NOONNA THLOU 16
16
Timothi in Paul leh Silas soh Sehjou
1Che amah in Derbe leh Listra akho sehsa. Mahchunna aroi inkhat akming Timothi Judi kumei khat Ringpu amlotvaa asa kupa; chuta apavah Kriik jaat. 2Amahvah Listra leh Ikoniam a am unaoei in khalmo ansoolna mii. 3Paul inva Timothi ta anruuipija, amah amunna am Judiei relna Paul in amah avunta atan, alamva amah apavah Kriik ta annaamtein anrompei. 4Anmah in khuuboom khuuboomma vanna anthleng in, Jerusalem a am raangroi leh anparuul ei in anmithlak trongirhnata anmah kuunga amilanpei. 5Nga tloh a khakla ei in malotting huktrangei mahche akni aknileh mii ahanralpei.
Troas a Paul vaa Ahamuh
6Akseeng Li in Asia a akthra trongraan athingrella anmah in Phrikia mahche Kalatia ramta phaova sehsei. 7Che anmah in Misia amaatalla anthlengche, Bithinia ah sehnatu insuulsei, chuta Jisu vaa Li in anmahta maluut janohsa. 8Chunna Misia phaova anmah in Troas a jungsei. 9Mahche Paul in khulouh a ahamuhkhat amuhpei. Mesidonia na kupakhat in ngirra akuunga ngenna ason, “Mesidonia ah sehnatu thlouraang kantlohpei, mahchunna akthra trongta anmah kuunga raannahtu Ringpu in kaniongpeita ngirsung.” 10Chunna amah in ahamuh khata amuh inva anmah kuunga akthratrong iraannatu Ringpu in inihta iniongpeita kak hanga Mesidonia a sehnatu ngirsung.
Philippi ah Lidia in Aril Athleng
11Alamchunna Troas nata kannih in chimma Samothras phah a muli chuunga sehsung, mahche akhuvar a kannih in Nepolis a, 12Mesidonia ramsiinvaa amuvei khuuboom mahche Rome in amtuh ram Philiia a sehsung. Mah khuuboom in kannih in nijan kak nichuunga amsung; 13mahche sabat nia kannih in kololthong apaal avaakom khat a sehsung, mah khanna ngennamun amkho ajata kamidon, che mah khanna inchunna am kumei ankuunga trongsung. 14Kannih kantrongta arungai kumei akmingva Lidia, amahva Thijatira khuuboomna, mangkra amchu puun akjuur, Ringpu ta amthruun kumei. Paul in asonta aril amluutnatu Akpu in arilta amhoongpei. 15Che amah kumei khatkho ataploikuung annaamta kanlup in, “Keita chimma Akpu malot mii ta keilou choule, keiinna thlenga amve” ta kannihta tranga kanisonpei.
Philippi Simma Inthun
16Kannih in ngenna amunkhanna kansehlai, naichi rungaaksa khat in kannihsoh intuuksa, amahva vaknua aksuuksam akphoong li am, mah thlouchu tloh a amah akpuei turella baobeh khalmo athrulh. 17Amah rungaaksa in Paul khatkho kannihta kanijuih a, “Nankuunga chaanring phahnatu alam akraan mii i akthloirem Ringpu vah roijuihsei;” ta ongsa 18Khalmo soot a amah in maita tloh a am. Chuta Paul ta amlaangtlam khanna amahtonga inheia asonpei, “Amah ningnata nanthruhnatu keiin Jisu Khrista akminga kikchaakche.” Che mah laitalla li in inthruhsa.
19Chuta amah akpuei in baobeh ah matuura thrulhnakha imaangnatu veisa ta anmuhpeia, anmah in Paul leh Silas ta ansuurpei, anmahta keithiil suunga kaia aktloh akhal ankuunga ansonpei; 20che anmahta pichaarpu ankuunga anthlenche anson, “Mahmii ei i Judi ei che anmah in inih khuboomta aminokpei. 21Kannih khatkho Rome a ak am mii in louphunoh mahche majuih phunoh trongsuur kastamta anmah in amitheih.” 22#2 Kor 11:25Miitam inchunna antakchunga kut anthlakpei, mahche pichaar akpuin anmah anpuunreita liimma akthritpeia che anmahta sunga ankhonnatu asonpei. 23Che anmahta sungmun suplaak a ankhonche simma ansihpei, anmahta thra a ansihnatu sim angaak eita amisilpei. 24Anmahta chaakna trongchu anphahche, sim asuungremma thunna ankehta thirhang amilukpei.
25Chuta khulouh janjai vak a Paul leh Silas in ngenna mahche Ringpu ta mapaakna laatloh a amsei, simsuungna in anmah anlaachuta anrungeih, 26cheva kak hanga runaangnu tranga inloksa, chunna sim amunkho inloksa; kak hanga thong anaamte inhoongsei mahche thirhang inlukeikho inliimkirsei. 27Sim angaak in anthoh inva thong anaamte inhoong anmuhpei, simma anthun annaamte inlit a tlaanseita amdonpeia chemta juuk a akroua ansunatu insuulsa. 28Chuta Paul in ahousuuk a onga ason, “Nikroua nimangnahtu tlohnohro, alamva kannaamte onna ammung.” 29Sim angaak in meiserta anihche onga innotslamma asuunga luutsa, mahche intrikho intria inchuunna Paul leh Silas amaikuunga inriilsa, 30anmahta apaal amthruh eiche asonei, “Unaoeio, keiin inkal kphahnatu jangkitlohtu tlame?” 31Che anmah in anson, “Akpu Jisu ta malotro, nangleh nitaploikuung in inkal nanphahtu.” 32Cheva amah khatkho ataploikuung in anpumteta Akpu trongta ansonpei. 33Che mahni khulouh talla anmahta phurh a ansokna munta amah in tlenna achaammei, che mah laitalla amah khatkho ataploikuung pumte inlupsei. 34Cheva anmahta a inna athleneiche ankuunga saakphu adoonei; mahche ataploikuung pumtein amilot inva khalmo anroomthoksa.
35Chuta ram avaar invah pichaarpuei in pulista mathlah a ason, “Anmahta mathlah a maseh eiro.” 36Cheva sim angaak in Paul kuunga amah trongchuta asonpei, “Pichaarpuei in nannihta mathlahnatu keikuunga mii amithlahpei; churella pekva inthruh aleh oia sehvesa.” 37Chuta Paul in ankuunga asonei, “Kannih kamiraalkho tuuknoh ei, Rome namii kannihta miikaara kanihkhonche simma kanisihpei, mahche kannihta inruk a kanimthlahsam peime? Mahchu janohtu, antaktal thlenga kannihta apaalla kanimthurh eiso.” 38Pulis in amah trongchuta pichaarpu ankuunga atongpei, cheva anmah i Rome na mii eita antheih inva intrisei. 39Mahchunna ankuunga thlengseia kanlaalpeita ansonpei, che anmahta apaalla mathruh a khuuboom mathlah a ansehnatu ansonpei. 40Nga tloh a anmah in simnata inthruhsei, Lidia ta seh a anphahpei, unao eita anmuh in anmah arilta anthokche sehsei.
Currently Selected:
NOONNA THLOU 16: TARAOBSI
Highlight
Share
Copy
Want to have your highlights saved across all your devices? Sign up or sign in
Tarao New Testament - Akthar Trongirhna
Copyright © 2017 by The Bible Society of India
Used by permission. All rights reserved worldwide.
NOONNA THLOU 16
16
Timothi in Paul leh Silas soh Sehjou
1Che amah in Derbe leh Listra akho sehsa. Mahchunna aroi inkhat akming Timothi Judi kumei khat Ringpu amlotvaa asa kupa; chuta apavah Kriik jaat. 2Amahvah Listra leh Ikoniam a am unaoei in khalmo ansoolna mii. 3Paul inva Timothi ta anruuipija, amah amunna am Judiei relna Paul in amah avunta atan, alamva amah apavah Kriik ta annaamtein anrompei. 4Anmah in khuuboom khuuboomma vanna anthleng in, Jerusalem a am raangroi leh anparuul ei in anmithlak trongirhnata anmah kuunga amilanpei. 5Nga tloh a khakla ei in malotting huktrangei mahche akni aknileh mii ahanralpei.
Troas a Paul vaa Ahamuh
6Akseeng Li in Asia a akthra trongraan athingrella anmah in Phrikia mahche Kalatia ramta phaova sehsei. 7Che anmah in Misia amaatalla anthlengche, Bithinia ah sehnatu insuulsei, chuta Jisu vaa Li in anmahta maluut janohsa. 8Chunna Misia phaova anmah in Troas a jungsei. 9Mahche Paul in khulouh a ahamuhkhat amuhpei. Mesidonia na kupakhat in ngirra akuunga ngenna ason, “Mesidonia ah sehnatu thlouraang kantlohpei, mahchunna akthra trongta anmah kuunga raannahtu Ringpu in kaniongpeita ngirsung.” 10Chunna amah in ahamuh khata amuh inva anmah kuunga akthratrong iraannatu Ringpu in inihta iniongpeita kak hanga Mesidonia a sehnatu ngirsung.
Philippi ah Lidia in Aril Athleng
11Alamchunna Troas nata kannih in chimma Samothras phah a muli chuunga sehsung, mahche akhuvar a kannih in Nepolis a, 12Mesidonia ramsiinvaa amuvei khuuboom mahche Rome in amtuh ram Philiia a sehsung. Mah khuuboom in kannih in nijan kak nichuunga amsung; 13mahche sabat nia kannih in kololthong apaal avaakom khat a sehsung, mah khanna ngennamun amkho ajata kamidon, che mah khanna inchunna am kumei ankuunga trongsung. 14Kannih kantrongta arungai kumei akmingva Lidia, amahva Thijatira khuuboomna, mangkra amchu puun akjuur, Ringpu ta amthruun kumei. Paul in asonta aril amluutnatu Akpu in arilta amhoongpei. 15Che amah kumei khatkho ataploikuung annaamta kanlup in, “Keita chimma Akpu malot mii ta keilou choule, keiinna thlenga amve” ta kannihta tranga kanisonpei.
Philippi Simma Inthun
16Kannih in ngenna amunkhanna kansehlai, naichi rungaaksa khat in kannihsoh intuuksa, amahva vaknua aksuuksam akphoong li am, mah thlouchu tloh a amah akpuei turella baobeh khalmo athrulh. 17Amah rungaaksa in Paul khatkho kannihta kanijuih a, “Nankuunga chaanring phahnatu alam akraan mii i akthloirem Ringpu vah roijuihsei;” ta ongsa 18Khalmo soot a amah in maita tloh a am. Chuta Paul ta amlaangtlam khanna amahtonga inheia asonpei, “Amah ningnata nanthruhnatu keiin Jisu Khrista akminga kikchaakche.” Che mah laitalla li in inthruhsa.
19Chuta amah akpuei in baobeh ah matuura thrulhnakha imaangnatu veisa ta anmuhpeia, anmah in Paul leh Silas ta ansuurpei, anmahta keithiil suunga kaia aktloh akhal ankuunga ansonpei; 20che anmahta pichaarpu ankuunga anthlenche anson, “Mahmii ei i Judi ei che anmah in inih khuboomta aminokpei. 21Kannih khatkho Rome a ak am mii in louphunoh mahche majuih phunoh trongsuur kastamta anmah in amitheih.” 22#2 Kor 11:25Miitam inchunna antakchunga kut anthlakpei, mahche pichaar akpuin anmah anpuunreita liimma akthritpeia che anmahta sunga ankhonnatu asonpei. 23Che anmahta sungmun suplaak a ankhonche simma ansihpei, anmahta thra a ansihnatu sim angaak eita amisilpei. 24Anmahta chaakna trongchu anphahche, sim asuungremma thunna ankehta thirhang amilukpei.
25Chuta khulouh janjai vak a Paul leh Silas in ngenna mahche Ringpu ta mapaakna laatloh a amsei, simsuungna in anmah anlaachuta anrungeih, 26cheva kak hanga runaangnu tranga inloksa, chunna sim amunkho inloksa; kak hanga thong anaamte inhoongsei mahche thirhang inlukeikho inliimkirsei. 27Sim angaak in anthoh inva thong anaamte inhoong anmuhpei, simma anthun annaamte inlit a tlaanseita amdonpeia chemta juuk a akroua ansunatu insuulsa. 28Chuta Paul in ahousuuk a onga ason, “Nikroua nimangnahtu tlohnohro, alamva kannaamte onna ammung.” 29Sim angaak in meiserta anihche onga innotslamma asuunga luutsa, mahche intrikho intria inchuunna Paul leh Silas amaikuunga inriilsa, 30anmahta apaal amthruh eiche asonei, “Unaoeio, keiin inkal kphahnatu jangkitlohtu tlame?” 31Che anmah in anson, “Akpu Jisu ta malotro, nangleh nitaploikuung in inkal nanphahtu.” 32Cheva amah khatkho ataploikuung in anpumteta Akpu trongta ansonpei. 33Che mahni khulouh talla anmahta phurh a ansokna munta amah in tlenna achaammei, che mah laitalla amah khatkho ataploikuung pumte inlupsei. 34Cheva anmahta a inna athleneiche ankuunga saakphu adoonei; mahche ataploikuung pumtein amilot inva khalmo anroomthoksa.
35Chuta ram avaar invah pichaarpuei in pulista mathlah a ason, “Anmahta mathlah a maseh eiro.” 36Cheva sim angaak in Paul kuunga amah trongchuta asonpei, “Pichaarpuei in nannihta mathlahnatu keikuunga mii amithlahpei; churella pekva inthruh aleh oia sehvesa.” 37Chuta Paul in ankuunga asonei, “Kannih kamiraalkho tuuknoh ei, Rome namii kannihta miikaara kanihkhonche simma kanisihpei, mahche kannihta inruk a kanimthlahsam peime? Mahchu janohtu, antaktal thlenga kannihta apaalla kanimthurh eiso.” 38Pulis in amah trongchuta pichaarpu ankuunga atongpei, cheva anmah i Rome na mii eita antheih inva intrisei. 39Mahchunna ankuunga thlengseia kanlaalpeita ansonpei, che anmahta apaalla mathruh a khuuboom mathlah a ansehnatu ansonpei. 40Nga tloh a anmah in simnata inthruhsei, Lidia ta seh a anphahpei, unao eita anmuh in anmah arilta anthokche sehsei.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Tarao New Testament - Akthar Trongirhna
Copyright © 2017 by The Bible Society of India
Used by permission. All rights reserved worldwide.