LUK Kilethitsa
Kilethitsa
Luk no Yekeu Atsakiviu lo Jisu pesu piqhipua keu Israilmi Xakuluu eno timi kumtsu Xakuluu shi tsupuani. Luk no yekeu no Ampeu Ghungu no Jisu kulu puzu “Kumlhomi lau Sutsa Kivi sheshu peniyeke.” eno Atsakiviu hipaulo timi khunoqono kiu avehupu shiani keno tipau alokumsu shitsu keuno chhitoi ani. Luk kaku lo alokivi tsano akhoto shi ani, tiye kaku bothulo Jisu chekeu eno kaku shekha lo Jisu kungugha lo saikuve keu kiyedoqolo ani. Jisu no kunguu ikuve kethiu Khristomi kupulu thuwu keu eno vekupha keu ghili akiyeu hipau no Apostolomi kakulo pipuani.
Amqo 2 ngo 6 (julo axuagha) akeqoye Atsakiviu hipaulo likhino ithulukeu ani, tiye Jisu punu keulo kungumi lekiphe eno bherikhemi no juighi keu, Jisu itimi shi akelo Achineki lo wukeu eno Akiviu Samariami ngo Kauve keu Nu kimghitsaqo ke. Atsakiviu hipaulo akhoto shi pipuakeu ye Akighini, Aghungu Kimthe, Jisu kumlalo totimino chhosutsu keu eno Alhou no axine peivetsu keu ani.
Supuakeu Xuagha
Kilethisu keu 1.1-4
Johan Baptist ngo Jisu Punukeu eno itimi shiche 1.5—2.52
Johan Baptist kumla 3.1-20
Jisu baptiz shi lu eno ghujukeu 3.21—4.13
Galil lo Jisu no aqha zulo mlakeu 4.14—9.50
Galil lono Jerusalem kutolo 9.51—19.27
Jerusalem lo eno tipau phivilo apinedo ashekhau 19.28—23.56
Ampeu xuchilethughi, ipe ghi piye eno saikuve 24.1-53
Currently Selected:
LUK Kilethitsa: SUMIBSI
Highlight
Share
Copy
Want to have your highlights saved across all your devices? Sign up or sign in
Sumi Naga CL Bible - BAIBEL
Copyright © 2013 by The Bible Society of India
Used by permission. All rights reserved worldwide.