SINGCHAKH 14
14
Meic nunc rui Pian Makmei Lat Samei
1Meic nunc tei lungh ryanrana zingbangc kap thangc the. 2Kaniw rui Mousi lev Aron khou nutna sa the, “Izip kandic khou hamh e thei mi tazikramv khou nganvna theiclou kanmei rui gay the! 3Tabui khang Ringhpouc rui aniu ta mi kandic khou kiu nduangh gut bam nina cho? Aniu ta rih khou dowluai ngam lana aniu nownac nunc ta nym kan puni the. Izip thangc hanc datmei rui gay pw lakna cho?” 4Heikumna kaniw akhat khat khou sa the, “Aniu kapy kadah lana Izip thangc hanc dat kan di kho!”
5Hei khou tei Mousi lev Aron tei meic kapwmna hu khou tei kandih khou sow nkhum key the. 6Nun nac mpouh Joshua lev Jephunne nac mpouh Kaleb, gwanrum tatmei gaanv nei tei, lungh kabiuna kaney phey siatkaek lana, 7meic nunc khou tei sa the, “Aniw zauc tatmei kandic tei gay kanmei kandic di the. 8Ringhpouc rui aniu ta pianlou e thei thu, kamei rui aniu ta mi bamv khou tei nduangh louna mi guaihnoudui khatni nkhuaihdui rui dui swna luanghmei kandic tei aniu khang tii puni the. 9Ringhpouc lat liam riu, khatni mi khou lungc bammei nunc ta tei ping riu. Aniu rui chalahna kaniw ta ngam puni de. Ringhpouc rui aniu ta nduanghlou bam e khatni kaniw ta gaek bammei rav guay ta tei kamei rui ngamlou kan the; kumna ping dat ri tho.”#Ibr 3.16 10Meic nunc tei rui kadungna kaney ta ntauh nkwam luai khang sw thau the, tiki thaymakdaekna Ringhpouc bammei tuang titah tamei riw kalummei pheykai ruc khou tei lyanlou the.
Mousi rui Meic nunc khang Huayneyloumei
11 Ringhpouc rui Mousi khou sa the, “Asaanh tingsaengna meic nunc hei rui ata laalou makna bam nina cho? Charynmei taanv heidi ai rui kaniw pang khou taanclou bam tisini kaniw asaanh tingsaengna akhou lwmlou makna bam ni hehna cho? 12Ai rui ravpyan tiguangna kaniw ta swmutlou puni the. Kumna ai rui nang ta kaniw suangc geihmei khatni tancbauhmei zaat akhat pu tiswlou puni the!”
13Khoutei Mousi rui Ringhpouc khou sa the, “Nang rui nang pumtan paan rui mi nunc ti hei Izip khou rui nduangh patlou the. Nang rui nang mei nunc ruc khou taancloumei ta tei Izipmei nunc rui chu pwkhou,#Tat 32.11-14 14kaniw rui mi kandic khou lungc bammei nunc khou raclou pwng the. He Ringhpouc, nang aniw pang khou bam e twmei nang tuang muangc aniw ruc khou ding bam khou nang ta zaw lev zaw how kan the twmei, khatni kalaanv chaeng rui muanghtiangc khatni zingbangc chaeng rui maitiangc swna nang aniw hu khou tatna bam e twmei kaniw chu kan the. 15Ntaw nang rui nang mei guayna ta swluai ngam ti thei, nang lam khou chu kanmei zaatc nunc tei rui 16nang rui kaniw khang tii ni twna nrianhloumei kandic khou tei nduangh guanglou ngam lamakna nang rui nang mei nunc ta tazikramv khou swluai kan the twna sa puni the. 17Kumhpui zaeng rui he Ringhpouc, ai rui huay e, nang ngamv lyanlou o, nang rui kumna sa kanmei kumcna: 18‘Ringhpouc thu kalung saengc e, nzianmei rui padik ge khatni paap lev latliammei ta kuaklou e. Tiki nkhuaipui mei ta kamei rui dandi tii makna mpatlou mak ge; kamei rui katou kanac nunc ta kapu kapouc paap khang rui meickin kathumh padeih nganvna dandi tii e.’#Tat 20.5,6; 34.6,7; Ria 5.9,10; 7.9,10 19Kaniw Izip khou rui tat thau rap khou rui thauna ntaw nganv nang rui kaniw ta kuaklou guangmei kumcna nang zauzian daihmei paan rui kaniw ta kuaklou o.”
20 Ringhpouc rui daw the, “Nang rui huaymei theilayna ai rui kaniw ta kuaklou puni the. 21Ai rui latdyng sw e twmei thu ai ringcna bammei khatni ai kandih kapwm khou bam lik sikh sik bammei maanv makmei kumcna,#Ibr 3.18 22Mi mei nunc hei ai rui Izip khatni tazikramv khou charynmei taanclou kanmei tei how kan sini alat liamna ata luan ruh nchanv e. 23Hei zaeng rui kaniw pupouc khou nrianhloumei kandic khoutei kaniw gut zat ni tuang hamh the. Ata laalou makmei gaanv khat na sini mi khou tei gut ni tuang hamh the. 24Tiki abangc Kaleb na thu kalung baic the kumna kamei alat piu chuyna bam e, kumna kamei zauc kanmei kandic khou tei ai rui kata nduangh guanglou puni the, khatni kanac katou nunc rui mi kandic tei laana lungc puni.#Jos 14.9-12 25Ntaw Amalekmei lev Kanaanmei lungc bammei nzaengcdic guay kamei laa puni the. Nthuanh thu ngalanc dat tho tazikramv chaeng khou rui ntou duipui thangc tat tho.”
Raring Geihmei Zaeng rui Ringhpouc tuang Dandi
26 Ringhpouc rui Mousi lev Aron khou sa the, 27“Mi meicgay makmei nunc hei asaanh tingsaengna aruc khou pian makna sa bam ni hena cho? Kaniw tuang pian makmei latsa hei ai nking liat lak khe! 28Kaniw khou kumna sa ti tho: ‘Ai ringc bammei hei maanv makmei kumcna, nangniw rui ney bammei tei ai suai makna taanclou rap puni the. Ringhpouc ai rui sa pat kan the. 29Nangniw theic puni the, kumna nangniw tuang theihmei pumc tei mi tazikramv khou hei ganc padiklou puni the. Kalam thu nangniw rui aruc khou pian makmei latsav rana sa the, nangniw tingkwm 20 ruc mei gaanv khat na sini mi kandic khou tei gut ni tuang hamh the.#Ibr 3.17 30Nangniw ta hei khou tei tilungclou ni twna nrianhloumei tuang the; tiki Joshua lev Kaleb na hamhna gut ngam lak khe. 31Nangniw nac nunc ta tei nym kan puni e twna nangniw sa the, tiki nangniw rui gancpatmei kandic khou tei kaniw ta nduangh guanglou puni the, kumna hei tei kaniw lunghbamv sw puni the. 32Mi tazikramv khou hei nangniw thu theiclou puni the. 33Nangniw kapwmna theic ngam kan mak saanv, nangniw tuang lwm nuh makmei zaeng rui ryanra akhaengvna nangniw nac nunc tei tazikramv khou tingkwm 40 lauziu gaenghmei swna ruan bam puni the.#Lat 7.36 34Nangniw paap zaeng rui nangniw zaeng 40 ramv zauc tatmei tingmik akhat khang tei tingkwm akhat akhat swna, nangniw tingkwm 40 ryanra akhaengv puni the. Ai rui nangniw ta zauczih pwkhou tabui sw bu cho twmei nangniw thay puni the! 35Ata laa zihna sw kanmei meicgay makmei nangniw ruc khou mi hei ai rui swlou puni the. Mi tazikramv khou hei nangniw kaguayna theic puni the. Ringhpouc ai rui sa pat kan the.’ ”
36Kandih gwanrum khang Mousi rui thoucloumei nunc tei rui hanc guang datna diw simei saraamhpui lat sa zinlik pat the khatni kaniw rui mi ramv lam khou tei nkhuaimei lat pou the. 37Ringhpouc rui lat saraamhmei chamv phungc guangmei khou ravpyan tiguangna swluai kan the. 38Gwanrummei 12 pang khou tei Joshua lev Kaleb na ringc bam duc the.
Mi Kandic khou tei Gut khang Karamc Reymei
(Ria 1.41-46)
39 Ringhpouc rui samei lat tei Mousi rui Isaraelmei nunc khou salou pwkhou, kaniw huay ranvna kap the, 40“Ringhpouc rui samei kandic thangc tei aniw tat ni the. Aniw nkhuai the twmei aniw nuh the,” twna kaniw rui sana kap the. Nthuanh lauthwan thwanzingh thauna chyngramv biak thangc rui gut khang karamc the.
41Tiki Mousi rui sa the, “Nangniw tabui swna Ringhpouc lat liam bam tu cho? Nangniw gut ngam ni tuang hamh e. 42Tat nangh e. Ringhpouc nangniw ta nduangh tat mak ge, kumna zauczihmei rui nangniw ta ngam puni de. 43Amalekmei lev Kanaanmei ta adow pwkhou, nangniw rihbamv khou baengtaek sw puni the, Ringhpouc nangniw ta nduangh tat ni tuang hamh e, kalam thu nangniw kathei lay nii mak ge.”
44 Ringhpouc tuang Latdyng Khuk ni Mousi ni zypui tei mpatlou mak sini kaniw rana chyngramv thangc tat ku the. 45Mi khou tei bammei Amalekmei khatni Kanaanmei rui adowna kaniw ta ngamlou the, kumna Horma nganv alay keylou the.
Currently Selected:
SINGCHAKH 14: RONGBSI
Highlight
Share
Copy
Want to have your highlights saved across all your devices? Sign up or sign in
Rongmei Naga (Revised) Bible - NTHANMEI BAIBAL (Revised)
Copyright © 2017 by The Bible Society of India
Used by permission. All rights reserved worldwide.
SINGCHAKH 14
14
Meic nunc rui Pian Makmei Lat Samei
1Meic nunc tei lungh ryanrana zingbangc kap thangc the. 2Kaniw rui Mousi lev Aron khou nutna sa the, “Izip kandic khou hamh e thei mi tazikramv khou nganvna theiclou kanmei rui gay the! 3Tabui khang Ringhpouc rui aniu ta mi kandic khou kiu nduangh gut bam nina cho? Aniu ta rih khou dowluai ngam lana aniu nownac nunc ta nym kan puni the. Izip thangc hanc datmei rui gay pw lakna cho?” 4Heikumna kaniw akhat khat khou sa the, “Aniu kapy kadah lana Izip thangc hanc dat kan di kho!”
5Hei khou tei Mousi lev Aron tei meic kapwmna hu khou tei kandih khou sow nkhum key the. 6Nun nac mpouh Joshua lev Jephunne nac mpouh Kaleb, gwanrum tatmei gaanv nei tei, lungh kabiuna kaney phey siatkaek lana, 7meic nunc khou tei sa the, “Aniw zauc tatmei kandic tei gay kanmei kandic di the. 8Ringhpouc rui aniu ta pianlou e thei thu, kamei rui aniu ta mi bamv khou tei nduangh louna mi guaihnoudui khatni nkhuaihdui rui dui swna luanghmei kandic tei aniu khang tii puni the. 9Ringhpouc lat liam riu, khatni mi khou lungc bammei nunc ta tei ping riu. Aniu rui chalahna kaniw ta ngam puni de. Ringhpouc rui aniu ta nduanghlou bam e khatni kaniw ta gaek bammei rav guay ta tei kamei rui ngamlou kan the; kumna ping dat ri tho.”#Ibr 3.16 10Meic nunc tei rui kadungna kaney ta ntauh nkwam luai khang sw thau the, tiki thaymakdaekna Ringhpouc bammei tuang titah tamei riw kalummei pheykai ruc khou tei lyanlou the.
Mousi rui Meic nunc khang Huayneyloumei
11 Ringhpouc rui Mousi khou sa the, “Asaanh tingsaengna meic nunc hei rui ata laalou makna bam nina cho? Charynmei taanv heidi ai rui kaniw pang khou taanclou bam tisini kaniw asaanh tingsaengna akhou lwmlou makna bam ni hehna cho? 12Ai rui ravpyan tiguangna kaniw ta swmutlou puni the. Kumna ai rui nang ta kaniw suangc geihmei khatni tancbauhmei zaat akhat pu tiswlou puni the!”
13Khoutei Mousi rui Ringhpouc khou sa the, “Nang rui nang pumtan paan rui mi nunc ti hei Izip khou rui nduangh patlou the. Nang rui nang mei nunc ruc khou taancloumei ta tei Izipmei nunc rui chu pwkhou,#Tat 32.11-14 14kaniw rui mi kandic khou lungc bammei nunc khou raclou pwng the. He Ringhpouc, nang aniw pang khou bam e twmei nang tuang muangc aniw ruc khou ding bam khou nang ta zaw lev zaw how kan the twmei, khatni kalaanv chaeng rui muanghtiangc khatni zingbangc chaeng rui maitiangc swna nang aniw hu khou tatna bam e twmei kaniw chu kan the. 15Ntaw nang rui nang mei guayna ta swluai ngam ti thei, nang lam khou chu kanmei zaatc nunc tei rui 16nang rui kaniw khang tii ni twna nrianhloumei kandic khou tei nduangh guanglou ngam lamakna nang rui nang mei nunc ta tazikramv khou swluai kan the twna sa puni the. 17Kumhpui zaeng rui he Ringhpouc, ai rui huay e, nang ngamv lyanlou o, nang rui kumna sa kanmei kumcna: 18‘Ringhpouc thu kalung saengc e, nzianmei rui padik ge khatni paap lev latliammei ta kuaklou e. Tiki nkhuaipui mei ta kamei rui dandi tii makna mpatlou mak ge; kamei rui katou kanac nunc ta kapu kapouc paap khang rui meickin kathumh padeih nganvna dandi tii e.’#Tat 20.5,6; 34.6,7; Ria 5.9,10; 7.9,10 19Kaniw Izip khou rui tat thau rap khou rui thauna ntaw nganv nang rui kaniw ta kuaklou guangmei kumcna nang zauzian daihmei paan rui kaniw ta kuaklou o.”
20 Ringhpouc rui daw the, “Nang rui huaymei theilayna ai rui kaniw ta kuaklou puni the. 21Ai rui latdyng sw e twmei thu ai ringcna bammei khatni ai kandih kapwm khou bam lik sikh sik bammei maanv makmei kumcna,#Ibr 3.18 22Mi mei nunc hei ai rui Izip khatni tazikramv khou charynmei taanclou kanmei tei how kan sini alat liamna ata luan ruh nchanv e. 23Hei zaeng rui kaniw pupouc khou nrianhloumei kandic khoutei kaniw gut zat ni tuang hamh the. Ata laalou makmei gaanv khat na sini mi khou tei gut ni tuang hamh the. 24Tiki abangc Kaleb na thu kalung baic the kumna kamei alat piu chuyna bam e, kumna kamei zauc kanmei kandic khou tei ai rui kata nduangh guanglou puni the, khatni kanac katou nunc rui mi kandic tei laana lungc puni.#Jos 14.9-12 25Ntaw Amalekmei lev Kanaanmei lungc bammei nzaengcdic guay kamei laa puni the. Nthuanh thu ngalanc dat tho tazikramv chaeng khou rui ntou duipui thangc tat tho.”
Raring Geihmei Zaeng rui Ringhpouc tuang Dandi
26 Ringhpouc rui Mousi lev Aron khou sa the, 27“Mi meicgay makmei nunc hei asaanh tingsaengna aruc khou pian makna sa bam ni hena cho? Kaniw tuang pian makmei latsa hei ai nking liat lak khe! 28Kaniw khou kumna sa ti tho: ‘Ai ringc bammei hei maanv makmei kumcna, nangniw rui ney bammei tei ai suai makna taanclou rap puni the. Ringhpouc ai rui sa pat kan the. 29Nangniw theic puni the, kumna nangniw tuang theihmei pumc tei mi tazikramv khou hei ganc padiklou puni the. Kalam thu nangniw rui aruc khou pian makmei latsav rana sa the, nangniw tingkwm 20 ruc mei gaanv khat na sini mi kandic khou tei gut ni tuang hamh the.#Ibr 3.17 30Nangniw ta hei khou tei tilungclou ni twna nrianhloumei tuang the; tiki Joshua lev Kaleb na hamhna gut ngam lak khe. 31Nangniw nac nunc ta tei nym kan puni e twna nangniw sa the, tiki nangniw rui gancpatmei kandic khou tei kaniw ta nduangh guanglou puni the, kumna hei tei kaniw lunghbamv sw puni the. 32Mi tazikramv khou hei nangniw thu theiclou puni the. 33Nangniw kapwmna theic ngam kan mak saanv, nangniw tuang lwm nuh makmei zaeng rui ryanra akhaengvna nangniw nac nunc tei tazikramv khou tingkwm 40 lauziu gaenghmei swna ruan bam puni the.#Lat 7.36 34Nangniw paap zaeng rui nangniw zaeng 40 ramv zauc tatmei tingmik akhat khang tei tingkwm akhat akhat swna, nangniw tingkwm 40 ryanra akhaengv puni the. Ai rui nangniw ta zauczih pwkhou tabui sw bu cho twmei nangniw thay puni the! 35Ata laa zihna sw kanmei meicgay makmei nangniw ruc khou mi hei ai rui swlou puni the. Mi tazikramv khou hei nangniw kaguayna theic puni the. Ringhpouc ai rui sa pat kan the.’ ”
36Kandih gwanrum khang Mousi rui thoucloumei nunc tei rui hanc guang datna diw simei saraamhpui lat sa zinlik pat the khatni kaniw rui mi ramv lam khou tei nkhuaimei lat pou the. 37Ringhpouc rui lat saraamhmei chamv phungc guangmei khou ravpyan tiguangna swluai kan the. 38Gwanrummei 12 pang khou tei Joshua lev Kaleb na ringc bam duc the.
Mi Kandic khou tei Gut khang Karamc Reymei
(Ria 1.41-46)
39 Ringhpouc rui samei lat tei Mousi rui Isaraelmei nunc khou salou pwkhou, kaniw huay ranvna kap the, 40“Ringhpouc rui samei kandic thangc tei aniw tat ni the. Aniw nkhuai the twmei aniw nuh the,” twna kaniw rui sana kap the. Nthuanh lauthwan thwanzingh thauna chyngramv biak thangc rui gut khang karamc the.
41Tiki Mousi rui sa the, “Nangniw tabui swna Ringhpouc lat liam bam tu cho? Nangniw gut ngam ni tuang hamh e. 42Tat nangh e. Ringhpouc nangniw ta nduangh tat mak ge, kumna zauczihmei rui nangniw ta ngam puni de. 43Amalekmei lev Kanaanmei ta adow pwkhou, nangniw rihbamv khou baengtaek sw puni the, Ringhpouc nangniw ta nduangh tat ni tuang hamh e, kalam thu nangniw kathei lay nii mak ge.”
44 Ringhpouc tuang Latdyng Khuk ni Mousi ni zypui tei mpatlou mak sini kaniw rana chyngramv thangc tat ku the. 45Mi khou tei bammei Amalekmei khatni Kanaanmei rui adowna kaniw ta ngamlou the, kumna Horma nganv alay keylou the.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Rongmei Naga (Revised) Bible - NTHANMEI BAIBAL (Revised)
Copyright © 2017 by The Bible Society of India
Used by permission. All rights reserved worldwide.