ROMMEI 16

Dwangay Kadymei

1Aniu tanpui Phoibi hei Kenkhria phwamling tuang siamruaimei meicgaymeipui e. 2Nangniw kata Ravguangc mei swna Poubauhmei zanc khou laalou o khatni kakhang kage naimei bamv guay khou nkhavlou tio; kamei hei meic mpeyna ta ni, ata ni nkhavlou bammeipui e.

3Khrista Jisu tuang siamruai taanv khou taanc nchamcmei Priska lev Akuila khang dwan gay kady e.#Lat 18.2 4Kaney akhang rui theic duaklou tuang e. Ai kaney ta thuancku e— arana hamh e, Zentelmei phwamling guay rui ni thuancku bam e. 5Kakai khou kariu bammei phwamling khang tei ni dwan gay kady e.

Asia kandih khou Khrista khou lwmlou rey liangmei, ai rui nzianmei Epaneta khang dwan gay kady e. 6Nangniw khang taanv taanc ranvna taancloumeipui Maria khang dwan gay kady e. 7Ai lev kangkai khou bam nchamcmei Jihudimei Andronika lev Junia#Baanhhy baibal asaekc khou Julia twna hylou e. khang dwan gay kady e. Kaney hei latdiutatmei pang khou meic guayna rui thaymei nei e khatni kaney hei asuangc ni Khristamei sw reymei nei e.

8Poubauhmei khou ai rui nzianmei Ampliata khang dwan gay kady e. 9Khrista khang taanv taanc nchamcmei Urbana lev ai rui nzianmei Stakhu khang ni dwan gay kady e. 10Khrista khang lungc lyanloumeipu Apelle khang dwan gay kady e. Aristabulla kai kaikhuncmei guay khang ni dwan gay kady e. 11Jihudimei Herodion khatni Narkisa kai kaikhuncmei Khristian chana guay khang ni dwan gay kady e.

12Poubauhmei taanv taanc bammei Truphaina lev Truphosa khatni Poubauhmei khang taanv ranvna bammeipui nzianmei Parsi khang ni dwan gay kady e. 13Poubauhmei rui kapahloumeipu Rupha khatni apui swna ni bammei kapui khang ni dwan gay kady e.#Mrk 15.21 14Asinkrita, Phlegonta, Harmi, Patroba, Harma khatni kaniw lev bammei chana guay khang ni dwan gay kady e. 15Philoga lev Julia khang, Neria lev katanpui khang, Olimpa khatni kaniw lev bammei nthanmei guay khang dwan gay kady e. 16Nangniw khat khat ta kaputna dwan gay kady o. Khrista tuang phwamling guayna rui nangniw khang dwan gay kady e.

Kady Kanavmei Lat

17Chanathiu, kalangv patmei nunc khatni nangniw khou dincloumei riakdyn tei hamhmei rui meic nunc tuang lwmmei ta tiphaysuy bammei nunc khou tei rui ramhthayna bam o, kumna kaniw khou rui ducna bam o. 18Mi kumhmei nunc hei aniu Poubauhmei Khrista tuang siamruai swmei nunc hamh e; kaniw bung khang taanhmei nunc e. Kaniw mwang animei khatni ndeihmei tei rui ramh thay makmei nunc ta guat re. 19Nangniw thu gaychamv tei sin ntip bam the twmei meic guayna chu bam tuang the, kumna mi khang tei rui ai nangniw ruc khou neihla bam tuang e. Nangniw gaymei khou ningtyngmei nunc khatni simei khou khuay maekmei nunc swmei ta ai kahaw e. 20Chuzaenghmei tiiloumei Ravguangc rui Seitaan ta nangniw phaypav bangc khou niak piaklou zay puni the.

Aniu Poubauhmei Jisu tuang zauzian nangniw khou naimei sw diu.#Baanhhy baibal asaekc khou mi chyam hei maek ge.

21Ai lev taanv sw nchamcmei Timothi rui nangniw khang dwan gay kady e; ai kumhmei Jihudimei Lukia, Jason khatni Sospatar rui ni dwan gay kady e.#Lat 16.1

22Mi tatdyn hei hymei Tartia ai rui ni Poubauhmei khou nangniw khang dwan gay kady e.

23Akaibangpouc khatni phwamling kaibangpouc Gaia rui nangniw khang dwan gay kady e. Kaidai tuang syanrypouc Erasta khatni aniu chana Kuarta rui ni nangniw khang dwan gay kady e.#Baanhhy Baibal asaekc khou kathaek 24 ni: Poubauhmei Jisu Khrista tuang zauzian nangniw khou tiilou diu. Amen; twna hylou e. #Lat 19.29; 1 Ko 1.14; 2 Ti 4.20 25-26Reydouc rui ndauhlou makna lou bammei, tiki ntaw thu muhzwng nunc rui hyloumei khou rui khatni meic guayna lwmna piu khang zaat guayna khou dinc ndauhlou tho twna tingsaeng Racguangc rui kalatdanv patloumei thei layna ndauhloumei, ai rui dinc ndauh bammei Jisu Khrista tuang gaychamv thei layna nangniw ta sw ntiplou ngammeipu, 27kanei makmei, thay ngam parimei Racguangc hei Jisu Khrista paan rui tingsaeng hymdaic diu. Amen.#Baanhhy Baibal asaekc khou kathaek 25-27 hei mi bamv khou hei hylou e; baihmei asaekc khou rui 14.23 tangv; baihmei asaekc rui 15.33 tangv hylou e.

Currently Selected:

ROMMEI 16: RONGBSI

Highlight

Copy