NOONNA THLOU 19
19
Paul In Ephesia ah Seh
1Appolos in Corinthia a amlai Paul in achungtong khuuboom vanna Ephesia ah thlengsa. Mah khanna aroi ste aktuukpei. 2Che anmahta asonei, “Nannih in namilotlai Akseeng Li nanphahme?” Chunna anmah in anson, “Akseeng Li am tihkho kannihva lou theihnoh ung.” 3Chunna amah in asonei, “Chuleva nannih in jaknang hoongkhanna inlupchoume?” Anmah in anson, “John in alupna hoongkhanna inlupung.” 4#Met 3:11; Mak 1:4,7,8; Luk 3:4,16; Jon 1:26,27Chunna Paul in ankuunga asonei, “Rilthlengnatu John in alupei, amah aknua akthleng mah chuvah Jisu ta amilotnatu asonei.” 5Mahchuta antheih in anmah in Akpu Jisu akminga inlupsei. 6Mahche Paul in anchunga akut asih in Akseeng Li anchunga trumsa; ohchunna anmah in aktlei tronga trongsei che Ringpu trongta anraanpei. 7Mahcheva anmah annaamvah mii somleinih vak ei.
8Che amah in sinakok ah luut a intrinoh a thlathum tronga Ringpu kurung huunna relna antelpipei mahche amilotnatu aksuulei, 9chuta mii arou inva anril maluutnohsei, che malotnohsei, mahche anmahta mah a sehsa che aroieita sehpia Tirannas thlaampiia aknirel intelsei. 10Amah in kumnih phah a am, chunna Asia a am Judi leh Kriik annamte in Akpu trongta antheihpei.
Skeva Asa kupaei
11Ringpu in Paul akut ah salungkhouna thlou khalmo amtloh, 12chunna lumaan nohle puuneita amah aruungnata phurh a aknakuunga anthlen in akna aksaa thraei mahche thranoh li in anmah ankuungnata inthruh ei. 13Mahlaia amun khatnata khat ah inloi akseh ei in thranoh lita amnomchek Judi mii ste inkho thranoh li akluutta manomnatu anchunga Akpu Jisu mingta sonna antih ei, “Paul in araantrongva Jisu minga nanthruhnatu keiin jathang kamlanchou.” 14Judiei akthloi thiimpu akming Skiva asa kupa sirih in mainangta tloh a ammei 15Chuta thranoh li in anmahta amsangei, “Keiin Jisu ta kirom mahche keiin Paul kho kirom; chuta nangva tucheme?” 16Cheva thranoh li in aluutna mii khanna antakchunga injaamsa, anmah naamteta insuulpia achekirei, cheva anmah in athlaia mahche atakta insoksik a inn khannata tlaansei. 17Ephesia ah am Judi mahche Kriik annaamte in maita anrompei; chunna annaamtea intri hangsei; mahche Akpu Jisu mingta inkaanga amipaakpei. 18Amlot mii jikcha inkho thlenga inruk a thranoh antlohthlouta indanga ansonpei. 19Che mittrang aktheih miitam inkho anmah nirik thlenna miitam anmaikuunga matlonna anhaalkirpei; anmah in nirik anaamteva aman anten in pulla harngou baobeh akpul sopngasa. 20Nga tloh a Akpu trongta khalmo raanna pungporh a akchek amnehsoh liinsa.
Ephesia ah Trongsuuk
21Pekva mah ei i aknua Paul in Mesidonia che Akhaia vanna Jerusalem a asehnatu Li in ason, “Keiin mahkhan kiamche Rome kho kmuhtutla.” 22Che amahta amjoom Timothi leh Erastas innihta Mesidonia ah amthlah eiche amah atakva Asia ah kak amsa. 23Mahlaia Akpu vaa lamrella khalmo trong suuksa. 24Alamva akming Demitrias antih mii khat harngou akseem in Artemis rapputhlaam ahoongta maseemma mii jikchaeita thlou matloh a khalmo baobeh aphahnaei. 25Mah thlouin aktlohjou mii eita onga machunna asonei, “Unaoeio, mah thlou itloh inna inih in doonkhaalme ta nanrom. 26Mahche nannih in nantheihpei che nanmuhpei mah chuvah Ephesia khop noh a Asia ram apumtea Paul in miita kut ah iseem rappu i Ringpu noh tih a sonna miita amah atrongting aphurh ei. 27Maanna inih baobeh thrulhnata thihnaringna ah mathlaak khop noh a akthloi rappunu Artemis vaa mathruunna thlaam inthangkho akming amthitu, Asia naamte che tukleiram amun apumtea mii in anmithruun rappunuvaa akchek amneh akulkho ammaangtu.”
28Maita antheih in anmah in khalmoa amilung inhaangsei, cheva ongseia antihpei, “Ephesia na miiei Artemis in akthloisa.” 29Nga tloh a khuuboom apumteta anmihal tlampei; anmah in Paul soh sehjou Mesidonia na mii Kaijas che Aristarkas ta suura khalek veia leengna munna intha a luutsei. 30Paul in miitam kaar a luuttangta amdon, chuta aroi eiin amahta maluutnohsei, 31amah apaiei, Asia na aktloh akhal arouin amahta leengna munna intrinoh a luutnatu ansonpei. 32Pek arouin trongkhat a ongsei chela arouinla trongkhat ah ongsei, che mii aktam in jangtlohnatu inhom seime ta maromnohsei. 33Miitam kaarnata arouin Alexander ta amaatonga an ilpei. Mahchunna Alexander in miitamta rimta an amnatu akut a amrompei, atakta anngaaknatu trong aksuul. 34Chuta mah i Judi miisa ta anrom invah, pung innivak anmah in rool khalek a ongsei, “Ephesia na mii Artemis in akthloisa.” 35Chuuna khuupiina amjih miikhan miitamta daichrit a asih ei che asonei, “Ephesia kupaeio, Ephesia khuuboomna akthloi rappunu Artemis thlaamta aksel mahche marvaannata aktla akseeng lungta akromnoh jaknangmii amchoume? 36Mahchunna mah i indahna janoh taningva nannih in rimta amtu tlachou mahche innotslamma jakhatkho tlohnohve. 37Alamva rappu mathruunna thlaamna pootta inrunoh mahche inih rappunuta thranoh a aktrongnoh mii eita nanthlenpei. 38Churella Demitrias che amahsoh kutthloua aktheih mii inta tukhat chunga trongkat amleva, pichaarkool inhoonga am, mahche rampuuimii ammei; anmah in aklaanchu thlen eiso. 39Chuta nannih in maichunga nanjon amleh, mahchu pichaar aknujuih a injomma aktlohkhal jama in trongir amithlaktu. 40Alamva mi in housuuk irelnavah inih in thihna ringnasoh intuukmangme, mainang housuuk relnava kannih in akchim malan cheknohtu ung.” 41Maita asonche miitam inchunta amthriinpei.
Currently Selected:
NOONNA THLOU 19: TARAOBSI
Highlight
Share
Copy
Want to have your highlights saved across all your devices? Sign up or sign in
Tarao New Testament - Akthar Trongirhna
Copyright © 2017 by The Bible Society of India
Used by permission. All rights reserved worldwide.
NOONNA THLOU 19
19
Paul In Ephesia ah Seh
1Appolos in Corinthia a amlai Paul in achungtong khuuboom vanna Ephesia ah thlengsa. Mah khanna aroi ste aktuukpei. 2Che anmahta asonei, “Nannih in namilotlai Akseeng Li nanphahme?” Chunna anmah in anson, “Akseeng Li am tihkho kannihva lou theihnoh ung.” 3Chunna amah in asonei, “Chuleva nannih in jaknang hoongkhanna inlupchoume?” Anmah in anson, “John in alupna hoongkhanna inlupung.” 4#Met 3:11; Mak 1:4,7,8; Luk 3:4,16; Jon 1:26,27Chunna Paul in ankuunga asonei, “Rilthlengnatu John in alupei, amah aknua akthleng mah chuvah Jisu ta amilotnatu asonei.” 5Mahchuta antheih in anmah in Akpu Jisu akminga inlupsei. 6Mahche Paul in anchunga akut asih in Akseeng Li anchunga trumsa; ohchunna anmah in aktlei tronga trongsei che Ringpu trongta anraanpei. 7Mahcheva anmah annaamvah mii somleinih vak ei.
8Che amah in sinakok ah luut a intrinoh a thlathum tronga Ringpu kurung huunna relna antelpipei mahche amilotnatu aksuulei, 9chuta mii arou inva anril maluutnohsei, che malotnohsei, mahche anmahta mah a sehsa che aroieita sehpia Tirannas thlaampiia aknirel intelsei. 10Amah in kumnih phah a am, chunna Asia a am Judi leh Kriik annamte in Akpu trongta antheihpei.
Skeva Asa kupaei
11Ringpu in Paul akut ah salungkhouna thlou khalmo amtloh, 12chunna lumaan nohle puuneita amah aruungnata phurh a aknakuunga anthlen in akna aksaa thraei mahche thranoh li in anmah ankuungnata inthruh ei. 13Mahlaia amun khatnata khat ah inloi akseh ei in thranoh lita amnomchek Judi mii ste inkho thranoh li akluutta manomnatu anchunga Akpu Jisu mingta sonna antih ei, “Paul in araantrongva Jisu minga nanthruhnatu keiin jathang kamlanchou.” 14Judiei akthloi thiimpu akming Skiva asa kupa sirih in mainangta tloh a ammei 15Chuta thranoh li in anmahta amsangei, “Keiin Jisu ta kirom mahche keiin Paul kho kirom; chuta nangva tucheme?” 16Cheva thranoh li in aluutna mii khanna antakchunga injaamsa, anmah naamteta insuulpia achekirei, cheva anmah in athlaia mahche atakta insoksik a inn khannata tlaansei. 17Ephesia ah am Judi mahche Kriik annaamte in maita anrompei; chunna annaamtea intri hangsei; mahche Akpu Jisu mingta inkaanga amipaakpei. 18Amlot mii jikcha inkho thlenga inruk a thranoh antlohthlouta indanga ansonpei. 19Che mittrang aktheih miitam inkho anmah nirik thlenna miitam anmaikuunga matlonna anhaalkirpei; anmah in nirik anaamteva aman anten in pulla harngou baobeh akpul sopngasa. 20Nga tloh a Akpu trongta khalmo raanna pungporh a akchek amnehsoh liinsa.
Ephesia ah Trongsuuk
21Pekva mah ei i aknua Paul in Mesidonia che Akhaia vanna Jerusalem a asehnatu Li in ason, “Keiin mahkhan kiamche Rome kho kmuhtutla.” 22Che amahta amjoom Timothi leh Erastas innihta Mesidonia ah amthlah eiche amah atakva Asia ah kak amsa. 23Mahlaia Akpu vaa lamrella khalmo trong suuksa. 24Alamva akming Demitrias antih mii khat harngou akseem in Artemis rapputhlaam ahoongta maseemma mii jikchaeita thlou matloh a khalmo baobeh aphahnaei. 25Mah thlouin aktlohjou mii eita onga machunna asonei, “Unaoeio, mah thlou itloh inna inih in doonkhaalme ta nanrom. 26Mahche nannih in nantheihpei che nanmuhpei mah chuvah Ephesia khop noh a Asia ram apumtea Paul in miita kut ah iseem rappu i Ringpu noh tih a sonna miita amah atrongting aphurh ei. 27Maanna inih baobeh thrulhnata thihnaringna ah mathlaak khop noh a akthloi rappunu Artemis vaa mathruunna thlaam inthangkho akming amthitu, Asia naamte che tukleiram amun apumtea mii in anmithruun rappunuvaa akchek amneh akulkho ammaangtu.”
28Maita antheih in anmah in khalmoa amilung inhaangsei, cheva ongseia antihpei, “Ephesia na miiei Artemis in akthloisa.” 29Nga tloh a khuuboom apumteta anmihal tlampei; anmah in Paul soh sehjou Mesidonia na mii Kaijas che Aristarkas ta suura khalek veia leengna munna intha a luutsei. 30Paul in miitam kaar a luuttangta amdon, chuta aroi eiin amahta maluutnohsei, 31amah apaiei, Asia na aktloh akhal arouin amahta leengna munna intrinoh a luutnatu ansonpei. 32Pek arouin trongkhat a ongsei chela arouinla trongkhat ah ongsei, che mii aktam in jangtlohnatu inhom seime ta maromnohsei. 33Miitam kaarnata arouin Alexander ta amaatonga an ilpei. Mahchunna Alexander in miitamta rimta an amnatu akut a amrompei, atakta anngaaknatu trong aksuul. 34Chuta mah i Judi miisa ta anrom invah, pung innivak anmah in rool khalek a ongsei, “Ephesia na mii Artemis in akthloisa.” 35Chuuna khuupiina amjih miikhan miitamta daichrit a asih ei che asonei, “Ephesia kupaeio, Ephesia khuuboomna akthloi rappunu Artemis thlaamta aksel mahche marvaannata aktla akseeng lungta akromnoh jaknangmii amchoume? 36Mahchunna mah i indahna janoh taningva nannih in rimta amtu tlachou mahche innotslamma jakhatkho tlohnohve. 37Alamva rappu mathruunna thlaamna pootta inrunoh mahche inih rappunuta thranoh a aktrongnoh mii eita nanthlenpei. 38Churella Demitrias che amahsoh kutthloua aktheih mii inta tukhat chunga trongkat amleva, pichaarkool inhoonga am, mahche rampuuimii ammei; anmah in aklaanchu thlen eiso. 39Chuta nannih in maichunga nanjon amleh, mahchu pichaar aknujuih a injomma aktlohkhal jama in trongir amithlaktu. 40Alamva mi in housuuk irelnavah inih in thihna ringnasoh intuukmangme, mainang housuuk relnava kannih in akchim malan cheknohtu ung.” 41Maita asonche miitam inchunta amthriinpei.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Tarao New Testament - Akthar Trongirhna
Copyright © 2017 by The Bible Society of India
Used by permission. All rights reserved worldwide.