Саалтыр 92
92
1 Айыы Тойон – Ыраахтааҕы; Кини сүдү килбиэни таҥныбыт;
Айыы Тойон сүдү килбиэни таҥныбыт, күүһү-уоҕу курдаммыт,
ол иһин сир-халлаан бигэ, тулхадыйыа суоҕа.
2Эн бүрүстүөлүҥ былыр-былыргыттан турар;
Эн үйэлэр иннилэриттэн бааргын.
3Өрүстэр куоластара, Айыы Тойон,
өрүстэр куоластара өрө эҥсиллэр,
өрүстэр сүүрүктэрэ өрө түллэр.
4Улахан уу ньиргиэрдээх тыаһынааҕар,
байҕал балысхан баалынааҕар,
үөһэ баар Айыы Тойон ордук күүстээх!
5Эн туоһулуур кырдьыгыҥ бигэттэн бигэ;
Эн Дьиэҥ, Айыы Тойон, үйэлэр тухары сибэтиэй.
Currently Selected:
Саалтыр 92: СБК
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2008-2022
