NOONNA THLOU 17
17
Thessalonika a Khakla Anlin
1Pekva anmah in Amphipolis mahche Apollonia vanna ansehche Thessalonika a thlengsei, mah amunchunna Judi ei sinakok khat louam. 2Cheva Paul in anchangna nujuih a ankuunga luutsa, mahche kouh inthumkhek amahsoh ringjih nata rui ria intelsei, 3Khrista in klah knang doua thinata ringtutla ta invuia anmahta amitheih ei, “Keiin nankuunga kraanva Jisu i Khrista khasa.” 4Mahche ankaarna mii arouva amitheih in mahchu anjapei, cheva mathruunna ril akluut Kriik miitam mahche aklok kumei tam in Paul leh Silas soh pulsei. 5Chuta Judiei in kallak eia kulthoknoh miita thlenna, miitam anmichunpei mahche khuboomta hou anmisuukpei, cheva Jason innta kut anthlakpei, anmahta apaalla miitam anmaa a mathruunnatu anjonpei. 6Cheva anmahta antuuknoh invah anmah in Jason mahche anmah unaopasa arouta khuuboomna akchek amneh ei anmaikuunga kaia ongsei, “Tukleiramta achung athlang amlatmii eikha onna thlengsei, 7che Jason in anmahta alouloh ei, mahche annaamtein Keisaar jathangta indah a thloutloh a antihpei mah chuvah Jisu antih aktlei kurung khat am.” 8Miitam che khuuboomna akchek amneh eiin mahchuta antheih in anril innoksa. 9Cheva anmah in Jason mahche aktlei tingnata baobeh anlohche, anmahta amisehpei.
Beria a khakla Anlin
10Unao pasa eiin kak hanga khulouh a Paul leh Silas ta Beroa a amithlahpei; che mahkhan antlungin anmah in Judi ei sinakok a luutsei. 11Pekva amah Judi ei in Thessalonika a am Judiei anchunga ralla anril liinnei, alamva anmah in akthra trongraanta traamma anlouloh, mahche ringjihta aknirel chim chimnoh amijon. 12Mah churella Kriik ah ankaang savaanga am kupa kumei miitam in amilotpei. 13Chuta Paul in Beria akho Ringpu trongta araanpei ta Thessalonia na Judiei in anrompei, mah khanna thlenga miitamta masoh a hou anmisuukpei. 14Cheva kak hanga unaopasa eiin Paul ta tuiiboomma sehnatu amithlahpei, chuta Silas leh Timothi va mah khanna inmahsei. 15Mahche Paul ta akthul ei in amahta Athens phah a anthlenpei; che Silas leh Timothi ta inthademma amahkuunga mathlengnatu jathang anphahche anmah in sehsei.
Athens ah Khakla Anlin
16Pekva Paul in Athens ah anmahta ngaak a an amlai, khuuboom khanna rappu leili in sip a am anmuh in amlunghaangsa. 17Chunna amah in sinakok a Judi eisoh mahche anril luut a amthruunmii eisoh trong inngeia intelsei, che aknirel keithilla ak ammei sohkho trong intellei. 18Epikurian leh Stoik aksui amjon ei in Paul soh intuuksei. Mahche mii arouin ansonpei, “Amah in trongtlammi jangta asonmeio?” Arouin ansonpei, “Amah i aktlei ramboomna rappurella trong akraan mii inlo, alamva amah in Jisu mahche thinata ring rella trong.” 19Cheva anmah in Paul ta matuh a Aiopakas kuunga thlenna ansonpei, “Nangin trong niraan akthar namtheihna i jangtame kannihkho kanromja khame? 20Alamva akthar trongla kamikura nithlen; chunna mah i jangta nisonname kanromja.” 21Pekva Athens na mii naamte mahche okhanna am miiramna in akthar trongla son chunoh arungainoh avah aktlei jakhatkho tlohnoh a amningsei.
22Chunna Paul in Ariopakas alaia ngirra ason, “Athens a am miieio billamma nannih in heikoh ah nanril khalmo luutmiichou tih a kirom. 23Alamva kiseh kisehna a nannih in namithruunpot ei i kimuh kian in nga tloh a inhak a injih thiilkung khat keiin kiktuukpei, ‘Inromnoh rappua.’ Churella nannih in romnoh a namithruun ita keiin nankuunga sonna kiraanchou. 24Ringpu vaa tukleiram mahche mah khanna ak am apumteta akseemsa, amah in marvaan leh thaleitu Akpu taningva mii in kut ah iseem thlaamma amnoh. 25Amah in avaatna amnanga miiva kut in amahta routlohna phukho suuknoh, ipekphah amah in mii naamteta chaan, phuuk mahche billamta amlan. 26Ohche amah in mii khatnata miijaatih anaamteta thaleichung apumtea anna amnatu aseempei. Amah in lai laitu aksuuksam aknieita khek khekta amnaipei mahche mii in an amnatu ramrieita matsah a amdon nujuih a atlohpei, 27anmah in mii naamte nata inlah a amnoslakho, anmah in Ringpu ta anjonnatu, ankut in amahta palla anrilla suuk mahche tuuk ancheknatu, 28alamva inih in amah kuungah ringme, inchek iphah mahche paalme; mah i nannih nanmii jirim amjih arouin anson nanga ‘Alamva inihva amah atuteme.’ 29Alamchunna inih in Ringpu vaa atute taningmeva, Ringpu i miikut in iseemtheih mahche miirilla madonna iseem ra-ao nohle harngou nohle lung leili khatnang tih a inih in madonnoh tupotme. 30Mii eiin Ringpu ta aromnoh laiva Ringpu in miita a ipmang, chuta ipekva amah in amun anaamtea ak am mii naamteta rilthlengnatu trongthuun amlanpei, 31alamva amah in thlou athun mii khanna tukleiramta chimma pichaar atlohnatu aknikhat amnaipei, amahta thinata maringa mii naamte kuunga chimsa ta asonpei.”
32Pekva akthi in iringsme ta anraan antheih invah mii arou invah amahta aminuihpei; chuta mii arou inlavah ansonpei, “Mairelna kannih in nangkuung nata veikhat kanrungeih jamang.” 33Nga tloh a Paul in mii anboomeita amahpei. 34Chuta mii arou invah Paul ta anjuihpei che amilotpei, anmah ankaar a Aropakas va jamana Dionisias, kumei khat akming Darmaris che anmahsoh inruuia aktleikho injaosei.
Currently Selected:
NOONNA THLOU 17: TARAOBSI
Highlight
Share
Copy
Want to have your highlights saved across all your devices? Sign up or sign in
Tarao New Testament - Akthar Trongirhna
Copyright © 2017 by The Bible Society of India
Used by permission. All rights reserved worldwide.
NOONNA THLOU 17
17
Thessalonika a Khakla Anlin
1Pekva anmah in Amphipolis mahche Apollonia vanna ansehche Thessalonika a thlengsei, mah amunchunna Judi ei sinakok khat louam. 2Cheva Paul in anchangna nujuih a ankuunga luutsa, mahche kouh inthumkhek amahsoh ringjih nata rui ria intelsei, 3Khrista in klah knang doua thinata ringtutla ta invuia anmahta amitheih ei, “Keiin nankuunga kraanva Jisu i Khrista khasa.” 4Mahche ankaarna mii arouva amitheih in mahchu anjapei, cheva mathruunna ril akluut Kriik miitam mahche aklok kumei tam in Paul leh Silas soh pulsei. 5Chuta Judiei in kallak eia kulthoknoh miita thlenna, miitam anmichunpei mahche khuboomta hou anmisuukpei, cheva Jason innta kut anthlakpei, anmahta apaalla miitam anmaa a mathruunnatu anjonpei. 6Cheva anmahta antuuknoh invah anmah in Jason mahche anmah unaopasa arouta khuuboomna akchek amneh ei anmaikuunga kaia ongsei, “Tukleiramta achung athlang amlatmii eikha onna thlengsei, 7che Jason in anmahta alouloh ei, mahche annaamtein Keisaar jathangta indah a thloutloh a antihpei mah chuvah Jisu antih aktlei kurung khat am.” 8Miitam che khuuboomna akchek amneh eiin mahchuta antheih in anril innoksa. 9Cheva anmah in Jason mahche aktlei tingnata baobeh anlohche, anmahta amisehpei.
Beria a khakla Anlin
10Unao pasa eiin kak hanga khulouh a Paul leh Silas ta Beroa a amithlahpei; che mahkhan antlungin anmah in Judi ei sinakok a luutsei. 11Pekva amah Judi ei in Thessalonika a am Judiei anchunga ralla anril liinnei, alamva anmah in akthra trongraanta traamma anlouloh, mahche ringjihta aknirel chim chimnoh amijon. 12Mah churella Kriik ah ankaang savaanga am kupa kumei miitam in amilotpei. 13Chuta Paul in Beria akho Ringpu trongta araanpei ta Thessalonia na Judiei in anrompei, mah khanna thlenga miitamta masoh a hou anmisuukpei. 14Cheva kak hanga unaopasa eiin Paul ta tuiiboomma sehnatu amithlahpei, chuta Silas leh Timothi va mah khanna inmahsei. 15Mahche Paul ta akthul ei in amahta Athens phah a anthlenpei; che Silas leh Timothi ta inthademma amahkuunga mathlengnatu jathang anphahche anmah in sehsei.
Athens ah Khakla Anlin
16Pekva Paul in Athens ah anmahta ngaak a an amlai, khuuboom khanna rappu leili in sip a am anmuh in amlunghaangsa. 17Chunna amah in sinakok a Judi eisoh mahche anril luut a amthruunmii eisoh trong inngeia intelsei, che aknirel keithilla ak ammei sohkho trong intellei. 18Epikurian leh Stoik aksui amjon ei in Paul soh intuuksei. Mahche mii arouin ansonpei, “Amah in trongtlammi jangta asonmeio?” Arouin ansonpei, “Amah i aktlei ramboomna rappurella trong akraan mii inlo, alamva amah in Jisu mahche thinata ring rella trong.” 19Cheva anmah in Paul ta matuh a Aiopakas kuunga thlenna ansonpei, “Nangin trong niraan akthar namtheihna i jangtame kannihkho kanromja khame? 20Alamva akthar trongla kamikura nithlen; chunna mah i jangta nisonname kanromja.” 21Pekva Athens na mii naamte mahche okhanna am miiramna in akthar trongla son chunoh arungainoh avah aktlei jakhatkho tlohnoh a amningsei.
22Chunna Paul in Ariopakas alaia ngirra ason, “Athens a am miieio billamma nannih in heikoh ah nanril khalmo luutmiichou tih a kirom. 23Alamva kiseh kisehna a nannih in namithruunpot ei i kimuh kian in nga tloh a inhak a injih thiilkung khat keiin kiktuukpei, ‘Inromnoh rappua.’ Churella nannih in romnoh a namithruun ita keiin nankuunga sonna kiraanchou. 24Ringpu vaa tukleiram mahche mah khanna ak am apumteta akseemsa, amah in marvaan leh thaleitu Akpu taningva mii in kut ah iseem thlaamma amnoh. 25Amah in avaatna amnanga miiva kut in amahta routlohna phukho suuknoh, ipekphah amah in mii naamteta chaan, phuuk mahche billamta amlan. 26Ohche amah in mii khatnata miijaatih anaamteta thaleichung apumtea anna amnatu aseempei. Amah in lai laitu aksuuksam aknieita khek khekta amnaipei mahche mii in an amnatu ramrieita matsah a amdon nujuih a atlohpei, 27anmah in mii naamte nata inlah a amnoslakho, anmah in Ringpu ta anjonnatu, ankut in amahta palla anrilla suuk mahche tuuk ancheknatu, 28alamva inih in amah kuungah ringme, inchek iphah mahche paalme; mah i nannih nanmii jirim amjih arouin anson nanga ‘Alamva inihva amah atuteme.’ 29Alamchunna inih in Ringpu vaa atute taningmeva, Ringpu i miikut in iseemtheih mahche miirilla madonna iseem ra-ao nohle harngou nohle lung leili khatnang tih a inih in madonnoh tupotme. 30Mii eiin Ringpu ta aromnoh laiva Ringpu in miita a ipmang, chuta ipekva amah in amun anaamtea ak am mii naamteta rilthlengnatu trongthuun amlanpei, 31alamva amah in thlou athun mii khanna tukleiramta chimma pichaar atlohnatu aknikhat amnaipei, amahta thinata maringa mii naamte kuunga chimsa ta asonpei.”
32Pekva akthi in iringsme ta anraan antheih invah mii arou invah amahta aminuihpei; chuta mii arou inlavah ansonpei, “Mairelna kannih in nangkuung nata veikhat kanrungeih jamang.” 33Nga tloh a Paul in mii anboomeita amahpei. 34Chuta mii arou invah Paul ta anjuihpei che amilotpei, anmah ankaar a Aropakas va jamana Dionisias, kumei khat akming Darmaris che anmahsoh inruuia aktleikho injaosei.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Tarao New Testament - Akthar Trongirhna
Copyright © 2017 by The Bible Society of India
Used by permission. All rights reserved worldwide.