KALUMLU 38
38
Ryanrameipu rui Huayneymei
1He Ringhpouc, nang lungpuam khou ata riaplou rio!
2Nang tuang pailu rui ata kabiu the,
aruc khou nang baanc keylou the.
3Nang lungpuam rui apumc khou gaymei bamv khat sini maek khe,
apaap zaeng rui arou suc tangc the.
4Ata apaap rui thum liam the,
ai phungc ngam mak khe.
5Ai mpang khwanmei zaeng rui,
azam guay hei taamc namh si the.
6Ai nkuan key the,
ai ryanra the;
kalangh zingc zingc bam e.
7Asian mai kumc chaengc the.
Apumc khou gaymei bamv maek khe.
8Ai nsuan the khatni puat the;
alung ryanrana kalangh the.
9He Ringhpouc, ai kahawmei guay
nang mav khou lamclou the;
ai kalanghna rah bammei guay nang chu e.
10Abuc kabamv bam mak khe,
apumtan maek khe,
amik zingc key the.
11Azam zei guay zaeng rui,
apam nunc khatni kainingmei nunc
adaeng tuanc nii mak khe,
akai kaikhuncmei nganv mpaan tat kan the.
12Ata swluai khang rik bammei nunc rui ni akhang phah zawlou the,
ata sw kasic niimei nunc rui
sw kasic khang rac bam e;
kaniw ata sw kasic khang
kaphianh zingc zingc bam e.
13Tiki ai thu nu ndymei kumc chulou mak ge,
lat sa thay makmei kumc mundaw mak ge.
14Ngguay, ai hei chu thay makmei kumc sa daw mak ge.
15Tiki ai nang ta lwm e, he Ringhpouc.
He Ringhpouc, aRacguangc,
nang rui dawlou puni twmei ai lwm e.
16Ata zauczihmei nunc zaenggay khang ata tiryanralou rio;
kaniw zaw kauh khang ata tibowlou rio.
17Ai bow key puni the,
suhmei nthaekc mak khe.
18Ai nkhuai mbaloumei guay kalauh the;
apaap khang alung kabiu the.
19Kalam maekna ata howmumei nunc hei tanc e;
nkhuaina ata karaengmei geic e.
20Ai rui gayna swlou tiki ata zauczih the,
kalam thu nchumhmei taanh khang ai karamc e.
21He Ringhpouc, ata ganclou rio!
He Ringhpouc, akhou rui duc tatlou rio!
22He Kaipouc, ata kanloumeipu,
ntaw ata nkhavlou o!
Currently Selected:
KALUMLU 38: RONGBSI
Highlight
Copy
Compare
Share
Want to have your highlights saved across all your devices? Sign up or sign in
Rongmei Naga (Revised) Bible - NTHANMEI BAIBAL (Revised)
Copyright © 2017 by The Bible Society of India
Used by permission. All rights reserved worldwide.
