Саалтыр 112
112
1Аллилуия.
Айхаллааҥ, Айыы Тойон кулуттара,
айхаллааҥ Айыы Тойон аатын.
2Алгыс буоллун Айыы Тойон аатыгар
аны мантан инньэ үйэлэр тухары.
3Айхаллана турдун Айыы Тойон аата
илинтэн арҕааҥҥа диэри.
4 Айыы Тойон бары норуоттар үрдүлэринэн турар;
Кини албан аата халлааннары аһара барар.
5Ким баарый биһиги Айыы Тойон Таҥарабытыгар холоонноох?
Ким Кини курдук, үөһэ турар бүрүстүөлүттэн
6сири-халлааны сиксигинэн көрө-истэ олороруй?
7Кини дьадаҥыны сиртэн-буортан өрө тардар,
кыраны-хараны киртэн-хахтан таһаарар,
8итиэннэ кинини кинээстэри кытта,
норуотун кинээстэрин кытта биир кэккэҕэ олордор.
9Кини оҕото суох дьахтары, дьиэ-уот тэрийэн,
оҕолоруттан үөрэр ыал ийэтэ оҥорор.
Аллилуия.
Currently Selected:
Саалтыр 112: СБК
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2008-2022
