SINGCHAKH 15
15
Ravkhaengmei khou Sw Nimei Riak
1 Ringhpouc rui Mousi khou sa the, 2Isaraelmei nunc khou kumna sa o, Isaraelmei nunc rui kaniw khang ai rui nrianhloumei kandic khou tei gut pwkhou, 3rawna khaengmei, latdyng tiguang tanghmei tuang khaengmei, tii niina tiimei, hamh e thei khumngai khou khaengmei hei kumhmei guay khou hei guaituamchic, lauziuchic, lauziu hamh e thei ziuh mi nunc hei Ringhpouc khang khaeng nuh e. Hei kumhmei khaengmei rym hei rui Ringhpouc ta tipianlou e. 4Thow pwni Ringhpouc khang puatkat laaguangmei kathuic rui taektw, ntyan buay kaduk akhat khatni Olive thauc kadou akhat kanuailoumei 5puatkat guay khou tei lauziuchiclauna rawna khaengmei khatni drakhadui gallon kadou akhat kat nina e. 6Lauziuchic kat pwkhou ntyan buay handwang kanei Olive thauc kaduk akhat kapaek lev kanuailouna taektw puatkat swna kat nina e. 7Khoutei drakhadui kaduk akhat kapaek kazauh nina e. Mi tuang khaengmei rym tei rui Ringhpouc ta tipianlou e. 8Rawna khaengmei, hamh e thei latdyng tiguang tanghmei tuang khaengmei hamh e thei alamvpuatkat swna khaengmei khou guaituamchic rui khaeng e thei 9ntyan buay handwang kathumh, Olive thauc kaduk kanei lev kanuailouna taektw puatkat swna kat nina e. 10Khoutei drakhadui kaduk kanei kazauh nina e. Mi khaengmei rym rui Ringhpouc ta tipianlou e.
11Guaituamchic, lauziuchic, lauziu hamh e thei ziuh khaeng khou khaeng kazauh nimei kiu mi guay hei the. 12Khouringh akhat khou rui mbuna khaeng e thei khaeng kariu nimei puat tei ni kachaengc khou tei mbu ku muay nina the. 13Karym rui Ringhpouc ta tipianmei tuang taektw puatkat Ringhpouc khang katmei ganv khou Isaraelmei dilungmei kathuic rui mi hei sw nimei tuang e. 14Nangniw khou matat khat khang pw tingsaeng khang pw khuam bammei zaatc baihmei rui taektw puatkat kat nii e thei, kaniw ni heikumna sw muay nina the. 15Thei thangc nganvna nangniw khou khuam bammei kathuicna rui mi riak hei tat nina the. Nangniw ni kaniw ni Ringhpouc tuang mikzaw khou akhat na de; 16Nangniw khou ni kaniw khou ni kariak akhat na nchamcna tat puni.#Lev 24.22
17 Ringhpouc rui Mousi khou sa the, 18Isaraelmei nunc khou kumna sa o, Ai rui nang khang tiilou nimei kandic kiu tangc pwkhou 19akhatni mi ramv khou tuang phunling tu pwkhou Ringhpouc khang kalangv akhat puatkat swna kat nina e. 20Napthanc khou rui kasiamh reymei ntyan tuang reymei ntyan dwm tei Ringhpouc khang tii nina e. Nangniw rui laudybamv khou dykeymei nap tei nkunmei puatkat swna tiimei thak tei kumcna mi hei ni kat nina e. 21Thei thangc nganvna nangniw tuang ntyan khou rui mi nkunmei puatkat hei kat bam nina e.
Maanvmei Paap khang Khaengmei
22Kum e tiki thowkumhmei mi Ringhpouc rui Mousi khou tiimei riak guay hei piu zihmei hamhna taanc ngam makmei tuang nai e thei, 23Ringhpouc rui Mousi khou tii guangmei latdanv guay hei Isaraelmei kapwm rui thei thangc taanc ngam makmei tuang nai e thei, 24maanvmei tei meic guayna rui thay makmei zaeng rui patmei tuang e thei kaniw rui guaituamchic rawna khaeng nina e, hei tei lev twna taektw khatni drakhadui katmei tei ni taanc nina e. Mi ruc khou tei rui ziuchic akhat ni paapc khang khaeng nina e. 25Meic nunc ta tei sw nthanmei tuang thouc tei amuh tei rui swlou nina e; kum pwkhou kaniw paap kuaklou puni. Kalam thu kaniw khuay tei liamna taanh tuang hamh e khatni kaniw rui paapc khang khaengmei puatkat tei Ringhpouc khang kat the. 26Isaraelmei kapwm khatni nangniw pang khou lungc bammei zaatc baihmei guay ta kuaklou puni, kalam thu mi taanc maanvmei khou tei meic kaguayna kazauh the.
27Thowkumhmei gaanv khat rui maanvna paapc taanclou e thei tingkwm akhatmei ziuhnay akhat paapc khang khaeng nina e.#Lev 4.27-31 28Mipu ta tei sw nthanlou khang amuh tei rui ravchapaeng khou thouh swlou kan e thei kata tei kuaklou puni. 29Isaraelmei dilungmei pwni gin pwni maanvna paapc taanhmei kathuicna rui mi hei sw nina e.
30Isaraelmei pwni, gin pwni liamna paapc taanc e thei Ringhpouc ta malana taanhmei paap kakhou nai the, kumhpui zaeng rui kata tei swluai nina the. 31Kalam thu kamei Ringhpouc lat ta kak the khatni liamna kalatdanv swbak the. Kakhuay zaeng rui kamei theic nina e.
Sabbath ta Swbakmeipu
32Isaraelmei tazikramv khou bammei ganv khou, meic gaanv khat Sabbath nungc thing riam bammei ta ariw the. 33Kata tei Mousi, Aron khatni Isaraelmei guay bamv khou phungc guangna, 34rigaanvmei nunc bangc khou bangclou the, kalam thu karuc khou tabui tuang sw nina cho twmei nthanna thay mak khwan e. 35Khoutei Ringhpouc rui Mousi khou sa the, “Mipu ta tei swluai nina e, kata tei zypui paengc thangc zay patna meic guayna rui ntauh nkwam luai nina e.” 36Ringhpouc tuang latdanv theilayna meic guayna rui kata zypui paengc thangc zay patna ntauh nkwam luai the.
Ngwmpwang
37 Ringhpouc rui Mousi khou sa the, 38“Nangniw tuang pheybaan tin tin khou ngwm pwang langhriang nrymmei rui karu swna thaengclou nina e. Mi hei nangniw thei thangc nganvna swbam nina e twna Isaraelmei nunc khou sa o.#Ria 22.12 39Mi ngwmpwang guay tei tiningtowmei tuang sw puni, nangniw rui mi guay tei howpui kathuic atuang latdanv guay tei ningtowna piu nina e; kum e tw e thei nangniw akhou rui tat patna nangniw rui kahaw hawmei khou tat mak puni. 40Mi ngwmpwang tei rui nangniw ta atuang latdanv guay piu khang tiningtow bam puni, kum pwkhou nangniw atuang na swna lungc puni. 41Ai hei Ringhpouc nangniw Racguangc e; ai hei nangniw Racguangc sw diu khang ai rui nangniw ta Izip khou rui phungc patlou the. Ai hei Ringhpouc e.”
Currently Selected:
SINGCHAKH 15: RONGBSI
Highlight
Share
Copy
Want to have your highlights saved across all your devices? Sign up or sign in
Rongmei Naga (Revised) Bible - NTHANMEI BAIBAL (Revised)
Copyright © 2017 by The Bible Society of India
Used by permission. All rights reserved worldwide.
SINGCHAKH 15
15
Ravkhaengmei khou Sw Nimei Riak
1 Ringhpouc rui Mousi khou sa the, 2Isaraelmei nunc khou kumna sa o, Isaraelmei nunc rui kaniw khang ai rui nrianhloumei kandic khou tei gut pwkhou, 3rawna khaengmei, latdyng tiguang tanghmei tuang khaengmei, tii niina tiimei, hamh e thei khumngai khou khaengmei hei kumhmei guay khou hei guaituamchic, lauziuchic, lauziu hamh e thei ziuh mi nunc hei Ringhpouc khang khaeng nuh e. Hei kumhmei khaengmei rym hei rui Ringhpouc ta tipianlou e. 4Thow pwni Ringhpouc khang puatkat laaguangmei kathuic rui taektw, ntyan buay kaduk akhat khatni Olive thauc kadou akhat kanuailoumei 5puatkat guay khou tei lauziuchiclauna rawna khaengmei khatni drakhadui gallon kadou akhat kat nina e. 6Lauziuchic kat pwkhou ntyan buay handwang kanei Olive thauc kaduk akhat kapaek lev kanuailouna taektw puatkat swna kat nina e. 7Khoutei drakhadui kaduk akhat kapaek kazauh nina e. Mi tuang khaengmei rym tei rui Ringhpouc ta tipianlou e. 8Rawna khaengmei, hamh e thei latdyng tiguang tanghmei tuang khaengmei hamh e thei alamvpuatkat swna khaengmei khou guaituamchic rui khaeng e thei 9ntyan buay handwang kathumh, Olive thauc kaduk kanei lev kanuailouna taektw puatkat swna kat nina e. 10Khoutei drakhadui kaduk kanei kazauh nina e. Mi khaengmei rym rui Ringhpouc ta tipianlou e.
11Guaituamchic, lauziuchic, lauziu hamh e thei ziuh khaeng khou khaeng kazauh nimei kiu mi guay hei the. 12Khouringh akhat khou rui mbuna khaeng e thei khaeng kariu nimei puat tei ni kachaengc khou tei mbu ku muay nina the. 13Karym rui Ringhpouc ta tipianmei tuang taektw puatkat Ringhpouc khang katmei ganv khou Isaraelmei dilungmei kathuic rui mi hei sw nimei tuang e. 14Nangniw khou matat khat khang pw tingsaeng khang pw khuam bammei zaatc baihmei rui taektw puatkat kat nii e thei, kaniw ni heikumna sw muay nina the. 15Thei thangc nganvna nangniw khou khuam bammei kathuicna rui mi riak hei tat nina the. Nangniw ni kaniw ni Ringhpouc tuang mikzaw khou akhat na de; 16Nangniw khou ni kaniw khou ni kariak akhat na nchamcna tat puni.#Lev 24.22
17 Ringhpouc rui Mousi khou sa the, 18Isaraelmei nunc khou kumna sa o, Ai rui nang khang tiilou nimei kandic kiu tangc pwkhou 19akhatni mi ramv khou tuang phunling tu pwkhou Ringhpouc khang kalangv akhat puatkat swna kat nina e. 20Napthanc khou rui kasiamh reymei ntyan tuang reymei ntyan dwm tei Ringhpouc khang tii nina e. Nangniw rui laudybamv khou dykeymei nap tei nkunmei puatkat swna tiimei thak tei kumcna mi hei ni kat nina e. 21Thei thangc nganvna nangniw tuang ntyan khou rui mi nkunmei puatkat hei kat bam nina e.
Maanvmei Paap khang Khaengmei
22Kum e tiki thowkumhmei mi Ringhpouc rui Mousi khou tiimei riak guay hei piu zihmei hamhna taanc ngam makmei tuang nai e thei, 23Ringhpouc rui Mousi khou tii guangmei latdanv guay hei Isaraelmei kapwm rui thei thangc taanc ngam makmei tuang nai e thei, 24maanvmei tei meic guayna rui thay makmei zaeng rui patmei tuang e thei kaniw rui guaituamchic rawna khaeng nina e, hei tei lev twna taektw khatni drakhadui katmei tei ni taanc nina e. Mi ruc khou tei rui ziuchic akhat ni paapc khang khaeng nina e. 25Meic nunc ta tei sw nthanmei tuang thouc tei amuh tei rui swlou nina e; kum pwkhou kaniw paap kuaklou puni. Kalam thu kaniw khuay tei liamna taanh tuang hamh e khatni kaniw rui paapc khang khaengmei puatkat tei Ringhpouc khang kat the. 26Isaraelmei kapwm khatni nangniw pang khou lungc bammei zaatc baihmei guay ta kuaklou puni, kalam thu mi taanc maanvmei khou tei meic kaguayna kazauh the.
27Thowkumhmei gaanv khat rui maanvna paapc taanclou e thei tingkwm akhatmei ziuhnay akhat paapc khang khaeng nina e.#Lev 4.27-31 28Mipu ta tei sw nthanlou khang amuh tei rui ravchapaeng khou thouh swlou kan e thei kata tei kuaklou puni. 29Isaraelmei dilungmei pwni gin pwni maanvna paapc taanhmei kathuicna rui mi hei sw nina e.
30Isaraelmei pwni, gin pwni liamna paapc taanc e thei Ringhpouc ta malana taanhmei paap kakhou nai the, kumhpui zaeng rui kata tei swluai nina the. 31Kalam thu kamei Ringhpouc lat ta kak the khatni liamna kalatdanv swbak the. Kakhuay zaeng rui kamei theic nina e.
Sabbath ta Swbakmeipu
32Isaraelmei tazikramv khou bammei ganv khou, meic gaanv khat Sabbath nungc thing riam bammei ta ariw the. 33Kata tei Mousi, Aron khatni Isaraelmei guay bamv khou phungc guangna, 34rigaanvmei nunc bangc khou bangclou the, kalam thu karuc khou tabui tuang sw nina cho twmei nthanna thay mak khwan e. 35Khoutei Ringhpouc rui Mousi khou sa the, “Mipu ta tei swluai nina e, kata tei zypui paengc thangc zay patna meic guayna rui ntauh nkwam luai nina e.” 36Ringhpouc tuang latdanv theilayna meic guayna rui kata zypui paengc thangc zay patna ntauh nkwam luai the.
Ngwmpwang
37 Ringhpouc rui Mousi khou sa the, 38“Nangniw tuang pheybaan tin tin khou ngwm pwang langhriang nrymmei rui karu swna thaengclou nina e. Mi hei nangniw thei thangc nganvna swbam nina e twna Isaraelmei nunc khou sa o.#Ria 22.12 39Mi ngwmpwang guay tei tiningtowmei tuang sw puni, nangniw rui mi guay tei howpui kathuic atuang latdanv guay tei ningtowna piu nina e; kum e tw e thei nangniw akhou rui tat patna nangniw rui kahaw hawmei khou tat mak puni. 40Mi ngwmpwang tei rui nangniw ta atuang latdanv guay piu khang tiningtow bam puni, kum pwkhou nangniw atuang na swna lungc puni. 41Ai hei Ringhpouc nangniw Racguangc e; ai hei nangniw Racguangc sw diu khang ai rui nangniw ta Izip khou rui phungc patlou the. Ai hei Ringhpouc e.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Rongmei Naga (Revised) Bible - NTHANMEI BAIBAL (Revised)
Copyright © 2017 by The Bible Society of India
Used by permission. All rights reserved worldwide.