MATHI Kilethitsa
Kilethitsa
Mathi no yehkeu Atsakiviu ye Jisu Xakuluu kepi piqhi puakeu Sutsa Kivi ke, tiye Puloshoqhi Aqau lo Alhou no pawu timiqo lau piqhi puakeu pa vechewo shikupuke. Asutsa Kivi hiye Judami khunoqo gholo Jisu punu puzu xuche keno tipaqo ghengu likhi kumono ayeghiqha kumtsu ghenguno ke.
Mathi kaku ye akivishi pekithi puani. Hiye Jisu punu keu lono huthuno pano azu lono baptiz lukeu, ghukejukeu ghili pano Galil lo vekupha asheshu, kutsukeu eno shipivikeu yepuani. Tipathiu Jisu no Galil lono Jerusalem lo wukeu, pano apine do ashekhaulo mla keqo pa yedave keu xuchilethuve keuno kishekha shi yetsuke.
Atsakiviu hipau ye Jisu pesu Shikukau Akiqheu, Alhou Yezah kiqi pitsukulupu kuka kuau eno Alhou Yehkipe ghili pesu shika keu yetsuke. Pa ye atsato kiqi lono amqo pungu shi pekutsu puani: (1) Naghuto lo kukutsu, tipaulo Kungugha Yehkipe ghakhumi ghushoghili, akumlapu, ajekivipu eno ashekhalo kiulo iloni keno (akiyedo 5-7); (2) Akhopemi Chighi kini Puwukeu kumla (akiyedo 10); (3) Kungugha Yehkipe ghili kimighipiye keqo (akiyedo 13); (4) Kutsuluvekemi kiqi kutsukeu (akiyedo 18); (5) hipa tiqheli kuxu shekha eno ighiniye akeu Kungugha Yehkipe ghili kutsu keu (akiyedo 24-25)
Supuakeu Xuagha
Jisu Khristo puasu eno punukeu 1.1—2.23
Johan Baptist kumla 3.1-12
Jisu no baptiz shilu eno pa ghuju keu 3.13—4.11
Jisu no Galil lo mlakeu 4.12—18.35
Galil lono Jerusalem kutolo kumla 19.1—20.34
Jerusalem lo eno tipau phivilo apinedo ashekhau 21.1—27.66
Ampeu xuchilethughi keu eno Ipeghikeu 28.1-20
Currently Selected:
MATHI Kilethitsa: SUMIBSI
Highlight
Share
Copy
Want to have your highlights saved across all your devices? Sign up or sign in
Sumi Naga CL Bible - BAIBEL
Copyright © 2013 by The Bible Society of India
Used by permission. All rights reserved worldwide.