Саалтыр 107
107
1Ырыа. Давид псалома.
2Мин сүрэҕим бэлэм, Айыы Таҥара;
ырыа ыллыам, Эйигин айхаллыам.
Уһугун, дууһам миэнэ!
3Уһуктуҥ, арфа уонна лира!
Мин сарыалы уһугуннарыам.
4 Айыы Тойон, мин норуоттар ортолоругар Эйиэхэ махтаныам,
омуктар ортолоругар Эйигин айхаллыам.
5Эн бигэ тапталыҥ халлааннары аһара барар,
Эн кырдьыгыҥ былыттардыын быысаһар.
6Халлааннар уҥуордарынан айхаллан, Айыы Таҥара,
бүтүн сир үрдүнэн көһүннүн Эн килбиэниҥ.
7Эн таптыыр дьонуҥ быыһаналларын туһугар,
уҥа илиигинэн кинилэри өрүһүйэн ыл, миигин иһит.
8Таҥара сибэтиэй Дьиэтиттэн эрэннэрдэ:
«Мин Сихем сирин, өрө көтөҕүллэн туран, үллэриэм,
Сокхоф хочотун усталаах туоратын мээрэйдиэм.
9Галаад – Миэнэ, Манассия эмиэ – Миэнэ;
Ефрем – баһым кураахтаах куйаҕа,
Иуда – Мин скипетрым.
10Моав – Мин суунар кытаҕым,
оттон Едомҥа атаҕым таҥаһын быраҕыам.
Филистина үрдүнэн Мин өрөгөйдөөх хаһыым дуораһыйыа».
11Ким миигин бөҕөргөтүнүүлээх куоракка киллэриэҕэй?
Ким миигин Едомҥа тиэрдиэҕэй?
12Эн буолбатах дуо, Айыы Таҥара, биһигини туора аспыт,
биһиги сэриилэрбитин кытта барсыбатах Таҥара?
13Оо, өстөөҕү утары охсуһарбытыгар биһиэхэ көмөлөс –
киһи көмөтө көдьүүһэ суох.
14Таҥараны кытта сылдьан, биһиги күүстээх буолуохпут,
Кини биһиги өстөөхтөрбүтүн сууһарыаҕа.
Currently Selected:
Саалтыр 107: СБК
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2008-2022
