Compare
Share
Want to have your highlights saved across all your devices? Sign up or sign in
© Ahle Kitab Society. All rights reserved.
