1 KORINTHIAMI Kilethitsa
Kilethitsa
Korinthiami lau Paul yesu atughiu ye pano Korinthia lo akukuhou shiphetsu keulo Khristomi kuxu eno akupululo kupuna akeu vehu xathatsuniye yekeu ke. Tipa ghulokilo Korinthia ye timi jeli ngoche keu Grik phughi lakhi eno Akhaia bocholo oking ke. Hipau phughi ye alhikishi, akhuayeh kighithi, kiptitoti kutuqhakile keu eno achine yeh jeliqono ajekipi shi ache.
Apostol Paul lokumsu akhotou ye akukuholo kijethakile eno kiptitoti kutuqhakile keu, kulakupu, kivikusa kighithi, akukuho lo kithikiyi keu, Aghungu Kimthe gho jeli eno xuchilethughi keu vehulo kupuna akeu. Pano akukumsu kutho pesu Asutsa Kiviu no kishi hipaqo vehulo pi acheni keno piyetsu ke.
Akiyedo 13 lo Alhou kikimiye timi lau agho akiviu tsukeu eno kaku hipaulo hipa tsajoye aqhano ithi acheni.
Supuakeu Xuagha
Kilethisukeu 1.1-9
Akukuho lo kijethakile keu 1.10—4.20
Kiptitoti kutuqhakile keu eno akibo kuxu 5.1—7.40
Khristomi eno Alhou kumthami 8.1—11.1
Akukuhou kuxu eno mlla keu 11.2—14.40
Khristo ngo kupulumino xuchilethughi keu 15.1-58
Judia lo Khristomi ghengu akumllagho 16.1-4
Luthu vehu eno kishekha tsa 16.5-24
Currently Selected:
1 KORINTHIAMI Kilethitsa: SUMIBSI
Highlight
Share
Copy
Want to have your highlights saved across all your devices? Sign up or sign in
Sumi Naga CL Bible - BAIBEL
Copyright © 2013 by The Bible Society of India
Used by permission. All rights reserved worldwide.