NOONNA THLOU 18
18
Korinthia ah Khakla Anlin
1Oiche aknua Paul in Athens mah a Korinthia ah sehsa. 2Mah khanna Pontas a pok a anthohna akmingva Akuila Judi mii khat antuukpipei, amahva akmei Priskilla soh inrangte a Itali nata thlengmang, alamva Klaudias in Judi naamteta Rome mathlah a ansehnatu jathang amlanpei. Chunna anmahta inmuhpinatu Paul in sehsa; 3alamva amah athlousoh inchunrelna anmahsoh amjoua thlou antlohjou, anmah anthlouva khlupuun thlaamtloh ei. 4Amah in sabat nirel sinakok a trong antelpiei, mahche Judi leh Kriik eita amjanatu aksuulei.
5Silas mahche Timothi in Mesidonia nata anthleng in Paul vaa akthra trongraan thloua aril amluutpei, Judi ankuunga Jisu i Khrista sa ta sakhi amlannei. 6Chunna anmah in amahta indah a ansaal in, apuunta thinna asonei, “Nannih nanthii nantaksaak chunga tlaso! Keiva kilaan amnoh. Ipeknata keiva Jental tinga seh usang.” 7Cheva ohkhannata mathlah a akming Titas Jastas an ong Ringpu ta amthruun kupakhat in seh a amah innva sinakok soh intonga am. 8Sinakok akpuui Krispas inruuia amah ataploikuung in Akpu ta amilot; che Corinthia na mii jikcha inkho mahchuta antheih a amilotpei che inlupsei. 9Nikhat khulouh a Akpu in Paul vaa ahamuh a ason, “Intrinohro, chuta trongro daichirit nohro; 10alamva keiin kanruuipiche, tukhat inkho nitakchunga nakpal namsok tlohnohtuei; alamva mah khuuboom inna keimii tam ammei.” 11Ohkhanna anmahta Paul in Ringpu trong matheih a mah khanna kumkhat che thla kuruk amsa.
12Chuta Kalio in Akhaia vaa rampuui aveilaia, Judiei in inkhatveia Paul ta suura Pichaar koolla anthlenpei, 13mahche asonpei, “Mahmii in trongthuunta indah veia Ringpu ta namithruuntu ta miita amsoh ei.” 14Chuta Paul in atrongsam tumma, Kalio in Judi eita asonei, “Judi eio, nannih in mah i chimnoh thlou mahche kochanoh aiilkhoi thlou rella leva, keiin antrong anlata louphu suuk; 15chuta mah i jakhatnoh trong akmingrelna che nanrou trongthuun relna trongtlohna veile nantak nanroua mathlaakve; mainang relna keiin pichaar akpu vei indah ang.” 16Cheva amah in pichaarkool nata anmahta amnompei. 17Chunna anmah in sinakok akpuui Sosthenes ta ansuurpei che pichaarkool amaatalla ankhonpei. Chuta mah aksuukthlou khanna Kalio invah jakhatkho aril inheinohsa.
Paul in Antiok ah Inleng
18Maiche aknua Paul in nijan ste sootbeb a amche unao pasata inthrek pinatu trong asonche Siria a muli chuunga sehsa, che Prisilla leh Akuila in amahsoh inruuijousei. Kenkri a asam akchehpei, alamva amah atrongirhna khat am. 19Cheva anmah in Ephesia ah thlenga anmahta ohkhanna amahpei; chuta atakva sinakok a luut a Judi eisoh trong inkherhsei. 20Amahta ste soot a amnatu ansonta atak in indahsa; 21chuta inthrekna trong anmah kuunga atrongche asonei, “Ringpu in amdon veile keiin nankuunga veikhat inlenglatung,” cheva amah in Ephesia nata muli chuunga sehsa.
22Amah in Keisaria atlungsoh, Jerusalem a hanga khakla ta roomthok a amthruunei, mah chunnata lai kak amche, Galatia che Phrikia ramma seh a aroi naamteta malottinga amtrangei. 23Amah in Antiok a lai kak amche Kalatia mahche Phrikia ram avella khatnata khat a seh a aroi eiin Akpu amilotta ralla amtrangei.
Appolos In Ephesia leh Corinthia ah Seh
24Mahlaia Judi inkhat akmingva Appolos an ong Alenxandria ah pok mii in Ephesia ah thlengsa. Amahvah innaalla trongtheih, ringjihta thra a akrom mii. 25Amahta Akpu vaa alamrelna anmitheihpei; amahvah John in alupkhop relna romslakho, anmah in li luut a Jisu relna trongsa mahche miita chimma amtheih ei. 26Amah in sinakok ah intrinoh luunga trong amthronpei, amahta inna phurh a Ringpu alamta minna invuia amitheihpei. 27Cheva amah in Akhaia a asehja hanga, unaopasa in arilta amitrangpei, che amahta roomthok a anroulohnatu aroi ankuunga trongjihthuunta majih a anmithlahpei. Mahkhan atlungin, malungsivaa akli a amlot miita khalmo amjoomei, 28alamva atuui amma Judi eisoh trong ansin in amah in Jisu vah Khrista saa ta ringjih nata ammuh ei.
Currently Selected:
NOONNA THLOU 18: TARAOBSI
Highlight
Share
Copy
Want to have your highlights saved across all your devices? Sign up or sign in
Tarao New Testament - Akthar Trongirhna
Copyright © 2017 by The Bible Society of India
Used by permission. All rights reserved worldwide.
NOONNA THLOU 18
18
Korinthia ah Khakla Anlin
1Oiche aknua Paul in Athens mah a Korinthia ah sehsa. 2Mah khanna Pontas a pok a anthohna akmingva Akuila Judi mii khat antuukpipei, amahva akmei Priskilla soh inrangte a Itali nata thlengmang, alamva Klaudias in Judi naamteta Rome mathlah a ansehnatu jathang amlanpei. Chunna anmahta inmuhpinatu Paul in sehsa; 3alamva amah athlousoh inchunrelna anmahsoh amjoua thlou antlohjou, anmah anthlouva khlupuun thlaamtloh ei. 4Amah in sabat nirel sinakok a trong antelpiei, mahche Judi leh Kriik eita amjanatu aksuulei.
5Silas mahche Timothi in Mesidonia nata anthleng in Paul vaa akthra trongraan thloua aril amluutpei, Judi ankuunga Jisu i Khrista sa ta sakhi amlannei. 6Chunna anmah in amahta indah a ansaal in, apuunta thinna asonei, “Nannih nanthii nantaksaak chunga tlaso! Keiva kilaan amnoh. Ipeknata keiva Jental tinga seh usang.” 7Cheva ohkhannata mathlah a akming Titas Jastas an ong Ringpu ta amthruun kupakhat in seh a amah innva sinakok soh intonga am. 8Sinakok akpuui Krispas inruuia amah ataploikuung in Akpu ta amilot; che Corinthia na mii jikcha inkho mahchuta antheih a amilotpei che inlupsei. 9Nikhat khulouh a Akpu in Paul vaa ahamuh a ason, “Intrinohro, chuta trongro daichirit nohro; 10alamva keiin kanruuipiche, tukhat inkho nitakchunga nakpal namsok tlohnohtuei; alamva mah khuuboom inna keimii tam ammei.” 11Ohkhanna anmahta Paul in Ringpu trong matheih a mah khanna kumkhat che thla kuruk amsa.
12Chuta Kalio in Akhaia vaa rampuui aveilaia, Judiei in inkhatveia Paul ta suura Pichaar koolla anthlenpei, 13mahche asonpei, “Mahmii in trongthuunta indah veia Ringpu ta namithruuntu ta miita amsoh ei.” 14Chuta Paul in atrongsam tumma, Kalio in Judi eita asonei, “Judi eio, nannih in mah i chimnoh thlou mahche kochanoh aiilkhoi thlou rella leva, keiin antrong anlata louphu suuk; 15chuta mah i jakhatnoh trong akmingrelna che nanrou trongthuun relna trongtlohna veile nantak nanroua mathlaakve; mainang relna keiin pichaar akpu vei indah ang.” 16Cheva amah in pichaarkool nata anmahta amnompei. 17Chunna anmah in sinakok akpuui Sosthenes ta ansuurpei che pichaarkool amaatalla ankhonpei. Chuta mah aksuukthlou khanna Kalio invah jakhatkho aril inheinohsa.
Paul in Antiok ah Inleng
18Maiche aknua Paul in nijan ste sootbeb a amche unao pasata inthrek pinatu trong asonche Siria a muli chuunga sehsa, che Prisilla leh Akuila in amahsoh inruuijousei. Kenkri a asam akchehpei, alamva amah atrongirhna khat am. 19Cheva anmah in Ephesia ah thlenga anmahta ohkhanna amahpei; chuta atakva sinakok a luut a Judi eisoh trong inkherhsei. 20Amahta ste soot a amnatu ansonta atak in indahsa; 21chuta inthrekna trong anmah kuunga atrongche asonei, “Ringpu in amdon veile keiin nankuunga veikhat inlenglatung,” cheva amah in Ephesia nata muli chuunga sehsa.
22Amah in Keisaria atlungsoh, Jerusalem a hanga khakla ta roomthok a amthruunei, mah chunnata lai kak amche, Galatia che Phrikia ramma seh a aroi naamteta malottinga amtrangei. 23Amah in Antiok a lai kak amche Kalatia mahche Phrikia ram avella khatnata khat a seh a aroi eiin Akpu amilotta ralla amtrangei.
Appolos In Ephesia leh Corinthia ah Seh
24Mahlaia Judi inkhat akmingva Appolos an ong Alenxandria ah pok mii in Ephesia ah thlengsa. Amahvah innaalla trongtheih, ringjihta thra a akrom mii. 25Amahta Akpu vaa alamrelna anmitheihpei; amahvah John in alupkhop relna romslakho, anmah in li luut a Jisu relna trongsa mahche miita chimma amtheih ei. 26Amah in sinakok ah intrinoh luunga trong amthronpei, amahta inna phurh a Ringpu alamta minna invuia amitheihpei. 27Cheva amah in Akhaia a asehja hanga, unaopasa in arilta amitrangpei, che amahta roomthok a anroulohnatu aroi ankuunga trongjihthuunta majih a anmithlahpei. Mahkhan atlungin, malungsivaa akli a amlot miita khalmo amjoomei, 28alamva atuui amma Judi eisoh trong ansin in amah in Jisu vah Khrista saa ta ringjih nata ammuh ei.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Tarao New Testament - Akthar Trongirhna
Copyright © 2017 by The Bible Society of India
Used by permission. All rights reserved worldwide.