Thempudan 19

Thenna le Thudih Thudola Danthu

1Chule Pakaiyin Mosi henga aseije, hitin ati, 2#Thmpu 11:44-45; 1 Pet 1:16. Israel chate houkhom ho jouse henga hitihin seijin, Nangho nathen dingu ahi: ajehchu keima Pakai na Pathen'u hi atheng kahi. 3#Pot 20:8,12; Danb 15:12,16. Nangho amitakipmin nanu le napa naginuva, chule kacholngah nikho ho nanit dingu ahi, keima Pakai na-Pathen'u chu kahi.

4 # Thmpu 26:1; Pot 20:23; 34:17; Danb 27:15. Milimho lama kihei hih-un lang, alim semthu pathen ho jong kisem hih-un: keima Pakai na-Pathen'u chu kahi.

5Nanghon Pakai henga chamna thilto longlhenna nato uva ahile, nanghon hichu nalungcham tah uva nato dingu ahi. 6Hichu natodoh nikhou le ajing nikho-a nanehjou tei dingu ahi: ijemtia ani thum ni geija um nalaija ahile, hichu meija goding ahi. 7Chule hichu anithum ni-a akineh poupouva ahile, kidah umtah ahin; hichu kisang louding ahitai. 8Hijeh-a chu ane jouse chun Pakai thiltheng asuh minset jeh uva, akhangit lounao akipoh cheh dingu: chule hiche mihem chu amite lah-a kona paidoh-a umding ahi.

9 # Thmpu 23:22; Danb 24:19-22. Nangman nagam ga na-at teng le, nangman nalou ningho jouse chu na-at sohkei louding, chule na-at na-a alhajah ho chu nakichom ngim louding ahi. 10Chule nangman nalengpi thei gaho nachom ngimsel louding, nalengpi thei gaho jong aboncha nalotheng louding; hitiho chu vaichate le gamdang mi dinga nakhenpeh ding ahi: keima Pakai na-Pathen'u chu kahi.

11 # Pot 20:15-16; Danb 5:19,20. Nangma naguchat louding, dihlou tah-a jong nabol louding, chule khat le khat kah-a jong jou nasei louding ahi. 12#Pot 20:7; Danb 5:11; Matt 5:33. Chule nangma kamin panna jouva nakihahsel louding, na-Pathen minjong nasuh minset louding ahi: keima Pakai chu kahi.

13 # Danb 24:14-15. Nangman naheng nakom najoulhep louding, chomjong nachom louding ahi. Akigoipa lo chu jan khovah-a jingkah geija nakoma naumsah louding ahi. 14#Danb 27:18. Nangman na-ngong nagaosap louding, mitcho masanga jong kipal lhuh theina nakoi louding ahi, na-Pathen joh nagin ding ahi: keima Pakai chu kahi.

15 # Pot 23:6-8; Danb 16:19. Nathu tan na-a chonphat louna nabol louding ahi: nangman mivaichate chu nakhohsah chom louding, ahiloule mithaneite jong najabol chom louding: amavang chonphatah-a naheng nakom thu natan ding ahi. 16Chule nangma namite lah-a thuse seija nachesuh nachetouna louding: chule naheng nakom thisan thua jong jouthu-a napan louding ahi: keima Pakai chu kahi.

17 # Matt 18:15. Nangman nalungsunga nasopipa nahotbol louding: iti nama jongle nangman naheng nakom naphosal louding, chule chonset nabolsah louding ahi. 18#Matt 5:43; 19:19; 22:39; Mrk 12:31; Luk 10:27; Rom 13:9; Gal 5:14; Jac 2:8. Nangman phu nalah louding, namite chateho chunga thangthipna jong nanei louding ahi, amavang nangman naheng nakom chu nangma naki ngailut banga nangailut ding ahi: keima Pakai chu kahi.

19 # Danb 9:11. Nanghon kachondan ho nanit diu ahi. Nanghon nagancha hou chu gancha dangto nakimatsah lou dingu ahi: nanghon nalou uva muchi natu hal lou dingu ahi. Chule tupat le samul kihal von jong nachunga nakaisah louding ahi.

20Chule soh numei, pasal khat dinga khao khisa, lhadoh loulai le chamlhatna peh loulai khat chu tahsa ngaichatna jeh-a khattouvin aluppia ahile, amanu chu kijepding ahi: amanu chamlhat ahiloujeh-a anilhona vang kithat louding ahi 21Chule amapa chun asuhkhelna thilto chu Pakai henga houkhom ho houbuh kotkhah bula chu ahinchoi ding, suhkhkelna thilto dinga kelngoi chal khat ahinkai ding ahi. 22Chuteng thempupa chun amapan anabol chonsetna jeh-a chu, amapa dinga suhkhel thilto kelngoi chal chu Pakai anga atodoh-a, amapa dinga longlhenna abolpeh ding ahi: chutengle amapan anabol chonsetna chu kingaidam ding ahi.

23Chule nangho chuche gama nalut uva, chule nanghon nehdinga thing namkim naphu tengule, aga chu cheptan louva nasim dingu: hichu nangho dinga kum thum cheptan lou hiding; hichu nanehlou dingu ahi. 24Ahinla akum li na-a vang chuche gaho jouse chu, Pakai vahchoina dinga atheng hiding ahitai. 25Chule akum nga na vang, nangho-a dinga aga asodoh thei nadinga aga naneh dingu ahi: keima Pakai na-Pathen'u chu kahi.

26 # Semt 9:4; Thmpu 7:26-27; 17:10-14; Danb 12:16,23; 15:23; 18:10. Nanghon imacha athisan puma nanehtha lou dingu: chule mitpheldoi le ailhim namanchah lou dingu ahi. 27#Thmpu 2:5; Danb 14:1. Nanghon nasamu nahet tol kimvel lou dingu, chule nabeng mul hou jong aning navoset lou dingu ahi. 28Nanghon mithiho jeh-a natahsao na-at pop lou dingu, chule nati chunguva jong imacha lim nasemlou dingu ahi: keima Pakai chu kahi.

29 # Danb 23:17. Nangman jonthanhoi sahna dinga nachanu noti'a napansah louding ahi; achuti loule gamsung hi jonthanhoina-a hunglhun tin, gamsunghi gitlouna-a dim ding ahi. 30#Thmpu 26:2. Nanghon kacholngah ho nanit diu; chule kamun theng naja dingu ahi: keima Pakai chu kahi.

31 # Danb 18:11; 1 Sam 28:3; 2 Leng 23:4; Isai 8:19. Nanghon amaho-a kona nakisuhboh louna dingun lhakou mangchaho ngaisang hih-un, chule doithemho jong hol hih-un: keima Pakai na-Pathen'u chu kahi.

32Nangma lukangho masanga nadin doh ding, tehse mai najading, chule na Pathen nagin ding ahi: keima Pakai kahi.

33 # Pot 22:21; Danb 24:17-18; 27:19. Chule namdang khat nagam sunga nangho toh akhopem khoma ahile, ama chu dihlou tah-a nabol lou dingu ahi. 34Amavang gamdang mi nangho toh chengkhoma chu nangho-a dinga nalah uva peng tobang hiding, nangho naki ngailut banguva nangailut dingu ahi: ajehchu nangho jong Egypt gama gamdang mi nana hiu ahi: keima Pakai na-Pathen'u chu kahi.

35 # Danb 25:13-16; Thuch 20:10; Ezek 45:10. Nanghon thutanna lam, asaotena ahin, agih tena ahin, ahiloule asan tena hijongle chonphat louna nabol lou dingu ahi. 36Khaikot dih, gihtum dih, Ephah dih, chule hin dih nanei diu ahi: keima Egypt gama kona nahin puidoh uva Pakai na Pathen'u kahi. 37Hijeh-a chu nanghon kachondan ho le kathutan jouse najuidiu, chule naboldiu ahi: keima Pakai chu kahi.

Currently Selected:

Thempudan 19: THADBSI

Highlight

Copy

Compare