Sam 127
127
Sam Kratrtqki-esz'-nzpnu-li-nrade-rlimz (127)
Nqvi Lr Ncblo
Nabz ne Solomon kx nzngrnelzngr Jerusalem mz nzangiongr.
1Nzmu Yawe trnangiu Kxetu r nqvi lrgu le,
Mane nzaetunepx-krgu nqvi lrgu.
Nzmu trna-aukztileu lr mrnyzgu,
Mane nzaclve-krgu nidr.
2Nzmu trna-abrtrpwzkuu drtwrgu mz Yawe
Mz nzrka-krmle dakxnzng bagu,
Mane nzo-rlangr mz nzwz-katongr x nzyzlu-ngrm mz nina,
Murde krlz-kzle nzrka-krmle da bagu mzli kc tqmwi-ngrgu.
3-5X Yawe nide kz kx rkam doa kxnztopwzng mz nqvi lrgu,
Mzli kc tqngi-oblabe-ngrgu.
Murde mzli kc tqngi-lrtzlvzpe-ngrgu, doa lcng na-aclvelr nigu.
Sa namrlzbz mz ncblo kc mrlxde tqkqlu.
Murde mzli kc kzdq ncblo narnqniti-lzbq-ngrdr bade,
Mrlxdeng sa natubzng mz nibrde.
X mz nzrka-krbz kxnzrmailzng drtwr kxtubq,
Drtqde trnamyau murde nztu-krbz mrlxdeng lcng mz nibrde.
Currently Selected:
Sam 127: ntu
Highlight
Share
Copy
Want to have your highlights saved across all your devices? Sign up or sign in
© 2008, Wycliffe Bible Translators, Inc. All rights reserved.
