SINGCHAKH 13
13
Gwanrummei nunc
(Ria 1.19-33)
1 Ringhpouc rui Mousi khou sa the, 2Isaraelmei kaikhwang kathuic khou rui kapy swmei gaanv khat gaanv khat kadah patna ai rui nangniw khang tiiloumei Kanaan kandic gwanrum khang thouclou tho. 3Kumna Mousi rui Ringhpouc tuang latdanv piuna Paran tuang tazikramv khou rui Isaraelmei kaikhwang tuang kapy swmei nunc ta thouc the. 4Mi hei kaniw tuang zanc guay the; Reuben tuang kaikhwang khou rui Zakur nac mpouh Shammua; 5Simeon kaikhwang khou rui Hori nac mpouh Shaphat; 6Juda kaikhwang khou rui Jephunne nac mpouh Kaleb; 7Isakar kaikhwang khou rui Josep nac mpouh Igal; 8Ephraim kaikhwang khou rui Nun nac mpouh Hosea; 9Benjamin kaikhwang khou rui Raphu nac mpouh Palti; 10Zebulun kaikhwang khou rui Sodi nac mpouh Gaddiel; 11Manase kaikhwang khou rui Susi nac mpouh Gaddi; 12Dan kaikhwang khou rui Gemalli nac mpouh Ammiel; 13Aser kaikhwang khou rui Mikael nac mpouh Sethur; 14Naphtali kaikhwang khou rui Nahbi nac mpouh Vopsi; 15Gad kaikhwang khou rui Maki nac mpouh Geuel, hei guay hei the.
16Kanaan kandic gwanrum khang Mousi rui thoucloumei nunc kiu mi nunc hei the. Mousi rui Nun nac mpouh Hosea zanc Joshua twna kaw kalaiclou the.
17Mousi rui kaniw ta thouc patmei ganv khou tei kumna kadylou the, “Mi khou rui dihba biak tat lana mi khou tei rui chyngramv thangc tat dat tho. 18Mi kandic tei akumh bu cho, meic azuh dou lungc bam bu cho khatni kaniw tei adih tanc bu cho twna zauc tho. 19Kakandic tei gay ny si ny khatni meic nunc tei kaniw tuang kaidai guay raengh raenglouna bam tu ny hamh e thei raengh maekna bam tu ny twmei guay hei zauc o. 20Kakandih tei phunling gay nimei dic ny khatni ngouh tazingh nai ny zauc o. Bauc o, khatni mi kandic khou nthai bammei thai asaekc suai makna phungc guang nina e.” (Hei tei drakha thai minc kahouhmei ganv the.)
21Kaniw rui dihpy biak nganvna Zin tuang tazikramv khou rui thauna dihpy thangc Lebo Hamat chaeng daeng khou Rehob nganvna zauc ngangh the. 22Kaniw rui dihba ramv nganghna Anakimmei kikta Ahimanmei, Sheshaimei khatni Talmaimei lungc bammei bamv khou gut the.( Hebron kaidai hei Izip tuang kaidai Zoan suangc tingkwm chanei kasiamh thaurey khwan the. ) 23Kaniw Eskol nzaengc khou guang the kumna hei khou tei drakha chuam akhat dow the. Mi drakha chuam tei heidikamv nritna kaluang phianlouna meic gaanv nei rui puanc the. Kaniw rui puc-heithai khatni tadutthai asaekc ni phungc guang khwan e. 24(Mi bamv zanc tei Eskol nzaengc twna kaw e, kalam thu mi bamv khou tei rui Isaraelmei drakhathai chuam akhat dowmei tuang the.)
Gwanrummei nunc rui Chamv Phungc Guangmei
25Zaeng 40 mi ramv gwan tei zauc tangmei tangv gwanrummei nunc tei hanc guang dat the. 26Paran tuang tazikramv khou Kades twna kawmei bamv khou Mousi, Aron khatni Isaraelmei nunc bamv khou kaniw rui howmei guay tei raclou the khatni kaniw rui phungc guangmei tingthai guay tei lyanlou the. 27Kaniw rui Mousi khou sa the, “Aniw rui mi ramv gwan tei zauc the mi ramv tei guaihnoudui lev nkhuaihdui luanghmei riath di the; kumna mi bamv tuang tingthai kiu mi hei the. 28Tiki mi bamv khou lungc bammei nunc tei tanc e, kaniw tuang kaidai guay hei daic e khatni raengh tei ntipna raenglou e. Kungc ranvmei thu, khoutei liantuangh kikta nunc bam e. 29Mi kandic tuang kabangc naek thangc Amalekmei bam e; Hittimei, Jebusimei, khatni Amormei chyngramv khou lungc bam e; Kanaanmei nunc rui Mediterranean daeng khou lungc bam e.”
30Mousi hu khou Kaleb rui meic nunc ta sa rimh rimlouna kumna sa the, “Ntaw thu aniu rui adow gutna mi kandic tei laa nina the; aniu ngam diw e.”
31Kum e tiki Kaleb lev tat nchamcmei nunc tei rui sa the, “Kaniw ta adow khang aniu tik maek ge; mi khou bammei nunc tei aniu khang suangc tanc de.” 32Kumna kaniw rui kaniw zauc tatmei kandic lam khou saraamhmei lat Isaraelmei nunc khou tei racliklou the. Kaniw rui sa the, “Mi kandic khou lungc bammei nunc tei kaniw bungbiuc khang na sini taanc pat mak ge. Aniw howmei kathuicna tei saengcdaic the, 33kumna hei khou tei liantuangh Anak kikta bam e. Aniu hei nkav-nkitna kumcna ninglou the, hei zaeng rui hei tei kumcna aniu kaniw ta zauc nina di the.”#Tha 6.4
Currently Selected:
SINGCHAKH 13: RONGBSI
Highlight
Share
Copy
Want to have your highlights saved across all your devices? Sign up or sign in
Rongmei Naga (Revised) Bible - NTHANMEI BAIBAL (Revised)
Copyright © 2017 by The Bible Society of India
Used by permission. All rights reserved worldwide.
SINGCHAKH 13
13
Gwanrummei nunc
(Ria 1.19-33)
1 Ringhpouc rui Mousi khou sa the, 2Isaraelmei kaikhwang kathuic khou rui kapy swmei gaanv khat gaanv khat kadah patna ai rui nangniw khang tiiloumei Kanaan kandic gwanrum khang thouclou tho. 3Kumna Mousi rui Ringhpouc tuang latdanv piuna Paran tuang tazikramv khou rui Isaraelmei kaikhwang tuang kapy swmei nunc ta thouc the. 4Mi hei kaniw tuang zanc guay the; Reuben tuang kaikhwang khou rui Zakur nac mpouh Shammua; 5Simeon kaikhwang khou rui Hori nac mpouh Shaphat; 6Juda kaikhwang khou rui Jephunne nac mpouh Kaleb; 7Isakar kaikhwang khou rui Josep nac mpouh Igal; 8Ephraim kaikhwang khou rui Nun nac mpouh Hosea; 9Benjamin kaikhwang khou rui Raphu nac mpouh Palti; 10Zebulun kaikhwang khou rui Sodi nac mpouh Gaddiel; 11Manase kaikhwang khou rui Susi nac mpouh Gaddi; 12Dan kaikhwang khou rui Gemalli nac mpouh Ammiel; 13Aser kaikhwang khou rui Mikael nac mpouh Sethur; 14Naphtali kaikhwang khou rui Nahbi nac mpouh Vopsi; 15Gad kaikhwang khou rui Maki nac mpouh Geuel, hei guay hei the.
16Kanaan kandic gwanrum khang Mousi rui thoucloumei nunc kiu mi nunc hei the. Mousi rui Nun nac mpouh Hosea zanc Joshua twna kaw kalaiclou the.
17Mousi rui kaniw ta thouc patmei ganv khou tei kumna kadylou the, “Mi khou rui dihba biak tat lana mi khou tei rui chyngramv thangc tat dat tho. 18Mi kandic tei akumh bu cho, meic azuh dou lungc bam bu cho khatni kaniw tei adih tanc bu cho twna zauc tho. 19Kakandic tei gay ny si ny khatni meic nunc tei kaniw tuang kaidai guay raengh raenglouna bam tu ny hamh e thei raengh maekna bam tu ny twmei guay hei zauc o. 20Kakandih tei phunling gay nimei dic ny khatni ngouh tazingh nai ny zauc o. Bauc o, khatni mi kandic khou nthai bammei thai asaekc suai makna phungc guang nina e.” (Hei tei drakha thai minc kahouhmei ganv the.)
21Kaniw rui dihpy biak nganvna Zin tuang tazikramv khou rui thauna dihpy thangc Lebo Hamat chaeng daeng khou Rehob nganvna zauc ngangh the. 22Kaniw rui dihba ramv nganghna Anakimmei kikta Ahimanmei, Sheshaimei khatni Talmaimei lungc bammei bamv khou gut the.( Hebron kaidai hei Izip tuang kaidai Zoan suangc tingkwm chanei kasiamh thaurey khwan the. ) 23Kaniw Eskol nzaengc khou guang the kumna hei khou tei drakha chuam akhat dow the. Mi drakha chuam tei heidikamv nritna kaluang phianlouna meic gaanv nei rui puanc the. Kaniw rui puc-heithai khatni tadutthai asaekc ni phungc guang khwan e. 24(Mi bamv zanc tei Eskol nzaengc twna kaw e, kalam thu mi bamv khou tei rui Isaraelmei drakhathai chuam akhat dowmei tuang the.)
Gwanrummei nunc rui Chamv Phungc Guangmei
25Zaeng 40 mi ramv gwan tei zauc tangmei tangv gwanrummei nunc tei hanc guang dat the. 26Paran tuang tazikramv khou Kades twna kawmei bamv khou Mousi, Aron khatni Isaraelmei nunc bamv khou kaniw rui howmei guay tei raclou the khatni kaniw rui phungc guangmei tingthai guay tei lyanlou the. 27Kaniw rui Mousi khou sa the, “Aniw rui mi ramv gwan tei zauc the mi ramv tei guaihnoudui lev nkhuaihdui luanghmei riath di the; kumna mi bamv tuang tingthai kiu mi hei the. 28Tiki mi bamv khou lungc bammei nunc tei tanc e, kaniw tuang kaidai guay hei daic e khatni raengh tei ntipna raenglou e. Kungc ranvmei thu, khoutei liantuangh kikta nunc bam e. 29Mi kandic tuang kabangc naek thangc Amalekmei bam e; Hittimei, Jebusimei, khatni Amormei chyngramv khou lungc bam e; Kanaanmei nunc rui Mediterranean daeng khou lungc bam e.”
30Mousi hu khou Kaleb rui meic nunc ta sa rimh rimlouna kumna sa the, “Ntaw thu aniu rui adow gutna mi kandic tei laa nina the; aniu ngam diw e.”
31Kum e tiki Kaleb lev tat nchamcmei nunc tei rui sa the, “Kaniw ta adow khang aniu tik maek ge; mi khou bammei nunc tei aniu khang suangc tanc de.” 32Kumna kaniw rui kaniw zauc tatmei kandic lam khou saraamhmei lat Isaraelmei nunc khou tei racliklou the. Kaniw rui sa the, “Mi kandic khou lungc bammei nunc tei kaniw bungbiuc khang na sini taanc pat mak ge. Aniw howmei kathuicna tei saengcdaic the, 33kumna hei khou tei liantuangh Anak kikta bam e. Aniu hei nkav-nkitna kumcna ninglou the, hei zaeng rui hei tei kumcna aniu kaniw ta zauc nina di the.”#Tha 6.4
Currently Selected:
:
Highlight
Share
Copy
Want to have your highlights saved across all your devices? Sign up or sign in
Rongmei Naga (Revised) Bible - NTHANMEI BAIBAL (Revised)
Copyright © 2017 by The Bible Society of India
Used by permission. All rights reserved worldwide.