NASEPTE 24
24
Paul ahekna uh
1Tualeh ni-nga zoh in siampi Anania tawh upate leh amin Tertulla thugensiam tawh ahung paisuk ua, Paul tung a thubuai pen gam ukpa kiangah agen ua. 2Tualeh Paul asapkhiat tak un, Tertulla in amah ahek panta a:
Felik zah omtak! Nang mah jalin lungmuang takin ka om ua, tualeh nang kepna jal a hih namte a ding a gitlouhna khamhoih a aom jiakin. 3Bangchik tanin khoimun peuh ah lungkim takin ka kipak uhi. 4Hitaleh zong nang ding a chimtak-huai talua ka utkei, na migitna a ka thu uh themkhat hung ngaihkhiatsak dingin kung ngen hi. 5Ajiak kou hihpa huat huaitak, leitung a Judate jousiah tokbuaitu leh Nazareth pawl a lamkai khat ahih ka thei uhi. 6Pasian tempul zong sukbuah zong asawm a, amah kaman ua, ka dan uh bang a atung a vaihawm sawm hi ung a. 7Hinanleh galkap lamkai lianpen Lisia ka kiang uah ahung pai a, kakhut ua pan in gumtat takin a lamangta hi. 8Atung a thubuai neite na kiang a hungpai dingin thu pia in, nangmah ngeiin amah dongchian in, ka hekna thute uh na theichian ding hi, achi a. 9Tualeh Judate`n zong hua thupen huachimah bang ahi, chi`n apanpih uhi.
Felik maiah Paul in adikna agen
10Tuachi`n gam uktu in Paul thugen ding a khut a ajap takin, Paul in,
“Nang, kum tamtak hih namte vaihawmtu nahih kungtheih jiakin kipak takin kadikna thu ka gen ding hi. 11Jerusalem a Pasian biading a ka paitouh nung ni sawm leh nih val a hinaikei ding chih na theithei ding hi. 12Tualeh tempul a mi toh ka kinialna ahihkeileh kikhopna inn leh khuasung a mi ka chilsiatna bangmah amukei uhi. 13Tuin zong ahung heknate uh kichiantak in abul a zongkhiathei kei uhi. 14Hinanleh hihthu na kiangah kung pulak hi, amau`n biakdan tuam achih uh lamtuam juiin kapu leh pate uh Pasian kabia a, Mosi dan leh Jawlneite laibu jousiah gingta in. 15Tualeh mi diktatte leh mi diktatloute thohkikna aom ding chia amau`n zong apom uh, huapen ken Pasian lam ah ka lam en ahi. 16Tuajiakin, Pasian lam leh mihing lam a asia apha theihkhenna nei a, bawlkhial bei a om dingin keimah leh keimah bangchik lai peuhin kaki engbawl hi.
17“Tuin kum tampi nungin ka namte uh kiang a sil piak ding leh gan thah ding hungkeng in kungpai a. #Nst. 21.17-28. 18Hua sil ka piaklaiin, Asia gam a hung kipan Judami kuate hiam in, mipi jaulou leh buailou in Pasian tempul a ka kihihsiangthou ahung mu uhi. 19Huate`n katung a thubuai nei hile uh hiah namai ah om in ahung hek ding uhi. 20Ahihkeileh hih mite mahmah in vaihawmtute mai a ka dinlaiin, ka bawlkhial muh aneih uleh gen uh hen. 21Hihthu themkhat jiak houh ahihngal keileh alak ua ding a: ‘Misi thohkikna aom chih thu ah tunin namai uah salh in ka om ahi,’” kachih pen, chi`n adawng hi. #Nst. 23.6.
22Hinanleh Felik in hihthute ajak takin hua lam thute atheichian sem a. Amauh kiangah, “Galkap lianpen Lisia ahung tunsuk chiangin, na thu ka ngaihtuah siang ding chi`n ahun asuan phot hi.” 23Tualeh aman Paul veng a, hinanleh awngkhah deuh a omsak a, tualeh alawite`n a nna asepsak uh khamlou dingin galkap jalamkai khat kiangah thu apia hi.
Paul Felik leh Drasilla maiah
24Tualeh ni bangzah hiam nungin Felik azi Judami numei Drasilla tawh ahung pai ua, Paul asamsak a Krist a ginna thu angaikhia hi. 25Tualeh Paul in diktatna thute, kidekna thute leh vaihawmna hung tung ding thute agen leh, Felik lauin akithing a, “Tu`n paikik phot in. Hunlem kaneih chiangin kung samkik ding,” achi hi. 26Tualeh a khahkhiatna ding a Paul in dangka apiak bang akinem a, asamsak mun sim a, ahoupih thimthem hi.
27Hinanleh, kumnih nungin Porsia Festa in Felik ahung khekta a, tualeh Felik in Judate kipaksak a ut a, Paul pen kansa in a nusiata hi.
Currently Selected:
NASEPTE 24: THKHBSI
Highlight
Share
Copy
Want to have your highlights saved across all your devices? Sign up or sign in
Thangkhal NT - Thukhun Thak
Copyright © 2014 by The Bible Society of India
Used by permission. All rights reserved worldwide.
