Sam 126
126
Sam Kratrtqki-esz'-nzpnu-li-nrade-esz'mz (126)
Yawe Amnc-zpwx-moule Lr Jerusalem
Nabz kx nzngrnelzngr Jerusalem mz nzangiongr.
1Mzli kc Yawe tqamnc-zpwx-mou-ngrde nigu lr Jerusalem,
Opxm kx trngiu da zpwx, a' rmwibleku.
2Mzli lcde, yrpale-twzku x ngr-katoku, mz nzabrtz-zlwz-krgu.
Zbz sc tzrpipe lr mrkzbleng kx, “Yawe rwz-ngrbz da kxetuting kx okatr-ngrde nidr.”
3X abrtztx-zlwz-ngrgu
Da lcdeng tqetuting tqwz-ngrmleng bagu.
4Delc Yawe, na-amnc-zpwx-mou-ngrde nigu mzli ka,
Da kc tqwai tewa nzdc-krde x lrti-moungr ningali kx pztipeng.
5Murde leplz kcng tzyrning mzli kc tzpe-ngrdr dakxnzng mz drtc',
Na-abrtzng mzli kc narkqlz-ngrdr.
6X leplz kcng tzyrning mzli kc tzrtwz-ngrdr dakxnzng kx napetilr mz nrlanc,
Sa nangr-abrtzng mzli kc nartwz-ngrmlr dakxnzng brma mz mzli r nzrkqlzngr.
Currently Selected:
Sam 126: ntu
Highlight
Share
Copy
Want to have your highlights saved across all your devices? Sign up or sign in
© 2008, Wycliffe Bible Translators, Inc. All rights reserved.
