Саалтыр 90
90
1Ким Үрдүктэн Үрдүк көмөтүнэн олорор,
Күүстээхтэн Күүстээх күлүгэр хорҕойор,
2ол Айыы Тойоҥҥо этэр:
«Мин халыҥ хаххам, суон дурдам,
бигэ кириэппэһим, эрэнэр Таҥарам!»
3Таҥара эйигин бултаһааччы доҕууруттан,
өлүүлээх сутултан өрүһүйүөҕэ;
4куорсуннарын күлүгэр кистии тутуоҕа,
Кини кынатын анныгар куттал суоһуо суоҕа;
Кини кырдьыга Эйиэхэ харыҥ куйаҕа,
халҕан куйаҕыҥ буолуоҕа.
5Куттаныаҥ суоҕа эн түүҥҥү үлүгэртэн,
күнүс иһиирэ көтөр бүргэс охтон,
6хараҥаҕа хаамар сутултан,
күн ортото кураанахтыыр сотуунтан.
7Аттыгар тыһыынчанан,
уҥа өттүгэр уонунан тыһыынчанан охтуохтара,
оттон эйигин ол өлүү таарыйыа суоҕа.
8Хараххынан эн ону анаарыаҥ эрэ,
хара дьайдаахтары иэстэбил ситэрин көрүөҥ эрэ.
9Эрэлим Айыы Тойон диэбитиҥ,
Үрдүктэн Үрдүгү дурда-хахха туттубутуҥ иһин,
10туох да куһаҕан эйиэхэ буолуо суоҕа,
алдьархай эн дьиэҕэр чугаһыа суоҕа;
11Кини Аанньалларыгар эн тускунан соруйуоҕа,
оччоҕо бары суолгар араҥаччылыахтара,
12таастан бүдүрүйбэтиҥ туһугар,
кинилэр эйигин көтөҕөн барыахтара;
13эн хахайы да, эриэн үөнү да үлтү үктүөҥ,
эдэр хахайы, дьааттаах моҕойу илдьи тэпсиэҥ.
14«Миигин таптыырын иһин, Мин кинини өрүһүйүөм,
Мин ааппын билэрин иһин, көмүскүөм.
15Миигин ыҥырдаҕына, Мин кинини истиэм;
эриирдээх кэмигэр кинилиин бииргэ буолуом,
өрүһүйэн ылыам, албан аатырдыам.
16Уһун олоҕунан Мин кинини дуоһутуом,
быыһаан ыларбын киниэхэ көрдөрүөм».
Currently Selected:
Саалтыр 90: СБК
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2008-2022
