ꠀꠍꠝꠣꠘꠤ ꠇꠤꠔꠣꠛ: ꠍꠥꠟꠣꠁꠝꠣꠘꠤ ꠝꠤꠍꠣꠟ 2
2
ꠛꠣꠚꠞ ꠘꠍꠤꠅꠔ ২
ꠉꠤꠀꠘ ꠢꠤꠇꠟꠦ ꠟꠣꠜ
1ꠢꠥꠘꠅ ꠢꠥꠘꠅ ꠀꠝꠣꠞ ꠙꠥꠔ, ꠝꠣꠘꠟꠦ ꠀꠝꠣꠞ ꠛꠥꠟꠤ,
ꠉꠣꠕꠤꠀ ꠞꠣꠈꠟꠦ ꠝꠞ ꠢꠥꠇꠥꠝ, ꠔꠥꠝꠣꠞ ꠅꠘ꠆ꠔꠞ ꠎꠥꠠꠤ,
2ꠉꠤꠀꠘꠞ ꠇꠕꠣ ꠜꠣꠟꠣꠝꠘ꠆ꠔꠦ, ꠇꠣꠘ ꠙꠣꠔꠤꠀ ꠢꠥꠘꠟꠦ,
ꠜꠣꠟꠣꠁꠞ ꠛꠥꠖ꠆ꠖꠤ ꠌꠣꠁꠟꠦ ꠔꠥꠝꠤ, ꠔꠥꠝꠣꠞ ꠝꠘꠦ-ꠖꠤꠟꠦ,
3ꠢꠦꠇꠝꠔ ꠙꠣꠅꠀꠞ ꠟꠣꠉꠤ ꠔ, ꠇꠣꠘ꠆ꠖꠅ ꠎꠥꠖꠤ ꠔꠥꠝꠤ,
ꠔꠥꠝꠣꠞ ꠀꠅꠀꠎ ꠔꠥꠟꠅ ꠎꠥꠖꠤ, ꠛꠥꠎꠖꠣꠞ ꠅꠀꠞ ꠟꠣꠉꠤ,
4ꠔꠥꠇꠣꠅ ꠎꠥꠖꠤ ꠉꠤꠀꠘꠞꠦ ꠔꠥꠝꠤ, ꠞꠥꠙꠣꠞ ꠟꠣꠈꠣꠘ ꠇꠞꠤ,
ꠉꠥꠙ꠆ꠔ ꠗꠘꠞ ꠝꠔ ꠔꠣꠞꠦ, ꠔꠣꠟ꠆ꠟꠣꠡ ꠇꠞ ꠎꠥꠖꠤ,
5ꠔꠦꠃ ꠔ ꠔꠥꠝꠤ ꠛꠥꠎꠤꠟꠤꠛꠣꠄ, ꠝꠣꠛꠥꠖꠞ ꠒꠞ-ꠈꠚ,
ꠅꠟꠣ ꠇꠞꠟꠦ ꠙꠣꠁꠛꠣꠄ ꠔꠥꠝꠤ, ꠀꠟ꠆ꠟꠣꠞ ꠖꠤꠖꠣꠞꠞ ꠙꠕ।
6ꠉꠤꠀꠘ ꠔ ꠘꠤꠌ꠆ꠌꠤꠔ ꠖꠣꠘ ꠇꠞꠂꠘ, ꠝꠣꠛꠥꠖ ꠄꠟꠣꠢꠤꠄ,
ꠀꠈꠟ-ꠛꠥꠖ꠆ꠖꠤ ꠛꠣꠞ ꠅꠁ ꠀꠄ, ꠔꠣꠁꠘꠞ ꠎꠛꠣꠘꠦ।
7ꠇꠣꠝꠤꠀꠛꠤ ꠎꠥꠁꠔ ꠞꠣꠈꠂꠘ, ꠢꠇ ꠝꠣꠘꠡꠞ ꠟꠣꠉꠤꠀ,
ꠝꠣꠛꠥꠖꠃ ꠅꠁꠘ ꠔꠣꠞꠣꠞ ꠍꠣꠄꠀ, ꠢꠇ ꠙꠕꠦ ꠌꠟꠂꠘ ꠎꠣꠞꠣ।
8ꠘꠤꠀꠄ ꠙꠕꠞ ꠙꠕꠤꠇ ꠎꠣꠞꠣ, ꠞꠁꠇ꠆ꠇꠣ ꠇꠞꠂꠘ ꠔꠣꠁꠘ,
ꠝꠥꠝꠤꠘ ꠛꠘ꠆ꠖꠣꠞ ꠎꠣꠘꠞꠦ ꠘꠤꠌ꠆ꠌꠤꠔ, ꠀꠟ꠆ꠟꠣꠄꠃ ꠛꠣꠌꠣꠁꠘ।
9ꠔꠦꠃ ꠙꠞꠦꠎꠉꠣꠞꠤ ꠀꠞ ꠢꠇ ꠛꠤꠌꠣꠞ, ꠢꠇ-ꠢꠣꠟꠣꠟꠤ ꠛꠥꠎꠛꠣꠄ,
ꠢꠇ꠆ꠇꠟ ꠟꠣꠈꠣꠘ ꠜꠣꠟꠣ ꠙꠕ, ꠔꠥꠝꠤ ꠙꠥꠔꠦ ꠌꠤꠘꠛꠣꠄ।
10ꠉꠤꠀꠘ ꠔ ꠢꠣꠝꠣꠁꠛ ꠘꠤꠌ꠆ꠌꠄ, ꠔꠥꠝꠣꠞ ꠝꠘꠞ ꠝꠣꠎꠦ,
ꠀꠈꠟ-ꠛꠥꠖ꠆ꠖꠤꠄ ꠖꠤꠛ ꠚꠥꠞ꠆ꠔꠤ, ꠔꠥꠝꠣꠞ ꠖꠤꠟꠦ-ꠎꠣꠘꠦ,
11ꠢꠇ ꠛꠤꠛꠦꠇꠦ ꠈꠤꠀꠟ ꠞꠣꠈꠛ, ꠔꠥꠝꠣꠞ ꠌꠟꠣꠞ ꠙꠕꠞꠦ,
ꠘꠤꠈꠥꠔ ꠀꠈꠟꠦ ꠞꠁꠇ꠆ꠇꠣ ꠇꠞꠛ, ꠔꠥꠝꠣꠞ ꠎꠤꠘ꠆ꠖꠦꠉꠤꠞꠦ।
12ꠅꠔꠣꠄ ꠛꠣꠌꠣꠁꠛ ꠔꠥꠝꠣꠞꠦ, ꠘꠣꠚꠞꠝꠣꠘꠞ ꠙꠕ ꠕꠣꠇꠤ,
ꠛꠣꠌꠣꠁꠛ ꠁꠔꠣꠞ ꠀꠔ ꠕꠣꠇꠤ, ꠎꠦꠔꠣꠞ ꠝꠥꠈꠅ ꠈꠣꠞꠣꠙꠤ।
13ꠘꠦꠇ ꠇꠣꠝꠞ ꠙꠕ ꠍꠣꠠꠤꠀ, ꠌꠟꠦ ꠔ ꠁꠔꠣ ꠎꠘ,
ꠀꠘ꠆ꠖꠣꠁꠞ ꠙꠕꠞꠦ ꠜꠣꠟꠣ ꠙꠣꠁꠀ, ꠇꠞꠤꠍꠦ ꠀꠙꠘ,
14ꠈꠥꠡꠤ-ꠛꠣꠡꠤ ꠇꠞꠦ ꠁꠔꠣꠄ, ꠛꠣꠖ ꠇꠣꠝ ꠇꠞꠤꠀ,
ꠚꠥꠞ꠆ꠔꠤ-ꠀꠝꠥꠖꠅ ꠇꠞꠦ ꠔ, ꠘꠣꠚꠞꠝꠣꠘ ꠛꠘꠤꠀ,
15ꠔꠦꠠꠣ-ꠛꠦꠇꠣ ꠙꠕꠞ ꠙꠕꠤ, ꠅꠁꠍꠦ ꠁꠔꠣ ꠎꠘ,
ꠇꠥ-ꠙꠕꠞꠦꠃ ꠇꠞꠍꠦ ꠁꠔꠣꠄ, ꠄꠇꠣꠘ꠆ꠔ ꠀꠙꠘ॥
16ꠉꠤꠀꠘꠦ ꠛꠣꠌꠣꠁꠛ ꠔꠥꠝꠣꠞꠦ, ꠛꠖꠝꠣꠁꠡ ꠛꠦꠐꠤ ꠕꠣꠇꠤ,
ꠘꠐꠤ ꠛꠦꠐꠤꠄ ꠇꠞꠣꠄ ꠎꠤꠘꠣ, ꠝꠤꠑꠣ ꠝꠤꠑꠣ ꠝꠣꠔꠤ।
17ꠎꠥꠀꠘꠇꠤꠞ ꠇꠣꠟꠞ ꠎꠣꠝꠣꠁꠞꠦ ꠔ, ꠔꠣꠁ ꠛꠣꠖ ꠖꠤꠟꠣꠁꠍꠦ,
ꠀꠟ꠆ꠟꠣꠞ ꠅꠀꠖꠣ-ꠌꠥꠇ꠆ꠔꠤꠞꠦ ꠔꠣꠁ, ꠘꠤꠎꠦꠃ ꠄꠟꠣ ꠇꠞꠍꠦ।
18ꠔꠣꠁꠞ ꠊꠞ ꠔ ꠝꠞꠘ ꠚꠣꠘ꠆ꠖ, ꠝꠞꠣꠞ ꠙꠕꠦ ꠒꠣꠇꠦ,
ꠅꠉꠥꠞ ꠒꠣꠇꠅ ꠝꠎꠤ ꠉꠦꠟꠦ, ꠎꠣꠁꠛꠣꠄ ꠞꠡꠣꠔꠟꠦ।
19ꠔꠣꠁꠞ ꠉꠦꠍꠦ ꠎꠣꠄ ꠎꠣꠞꠣ, ꠔꠣꠞꠣ ꠚꠤꠞꠤꠀ ꠘꠣ ꠀꠄ,
ꠎꠤꠘ꠆ꠖꠦꠉꠤꠞ ꠙꠕꠅ ꠙꠃꠍꠣꠘꠤꠞ, ꠇꠥꠘꠥ ꠃꠙꠣꠄ ꠘꠣꠄ॥
20ꠄꠞꠟꠣꠉꠤ ꠌꠟꠤꠅꠞꠦ ꠙꠥꠔ, ꠜꠣꠟꠣ ꠝꠣꠘꠡꠞ ꠙꠕꠦ,
ꠎꠤꠘ꠆ꠖꠦꠉꠤ ꠇꠣꠐꠣꠁꠅ ꠔꠥꠝꠤ, ꠙꠞꠦꠎꠉꠣꠞꠞ ꠝꠔꠦ।
21ꠢꠇ ꠝꠣꠘꠡꠦ ꠔ ꠛꠡꠔ ꠇꠞꠛꠣ, ꠅꠀꠖꠣ ꠇꠞꠣ ꠎꠝꠤꠔꠦ,
ꠘꠤ-ꠅꠙꠞꠣꠗꠤ ꠎꠘꠅ ꠞꠁꠛꠣ, ꠞꠢꠝꠔꠞ ꠝꠣꠐꠤꠔꠦ।
22ꠘꠣꠚꠞꠝꠣꠘꠞ ꠘꠣꠁꠞꠦ ꠑꠣꠁ, ꠖꠤꠛꠣ ꠔ ꠈꠦꠖꠣꠁꠀ,
ꠛꠦꠁꠝꠣꠘꠞꠦꠅ ꠎꠠꠦ-ꠚꠠꠦ, ꠚꠣꠟꠣꠁꠛꠣ ꠔꠥꠟꠤꠀ॥
Currently Selected:
ꠀꠍꠝꠣꠘꠤ ꠇꠤꠔꠣꠛ: ꠍꠥꠟꠣꠁꠝꠣꠘꠤ ꠝꠤꠍꠣꠟ 2: sylN
Highlight
Copy
Compare
Share
Want to have your highlights saved across all your devices? Sign up or sign in
© Ahle Kitab Society. All rights reserved.