THUPHUANDOH 19
19
Vaana gualzohna leh Belaamnou ji neihna
1Hi silte nungin vaan ah mipi tampi aw ngaihtah ka ja a, Hallelujah; hutdamna leh, loupina zahumna leh silbawltheihna chu Lalpa i Pathian u’a ahi; 2Bang jiahin ahiai i chih leh a vaihawmnate chu a thutah in a dihtat ahi; ajiahchu ama’n nohchizuahnu loupitah, a mingaihhaatna jiaha leitung suthanghuainu chu vai a hawmkhumta a, huleh a suaahte sisan phuba chu a tungah a laahsahta hi, chi'n. 3Huleh amahun, Hallelujah, a chi kiit va. Huleh amahnu haalna meikhu chu kumtuang kumtuang in a jamtouta hi. 4Huin upa sawmnih leh lite leh, silhing lite chu a khupboh in a puuh va, Amen; Hallelujah, chi'n laltouphah tunga toupa Pathian chu a beta uhi. 5Huin laltouphah a kuanin aw khat ahung gingdoh a, Nanguh a suaahte zousiah leh, nanguh amah lau, a neu a lianin i Pathian u’chu paahtawi un, chi'n. 6Huin mipi tamtah awging bang, tui tamtah luang ging bang leh, vaanpi ging nasatah tobang ka jata a, Hallelujah; ajiahchu Lalpa Pathian Bangkimbawlthei lal in a tou hi. 7Kipaahin i nuam diing uh, huleh a kawmah paahtawina i pe diing uh; ajiahchu Belaamnou ji neih hun ahung tungta a, a ji zong a kisa zoudiamta hi. 8Huleh amahnu chu puan malngaat siangthou leh vaama a kijep diing phal ahi a; hu puan malngaat chu misiangthoute dihtatna ahi, chi'n. 9Huleh ama’n ka kawmah, Gial in, Belaamnou ji neihna ankuang uum diing a kouhte chu a hampha uhi, a chi a. Huleh ama’n ka kawmah, Hite chu Pathian thu dihtahte ahi, a chi a. 10Huleh amah be diingin a keengbulah ka puuh a. Huin ama’n ka kawmah, Hung be hial sin; kei chu na suaah tanpih leh Jesu heetpihna thu nei, na unaute laha ka hi; Pathian bia in; ajiahchu Jesu heetpihna chu thusoitheihna hagau ahi, a chi hi.
Gualzou Khrist chu
11Huin vaan kihong ka mu a, huleh ngai in, sakol kaang khat leh a tunga tuangpa, a min Ginum leh, Thutah kichi ka mu a; huleh ama’n dihtatna in vai a hawm a, huleh gaal a bawl hi. 12A mitte chu mei kuang tobang ahi a, a lutungah lallukhuh tampi a um hi; huleh amah loungal koimah heettheih louh min kigial a nei hi. 13Huleh amah chu sisan a kidiah puan in a kithuam a, huleh a min chu Pathian Thu a kichi hi. 14Huleh vaan a um sepaih honin puan malngaat vaam leh siangthou a kithuamin sakol kaang tunga touin amah a jui va. 15Huleh namte a thah na diingin a kam apatin namsaau hiamtah a pawtdoh hi; huleh ama’n amahuh chu siih chiangin vai a hawmkhum diing a; Bangkimbawlthei Pathian lauhuaina leh lungthahna uain suuhna chu a tuanchilta hi. 16Huleh ama’n a puan tung leh a malpi tungah KUMPIPATE KUMPIPA, LALPATE LALPA chia kigial min a nei hi. 17Huleh angel khat ni a ding ka mu a; huleh amah chu aw ngaihtaha kikou in, vaan laizawla leeng vate kawmah, Hung unla, Pathian ankuang luina loupitah ah hung kikhawm un; 18Kumpipate sa, sepaih houtute sa, mihaatte sa, sakolte sa leh a tungva tuangte sa, huleh mi zousiah, zalen leh saltaang, a neu leh a lian sa na neeh theihna diingun, a chi a. 19Huin hu gamsa leh, leitung kumpipate leh, a sepaihhon u’chu hu sakol tunga tuangpa leh a sepaihte toh kidou diinga a kipunkhawm uh ka mu a. 20Huleh gamsa chu matin a umta a, huleh zawlnei tahlou, gamsa chiamchihna neite leh, a lim bete a heemna a, a ma a silmah bawltu zong amah toh matkhawm in a umta a; hite geel chu a nihun kaat a kaang mei diilaha hinga paihluut in a umta uhi. 21Huleh a mawh teng chu sakol tunga tuangpa namsaau, a kama hung pawtdoh khu in thah in a umta va; huleh amahuh sa in tungleeng va zousiah a gilvahta uhi.
Currently Selected:
THUPHUANDOH 19: SIMTBSI
Highlight
Copy
Compare
Share
Want to have your highlights saved across all your devices? Sign up or sign in
Simte New Testament - Thuhun Thah
Copyright © 2016 by The Bible Society of India
Used by permission. All rights reserved worldwide.
