MALAKI 4
4
AMPEU Tsala cheni
1Aqokitikhi MPEU no pi, “Aqhekuzami ngo alhoksa kumlami kumtsu aghijini toi pitinikeu tsala cheni. Tipa tsalalo panonguye pititha pinyive nani eno panoqo pitikeu kiumu kuhave nani. 2Ikemu nongu igholu chekemi ghenguye iwu xakulupu kukano tsukinhe toi nongu shou ikughi nani eno tsukinhe kuvuno yekeshi shikipivi sughi nani. Nonguye amshiti aki lono khalau pipe kelo toi ililai eno alokivishive nani. 3Ino shiniye kuto akeu shike tsalolo, nonguno lhoksakughami heqhilu nani eno panonguye nongu pukhu qholo ayeghi mukhu toive nani.
4“Iqeu Muse no kutsupiyekeu kumsululo, Sinai Toghi lono ino Ayezah ngo Ahza jeli pesu Israil lo timi kumtsu pelo agholupe nike ino pa tsuke.”
5“Ikemu AMPEU tsala kije eno akuighupu ighimoke zulo, ino Elija tungkupu nongu lau puwuni. 6Pano itaghi apuqo ngo anuliqo kumtsa saghini; tikumoaye ino ighikepu shi nani eno noghakhu kutsave nani.”
Currently Selected:
MALAKI 4: SUMIBSI
Highlight
Share
Copy
Want to have your highlights saved across all your devices? Sign up or sign in
Sumi Naga CL Bible - BAIBEL
Copyright © 2013 by The Bible Society of India
Used by permission. All rights reserved worldwide.